拍拖7年﹐訂了酒席﹐剛分手﹐我是否很蠢?

現實D諗,

樓主妳自己又有乜野咁矜貴先?

"一個完美既婚禮並不代表你會有一段美滿既婚姻" 一個完美既婚禮可以用錢去堆砌,一段美滿既婚姻就必須要有愛. 你根本唔係因為愛你男朋友而結婚,將來娶你既亦未必因為愛你...

我係女仔都認同唔到, 等左7年就要有$有樓同你結婚? 我唔明點解lor, 我都差唔多30, 同bf拍左3年, 佢本身無儲過$, 我0地一齊之後開始一齊儲$, 無話d$用0黎做0羊, 我同佢講, 話如果唔好彩分開左, 起碼佢都有返d$, 同埋佢學識左儲$, 0甘就算分開, 佢同我一齊都學識左樣0野, 如果我0地好好, 唔分開, d$0米用0黎計劃將來, 去下旅行, or 結婚時用...

不過等佢可以養我先結, 我又無0甘諗過喎, 結婚又點? 大家愛對方0既, 結唔結日子都係0甘過, 唔愛0既, 結左等離婚0羊, 0米又煩死自己

做人最緊要開心, 為$而煩, 而覺得自己蠢, 0甘我真係好認同你係好蠢, 係蠢到唔係一開始訂下目標, 搵個有$人

似乎版主已經唔係度了...

睇she，原來香港都有幾多有錢男人，有一個八位數字身家的男人追我，話我應承同佢一齊，我衣食無憂，有工人有車有司機住獨立屋...但係我揀左一個月賺兩萬多d的公務員男朋友....我男朋友知道左，佢叫我走，佢話無謂跟住佢一齊捱咁辛苦，佢叫我為自己將來打算，不過，我無諗走，我send左個sms比佢，話我愛佢所以留係佢身邊...

住獨立屋都係唔啱我，都係同佢住一個充滿幸福的小單位好得多...

Kitty 小姐，對於你既要求，我可以理解，等如男人個個都想老婆有身裁樣貌學歷智慧，但係人都知這是不可能的。原因就是你揀人時，人亦揀你。

男人 3 架頭同女人 3 字頭，係差好遠的，唔好問點解，准會係咁樣，所以麻煩你依位充滿理性分析的女仕，適當地評估自己的價值。

同埋好心提一提你，你依家就話要求一個有能力養你下半世既老工就得。但假設你宜家腰纏萬貫，你仲會唔會安於要一個只養你過世既男人呢?反之亦然，當男方有依個能力時，亦沒有必要揀你。

從你 message 中都看出你知道 3X 係女仕既一大關口，所以你應該會明白我講乜，所以如果你有錢無愛既話，麻煩你理智小小，不要高估自己的吸引力，我不評論你以錢衡量老公的道德問題，因為你再落去，落搵唔搵到男友都有問題。

博，無疑你會有機會搵到個有能力而又愛你既男人，不過可能性有多少?對方又會唔會臨擺酒先嫌你乜乜物物而分手?你成功的機會率有幾高?你俾一個男人再拖多你幾年後，你既競爭力會趺幾多?要理性分析而爭取自己最大利益的話，請先理性地分析這些客觀資料。

又一經典港女案例.

嘩, 相信最不幸係版主的 b f . 為了版主付出了7 年愛了及一切, 竟然得到這樣的結果..

以前我都以為 "港女" 並不是 "港男" 所說的那麼差.. 現在看來真係 ....

guy1404

Better set him free!

好多人都話"貧賤夫妻百事哀", 但你最大既問題, 好似係你有所要求, 例如結婚錢佢俾曬, 想佢買樓自己供樓, 第時會有幾多錢家用, 但一直都冇同佢明示 or 暗示, 直到俾佐酒席訂金, 先同佢開門見山, 佢答你做唔到, 你即飛, 咁你浪費佐人地d訂金, 又點計先? 點解係落訂之前都唔開口講清楚?

