啱啱發現, 同身邊朋友比較個消費模式, 原來自已好cheap



  • 同識左好多年既友傾開. 發現原來佢地平時使費好大, 食個扒+紅酒都千幾, 日本野又千幾一位, 買衫個個月幾千, facial化�菻~又一筆, 反而自已無乜點使錢, 同男友食飯又好平的, 300兩位已經覺得貴....開始有d自卑, 當然我又無朋友佢地揾咁多錢, 我只係一個普通OL. 坦白講又唔係好肯有人地咁的消費能力, 但又禁不住自卑, 唉.



  • 有能力消費當然好啦,無既話都唔需要自卑!



    做人懂得睇餸食飯總比一身咭數優勝,係咪?



  • 人比人比死人, 可能佢地根本儲唔到錢呢?



  • 車~~~~

    人比人比死人啦



    妳有妳

    佢地有佢地啦



  • 到第日自己又快儲到首期

    把安樂窩佈置得舒舒服服...



    每個人目標唔同,最緊要係同另一半步伐一致

    鹹魚白菜也好好味~~~~



  • 咁因為同bf平時慳開, 早兩年買左層cheap cheap屯門樓, 但住得開心好舒服.

    琴日同個frd出街, 食左幾百蚊一位, 但好普通的食物, 或者我草根唔識欣賞啦, 入去時都唔知間野咁貴, 呢個星期無乜零用錢淨lu.



  • 你d朋友係咪搵好多錢一個月架?定係男朋友好有錢?使得好豪呀~~



    我覺得你好正常呀, 唔係cheap!同意高c9呀, 搵得多就話姐, 搵一萬幾千, 點可以太大使呢?



  • 佢地同我同樣U GRAD左好多年, 但我份人內向求穩定, 有份穩定工作, 但人工唔高; 佢地就轉好多份工, 同做SALES的, 人工比較高. 或者當初我都應該周圍跳抬高身價啦, 但依家三十幾歲人, 無理由唔做現在穩定的工作出去冒險架. 另外, 佢地將錢投資去揾錢, 而我唔識投資只係放左舊錢係銀行收息咋.



  • 咪係lor...原來己經係業主啦..

    做伴侶,最緊要目標與另一半步伐一致



    話之人家食乜著乜~~

    供樓越供個負擔越輕...

    過幾年,人工高d,供款就覺得鬆動

    咪食好d,著好d....

    適隨專便~~~



  • 你好正常姐, 有啲人有錢都未必會亂咁駛錢架! 等時拿起本紅簿仔, 打開夠退休有餘, 你咪仲開心



  • 多謝你地呀, 我都唔係特別唔開心, 只係有D覺得自已失敗, 三十幾歲人揾得萬零蚊, 身邊朋友都揾兩三萬, 間樓負担主要落係BF度, 佢仲比家用我, 須然佢對我好我都開心, 但又覺得自已有D廢要使佢錢.



  • i know what you feel. because i same as u.



  • 咁你d friend好aggressive喎, 你性格就求安定, 況且, 又要投資又要轉工都係d好煩既事…哈哈, 所以抵得麻煩都會有回報既…

    不過你安於現狀, 開心咪幾好~又有個安樂"wor". 不過你可以試下望下其他工, 睇下有冇高人工d, 始終你有experience同學歷, 試下都好呀!



  • 如果你身邊既朋友個個都係咁,可能真係會自卑...有時見到一,兩個朋友係咁,都會好想好似佢地咁可以好豪咁駛錢,但係當返返去自己平日玩既朋友,都係普通OL,搵萬零蚊一個月,咁就唔會唔開心,都係果句...自己係咩人,就會識返咩人..



  • 人比人, 比死人, 知足常樂就夠



  • 知足才開心 !!



  • 懂得體諒bf,己經抵錫



  • 我之前睇過本投資書

    佢話如果你見到2個人,1個身光頸靚,1個樸素,可能第一個成身card數,第二個有幾層樓

    我個鐘點好慳好慳,佢有3層樓

    所以唔好淨睇表面

    我同bf每月加埋揾75k

    都係食下cheap嘢

    大時大節先食d好嘢

    成千蚊一位的飯未食過

    不如你充實下自己,例如上下工聯會d course,你有d興趣嗜好,心靈充實,就冇甘在意呢d外在嘢啦



  • 我完全明白你的感受.我自己原本做設計,搵到18-20k一個月,男朋友亦差不多.但我知道自己不適合做設計,因為香港實在沒什麼設計可言.除了做廣告.所以自己出來開畫室.但三年來,我的朋友薪金不停加,而自己就不停在萬二三到打轉.為了生意跌了幾千而擔心得要命.....有時都覺自己好無用.當然我明白要知足,只是在城市人眼中成功是決定於財富,所以自己都很難過這些關口,覺自己好無用



  • 全世界消費摸式都係差不多,有銭人用一個礼拝等予一個窮人一年<吾好計買D超貴野>,有一種失敗心態,我就勧你吾好去名牌店睇野,我上個星期同太太去VL,太太生日,我唸住送個袋作生日Gift,叫個Sales攞多幾個袋睇下,個様幾吾満意,反以則辺講普通語果D,個Sales重一路笑笑口一路攞添.不過我無失敗感,我地最後乜都無買到.



