家住東區, 點去瑪麗醫院好? 媽媽腰骨有事, 怕捱唔住去, 仲話寧願唔去唔醫, 我好擔心...



  • 自十幾年前, 父親患癌我去過一次瑪麗後, 我都沒去過, 唔識搭乜車了. 而且而家媽媽又瘦弱, 痛到冇力, 天氣又熱. 如果搭巴士, 好驚上上落落行得多, 而且又怕會暈車浪和"櫈", 從中環去定上環呢? 起碼要搭半個鐘吧...



    如果直接由家中搭的士, 肯定又貴又耐啦! 搭地鐵還算坐得定些, 不過要上上落落, 有時好多樓梯才到地面. 我在想, 可否搭地鐵到上環先, 西港城出面是否有電車總站, 可否搭落去堅尼地城那邊, 盡搭, 才搭的士. 會唔會搭少些的士時間呢? 因為好人好者就話, 而家要顧好多方面. 佢仲話如此難行寧願唔醫算.



    我好擔心佢要做手術, 我又唔識照顧佢. 我是獨女,父親已不在. 媽媽好遲先至生我, 又遲結婚. 記得當年為父親的事奔波, 大家己受了一場折磨, 如今媽雖不至於有不治之症, 但也很麻煩. 我自己又好瘦弱, 身體差, 我已經怕如果係做手術, 我點撲來撲去呀? 我點識煲湯水佢呀?  我家從來都沒有煲湯乜滯. 的到時我點同佢回來呀?





  • 這陣子為了媽的事, 同佢睇醫生, 做曬所有家務, 趕住時間食葯, 我身心都好累. 脾氣有時好差. 餸又唔係煮得好惹味, , 因為一向食得清淡唔花巧. 佢都沒啥胃口. 有時媽說, 癌症反而冇咁受苦, 因為最多預備好最壞打算, 一個了結. 但如今腰骨若有什麼差遲, 便可大可小, 死又唔死得, 要受苦時仲衰. 而醫生都有好多考慮, 好棘手.





    我擔心都胃又痛, 心在震, 心好痛好痛...雖然心裡知道遲早有日佢會走, 人人都會, 但都唔想見佢有病痛, 而我又會得番一個人. 好驚......以前有阿媽幫我打, 我好怕的蟑螂鹽蛇, 病了有佢煲葯, 衫爛了佢補得好靚. 但我明白冇可能要佢自七老八十仲做! 自我安慰勸解, 有時好似會好睇得開, 有時又.....我都唔敢跟朋友講, 好怕煩到人家, 人地又冇辦法. 各人都有自家的煩惱啦, 所以都鬱埋鬱埋.




  • you can go to Central first and then take mini-bus to Mary hospital.


    Don't worry! Why you must go there? Don't you consider Eastern hospital?



  • good man,





    我都知可以搭小巴, 但係就係怕會"櫈". "東區"去過了.



  • 珍,





    我係 dondoonbb, 我今晚問�鴽瓻峊齯H, 晚些通知你.


    你住東區我都是, 我試過在東區搭的士去瑪麗, 要百多元.


    你唔好諗埋一邊, 要開心些, 如果你時時都唔開心, 你媽見到你咁, 佢重唔開心.


    所以你一定要支持住, 因為你媽靠哂你.







  • 你可以搭巴士到灣仔碼頭, 轉搭 40 或 40M 的巴士,




  • 你住東區邊度?柴灣至北角都係



  • no 40 or 40M 呢2架有排"櫈"





    如果可以搭地鐵就中環轉小巴55/22/22S(環球大廈門口)





    http://www.i-busnet.com/minibus/minibus1.htm



  • 我試過在環球大廈搭55小巴, 自己都覺得好拋, 因為好多彎. 我去到墳場就落了, 唔係好頂得住, 才知原來前一些便是. 但而家改了要去大口環呀, 我真係不知點, 因為冇idea 在哪裡.





    始終阿媽行得辛苦, 上落車和樓梯多就唔好, 所以我自己後來回程先行去試一次. 試過先到上環(MTR), 再搭電車去到盡到, 堅尼地城總站. 可以慢慢落. 之後問人, 話搭的士就好快到. 係就係煩一些, 但搭得定, 冇咁多上山路拋呢!





    但而家要去大口環, 係咪遠好多ga? 我知個醫生係好, 想找個有經驗的好醫生給我們多個意見, 但係怕遠就係自己的事. 點可以防止暈浪泥? 是否有話用生薑? 握在手裡定唔知點...以前都搭得的, 而家就唔係咁得了...





    我冇試過食定暈浪丸, 唔知得唔得, 所以都係找條定的路, 穩陣些. 我可是個要安全隱陣些的人呢!



  • 珍,


    我住柴灣, 你呢 ?



  • 珍,


    大口環就在瑪麗醫院對下, 下面是碧瑤灣, 去到尾就是大口環, 好快到.


    十幾年前我都去過大口環探病,




  • 我有個營養師朋友,幫過好多呢類既病人,佢地都好番,你地可以搵佢問下,佢好好人架,2366-2882馮小姐



  • 見你個營養師一獲,吊你一獲



  • dondoonbb,





    我又係住柴灣喎, 你近邊度呀? 小西灣都會算柴灣喎...你近唔近地鐵站那邊呀?