你等人地落佐酒席訂金先開門見山, 想人地洗濕佐個頭, 冇回頭路走?

租樓的錢是有去冇回﹐買樓點都有間屋剩﹐將來離婚﹐起碼有一半係我﹐呢個對女人來講係好基本的﹐至於擺酒﹐原本都冇所謂﹐但阿媽講﹐這是實力的表現﹐證明佢養得起你﹐我覺得真係幾岩羅

不知所謂叫你簽離婚書一毫都無得分比你

講真,你男友邊夠你蠢呀,明知火坑都要跳入去.

比個提議你啦!

首先放過你男友一條生路先,話曬人地都有呀媽生,

都唔想見個仔早死過自己架..

之後要帶眼識番過有d錢的人,有婦之夫都唔緊要架,最緊要有錢.

不過,我相信呀伯母一定緊張過你.(愛女深切麻!!)

提到呀伯母,佢係咪成日煲d迷湯你飲架,飲到你個腦荀生番開,

成三十歲人都重"咁"識諗,可見伯母用心既栽培沒有白費,

相信伯母也為你所做之一切而感到自豪.

其實,香港地好多有錢佬,只要你做到自己係一個靚花瓶,

理得內�婺佽菄神邥U圾都唔重要.

呀..對不起!!這方面你一定清楚過我,不用教你...

不過有一點我一定要提提你呀!聽我講,你千其唔好有寶寶,

..因為會害死下一代.

今時今日, 結婚已經唔係=娶個女人返屋企, 而係兩個人0既事, 你應承佢結婚, 就「諗住」佢養得起你, 俾哂錢擺酒同買樓?! 如果你真係介意, 咁你應承佢結婚時就要問啦, 甚至, 幾年前你話「想結婚」已經要講明「同你結婚0既附帶條件係10圍酒+一層樓」...

冇人想結婚後生活變差, 但係... 唔等於係「為左令生活更好」而結婚架...? 你「等佢7年」, 係想同佢「共偕連理」, 定係「等佢賺夠錢養你」?!

兩個人結婚, 係要生活, 但係今時今日好多人都一人一份架啦... 好奇咩...? 而且同意cushion所講, 如果你冇為層樓付出過任何錢, 佢有權唔分俾你。特別係... 你結婚已經講緊「將來離婚都可以分番一半」... 我係娶你0個個, 我或者都會考慮唔買樓... 因為買樓同你住, 係為左「離婚分一半俾你」...

港女...........唉!!!

點解HK d 女人覺得結婚買樓男方出$ 係應份?

咩都唔付出靠人養又應份

唔係一齊分擔既咩

http://www17.discuss.com.hk/viewthread.php?tid=4963350&extra=page%3D1

樓主在這裡得不到認同, 或同情, 去到另一個論壇乞求同情可憐呀, 真無陰功.

簡值係 on 9 港女，分手對男方係一件好事，個男仔真係好彩冇要你，否則一失足成千古恨！

人地一同你講要你夾一半就唔制兼走夾唔抖,個男人真係慘...原來自己身邊既女友係一個唔肯同佢挨既女仔,一聽到人冇錢就話分手,呢d仲算係感情咩,仲話自己唔愛佢都唔會同人拍7年,咁你咁愛佢都唔會因為錢同佢分手一走了之啦,如果要結婚你又同意點解之前唔好好傾大家出幾錢呢,結婚唔係1人既事呀,真係一個人出哂既你男友都辛苦啦,唔係話女仔真係坐係度俾人養咩都唔做,錢人地出哂咁巴閉,佢冇錢你都要體諒佢ga~應該一齊出減輕壓力,我唔明點解你好似咩都要佢出哂錢

吓點會拍拖七年先知架?七個月乜都知啦.

話時話你倆多大?

版主已經唔係度???

乜吾係一齋儲錢既咩?

如果吾系隨便搵個有錢D嫁就算

酒席又要個男仔出, 首期又要個男仔出, 生小朋友又要個男仔養,

我想問你對頭家付出過D 乜呢?