  • 我老細身家幾億,有司機,住山頂,平時出街食飯都係百零二百蚊一位果d,只有去旅行時先會豪d,你班朋友搵幾多錢呀,食千幾銀一餐,好易無錢淨,我就佩服你可以堅持過節儉的生活,因為小富由儉嘛



  • 呢d唔係cheap, 係量入為出, 量力而為. 係好事.

    總好過d人死充大頭鬼, 為左面子搞到成身卡數.



    我朋友都�M多我好多, 但我無覺得自卑, 我只係覺得佢好本事.





  • 豐儉由人, 妳聽過沒?



    而且邊有得比, 個個人消費模式都唔同.

    妳仲好細? 成熟d啦



  • 唔需要自卑丫, 反而要自豪添

    除非你d朋友一個月賺幾十萬, 如果唔係, 咁使錢法, 根本無錢剩

    我有個朋友都大使, 成日買貴衫裝身, 同人出去social, 雖然未去到你d 朋友既level, 佢已經所剩無幾, 而且佢無投資添

    佢有時笑我婆那, 但起碼我有個錢傍身, 就算有咩事發生, 都唔使咁tan雞



  • pp ~ 我都係啦 我唔覺cheap喎~~ 反而覺得d人用成幾千蚊食一餐仲要係一位~ 係哂錢!!!!

    應用則用~ 冇咁大個頭唔好帶咁大頂帽~ 呢個世界洗得最快最乾淨既係錢 !!!

    哈 ~



  • 呢度D人好奇怪...為了安慰版主, 就會話可能佢班FD無錢剩, 但版主剩到, 仲威啦.



    其實, 安慰版主都唔一定要說她的朋友不是姐?!









  • 反而覺得d人用成幾千蚊食一餐仲要係一位~ 係哂錢!!!!



    剛剛講完, 又一個例子. 人地比得起, d食物/環境/服務係值的話, 點會係曬錢? 好似你咁講, 坐飛機個個都要坐economy啦. business 同1st class都係曬啦.



  • 你d朋友欠落幾廿萬卡數會唔會話畀你聽?

    多數人只會講自己有幾風光,點會講自己有幾落泊。

    我阿媽識了一個闊太,佢都只係用冒牌姑池咋!



  • 大家收入唔同, 消費模式唔同, 互相尊重, 無需要踩 / 想人家不好 / jealous / 自卑.



  • 大家收入唔同, 消費模式唔同, 互相尊重, 無需要踩 / 想人家不好 / jealous / 自卑.



  • 你d朋友欠落幾廿萬卡數會唔會話畀你聽?



    多數人只會講自己有幾風光,點會講自己有幾落泊。





    ...唉...香港人普遍就係咁




  • 我仲cheap

    我一個月只係使$2000

    其中$900係搭車、$700係食早餐+lunch



    無辦法,搵得少咪使得少囉





  • 我有時都覺得自己好cheap

    衫又唔捨得買

    有時諗點解要搞到自己咁慘咁

    因為好多時d人都話點慳都好

    點都要裝身先

    我係咪要改一改變我的策略呢?



  • 我見我d fd

    搵幾多駛幾多

    駛得好開心

    但係我呢~~~~

    好少比自己去駛錢

    一來開支大啦

    二來想儲點錢..



  • 同意板主所講呀

    大家都係u grad

    好多同學都搵好多

    而自己重係浮浮沉沉,而且都唔知幾時先可以搵到佢地咁多

    同佢地一比真係有d自卑



    話就話人比人比死人

    但又好難控制自己唔咁樣諗

    唉........有時真係好唔開心



  • 我好同意以上有人講一句説話,大家收入唔同, 消費模式唔同, 互相尊重, 無需要踩 / 想人家不好 / jealous / 自卑.

    但係好多人都係以自己立場,去攻撃他人.好無謂.咁,我就算一個月無10萬八萬都好,関中同太太去食法国菜,連紅酒1千1位我都覚得無問題,最多之後自己煮多D飯.反正一世人,好多野想去試下



  • 我覺得唔係咩問題呀, 我搵1千蚊都係洗咁多, 搵5千又係, 搵5萬都係一樣.

    食貴野, 間唔中lor, 出名果d地方點都要去下, 今日去半島食, 聽日我可以食10蚊麵, 今日食morton, 聽日食下mcdonald.



    去見識下, 食過就ok, 唔需要成日食o既.....呢d就唔慳得喇



  • 有咩值得自卑?香港飲食再cheap都唔夠大陸啲cheap,須知大陸飲食供應好毒!



    況且,低消費,咪當自己係為人類環保事業做貢獻咯!


Log in to reply