真正的朋友關係, 是這樣的嗎 ?



  • 有一個識左8 年的朋友A , 佢係一直以來都係好計較的人, 例如成班朋友8 個人一齊食飯, 每人要夾150 蚊咁啦, 佢就只係比100 , 然後話, 無省紙喎, 咁就叫其他人幫佢比住先, 但永遠不會還. 這些情況不是一, 兩次, 而係每一次. 佢總要比小D 錢, 可能佢以為咁樣可以著數D . 最老土的係, 佢有時會係一班朋友食完飯後, 無端端大大聲講 : 多謝曬啦咁多位!!! 但從來無講過係有人請, 或者有人被請.... 咁大家覺得好尷尬, 於是迫於無奈除埋佢O個份.

    佢生日, 會講明要d 乜野禮物, 然後要各人認頭. 

    又或者, 有時傾傾下計, 朋友講下近況, 有另一個女仔, 佢本身生得靚, 大家都係大學畢業, 都係出黎做野6年幾, 個女仔搵到份新工, 係大公司做HR, 人工高過以前好多, 大家都好替佢開心, 然後A 便會話 : 車你以為大公司好易做, 真係替你慘, 大把政治等緊你, 你仲慘過我呀..... 跟住全場靜曬. 

    你地有無D 咁的朋友呢 ?



  • 其實我唔明點解會有D 朋友, 一路的關係都好似係朋友, 但佢地都唔係想人好, 而係一聽到人地好的待遇便會立即作出比較, 然後潑冷水呀咁...



  • such a good friend

    luckily I don't have such friend around me



  • CL,

    咁極品都俾你識到, 好野

    你唔好話俾我聽你就係個個生得靚女仔bor ^.^



  • GUY, BRIGHTER,



    我梗係唔係O個個靚女啦。。。 靚女就係我好好朋友囉. 佢都問我呢個問題, 咁我又黎呢度同大家傾下...





  • CL, I wonder how you still be friend with him?



  • 我都唔知好唔好彩, 但真係好老土. 佢係一個生得很不美的人, 我地一班朋友都諗佢係咪自卑所以要保護自己而要搵人笨呢 ?



    但相處落, 佢似乎係本身性格係咁, 我唔知有無人講比佢聽佢的問題, 但佢就係一路都係咁.... 而班朋友之中, 亦無人同佢特別FRIEND, 不過大過背後都會講小小 : 下 ? 又係咁 ?



  • 當識少個朋友都無壞



  • SORRY GUY,



    CL = GIRL

    靚女 = GIRL

    朋友A = GIRL TOO!!



  • SORRY GUY , 

    CL= GIRL

    靚女 = GIRL

    朋友A = GIRL TOO !!



  • 憎人富貴厭人窮.......

    依d咁既人仲同佢來往?

    如果係我我就唔會同佢客氣.....

    冇散紙呀?......碌card lor.....冇呀?......咁下次唔好出黎lor

    我一定會咁同佢講



  • situation would still be the same, CL

    you can make new friends anytime, just forget this old friend



  • BRIGHTER , 我而家都係咁諗....

    不過佢仲欠我好多野未還...



  • 其實每個人都有自己性格無需要咁介懷囉,你鐘意未同佢一齊食囉,唔鐘意可以唔理佢架,佢又唔係你邊個,唔需要這樣喇!



  • 小黑, 你係男仔, 梗係可以豪氣D 講出口, 再唔係當面講都得...

    但女仔便是這樣, 會放在心, 又要呻下, 又想婉轉D ...



  • 你地咁幸福, 無D 咁的朋友 ?



  • 欠你既野, 係唔係朋友都要還, 係咪?



  • it is just that we will not be friend with such person

    not because we are lucky



  • CL.....

    你唔可以咁諗.....

    一係你同佢好好地傾下......佢咁做你地好反感

    一係就同佢斷絕來往.......有乜活動都唔揾�

    無論點都好....點都要有個人做醜人



  • 以後搞活動時, 漸漸會無人聯絡佢出黎

    會慢慢將她淡忘



  • 依D人一早俾我Black last la.......haha



  • 好似你朋友A仲幸福d, 有d咁低得諗既朋友



  • 佢身為朋友的時候已經拖咁耐唔還.... 反左面真係唔駛諗佢會還...



