有人睇過中山阿姑嗎? 請分享!
-
我去東亞村, 過去和現在都準, 幾多錢...係利是...看自己封
-
睇流年,我都只不過封了RMB100利是給阿姑,另外RMB30為拜神生果之費用。
她說我姻緣好,只是遲一點,現時身邊那個最好,可以一個到尾;反而是我多心十五十六(因為他口甜舌滑,頗有女性緣)。
她建議我燒一些東西轉姻緣運,可是各處鄉村各處例,有些東西不易在香港找到,而且阿姑沒提及數量及燒時的仔細步驟,最後還是找她作。(收RMB300,另RMB200衣紙生果材料費)
她作的時候,比我預期中多很多東西物品呢!順利的話再回去還神。
稍作一提,如大家用水路前往找她,最好搭8:30am或9:00am的船班,10:00am的話,到達東椏村已差不多中午12點,會有阿姑收壇的危機!
-
koko & Meow_The_Cat
可否比我東椏村阿姑聯絡方法及詳細地址,同埋,需預約幾耐呢?
謝謝!
-
Meow_The_Cat,
請問預约後是當天某段時間 (e.g. 11am -11:30am), 或是没有時段分的?
好久以前去睇過, 但手震.
想再去.
-
YY,
PLS...read Page 5...already posted everything.
Cannot make booking...just go there early in the morning if she says she is available on that day.
-
有冇朋友睇過珠海阿姑(農業銀行附近個個)嘅心得分享?準唔準呢?
-
有冇朋友睇過珠海阿姑(農業銀行附近個個)嘅心得分享?準唔準呢?
=========
9成準, 佢唯一既問題係極之難約到。
首先一般日期要係幾個月後,之後到時阿姑可能身體不適,又見唔到佢。
所以,如果約到阿姑,又佢無唔舒服,就要好好把握機會。
-
見過一次,
多謝你嘅分享,咁你係睇"大批" 定 "流年" 定 "問事"呀?駛唔駛準備自己時辰八字俾阿姑?可唔可以講吓過程?(不需要內容,是你的私穩碼。^_^)
-
見過一次
我都想知多d...因為我8月尾會去, 已經約左大半年, 希望阿姑健健康康喇, 一切順利...我想問阿姑講你既未來準確嗎?係唔係已經發生了 ,同埋, 佢容許我錄音嗎 ?
-
Anybody can share with me?
駛唔駛準備自己時辰八字俾阿姑?可唔可以講吓過程?
-
心急人上,YY
唔好意思,呢幾日忙於開舖,無上到黎。
最好有 時辰八字,如果真係唔知道自己幾時出世,咁起碼都應有出生年月日。如果日子都唔準確,就唯有睇下阿姑對你既感應係點。
有一樣好重要既野要講,我估你地都係女子,如果見阿姑果日o岩o岩有月經,或未乾淨,咁見之前(即果一朝早係屋企)就要用碌柚葉沖涼,唔係阿姑會頭暈咁就睇唔準你。
至於過程,阿姑通常同你傾一個鐘頭,講下你既父母,家族,你既以前、現在,同將來。主要都係講關於健康、財運同姻緣。你可以預備一D想問既問題去問。
阿姑話我既野,除左健康佢覺得我有D問題,而我又覺得身體無乜野外,其他佢講我既財運,姻緣,我既父母都係準確,佢講我既性格又準確。
至於佢講我既將來準唔準。見佢係差不多三年前既事,佢話我會有既野,依家都應驗左部份。我希望都會係全部應驗啦。
另外我果兩個朋友,佢地都覺得阿姑講得佢地有九成準。
-
咁你係睇"大批" 定 "流年" 定 "問事"呀?
===========
第一次有機會睇阿姑,緊係大批啦,之後先至睇流年或問事都台臐C其實大批都可以問阿姑野(問事)。
-
第一次有機會睇阿姑,緊係大批啦,之後先至睇流年或問事都 未 遲 。 其實大批都可以問阿姑野(問事)。
俾唔俾錄音? 呢個我唔知阿姑俾唔俾,不過你可以係約佢既時候,問佢既老公阿麥先生。
-
見過一次
聽完你解釋後,清楚哂。因為我已約咗阿姑喺下個月,所以想知道多啲囉。至於月經問題,我約嘅時候都有問過麥生,佢話冇關係。不過我都會照你個方法嘅,費事唔準啦。唔該哂!
