有買保險的人,你個 sales 會吾會每年同你 review 一次架?



  • 咁你地又會吾會應約呢?我有兩份保單 (但吾同公司),即係年要 review 2 次,次次又叫你加碼,又乘機推銷d新 plan,有時覺得好煩。吾知其他人係點既呢?



  • 反而我個個就係我買完一年後, call都冇call過我, 過年連月曆呀, 記事簿個d全部欠奉



  • 半年一次review, 一年食一次飯



  • 咁都要睇下你買幾大掛, 我有d客好濕碎, 我都係e-card有時keep contact, 我唔係做保險的, 係做出入口, 如果唔係好熟唔洗下下要佢請食飯卦, 我個agent通知我有好野都會打個電話俾我, 半年一次review, 佢得閒係我公司果邊就會搵我一齊食下飯, 傾下計. 兩個月都有兩三次.



  • 一般保險經紀約人見面.. 都係想做生意..





    如果你得閒.. 咪可以見下囉.. 不過預左佢會勁 sale 你嘢囉..





    我既睇法係..


    如果得閒.. 個經紀又靚女.. 咁就聽下冇懷.. 不過多數都唔會買..



  • 我同個agent隔幾個月就食一次飯..出黎都係吹下水,問下近況,好少sale野,可能因為佢係我前老細..比較friend



  • 我個agent係朋友介紹既. 因為我見我朋友成家都幫佢買!





    初初都有比下電話問候吓, 第1年佢請左1次食飯,第2年就AA制, 第3年就冇左影, 我仲叫我老公幫佢買埋, 由傾保單到買成左, 1杯野都冇請我老公飲過, 返而有次仲要我老公請佢(真係天下奇聞)!





    過年會送一個月歷仔, 記事簿就唔使諗啦!上年仲連月歷都冇埋添, 我地個個月供成3千幾保費架, 你地話個agent係唔係有d過份呀!



  • hehe,我個agent幾靚女o架!佢間唔中都有寄d理財小冊子俾我。過年又有月曆送,同埋次次都係去飲o野,有次好笑到,諗住呢呢啦啦傾兩句,點知同佢傾好多無謂o野傾到九點幾(兩個幾鐘)@@



  • hehe, 我都係fd來的, 所以都係無咩點sale我, 傾下近況, 不過佢係男. 我去親旅行一定搵佢架. 仲有, 我叫我agent唔好俾野我, 唔好浪費, 我一個月都供二千幾.



  • 各位:


    我打算借份保單既現金價值既錢應急,息口大概 8%,大家有乜意見? 有乜地方要注意呢?





    thanks!


Log in to reply