有去香工買衫既一定要入黎睇睇...



  • 今日我放左工, 就自己一個去左香工行街, 諗住添置D新既秋冬衫啦, 到行到近尾嗰段, 喺其中一間鋪見到一件做特批買$80既衫幾鍾意, 就拎件衫去照下鏡, 但係有2個肥女人照緊, 咁我企左喺後面等, 等左差唔多1-2分鐘, 我見一個走左, 另一個就同肥婆女SALES講緊價, 我就行上去塊鏡到照下啦...點知個肥婆女SALES竟然話"唔該快D呀, 其實$80既衫係無得照鏡架...."聽完我即刻掛返件衫走人. 但走左之後, 先覺得自己蠢左, 我應該鬧衰佢先走, 就算唔鬧佢都照耐D玩下野先走. $80唔係錢呀....咁唔志左既就唔好攞D衫出黎賣啦.......跟住我好谷氣, 特登走返轉頭認住佢間鋪個名, 大家一定要記住千奇唔好幫襯呢間黑店...

    茘枝角香港工業中心入面既雅苑廣場6號門牌 - 金城.



  • 香工d人係咁寸架喇,不過你個case又真係幾激氣o既,照都唔俾,太過份!


    而且$80都算唔平,你o個件係咩衫呀?



  • 另一個SALE話係韓國返..我唔係好信...件衫係好薄,啱啱遮到pat pat既T-shirt.



  • 入面d sales 都唔憂冇客



  • 哈! 買衫唔俾照鏡我都係第一次聽! 我都有去開香工買衫, 好彩都未遇過咁鬼串嘅sales, 大部分都ok嘅.



  • 上次我拿起來照鏡, d sales馬上話 吾買ga喎, 鬼死咁冇polite,最後吾鬼買走人law.





    不過almost x'mas & lunar new year 真係勁平, seasonal長絨褸都係$150吾係old style tim. 平日就真係米去la.