-
多謝見過一次 ,講解得好清楚
我唸我睇佢果日,多數來經中...我唸要準備下先
-
YY
見完阿姑之後,不如你都講吓阿姑講妳啲嘢準唔準呀。
-
心急人上
NO PROBLEM ......... 我8月尾去
咁你幾時去ar?
死喇叭 so far我都唔知搭咩車可以去到......
咁大個都未去過中山
-
Meow_The_Cat
咁呀姑有冇叫你幾時返去還神呀?
-
咁大個都未去過中山
=========
心急人上,YY
唔洗客氣,大家都係互相幫忙下者。
至於麥先生話無關係,咁我就唔知點解佢話無關係。果次去見阿姑,我咪話係同兩個朋友上去既。咁我地三個聽完先過我地係度等既女子話撞左月經就要用碌柚葉沖涼後,我地三個就互問對方係唔係黎緊月經,咁我地都話無。點知原來我果兩個朋友既其中一個既月經係未乾淨哂,咁結果到佢見阿姑時,阿姑覺得頭暈暈,重講漏左一D野俾佢聽,直到阿姑見另一個朋友,先至託佢講番果D野俾第一個朋友聽。
YY,點解你講中山既?我講緊既係珠海阿姑呢。
-
見過一次
SORRY ,我講錯,應該係珠海阿姑(即農業銀行果個), 有咩方法去比較方便同快呀?
咁你睇過東椏村亞姑未ar?
-
YY
果次我同朋友係中港城搭最早既船去珠海,到碼頭時叫的士去農業銀行(~$25)。
不過,果一個教我地碌柚葉既女子,就話最方便係由澳門的關閘搭的士去。
佢自己既做法就係早一晚已經到珠海租酒店住,所以第二朝一早就可以去搵阿姑。
上去見阿姑,閒閒地等幾過鐘頭,最好就係帶定D書去睇,又或者起碼有人陪你傾偈。
東椏村亞姑我就未見過,其實我好少搵人睇呢D,果次有緣去見阿姑,都係因為朋友叫埋一齊,如果唔係都唔知道。
-
YY
我約咗阿姑下個月,會由澳門過珠海,喺珠海住一晚。第朝早去找阿姑。不過唔知佢幾點開工呢?好緊張呀!
見過一次
你知唔知阿姑幾點開工呢?
咁大件事!咁我到時要帶定碌柚葉沖涼喇。
-
你知唔知阿姑幾點開工呢?
咁大件事!咁我到時要帶定碌柚葉沖涼喇。
========
正式開工時間可能係8點半或9點,不過你最好電話去問問麥生,因為的士到左農業銀行後,你都係打電話搵阿麥生,然後佢會出黎帶你去見阿姑。
因為先到先睇,有D人就會好早已經係度等。
果日同朋友上去,去到時大概係9點半,但已經有兩個女子係度等(就係碌柚葉果個同佢朋友),而阿姑就見緊第一個客人(係個男人)。
我諗,如果我再有機會見阿姑,有理無理,我都會用碌柚葉沖左涼先至去見阿姑。
祝你們順利喇!
-
見過一次
真係多謝妳咁幫忙,多謝哂!
-
見過一次
其實阿姑有無定左一日睇幾多個架? 同埋, 睇到幾點?...因為我唸緊如果我搭最早既船過去...最快都要大約十點到,咁一定有人早過我喇(包括前一晚係珠海過去的人),咁係唔係我都要排隊喇,咁我不如晏少少先去,做最後睇果個...咁樣可行嗎?
-
我呢個星期五應去揾東椏阿姑 ....
-
sheme
我呢個星期五應去揾東椏阿姑 ....
===========================================
係呀!係咪唔駛預約【O架】?聽講話中山東椏阿姑手震就唔睇【O番】。同要返去還神幫解決問題。不如妳都講吓見完阿姑佢講妳準唔準呀?
-
好耐之前去過,就係手震無得睇.
