有電腦問題請進



  • Hi, 本人的工作係幫人整電腦的, 因為今晚實在太無聊, 所以開一檔電腦義診, 如果你o既電腦有問題, 歡迎提出研究一下.



  • 好開心有個電腦醫生係度應診...


    想問有關ip address 問題


    其實係咪要保密架?定係無所謂可以open 比其他人都得呢?



  • 仲有,有無人可以有辦法remote 到其人部電腦架?



  • 哈哈, 真係好終於有人理o下我...





    就你問題, 係, IP 地址保密較好, 因為就算如果有人要在網上整你都要先知到你 IP 地址, 當然要整你唔係得一個方法, IP 地址是其中之一



  • Remote 入人o地部機係可以, 有時難, 有時易. 建議唔好在電腦內放太私人o既o野, ... 特別係相啦



  • 請問有無介紹邊隻freeware 可以將幾個mp3 file 結合變成一個file



  • 咁味好危險,我放咗好多相係電腦到



  • granzo


    真係咁?我仲比左個ip 人添... 我都放曬d相係pc度..


    其實可以點樣去到人地部pc架?



  • ........ 建議你用防火嬙和防毒軟件, 可以有效阻止入侵, 電腦安全是多方面的, 呢二個係最基本, 也很有效


    防毒軟件記得要更新, 防火嬙 windows xp service pack 2 有, 可以啟用就ok



  • join mp3 我自己未試過, 可以試用以下軟件:


    http://www.newfreedownloads.com/MP3-Audio/Misc-Plug-ins/MP3-Joiner.html



  • granzo,


    有人話hp本身有防火牆架?係咪呀?


    其實d人用咩方法進入人地部電腦架?



  • 謝謝








    另外想問2.5" mobile Harddisk 邊隻牌子好



  • 入人電腦有好多方法, 不過好彩世界係安全o既, 只要大家做好基本o既電腦保安, 要入侵你部電腦其實好難





    小弟諗為以下是最機本:


    1. 所有用戶都應有設密碼保護, 不要用太簡單的密碼.


    2. 防火牆


    3. 防毒軟件



  • granzo,


    thanks.明多d啦,即係其實好多方法可以入,但都唔係咁易?


    我部機無login password架bor, 可以set 架?


    另外,咁點先知自己部機有無防火牆架?



  • ? 2.5" mobile hard disk... ?? 想問你係咪 2.5" HDD USB 盒?



  • 如唔小心中左木馬會點 會唔會好容易知到網上購物的信用咭號碼 是否信用咭現在不易入侵



  • 意思是現在網上信用咭購物都安全 因為有時某些防毒軟件不能掃到木馬程式 有時不肯中左也不易發覺 只知有隻卡巴斯基呢隻掃得到木馬程式是嗎 thanks



  • 係 2.5" HDD USB 盒



  • 要設密碼, 可以以下 step:





    開始 -> 控制台 -> 用戶, 然後選所需用戶, 跟着螢幕指示就可以改密碼





    但其實仲有個叫 "administrator" 的用戶, 其實改這個密碼最緊要, 但很遺憾小弟不知到有什麼簡單的方法改這個密碼, 以下的方法可能會複雜o左少少:


    1. 開機


    2. 按F8,進入 安全模式 (safe mode)


    3. 等一下後 windows 會出現, 應會出現登入畫面, 以以下資料登入:


    名稱: administrator


    password: (無)


    4. 應可以成功登入, 之後就可照上面的step 改 administrator password, 當然改完之後不要把 password 忘了哦



  • 另外想請教有無方法可以將一個folder 要password先能夠開



  • 要 check o下自己有冇防火牆: 如果你用的是 windwos xp 的防火牆, 可用以下方法 check:





    開始 -> 控制台 -> 防火牆 -> 入去佢就會話你聽你個防火牆有沒有開





    除了 windows 的防火牆外, 其實仲有好多防火牆, 如果你用的不是 windows 防火牆可能就沒法子一下告訴你, 因為每個 vendor 都不同



  • 中木馬: 如果中木馬就大獲, 我諗唔洗我講大家都知木馬可以偷 password, credit card 等, 你可以用防毒軟件剷, 剷完之後建議你用另一個品牌的防毒軟件再掃多次, 以防漏馬



  • 2.5" HDD 盒: 其實隻隻都差唔多, 如果想多点信心可試o下買有品牌的如 buffalo



  • 一個folder 要password先能夠開: Windows 本身沒有方法, 可以加軟件做, 但其實市場好似有 d 新產品, 就係要對過手指模先讀到o既 u 盤, 可以用那些