拍拖7年﹐訂了酒席﹐剛分手﹐我是否很蠢?

BY KITTY KAM

==

你太叻至真!

CHEERS

嘩, 你有冇勢利o的呀? 佢而家都算好彩咯.

女主角肯定開罪了 she dot com 的某人, 因為

http://w w w.review33.com/chat/

現代戀愛真係好現實

及

http://w w w20.discuss.com.hk/viewthread.php?tid=4963350&extra=page%3D1

這些論壇已經開始出現這題目的討論, 預計一天之內, 這題目將會遍及全香港, 什至全中國, 大中華文化圈, 什至遠至日本, 南北韓, 整個亞洲, 中東, 非洲, 歐洲, 南北美, 南極洲, 月球, 火星, 金星, 整個太陽系, 人馬座, 處女座, 其他億萬個銀河系, 整個宇宙..................................

這位女主角究竟開罪了什麼人?? 搞到咁大獲?

其實我唔係唔了解你擔心o的咩, 不過我只係唔明點解你話你識o左個男人七年, 你都可以唔知佢o既經濟能力去到邊度, 仲要係唔清楚o既情況下訂酒席wo.....我諗你最底限度都應該係訂前會知啦o瓜........~~~~

你連了解你另一半財政狀況o既能力都無, 點解你仲會覺得你自己"還有機會起2年內結婚"呢???? 令人費解......~_~"

女: 你控訴我接吻接上癮密密外遇令你很痛恨

你呷醋呷上癮膽敢去諷刺我不愧是女人

男: 平時和人如何尋開心捏著浴巾去擁抱別人

苦苦的啞忍離開你合 : 沒要緊

女: 你作個證據再對我教訓男: 和他搞公司是你蝦我笨

女: 我放棄奮鬥你至安心男: 跟他幾點鐘方有著快感

女: 堂堂男人別太過份男: 如何纏他我當顧問

女: 何必於一起沒半點信任男: 三天不見了談何被信任

*

女: 睡就睡男: 你作對女: 你喝醉男: 請不必屈我喝醉

女: 梳化都給你割碎男: 全都因你衰 *

#

女: 睡就睡男: 你說對女: 你撤退

男: 跟他好一對愛侶我走開你沒負累

女: 請你滾滾出去男: 你愛滾不配做人爬出去

合: 鬼上身趕不退男: 我有信心不怕行雷

合: 看心虛會是誰

女: 你去男: 認罪合: 然後看死你落淚 #

女: 從未了解你男: 我偏太縱寵你

女: 我也太縱你男: 你當我已死

女: 別日夜在妒忌男: 假得你

女: 我也有吻過你男: 是為著好奇

合: 天都知你與我誰人有理男: 天天想你女: 才叫你妒忌

男: 彼此躲避女: 自卑的你日嘈夜嘈調情亦無味

男: 終於嘲笑我我愛你不起

Repeat * #

男: 和人愛吧抱吧吻吧叫吧去吧舞吧還是算吧

女: 酸吧苦吧哭吧飲吧湯吧癲吧別要醒吧

男: 早已輸了不怕不怕不怕不怕隨便對他笑我如何小家

合: 咒吧女: 你不化

男: 憎你憎我惹起對罵女: 講真因你極小家

合: 你使我羞家羞家真羞家

Repeat #

女: 再見男: 不見合: 誰又有空再受罪

女: 再見男: 分居合: 無謂吻傷我味蕾

咪話我黑心...

你一陣比個有錢佬玩番你八年十年但又唔同你結婚...

你就知道你男朋友幾慘...

你 40 歲果陣睇下你會點過....

為現實係正常...不過你未雨綢繆太過過份,絶情....

若現在要你跟他重新開始一起計劃and儲錢, 再結婚, 你願意否?

他跟你一起的時候, 可是忠誠的跟你一起...

要計較的話, 把浪費在你身上7年的錢也可以擺10圍酒, 你可否還他?

