敢樣代唔代表佢越黎越愛我?



  • 同左佢一齊年半. 一路以黎我都覺得佢好 弧寒下..因為佢人工高, 都有成5萬幾蚊個月. 又唔洗養屋企. 

    所以我會expect佢對我慷慨d. 但佢唔係...........因為佢咩都同我AA. 十蚊都計住....又唔買禮物俾我. 生日都只係得對毛毛拖鞋... 聖誕禮物都冇份......相反我成日買野俾佢. 唔係咩貴野. 例如, 我自己路過見到我好喜歡既電影有dvd/vcd, 我知佢未睇過, 我會買俾佢睇.唔會問佢拿番錢.  好多時都係. 而佢呢? 從來都唔會.......有次佢會我講 " 呀我果日見到咩咩出左碟呀,幾好睇架, 仲有特價tim, 你鍾意可以買黎睇" ......我"哦"左一聲.......心唸...........既然你咁鍾意套戲, 又有特價, 你都冇唸住買俾我.......仲我自己去買...........個問題係, 如果佢人工唔高, 我唔會怪佢.....而係佢人工牌算好高下.......點解對我咁孤寒..............



    不過我都冇恐過佢. 我心唸人地唔係欠左我. 人地唔想花錢嚮我身上, 我迫唔黎, 迫到亦冇意思. 我自己又唔係冇錢洗....所以我從來冇同佢講過我覺得唔多舒服..



    不過近來佢好似有d轉變.. 竟然買左支香水俾我做gift (補番生日禮物) , 幾百蚊既香水佢肯買俾我我覺得係奇蹟. 跟住最近佢話我有少少肚腩, 叫我一定要同佢一齊日日去做gym. 就算佢俾錢都要我去做喎............嘩, 我又覺得係奇蹟出現............. 



    唔係話要下下用錢衡量, 不過有時d野真係成正比. 你地覺得係咪呢?



  • :P die la


    a guy suddenly turn generous :P must be guilty over something :X


    kidding~ maybe he finally understood that money is useless if u dont spend it? lol



  • 愛情就真係唔係用錢黎衡量ge!但係對自己個女朋友又唔洗計得咁盡囉!



  • 大鑊, 九成冇狐狸



  • 係囉可能佢心虛



  • 坦白講, 我唔鐘意搵0的高收入人士做男朋友...





    我覺得佢地會成日覺得我謀住佢地0既錢, 所以對我有介心, 又或者, 想盡一切辦法去試下個女朋友, 究竟係愛佢個人定愛佢0的錢.....咁樣拍都拍得唔開心.





    而依版主所講, 你男朋友, 開頭0個半年咁計住, 有可能係我所講0既原因.....





    但至於係唔係身有屎, 就要問返你自己喇.



  • 呢件事值得你開心便開心.





    唔好諗太多....如果唔係...萬一佢突然孤寒翻...你咪會計較自己0個排係咪少0左魅力...



  • 唔.... 其實可能佢都唔知你覺得佢mean





    可以幾十, 幾百對佢來說都是差唔多





    最緊要, 除了$, 佢對你好嗎?



  • 除左錢. 佢對我都幾好架. 有時佢有d 皮氣架.....不過又唔係太經常既.....


    我又唔覺得佢有第2個......我地成日都一齊. 佢應該都冇咩時間同第2個一齊. 又唔見佢神神秘秘講電話....


    不過佢係好容易識到女仔. 間唔中佢會我講:" 今日遇到個女仔...點點點".


    我問佢" 係呀? 靚唔靚架? " 通常佢都話唔靚...



  • fannysum: 可能都係...我唔知呀....


    講開又講,我識左佢幾個月之後, 佢就買左架車. 佢話因為想同我一齊周圍去.


    係一架mercedes benz. 但唔好問我係咩型號我唔記得. 我對車一d 知道都冇亦冇咩感覺. 記得有一次, 同佢一齊對其他人傾計. 佢地講起車, 又講起佢架車. 根住佢個frd 講笑地問我 "e? 敢係咪因為佢渣靚車先追到你呢?" ( 注, 佢冇offend我既意思,真係講下笑果隻). 我男友就答佢" 唔係呀, 我地一齊左之後先買架架車.."


    根住我唸下, 係喎......根住我自己覺得好開心...可能因為證明左我同佢一齊唔係因為物質呱....




  • 首先, 一個人唔會無端端改變, 而兩次既行動都係對你既外作修飾. 一個令佢有興趣既女仔搽果隻香水, 而佢有身材苗條, 佢溝唔到, 咪向你埋手, 務求令你越黎越接近呢個女仔既外型, 遲一步, 佢會主動同你行街買衫, 仲會建議你一些唔係你 sytle 既衣服...



  • 哦.......多謝你回覆. 不過我唸唔係. 因為我一向都有用香水.佢成日都讚我d香水香佢好鍾意既.....而話去做gym..佢係覺得我本身一向都keep得好好, 有少少肚腩破壞左就唔抵喇....太概係敢.





    其實我真係冇懷疑佢因為心虛而對我好或者有第2個target. 我敢講唔係對佢有特別信心. 只係覺得佢基本上係好絕同撇脫既人. 如果有第2個target,又或者唔多滿意我既話就會即刻飛左我, 根本都唔洗搞咁多野...呢個係我對佢性格既睇法.








    有好有唔好啦...