    如果要同佢講, 應該係無端端一班朋友食完飯之後講,

    定係只係約佢一個人出黎先講,

    又或者係用其他方法好呢 ?



    我唔想同其他成日玩開的朋友講佢, 咁樣只會變成是非.... 只要搞到一班識左咁多的朋友要散曬, 我會好難過.



  • 同呢d人做朋友, 當做善事咁既心態咪開心d囉,

    左睇右睇, 呢d人都係神憎鬼厭,

    妳地唔同佢做朋友佢就好易無哂朋友,

    所以當做下善事囉



  • 小黑, 我諗我明點解我覺得咁煩.... 就係因為我唔想做醜人 !!!



    但我又無可能咁衰, 線動人做醜人.... 咁樣咪好多是非 ?



    可否提議D 無咁剛烈的方法 ?



  • 之前既當冇左lor......算la

    我諗一大班人面前講好d....當然係食飯埋單佢又發作之後

    你唔駛講咁多野.......只係態度要企硬d



  • 其實目的就係要佢feel到自己唔再可以亂黎



  • 你地自己一班朋友傾開o個陣你可以表態...."我一定唔會再幫佢lor....仁至義盡la"

    咁佢點諗就係佢地既事la



  • JOE, 你都講得岩, 佢咁多年黎只係得返我地一班朋友 (讀書識的), 跟住佢就算出黎做野都無朋友...



    佢亦都從來無拍過拖, 無人追, 每年d party 佢都無伴的. 我真係唔想叫d 朋友一齊疏遠佢... 好衰.



    但佢事實又真係有呢d 問題.



    ps. 我係一個唔識say no 的人, 成日



  • CL....你要明白

    人對人既野唔係單向....

    你當人地係朋友,人地可能當你係水魚

    佢冇朋友唔係你既錯....你係冇責任去迎合佢既喜怒哀樂

    你覺得咁對佢係衰既,咁你就只好表明態度,以後佢既駛費你全包

    咁就乜都搞掂曬

    你願意咁做嗎?



  • 我都有過d心機好重ge女仔fd呀~我都係女仔,不過咁wo,係忍耐ge範圍內,

    就下無咩所謂,不過自己忍唔到ge咪出下聲lo~漸漸疏離佢又得~~~以前我

    就會直接講出來,後來同cl一樣,諗咁樣會唔係咁好,所以就漸漸疏離佢lu~

    已經變質ge野,無可能仲留



  • 我有個朋友話, A 應該係因為無男朋友所唔識同人相處, 唔識理人感受.



    關事咩 ? .... 照顧人感受係人都要學... 最起碼唔自私, 出黎玩照顧身邊的人.



    我見過好多奇人奇技, 例如一齊出去食飯, D 刀叉一大堆咁放係張長枱的一邊, 而A 坐係長枱的中間 (每次食飯佢都會揀夾野食最有利的位置), 照理坐得近刀叉的人都會幫手傳, 但佢便只會先搶一份比自己, 然後開始勁食, ....



    佢最鐘意食野前好大聲講 : 我唔客氣啦 (其實好難頂... ) 然後真係好唔客氣咁勁食. 同埋, 大家每人叫一樣自己鐘意食的野SHARE, 佢便會先食人地叫的. 人地唔好意思飛像過河, 咁佢便可以最後自己食自己叫的食物.



    就係因為佢呢 D 集性, 所以佢都幾肥。



  • 佢屋企人仲得佢太厲害la....



  • JOY-FUL, 大家女仔, 便會明白了.



    佢會小眉小眼的搬弄一些事.... 大家去玩, 都想開開心心, 而佢又好鐘意做召集人, 又或者係想做MAIN CENTRE, 但佢真係唔係好明佢咁樣的習慣令人好煩擾.





  • 小黑, 我也覺得是的. 佢同我講過, 佢由小學開始已經成日比人排擠, 佢話人地妒忌佢讀書叻 (事實上佢讀書真係好勤力, 但偏偏我地幾個好唔上堂的人都同佢同一個HONOUR 畢業, 呢件事佢嬲到喊左出黎), 佢屋企人好錫佢, 好為佢驕傲.