上次見其他人睇, 現塲情況好戲劇:
在場內有人有 M, 阿姑 feel 到大聲呼換,請當事人離開
好多人聽到喊
批命內容全塲聽到, 好多內容好跨 (屋企擺咩野,有幾多親人 ....)
以上太神奇,我覺得睇既人會唔會做媒?
但佢批我個 friend 又OK準
So try again
-
sheme
你睇完返黎一定要同我地分享ar....
點解聽到好多人喊???阿姑罵佢地ma?
-
我都好想去, 但m 到唔去得呀... 你返黎之後report一下可以嗎?
-
sheme
希望你今次順順利利。到時返嚟再分享呀。
-
打風 ..... 又無得去呀
-
sheme
我想問東椏阿姑要預約幾耐架???
-
sheme
好可惜呀!咁會唔會再去呢?約咗未?
-
其實阿姑有無定左一日睇幾多個架? 同埋, 睇到幾點?...因為我唸緊如果我搭最早既船過去...最快都要大約十點到,咁一定有人早過我喇(包括前一晚係珠海過去的人),咁係唔係我都要排隊喇,咁我不如晏少少先去,做最後睇果個...咁樣可行嗎?
==============
YY
阿姑係一日見7/8個人,每人起碼講一個鐘,但有時都會講個多鐘頭。
早唔到去,就不如遲D去,係一個可行的辦法,咁就唔使等咁耐。
不過,如果個個都諗住遲D先去,咁大家撞埋一齊,都係會等得耐架。
大多人都會想早D見到阿姑,一個原因係等阿姑未睇到倦時見會準D。
不過,碌柚葉果個女子就話佢第一次見阿姑時都係排到最後,但阿姑都見左佢個幾鐘頭,同埋講D野都好準下。
不過,佢第二次見阿姑時,佢都係早一晚到,然後第二朝一早去見阿姑。
-
YY
咁你又真係好慘啵!不過,有時真係無計,我諗阿麥生都係通知唔切。
試過我阿哥有次同埋幾個同事話一起去見阿姑,到果日我阿哥有事去唔到,佢d同事又係上到去先至知阿姑病左,無得見。
上次阿麥生係臨見阿姑之前兩日通知我地阿姑病左。
至於msn,我就唔多用架,有乜事就係呢條線度傾啦! :)
-
YY
我都唔知點安慰妳,咁麥生有冇俾番個快期妳呀?真係幾慘,WASTE $$ 又WASTE 時間。我都驚到時我重要WASTE 晚酒店添呀。真係有啲擔心。
SORRY呀!我冇用開MSN,不如我哋用番呢條THREAD傾呀。
-
見過一次 心急人上
果日,我同我朋友去到拱北(即澳門過左關閘)我問d路人,話去阿姑度要幾耐,d人答我,如(打的)都要個幾鐘 , 然後我先打比麥生問...佢先講阿姑病左,跟住我朋友同佢講我尋晚先打過比你,你話無問題喎,佢答我以為佢無事o麻...問佢再約要幾時,佢話過二日先覆我,但so far未打黎!
其實我最唔意思係對唔住我朋友,我好內疚,因為當初係我叫我朋友陪我一齊去架...最後又睇唔到,WASTE $$ 又WASTE 時間..果朝係香港碼頭真係好緊張又好亂,企左好多等上船既人,原本打算搭去九洲港會直接d...但最快下晏先有船...我地係碼頭跑黎跑去....最後先買到澳門9:00船票
-
yy,
唉, 你好惨呀 .....
東椏阿姑預約一到兩日前.
如在珠海過夜, 可以在珠海按摩店過夜.
唔駛 booking, $$ 又 cheap.
但要午夜 12:00 按 2 粒中.
