結婚費用問題



  • 我三十歲, 男朋友三十九歲. 我去完婚禮展, 同家人計過基本要十萬元結婚(禮金, 香港酒席6千多元一圍 (6-8圍), 婚戒, 拍婚妙照, 租婚妙, 蜜月, 婚宴化妝), 點知男友話要返去計計數大約用幾多錢, 又話去影樓唔去婚妙公司, 又話去5千多元一圍的酒店, 男友母親又要我地返大陸擺酒.  昨天他打電話給我, 話如果無錢唔通去借, 又話結婚是否要用錢來衝衡量.... 

    我估他無理由無錢啦, 婚後同奶奶住不用供樓, 他又有自住居屋又有車(普通日本車), 又有家姐, 可以問她們借一兩萬啦. 上星期日約好今個星期六去付酒席訂金, 我打算如果他星期六不去付訂金就分手. 請大家給點意見啦, 謝謝!!



  • 冷靜d, 錢對2個人既感情真係咁重要?? 我重來都覺得錢係重要, 不過唔係全部, 一個人只要知足, 食d乜, 用d乜, 有乜所謂, 錢可以解決到既問題就唔係問題, 因為有好多問題錢係解決唔到既, 包括愛......



  • 娶你都幾便wow 10萬咩都搞掂 仲要6-8圍就ok 頂, 女家都唔只啦 我朋友擺都20圍, 仲要係算少個隻, 影婚紗相就唔好慳啦....



  • 你男友仲要成39..... 結婚擺幾圍的錢都唔肯出... 佢屋企人都唔肯啦....



  • 一生人至一次... 搞得好好睇睇啦... 我諗結一次婚加擺酒最少用25萬啦 叫可以接受........呢個純粹係個人意見 ...因我屋企較為傳統...擺起來都要20圍以上...所以係酒店擺加其他野最少都30萬的啦............



  • 這就是我憤怒的原因了. 我同屋企人都有妥協, 10萬已經是最慳了, 唔通唔使他俾禮金咩. 他又只需養媽媽, 樓又供完. 他有4個家姐, 問她們每人借2萬都有8萬啦



  • 我想嫁唔成了 ...



  • sad girl ---你唔知你男友大概有幾錢儲蓄ga咩 使唔使借錢結婚你都唔清楚.?



  • 我都30歲.


    都煩緊點樣有$結婚.


    但...睇你個case, 要周圍借$先結婚.


    結黎做咩呢?


    我就唔會想我既婚禮係問左幾個人借$而成事.




  • 一係旅行結婚 連酒都唔擺..........婚紗相就一定要影 ..........



  • 相處最緊要溝通嘛


    都就黎結婚,無理由臨尾香


    大家攤出黎講,有咩要求,有咩困難,講清楚�


    同埋我覺得版主你應該要知你男友嘅經濟能力


    呢樣我覺得好基本囉



  • 唉..結婚結得咁唔開心, 不結也罷..



  • 結完食兩個月公仔麵好


    定結完有錢剩享受下好?



  • 妳都好豪下喎.. 妳男友話 5000 幾元一圍既.. 妳都唔高興..





    其實一般婚宴係唔使錢.. 因為會有入場費嗎.. 妳唔係會充公曬 d 入場費化 ?





    密月.. 睇妳豪唔豪.. 萬多又得.. 十幾萬又得.. 平均都係 3-5萬..





    婚照可以去影.. 去台灣影都係 2-3 萬.. 妳豪就唔計呀..





    老實講.. d 錢如果唔用係個婚宴或者婚禮上..


    d 錢咪可以過妳袋.. 好過洗左佢...


    仲有.. 而家女多過男.. 妳唔要.. 呢到有成村人等住要..



  • 又一港女傑作 !!!



  • 六千蚊一圍....





    可唔可以話比我知有0的咩野食?



  • 酒店可能要 6000 一圍.. 不過.. 佢條仔都話 5000 一圍係酒店.. 佢都唔高興.. 人地要豪.. 冇法..



  • 版主,








    其實, 我覺得唔洗咁執着係酒店擺定係酒樓擺酒.





    擺酒, 係一件好麻煩0既事, 我自己身為女人都係覺得.





    如果想高高興興辦喜事0既, 我建議你不如一人讓一步.





    仲有, 點解唔選擇去酒樓擺呢? 依家好多酒樓都ok的, 又平0的.



  • 這就是我憤怒的原因了. 我同屋企人都有妥協, 10萬已經是最慳了, 唔通唔使他俾禮金咩. 他又只需養媽媽, 樓又供完. 他有4個家姐, 問她們每人借2萬都有8萬啦





    by sad girl - 07/18/07 13:31








    問親人借錢結婚, 我覺得好樣衰0羅....





    而且仲有好多手尾跟,又易招人閒話.



  • 問下自己,仲要睇其他人面色幾耐.





    用錢去買面子,擺足100圍又點?





    今日買,聽日過期.





    老公老婆,日日一齊生活架.



  • 我係女人,我都唔掙你,要老公借錢結婚,佢仲有面嘅?你顧自己嘅面子多的lor.



  • 咁快D分手啦,呢D男人大把人搶



  • 諗清楚, 唔好一時之氣呀...返唔返轉頭架.



  • 借錢結婚就無謂嘞.





    你男友39歲人10萬都掂唔掂??


    佢唔想駛咁多咋....


    不如你問下佢預幾錢攪啦!


    然後你排下你心中要攪嘅次序,


    skip咁D冇咁重要架啦..





    大家商量下,最多咪等佢儲下$遲D先結囉!


    千祈唔好用分手要脅人呀..



  • c9,





    c9 is c9, good suggestion..



  • 又有家姐, 可以問她們借一兩萬啦--->


    你講得咁爽,咁不如你去問朋友借錢啦!





