我想問普通酒樓擺酒結婚要用幾多錢呀?



  • 請問係普通酒樓擺10-12圍酒席+租d普通婚紗+其他雜項+禮金, 過大禮......,

    全程需要大約幾錢呢? 我想樣樣都簡簡單咁, 因為銀彈有限呀!!

    大家可唔可以分享下經驗呀? thx



  • 不如你儲多d$先啦咁



  • 大約12萬到啦, 妳蓄到10萬到可以開始攪野. 預多2萬係因為驚會超出預算.



  • 咩叫普通酒樓呀?屋邨個啲呀?



  • I agree that "不如你儲多d$先啦咁"





    If having a wedding so cheap and rush, i rather not to marry and save more money first.




  • ~60K should be ok



  • 我覺得結婚擺酒全程都係做比人見,好似做show咁!又要攞舊唔少數目o既出o黎,真係令人好煩惱!屋企又要樣樣做到足,我地又唔係搵得多,佢地又成日催,搞到我地好有壓力!真係想簡簡單單,快d搞掂去呀!



  • 大家有無酒樓介紹下呀? 我想搵$4000-5000一圍個d呀!


    或者有無其他筍野介紹呢? 如:租婚紗,影結婚相,攝影等.....


    thx



  • 你係男定女呀?有冇其他兄弟姊妹?


    雖然我係大女,但我阿媽冇要我做足呀!而我阿妹5年前擺左酒。所以到我要結婚時,我同我HONEY都係去旅行結婚,返黎之後補請最最最親的親友食飯,連朋友都冇請!


    我當時係美心訂左3圍商務宴,又有VIP房,包酒水,D菜都幾好食,有翅有海鮮,唔太失禮都係4000有找!但我冇派帖派餅丫,只叫阿媽打電話約食飯咋! 因為唔打算收人情。不過D親友都俾多少利是我囉個晚,而我又係之後既新年派足利是加餅卡。我D親友都冇話過我CHEAP囉!唔知你會唔會參考我既CASE



  • 窮到�I, 美心旗下,美心皇宮,潮江春,影月樓....等等,4千拎蚊全包(有平有貴酒席)大集團,佢地訂野都大lot d. 唔會太食人唔吐骨,同埋唔怕佢執笠!!



  • 過來人, 老實講家家有本難念的經呀,cheap唔cheap唔係由自己把口講出黎架!! 擺酒跟本唔係2個人既事..



  • 結婚係兩口子既事,唔明點解而家D人結婚就一定要大搞!!擺酒唔係唔好!唔好好似做SHOW咁囉,而且都唔係太多人願去飲時睇埋D無聊野!你睇下呢個TOPIC就知!=11&topic_id=1923432



  • 我都覺簡單d好d


    好怕去飲d冇聊嘢


    熟嘅都知一對新人點識


    唔熟嘅我冇興趣知


    準時8點有得食最好



  • 陳太,


    咁我真係CHEAP的話我實會聽到D八婆講既。或者佢地口密到自己知,我D親友都係好樸素既人!我都明家家有本難念的經,但擺酒豪風一年比一年誇張,真係唔知賴邊個!咪又係D生意人諗出黎!人搞我搞,唔搞執輸!羊群心態!



  • 過來人,





    我係女仔,我唔可以旅行結婚呀!我阿媽話男家唔擺,女家都一定要擺呀!所以走唔甩,根本擺酒係足滿佢地,唔係我地想囉!





    你o既做法都唔係cheap吖!如果可以我都想係咁搞呀!但我無可能啦!



  • arale1668,





    咁如果美心係四仟零蚊圍咁都ok,而美心個名都好聽d,唔會點失禮先吖



  • 普通酒樓擺10-12圍酒席 $500012 = $60000


    餅卡80張 $35
    100 = $3500


    過大禮 = $2000


    租d普通婚紗 = $2000


    化妝 = $2000 (結婚點都要靚)


    兄弟姊妹、酒樓員工、有關人等利是 = $2500


    搵friend借花車利是加油錢 = $2000


    自己搵friend酒樓影相 (免費)


    婚紗相 (有錢先補影)


    Honeymood (有錢先補去)





    總數係七萬幾再加禮金減人情,如果親朋戚友闊佬做好多人情,其實都唔使好多。



  • flower,





    thank you呀!你show得好詳細呀!希望十萬蚊可以搞到掂啦!


    真係要努力儲錢呀!


    人情我都唔知我阿媽比唔比返我,所以我點都要靠自己o架!



  • 有樣野好影響你既budget...就係你呀爸呀媽要幾多禮金...其他都可以預到,呢樣真係要問清楚,女家收到既人情你呀媽會唔會比返你,呢d最好都一早講好...個數會差好遠架...



  • 餅卡同其他雜野,你唔怕既可以上網買,有好多人有婚後剩餘物資出售,會平d...你去esdlife個結婚網睇呀..有個forum係賣剩餘物資架...



  • 我出年嫁, 我亞媽要我 $50000 禮金, 禮金數目好關鍵.



  • 剩餘物資即二手買賣坊.



  • 租衫去 Jordan 名婚紗啦, 又平又ok.


    我做左好耐 research.hope it can help.







  • 禮金方面,我阿媽係隨得佢地,因為我家姐11月結婚,我未來姐夫比12圍酒+$18000禮金,所以禮金方面,我地頂多預兩萬左右,但人情我真係唔知我阿媽會點,佢講過下親戚比o既歸佢,我地自己朋友&親戚送o既金器就歸我自己



  • 請問半島的嘉麟樓可否擺酒? 圍數多少?



  • 你亞媽要既嘢同我媽要既完全一樣


    但我係9年前. hahaa



  • jessie,





    你有無佐敦名婚紗o既詳細地址呀??


    佢有無package呀? 大約幾錢呢??




  • haha,





    咁你阿媽最後真係親戚人情自己要, 你的朋友o既人情&所有金器比返你自己呀??



  • 係呀



  • 一向都係女家果d禮金佢收番喎!仲同我講兩個阿哥結婚,佢地女家d禮金一毫子都無收過。



  • 你係咪講緊"人情"呀?



  • 我諗佢係講緊人情喇!





    haha,





    我諗我阿媽應該多多少少都要醒返少少人情比我啩!



  • sorry,係人情



  • 我蒲左 ESD wedding website 半年, 星期一至五日日上, 得出以下結論:


    好同似樣既酒樓,攝影錄影,化妝師, 08年尾已經好 full,所以你第一步要訂婚期, 擇日, 訂酒席, 唔好咁老定.


    名婚紗係 Jordan 明珠廣場 201-203 室. MTR C1 出口. (任何即婚紗,晚裝,男禮, 媽咪衫, 姊妹衫, 不過可能會加價)


    $3680- 任何 8 套


    $2880- 任何 6 套


    $2080- 任何 4 套


    $1280- 任何 2 套





    我自己擺 25 圍, $4500 一圍, 租衫, 攝錄, 化妝, 租車, 利是, 餅咭, 花球, 朱義成手飾, 鞋, 婚介, 註冊費, 婚紗相, 上頭用品, 工作人員飲茶灌水..... 到時仲有好多未諗到既支出..... 我自己預 $250000.





    不過唔係人人每樣做足既, 唔駛驚, 我同老公加埋都係搵 $20000 個月咋, 不過一出來做野就儲錢.我都好佩服 D 人又結婚, 又買樓.



  • jessie,





    多謝你d資料呀!


    我都希望自己搞得掂啦!我地唯一好,就係有地方住,唔使煩埋e樣野.