-
sheme,
i mean can you give me ar ku contact number pls..thx.. i want to go and see her too
-
qulau,
電話巳在這 thread post 過, 請爬文 (第 6 頁也有 )
不想重覆, 免有賣廣告之嫌
-
sheme
good idea!(在珠海過夜, 可以在珠海按摩店過夜)...但萬一阿姑TOUCHWOOD病,你前一晚過左去珠海都無用~~
另外,我之前打過比東椏村阿姑...佢話唔駛預約,以先到先得方式派籌...到10點先開始睇.睇4-5個
-
又係噃,到當日先知阿姑病咗,都已經喺珠海兼又請咗假,諗到心都好煩。真係人都DRY埋。
-
yy
睇4-5個咁少? 以前成十幾人睇
下次可以試下去按摩店 lor
-
果日,我同我朋友去到拱北(即澳門過左關閘)我問d路人,話去阿姑度要幾耐,d人答我,如(打的)都要個幾鐘 , 然後我先打比麥生問...佢先講阿姑病左,跟住我朋友同佢講我尋晚先打過比你,你話無問題喎,佢答我以為佢無事o麻...問佢再約要幾時,佢話過二日先覆我,但so far未打黎!
其實我最唔意思係對唔住我朋友,我好內疚,因為當初係我叫我朋友陪我一齊去架...最後又睇唔到,WASTE $$ 又WASTE 時間..果朝係香港碼頭真係好緊張又好亂,企左好多等上船既人,原本打算搭去九洲港會直接d...但最快下晏先有船...我地係碼頭跑黎跑去....最後先買到澳門9:00船票
===============
阿姑病左,麥生即使話遲D覆你,其實佢都係唔會再俾電話你架,要你自己再約時間。
乜原來關閘去農業銀行要成個幾鐘頭架!唔知點解果個碌柚葉女子就話仲快過由珠海碼頭到農業銀行。
由珠海碼頭到農業銀行,大概係要20~25min。
不過,我自己就無試過走澳門果一條路,因為後尾都無機會再見到阿姑,約左兩次都係病。
咁睇黎,最穩陣係見阿姑果一朝早先打左電話問麥生阿姑有無病先至上去,唔係一場上到去又見唔到,就真係好失望。
-
見過一次
其實我都唔太清楚,究竟係關閘去,還是珠海九洲港去近d???anybody know, if yes, can u tell me??? .thx
咁你之前約左兩次阿姑(都係病),咁你當時有無上到去架?/麥生有無通知你?
咁即是你到目前為至,都未睇過阿姑嗎 ?咁你下一次booking幾時?
去到又見唔到,真係會好失望同無奈,失落既心情難以形容
sheme
打去東椏阿姑...有個女人接電話講架.
-
見過一次
妳約兩次阿姑都係病咗,咁妳係约到阿姑第三次先至見到佢?訂係見過一次之後,再約兩次阿姑都係病咗,所以冇機會再睇,咁睇嚟阿姑身體都好差。阿姑幫咁多人,祝願佢身體健康。
-
hi
我尋日岩岩睇完 ah 姑, 好開心, 今次係我第 2 次見佢, 我明白你地睇吾到既心情係好無奈.. 我今年原先 30/4 睇 ah 姑, 不過麥生個日一早打黎話 ah 姑病左, 其實佢個朝晨早 6 點幾已經打俾我, 不過我 miss 左 call, 到佢再打俾我時, 我 d 朋友已經上左船, 個次唯有當珠海澳門一日海...
-
你尋日去睇? 咁岩既, 我都係喎, 你幾點睇架?
-
妳約兩次阿姑都係病咗,咁妳係约到阿姑第三次先至見到佢?訂係見過一次之後,再約兩次阿姑都係病咗,所以冇機會再睇,咁睇嚟阿姑身體都好差。阿姑幫咁多人,祝願佢身體健康。
=============
我果一次見阿姑,係05年8月既事。好彩第一次約見就見到,如果唔係好似後尾咁,約左兩次都話病,就真係會無心機再約見。
個人覺得,阿姑係好值得去見,以佢所講既野,同佢所收既價錢比較,真係非常之超值。
其實以佢既料,即使佢收一千甚至幾千,都會有好多人去見佢,但佢只係收幾百,等我呢D無乜錢既人都可以聽到D忠告。
果個碌柚葉女子話,佢本人都試過搵唔同既算命師傅算命,有D甚至係名家後代,收費萬多元,但D料都無阿姑咁好。
佢仲話,睇完阿姑之後,都唔多洗去睇其他師傅了。我同我果兩個朋友,見完阿姑後,都有咁既感覺。
阿姑人很親切,我都祝願佢健健康康,好人有好報。
我剛剛約了見阿姑,排期到12月中,希望到時順順利利。