    他又有自住居屋又有車(普通日本車)--->


    有呢d都唔代表有錢喎,佢有冇bank loan咭數呀?你知唔知架???





    我都同意C9所言


    有時唔夠錢就睇餸食飯囉 




    • 老公借錢結婚, 我媽咪都唔俾, 不過點解問家姐(即自己親人借)都唔得?


      - 當然唔會問外人借錢結婚啦, 要還息呀.


      - 我問他經濟情況, 他唔肯講 wo


      - 我擺 6圍 x $6800 再加一要用 $45000, 他收返一半人情都有二萬啦! 如果擺酒樓擺10圍再加一都一樣價錢 wo. 因為我地都知酒店貴, 所以已經擺少了, 我地已經讓步了, 難道我不可以有我的底線嗎?


      - 已經扣了一些開支了, 花車用他的車, 找朋友拍婚禮video, 不租旅遊巴接親人觀禮. 仲想點


    • 我最憤怒是我明明叫他直接同我媽媽傾, 但他昨晚11點幾打我手機, 想說服我唔好用十萬咁多, 問他想幾多又唔出聲. 他點解唔可以早點打來找媽媽 (他通常最遲都係 8 點放工)


  • 你叫佢直接同你阿媽傾?!唔係呀麻∼


    依家你嫁喎,佢係你未來老公


    咁梗係你地兩個拆掂條數先擺上去同上大人傾架啦





    照你咁講,我估你男友應該真係唔夠錢


    你都係好好地同佢傾傾啦


    發老皮迫佢唔係辦法喎



    • 唔得呀, 唔可以只得我同男朋友傾, 唔係他成日說服我減d.


      - 媽媽話除非我以後唔返外家, 否則要尊重她意見




  • 十雞係點用,吾係好明妳講咩,剩係妳女家禮金,定咩野都計曬。兩個人吾係一早計劃好,有相有糧架咩。



  • 咁即係就算佢同你阿媽傾,都係冇計傾啦


    你唔可以咁樣叫佢同你阿媽傾架喎





    依家你攪到好似番工咁,好似對住個客,個客要減價


    你講唔掂就叫個客自己打比你老板傾


    結婚唔可以咁冇默契架





    你要問清楚你男友


    究竟係唔夠錢定係唔想出錢


    定係根本唔想結婚


    問佢有咩方案提出解決


    唔可以只係話一句話唔用咁多錢




  • 唔明點解兩個已經三字頭既成年人


    攪結婚都攪到咁


    查實你男友有冇講過想結婚架?


    好似你捉佢上花橋多d喎



  • 咁點解你又唔使出錢呀...唔係你o地2個人結婚咩???你就唔使出你那一份??



  • 我出1, 2萬



  • 咁咪係囉...你先出得1, 2萬..但就要你未來老公出10萬...仲要問人借錢先結到婚, 其實你都唔想結婚...不如你分手啦.....




  • 講真,其實十萬唔係好見洗,版主你有無計清楚條數做唔做得曬你講果堆野架﹖



  • 算啦, 分手啦.咁煩



  • 妳咁既心態


    不如諗下妳地適唔適合結婚啦


    可能到時供樓又嘈


    比家用又嘈咪仲煩



  • 你下下都要男朋友問人借錢結婚, 其實係好討厭, 好黑人憎架....





    我相信大多數男人都唔想去到呢一步0羅, 而且, 你男友又唔係無能力, 只係可能手緊一點罷了.





    我覺得你正係將個重點focus on "結婚"呢一個短暫0既動作, 但係就無諗過婚後生活如何....





    仲有呀仲有呀... 你知唔知如果你問人借錢結婚, 就算係親人都好, 第日一定有好多閒話要聽架, 我諗你到時有精神壓力, 又會同老公嘈0羅.








    版主, 做人唔好咁短視啦.



  • 如果我要結婚, 我都唔鐘意問人借錢結.





    我同男朋友講過, 結婚, 一定要用自己錢, 無錢的話, 同居算了.



  • 真係執到都喊三聲


    你男人可以忍你呢d八婆,一係就極樣衰又窮又無出息,揀唔到第二個


    一係就智障,淨係識on居居咁



  • 推, 好想知咩結果...版主去左邊 ??



  • 版主: 你寧願要個男友問人借錢結婚都唔自己出多d幫輕下, 兩個人結婚梗係傾好哂個開支要幾多, 男女各出幾多, 而家先黎話條數唔岩, 究竟你地一開始有冇講明? 如果你男友一開始已經講左只可以出十萬, 你要佢出多d, 佢點變d錢番黎? 仲有, 如果你想要個豪華d既婚禮, 應該一早同男友傾清楚, 如果男友真係做唔倒既, 1) 版主自己墊錢出黎 2) 唔好同男友結婚. 你冇理由迫人地做d人地根本做唔倒既野.


    仲有, 你冇理由叫你男友直接同你阿媽傾, 堂堂一個大男人, 點同c奶拗數呀?仲要為左娶老婆? 你唔係咁樣落你男友面下嘛?? 而家你好似袖手旁觀咁囉, 成件事由得你男友自己解決, 由得佢同你阿媽講數, 咁你既責任係咩呢? 剩係去睇婚紗睇場擺酒? oic講得好岩, 30幾歲人都搞唔掂依d野, 唉, 唔係黑心, 不過我擔心唔知你地結唔結得成婚!



  • 版主而家擺阿媽上台,自己想達到目的,就話阿媽堅持,要專重阿媽,三十歲人結婚重叫阿媽出面同未來老公傾,版主係咪弱智架?逼男友借錢結婚,咁窮就咪鬼係酒店擺酒啦,真係前世唔修先娶著你咁既老婆,第時想買樓又叫男友問家人借錢呀笨