請不要亂使用"愛" 這字, 你本來就只是為找分手的理由, 還抖膽在指責男友的不是

呢件事話俾我地聽

不良父母會教壞下一代

樓主!!你同你亞媽都好現實

唉...本來我都因為我女友而淡出呢到..., 比我見到呢個post真係乜火都黎, 乜野叫"這是實力的表現?" 你估飲力保健? 利益申報先, 我都係果位kitty既所謂窮男人,唔好講話鬧你, 自問係一個窮男人費事比人話鬧得你果d都係窮人..呵呵呵,結婚係兩個人既事, 將來無論有乜困難都係要相方面對, 唔係大難臨頭各自飛., 為何你會覺得婚後會差過而家呢? 你而家有工做難到你想婚後做少奶奶? 結婚既事應該大家面對, 好話唔好聽今次你男友試你都唔定, 就連而家結婚你地大家都唔可以一齊面對, 日後都唔慌你會好得去邊, 擺酒雖則十萬八萬, 你有無諗過大家一諸呢筆呢? 除擺酒要錢外, 渡密月呢? 其他洗費呢? 你都係諗住個男一手比曬? 旺你兩母女都諗得出呢招"衝勁盡表現".., 你地係咪睇得新聞太多, 睇到日日發夢發到沸左? 人地有學歷有條件就話嫁豪門啫, 做人係咪要自量一下呢? 今時今日有幾多人唔洗捱? 相信你男友都係打工仔啫, 唔洗要人擺酒買樓養番狗化? 慳慳地買居屋首期都要十萬八萬呱? 又係你男友比曬錢嗎? 其實你兩母女都做得好啱, 只不過係你同你男友大家目標同要求唔同, 趁自己仲有少少條件嫁個有錢人啦...祝君好運...

唔好意思, 恕我多事, 希望你唔會係以下既女主角啦...

一個女人和一個男人戀愛了。女人有一次看到人家手上戴的白金戒指很漂亮，就得羨慕地說：「要是我也有」男人看在眼裡，可是他實在太窮，買不起好看的白金戒指。不久，在女人過生日時，男人送給女人一個用那種透水油紙包著的「紙戒指」，很別致，重重的，正在戀愛中的女人戴在手上，左看右看，就覺得自己真好幸福。

女人後來嫁人了，新郎當然不是男人。男人除了上那種沒什麼錢的班，吃飯之外，又寫一些她看也不想看的稿子…她不想嫁給他，雖然她愛他。她嫁給了一個有錢男人，是的，女人結婚的時候，上從耳朵、脖子，中至雙臂，以至於腳踝，全身白金、黃金，金光閃閃，她把男人送給她的紙戒指塞到抽屜的角落裡。

不久之後，她那多金的老公因為家族公司出事，陷入困境，老公也因涉及不法行賄，被逮進了牢房。女人悲從中來，忽然就憶起了送她紙戒指的男人。

一天，女人在街上不期而遇男人。男人很大方，邀女人到他家坐坐。男人也結婚了，住在租來的房子。女人看到男人家裡的擺設，仍然是很清苦的樣子。男人的妻子替女人倒茶，女人於是看到男人的妻子手上也戴著和被自己扔在抽屜角落幾乎一模一樣的紙戒指。女人離開男人家的時候，覺得男人很幸福，他的妻子也是不像自己的一無所有，連丈夫都身陷囹圄。

後來女人在一本雜誌上看到一篇文章，題目是「紙戒指」，作者不折不扣就是男人。女人看完文章後，便一切都明白了…。她迅速打開抽屜，摸出了被她棄在角落裡沾滿了灰塵的紙戒指，她小心地將油紙剝開，剝著剝著，眼前出現的赫然就是一隻純純正正的白金戒指。文章裡說，為了買這隻戒指，在那個全民皆窮的年代，只好瞞著女人去賣血…？因為女人的生日就迫在眉睫，去賺、去借都來不及了。

