請問有冇人知"冼世源"醫生好唔好??



  • 請問有冇人知"冼世源"醫生好唔好??
    謝謝!!



  • 我唔知佢好唔好? 因為我喺仁安睇緊一個醫生, 但係照結構性超聲波同埋度頸皮都一定要指定返醫院由佢負責, 但係我覺得佢d態度有問題好唔禮貌, 原因係上次我book咗15:30做結構性超聲波, 臨出門前姑娘打嚟話醫生有手術要做將我個appointment改喺當日ge 18:30有冇問題? 我話冇問題, 我仲18:15去到, 等到19:00至到我, 不過bb趴咗喺度, 照來照去都照唔到, 果陣都已經19:45, 佢叫我出去行一陣或者食嘢先, 希望bb會趴反轉, 咁我問姑娘大約幾耐, 佢話行至少45分鐘, 咁我唔想喺醫院canteen食嘢咪搭咗車落大圍食囉, 中途個姑娘不停打嚟催番我上去, 最後我21:00上到去, 佢黑曬面望下個鐘然後態度好差咁質問我, 你去咗邊? 我答佢食嘢 (當時我好唔滿意佢ge態度所以我都答得佢冷漠, 心諗你再嚟我就唔客氣) 佢更加寸同黑面同我講你去咗邊咗食? 我已經好晦氣答佢大圍, 點知佢仲不知所謂用d更差ge態度答我:叫咗你喺下面canteen食你做嘜出去食? 跟住我咪勁啤住佢更加晦氣咁答呢度唔啱食咪出去大圍食囉! 佢望一望我就唔敢答落去, 但照ge過程令我好唔舒服搞到我想嘔! 其實佢覺得我阻佢收工, 因為佢不停望鐘, 但係佢冇諗過我俾錢你賺我唔係大曬, 但係我一樣就你時間至搞到咁晏, 我唔係住喺沙田要咁樣hair我都好辛苦, 結果照完我都成22:30至離開醫院, 我搭得車返到屋企都差唔多00:00點啦! 所以你問我我就極之不滿呢位醫生, 喺仁安我未見過其他醫生咁ge態度對病人.



  • 我覺得冼世源醫生係一位極好的醫生, 我一有咗bb就一直睇佢, oscar同結構性超聲波都係佢做, 原本一直諗住响qe生, 最後我都係搵咗佢接生, 手勢excellent!



    我照結構性超聲波時bb都係反轉咗, 冼醫生叫我出去行一陣, 我問姑娘要幾點返來再照, 姑娘叫我兩個鐘之後, 即係18:00返來, 我咪同老公落大圍撘kcr, 諗住去旺角食tea, 點知剛入咗閘, 姑娘就call我話有個媽媽要delay booking, 叫我立即返上去, 我同老公就立即出閘撘shuttle返上去, 一去到就入得去照, 點知bb都係反轉咗, 但係冼醫生都好細心咁照, 有幾多照幾多, 照咗半個鐘有多, 我同我老公都睇到好眼瞓, 但係冼醫生依然好有耐性咁照, 最後全部照曬, 醫生都話bb反轉咗好難照, 期間我雖然見到冼醫生好攰, 但係佢都有同我地講吓笑.



    我係見紅入院的(仁安), 07:00去到醫院, 做完一輪checking, 08:00入ward, 冼醫生當日08:00响浸會有手術要做, 一做完就立刻過來同我檢查, 當時係10:00左右, 我本想順產, 但係bb胎位有d問題, 到下午我先臨時決定開刀, 佢只係食咗件三文治當lunch就同我做手術, 入到手術室, 佢知我好驚, 就問我想聽乜野歌, 佢播俾我聽,仲叫我唔好驚, 將全部的事交曬俾佢, 果一刻真係好warm. 做完手術, 姑娘幫我過床, 諗住推我出手術室, 佢主動話要等佢來幫手過床, 出到手術室, 又叮囑我可以食乜飲乜, 細心到不得了.



    冼醫生雖然好忙, 但係佢一日會巡兩次房, 早一次 (有時早到七點幾), 晚一次 (有時夜到十點幾十一點), 真係好盡責.



    我出院果日同老公argued, 喊到豬頭咁, 俾冼醫生巡房見到, 佢同姑娘一齊安慰我, 又為老公講好話, 最後我先開開心心咁同bb出院咋. 一個月之後返冼醫生度做check up, 佢仲記得呢件事, 問我情緒好番d未, 又話我老公係第一次做爸爸, 要時間去學..., 真係好細心.



    我臨生前幾日因為皮膚敏感去咗一位在我家附近的婦科醫生度睇, 當果位醫生知我搵咗冼醫生接生後, 就叫我大可放心唔駛驚, 又讚冼醫生每晚巡房到巡到好夜, 好勤力. 我生完之後又因為有少少唔舒服, 我又去咗呢個醫生度睇, 佢順便幫我睇吓個傷口, 個醫生都讚個傷口好靚. 連同行都咁讚佢, 佢係咪一位好醫生就真係唔駛講囉.



    不過要提一提, 冼醫生真係好忙架, 每次返去check up都要等個幾兩個鐘, 但係真係值得囉.



  • 謝謝ns...又請問你本來是順產到最後係開刀出院時

    總共是多少錢呢?

    thanks your help!!



  • 洗醫生幫我做抽胎水檢驗,須然他吾多講野,但佢好詳細解釋我知. 我覺得佢非常好~



  • 其實我冇試到順產, 我一早知順產機會好細(因為胎位問題, 產程會好長, 我都怕自己頂唔住), 只不過入到院, 如果bb轉到身, 而個胎位又ok, 我就會試順產. 可惜冼醫生話我知bb個胎位都係冇變, 所以最後我咪決定開刀囉.



    所以我都只係俾開刀的價錢, 因為我冇試過順產, 我唔講我用咗幾多錢啦, 因為我係舊年生, 生完之後, 醫院就加咗價, 建議你去問吓近期生的媽媽, 用咗幾多錢會準少少.


Log in to reply