請問市區邊度有酒樓係仲有推點心車架?而且d點心好食既! 邊度有呢??? 急~

[katie]

我有外國朋友就來香港, 好想帶佢地試下推車仔點心, 但係我唸極都唔知邊度有呀....唔該幫幫手~

[fifty_fifty]

銅鑼灣廣塲二期翠園

[貓仔]

去金鐘名都啦! 啲點心仲要好好味添! 又多款式, 連好耐無食過既蛋黃千層糕同煎三色糕都有!

[+ggg]

真係好唔鍾意剔紙仔叫點心，都睇唔到點心個樣，點知好唔好食！

蝦餃皮靚唔靚？

鮮蝦粉果和潮洲粉果睇樣都會估到下餡料！

[katie]

貓仔 , 你話既 蛋黃千層糕係唔係馬拉糕入面有一層層鹹蛋王果隻呀??? 我好鍾意食架!!!名都 貴唔貴呀?

[貓仔]

katie,

我講緊個隻"蛋王千層糕"係兩塊白色既糕夾住鹹蛋王加椰絲, 有三層既, 以前去飲茶一定有得賣, 家陣啲酒樓就將佢變左種為馬拉糕+奶黃+馬拉糕, 無咁香又唔好食...



名都唔算太貴(以金鐘區黎講), 我地食左十幾籠點心再加甜品之類既野, 每人大約$100囉.

[wawawa........]

鹹蛋王加椰絲????!!!!