女人哭了，眼淚滴在戒指上。女人隨後又將紙戒指小心翼翼地還原回去。從此女人不論上班下班都只戴著紙戒指，同事們都讚賞她的戒指精緻又好看，有創意，問她是誰送的，女人不禁一陣黯然，說：「很多東西，要等到失去了，才知道它的珍貴…」

白痴港女同條仔7 年都唔知佢咁窮 ...妳真係好 "7"

樓主post呢D野都7到爆緊係走啦

又唔知去左邊post第2D野

茹左同要死頂要面子咩2年就會搵到第2個結婚又咩有人追�

係都要作大暗示話比人聽佢仲好掂

哈哈哈, 我信架, 我真係信! 30 ja ma!

我就同樓主相反

我22歲仔, 有個女朋友雖然唔靚, 無身材, 無學歷, 屋企好窮住村屋

我住擘天有車大學外表中中上都揀佢, 因為我覺得同佢真係好開心, 我有時都唔知為咩咁無條件對佢咁好, 買電腦, nds, wii, LV, 又去旅行, sharton 過生日, 次次出街都車返屋企門口送埋上去, 又去好多佢諗都未諗過既餐廳食野, 個個星期陪佢行幾個鐘街未話過悶, 返工早放就去佢公司接佢比驚喜�

我同佢一齊未諗過佢將來係我一個負擔, 無諗過佢屋企係拎緊綜援對我日後有影響, 從來無介意過佢成面暗倉, 無諗過佢對我負出過咩, 因為我見到佢開心我就就比佢更加開心, 我成日要返大陸做野但係咁耐以黎規規則則未做過任何對唔住我女朋友既野

點解樓主覺得人地要無條件為自己負出(錢), 你自己又有咩條件叫人地無條件為你負出, 點解樓主係要覺得自己平時抬高少少個頭去望人就=仲好掂好有氣質, 仲覺得自己好過好多人, 以為自己係女性點都有人追有人要, 點解我就覺得港女呢句字好悉合你??? 我想問點解男仔反而對女朋友錢財唔介意, 你咁有質素層次高檔反而諗野比你平時覺得配唔起你既人更垃圾, 垃圾過你果個直頭無決心計劃結婚既男友

2年搵到個有$買樓養你又會同你結婚既30+兼無比你高檔有$女性朋友相處中既男人, 訓醒未呀? 我希望你繼續果套覺得自己好有性格既諗法過埋呢一生去, 你搵到個咁既人記全叫我去飲, 我封個夠你開十圍既禮金比你

你唔係呀嘛?咁多人係度罵你都唔識醒??

我同你講啦!如果你係同左你男友分左手o既話

就係佢十幾生修黎o既福份!!

你問我你係咪好蠢!我話唔至蠢,

仲要係冇計劃成世人淨係迡住唔識努力搭埋雙手做少奶奶

講得好"港女"一詞係為你而設既

重點!!

或者事情大家都有責任

因為你地放錯時間係你地既target

你同bf唔同就係

你bf係要一個有粥食粥有飯食飯既伴侶

而你要既唔係一個有幾愛你而你又有幾愛佢既人做你既結婚對像

你係要一張長期飯票"!

其實香港地真係有好多呢類女有d 係阿媽教有 d 係天生...香港男人真係慘

big4

這個一定是女方問題, 唔好睇人有冇錢先結婚. 你同佢一齊7年, 佢有冇錢你冇理由而家先唔知, 如果唔係一定是你地溝通有問題. 佢冇錢咪你出囉, 兩公婆結婚就一世, 你同佢邊有得計! 要等人有錢你先結婚, 咁我你一世留係屋企做女吧. 起級自私港女的表演.

睇完個 topic 我覺得版主好大問題囉！

我都係結左婚既，我老公都無錢既，當時結婚時都係大家 share 既，我覺得結婚係 2 個人既事，當然男女都有責任喇！我唔主張男方比曬囉！我已經結左婚 8 年喇！到而家都生活得好開心，我地公一份婆一份，都不知幾咁幸福呀！愛唔係建築係金錢上既，為錢既愛好 on 居囉！我並唔係話無錢都可以生活，但我相信男人同女人都一齊搵錢，將來生活又點會有問題呢？

我覺得樓主真係好蠢........ 好蠢，蠢到簡直係白痴 !