    或者從來無人同佢講佢的問題, 佢便變成而家咁.



  • CL.....針冇兩頭利



  • 我只可以講句......你係冇可能改變到佢既諗法

    所以只有你地自已作出改變



  • 讀書勤力唔等於一定有好好成績....

    你無需介意佢既諗法......



  • 或者咁la.....以其人之道



  • 呢種人香港地應該好多,少d來往就得



  • 呢種人香港地應該好多,少d來往就得



  • 我試過成班friends出街食飯, 其中一個friend帶埋佢個gf出黎(其實成班都出過幾次街,不過次次佢gf都麻麻煩煩, 豬多意見. 一定唔會等位, 就算成班人飲茶一齊等位, 佢都一定拉佢個bf去行街, 叫我地有位就打俾佢bf), 有次己經book左位, 成班坐低左叫埋野食, 佢就例遲, D餸到左先出現, 重要一坐低又嚴三嚴四, 話我地D野唔啱佢食, 又呢又路 果日好衰唔衰我心情唔好, 跟住我好大聲一句"係呀, D野俾人食架, 唔係俾狗食架, 你緊係唔啱食la. X那星" 成場即刻靜曬, 跟住佢即刻喊住咁走, 最攪笑係我個friend又唔追出去, 靜左幾秒後大家繼續食, 當冇事發生.



  • good job



  • x_x,

    你個fd好搞野喎....繼續食

    之後,佢仲有無帶條女出黎呀?



  • hi!我係亞魚我同你個case 差唔多,佢都一樣每次同我食飯都是問我:係咪你請先? 我覺得請你唔係問題,但唔需要每次都係咁,依家佢已經成左習慣埋單都唔會拎銀包出來!

    可能你個case 仲會好過我﹐因為我識左佢都有十年了﹐我的家人都識佢,佢同我家姐仲好岩傾,令我最傷心的係佢居然會打電話比我家姐講我是非,而且並不是是實﹐令我家姐都誤會我。而我每次拍拖佢都會話我既男朋友有咩唔好個個都會比佢講到一文不值,但最奇怪係當我分左手同另一個一齊佢居然會講之前果個都幾好丫,之前果個好d~~~~~~唉每次都會令我好唔開心!!

    仲有其實佢既自信心並唔高,因為佢係肥既女仔,佢最自豪係人地話佢似18歲,所以佢成日都會同人地講話我個樣好老,人地讚佢我會替佢開心,會為佢講好說話令佢自信心高d,但佢取然有好幾次佢d朋友第一次見我時,讚我幾靚時佢會同人講我的弱點:佢雙眼皮假的,用膠水貼的,哈哈哈>我聽倒都呆左

    一路我都想keep 住呢個十年既友情,但每次見面,只會令我唔開心多一點點,我都唔知點做~??



  • 呢d只係小問題黎,



  • X_X, 你的說話真係大快人心, 雖然個女仔會好瘀....



  • 我識有個朋友的朋友, 佢個女朋友都係好老土. 個女朋友叫Z小姐, 佢每個星期六都會去男朋友屋企坐, 仲要一坐坐到夜晚, 有時會過夜, 再坐到星期日, 食埋夜晚飯先走. 佢咁樣做已經好多年... 佢男朋友屋企唔係大, 仲有好多人. 我朋友話, 都唔明點解個女仔唔係外面同個男朋友出街, 而個女仔會好似送上人地屋企咁.... 我話, 個男仔唔係咁鐘意佢, 先會要佢一得閒又走上去, 又唔諗下出街去邊, 最慘個男仔係屋企做自己野, 例如打機, 個女仔就坐係度, 笑下咁.



  • FISH_YU, 女仔妒忌心都大D, 但如果要當做你朋友, 最基本係想你好想你開心, 無理由唔鐘意其他人讚你, 又或者講你眼皮呀咁. 不過我題目講的朋友A, 佢都係咁, 又係好唔鐘意人地順利或者好, 如果有人讚佢身邊的朋友, 佢又係會即刻話, 邊靚呀, 查粉多咋痳. 佢本身又係肥D的女仔, 同埋個樣好平凡 (不靚的),從來都無男朋友...




Log in to reply