  • 下咁點算呀 之前用norton nod32都掃唔到木馬 依家俄羅斯呢隻卡巴斯基就掃到 我中左木馬(掃左7個都有) 後原先的norton nod32防毒軟件點解會自動冇埋 點解會咁 同埋未必D黑客24小時留意我部機掛


    如果我於中之前(唔SURE) 用信用咭購物咁黑客會唔會CHECK唔到架 好驚喎 我依家


    thanks



  • 係中左毒之後 原先防毒軟件nod32 果D冇埋


    仲有邊隻防毒仲勁過卡巴斯基架



  • oh 如果 kaspersky 掃到有, 加上 norton & NOD32 會自動消失咁你有馬仔o既機會就好高, 但相信你在網上用信用卡買o野仍然安全, 因為如果其他人如果用你卡的資料去買o野, 你信用卡 statement 來的時候, 你就會知, 你同間銀行講冇買過呢樣o野, 唔會找果條數, 基本上都 ok.



  • 我仲想請教你 點解原先果2個防毒會自己消失 消失前成日彈D外國廣告出黎?依家EMAIL要唔要改password


    係咪好多人都中過木馬 但自己唔知? 點解我掃到有成7個木馬程式咁多?


    thanks



  • 你可以試o下用 kaspersky 捉曬果七隻o野出黎, 之後再用另一個 防毒軟件掃, 之後就改曬 d password 佢啦




  • 都唔知咩人咁賤攪到我咁多木馬~比我知道D粉腸咁鬼賤真想拉班契弟去打靶 呵呵~(當然我邊會知)


    咁捉曬果7隻野後~建議我用邊隻防毒去掃多次好呢??







  • hm, 你試o下用 trendmicro o既 housecall 啦, 網上掃瞄, 買老翻o既錢都慳番




  • 好啦, 今日電腦義診o既時間差唔多, 唔知仲有冇人有問題? 可惜大家問問題好像很匆忙, 答完之後好似連講句 thank you 都沒時間了.



  • Many Thanks ))))))



  • 希望你以後都有義診服務。





    Thanks again



  • 唔該曬你 docotr


    我依家好擔心會唔會有幾個黑客入侵過~?


    NOD32 Norton 我都聽過人話掃唔到木馬



  • 哈, you're welcomed, 我下次悶到發慌時就會再開當, 一定有機會再見. :)



  • NOD32 Norton 我都聽過人話掃唔到木馬





    我覺係LOR~



  • doctor 多口問句 你識唔識放木馬程式? 哈哈


    我聽人講有些人鍾意放D木馬程式去D Free game度等人DL 係咪呢? thanks


    我都希望你得閒幫我地議診下,對我地唔在行的人,有你係度會慳好多錢搵人整機架~



  • you're welcomed la, 每一隻防毒軟件都有佢強弱o既地方, 所以揾多幾隻掃o下好 d, 小弟公司有四個防毒軟件, 但都有漏馬, 甚至中 d 全新的木馬 (即沒有任何防毒軟件測到), 所以剷木馬可以好難, 但我諗大家家中的電腦都唔會話有人會揾隻全新o既木馬黎毒你



  • She.com 係一個 public o既 discussion board, 你晌道問我識唔識放木馬, 我就當然同你講我唔識啦~


    好高興幫到大家手, 但有時如果壞很好勁或問題太複雜, 可能我一下子都冇辦法晌道教識大家整, 咁就可能真係要叫人上門整機啦



  • 嗰個月揾人上門整機...



  • 好高興今日晌道可以幫到大家, 今晚的義診時間到此為止了, 下一次希望再見到大家, 再見.



  • 非常感謝你呀的義診呀~明白曬~


    木馬真係防不勝防,應該話不要亂DL野先對!







  • 感謝你呀的義診





    B


    不要亂DL野


    典分那些不可DL?




  • You're welcomed la



  • 我ADD左落MESSAGEBOX LA THX!!



  • 電腦醫生:


    剛上She~ 我平時不喜在這�堹d言 但都要留下支持。


    係 She General 慶幸地比我發現此Topic


    我現在學多左電腦上的知識。


    因我最近發現有個識左冇耐的無聊p k 朋友Send virus MSN及A片(條8公識電腦)比我下載,攪到我中左毒,事後呢個死人FD當然不了了之,但現提氣都把鬼火。



  • granzo,


    謝謝, 找到防火牆了.


    但可惜找不到用戶,但不要緊了, thanks~



  • .