你點解要結婚者 ! 都未結婚就諗離婚...我都唔知你地結黎做咩? .結婚對你來講根本無意義。

你要既係比0係你出生既屋企更好既風光生活。你成世做女咪得囉，結婚?﹐結咩野婚呀 ?

你3 年前plan結咩野婚呢 ? 你根本唔需要結婚，但你走去行結婚條路，搞到依家咁可以講得上你抵死的.......

你阿媽都投資錯誤，當初投資比你去外國整容回報大有可能高過讀書。

唔好下下都話港女前港女後先

老實講, 上面大陸有好多女人一心嫁港男都唔係同你100%講心!

不過版主又係騎呢d

有咩理由訂左酒席先知個d財政支出點分配先得架

似乎後知後覺左d喎

如你一心要搵個男人嫁左舒舒服服過日子

而你又知呢個男人唔會有錢既

當初就唔應該花七年時間係呢個男人度啦

如果以你既目標黎睇, 講蠢, 你真係好蠢!

不過亦好殘忍添

你係度浪費緊相方時間同感情

個男人好可憐囉(雖然唔肯定佢愛唔愛你)

不過始終真愛難求, 你三思啦!

我同意kitty_kam講法,我是結婚過來人,d男人同你結了婚一様可以離婚,就係你d男人咩30+冇人要,要都要d20+,雖然kitty_kam唔應該咁諗,就算結咗婚你d男人要有責任心要比家用!個老婆同你結婚後會同你d男人繼後香炟,生完小朋友身材又會走樣,好大hey生!旺你d男人又話咩要20+,你地d男人出街咪一樣會望靚女(有老婆&女友)都係一樣

感謝樓主,令大家認識到甚麼係真正既港女

曾經有個女仔同自己說:(你幾千蚊個月,邊夠我交雜費), (我不想再吃苦了)等等

女人真的是這樣嗎,,,,

現在花時間怪她的不是,,,咁不如各位男仕(包括我自己)唔好唔開心o刺,,可能大家的另一半重咪出現o者

呢個thread咁快就有萬幾次點擊,

樓主妳真係光宗耀祖呀,

為一眾港女爭光!

樓主已經潛水, 不知所謂...

oh~~~

好彩香港仲有似海鳥的女仔...萬幸...

樓主佢可能知錯...??(我諗)

吾一人一半都要盡力夾份或平慳既就慳.

aiya,香港女仔....好彩係she都有正常既女仔.

個人覺得呢個故仔係老作既多D，有可能係呢度D成日鬧港女既男人，

開條咁既線黎借機又大罵港女一頓。

因為如果係真，呢個 kitty_kam 同佢阿媽都真係好無腦。

拍拖幾個月就重可以話唔知對方經濟環境，但一兩年後就應該知道啦~

拍成七年，臨到結婚，先至如夢初醒，都真係好罕有。

而且佢阿媽，都應該會叫個女留意清楚對方經濟環境。

所以，真係無可能如版主咁講，拍拖七年先至知道真相。

加上版主用 login 見人，女仔好少會開線用 login 架，

唔怕收無聊人既信咩！

所以，我覺得版主係男人，開條咁既線黎作故唱衰港女。

其實，作故唱衰港女既手法，係 Gossip 版已司空見慣。

只不過 Gossip 版就係俾呢一班無聊人搞到人流大減之後，

佢地就黎 R版繼續佢地既把戲！

我個人祟尚港女應該要獨立自主有自己既事業.唔洗靠男人養.

如果你想有人養你,你就去搵有錢佬.但你有無條件食住個有錢佬?

如果你同男友係無錢既,咁咪唔好學人結婚.唔好生仔住囉.你夠無錢啦學咩人講結婚.