我好憎我老豆!!!





  • 佢搞你呀?



  • 我唔知佢點做人阿爸, 生左d仔女出黎又唔理, 以為真係天生天養, 痴線!!!! 佢份人完全無責任感可言~~~~~ 唔係一個好丈夫, 唔係一個好爸爸, 亦都唔係一個好兒子, 真係好唔想見到呢個人~~~~



  • 路人,





    咁又唔係~~~~ 果d直情係禽獸不如啦~~~ 都唔知佢地仲乜要生~~ 不知所謂!!! 完全睇唔起佢地!!



  • 咁都沒法架..


    自己咪要爭氣d囉..係咪



  • henry,





    而家要我日日對住佢, 想死~~~



  • 我都同妳差唔多有咁既情況啦


    但有時d野..枉枉就係要咁...




  • 我真係覺得一個咁唔負責任既人, 仲乜仲要去結婚生仔? 仲要唔止一次?? 佢究竟有無理過d 仔女既感受ga? 以我老豆為例, 差不多10年換1個老婆咁濟, 我同我同父異母既妹相差21年, 我唔明佢做乜要生? 以佢既年紀係咪仲要再用十幾年既時間同金錢去bring up 我個妹? 自己又唔識教又唔理, 我同我細佬由細到大都無家庭溫暖, 佢從來無比過一個快樂既童年既成長過程我地(i mean 心靈上), 而家又要整多件, 但唔夠幾年又同我阿妹個媽離婚, 我完全覺得佢係害緊多一個細路~~~



  • 咁有時大人既野..我地真係唔知佢地係想法係點





    只係知道如果係咁既情況..唯一方法..咪要做好自己..





    妳有細佬或者妹妹既..妳做大既..就要睇住佢地..




  • 搬出去


    唔好再理佢



  • 我都有個咁樣既老豆.


    我都好憎佢.


    我好驚我媽會死先過佢.


    到時我地就慘.


    新年既時候, 成家人都o向度玩.


    佢可以唔理有小朋友, 唔理有老人家.


    佢一個人o向度食煙. 完全唔理人地感受.


    後生時間又去滾, 又唔比$屋企.


    我媽又保守, 又唔敢離開佢.


    因為試過離開佢, 佢發曬顛咁搵我媽.


    我媽好怕影響倒其他人.




  • 而家我搬左出去同我bf住.


    已經年幾.


    呢年幾以來, 我媽如果唔o向屋企我都唔會返去探佢.


    有次我媽去左旅行, 叫我返屋企睇下老豆或者打個電話比佢.


    我當然寧願打電話. 一打通, 佢第一句就係講粗口話我而家先捨得搵佢.


    我聽倒, 以後都咪駛指意我再打.


    近來我媽同我講我老豆血壓好高, 醫生話都幾嚴重, 我同我媽講, 叫我媽激佢多d. 等佢快d爆血管.



  • 我同你差唔多


    有個同父異母o既妹妹


    我大佢10歲


    不過唔同o既係


    我唔洗對住我ar爸


    我同我媽, 家姐住


    但我同我同父異母o既妹妹好fd~


    我不嬲都唔會理上一代o既事..........


    即使好憎.........


    但我地li一代係冇錯o既


    最緊要自己活得開心la~~



  • HEY~,





    你同阿妹相差只不過係10年, 但我同阿妹相差係21年, 好話唔好聽佢做得我個女, 而且我想理亦都理唔到, 自佢父母離婚後, 佢同佢阿媽已經唔係跟我地一齊住, 我諗我阿爸都


    唔會多點樣理佢~~~~





    以我個人認為, 你風流你既事, 但唔該唔好影響到屋企人同下一代!!!!



  • 媽同我講我老豆血壓好高, 醫生話都幾嚴重, 我同我媽講, 叫我媽激佢多d. 等佢快d爆血管.-----第日你的仔女都會回報你倆個



  • 放長雙眼





    一家唔知一家事就唔好講咁多.


    我老豆60歲人, 成日幾廿年煙, 飲左幾廿年酒. (仲要唔濃唔食) 成家人捱佢d煙酒味咁多年你估好過引. 佢飲醉左又返黎屋企大吵大鬧. 我細個時就係恐懼中成長.


    你認為我講2句笑佢就會死嗎?


    何況...我唔會生仔. 現今呢個社會生來只會害左個細路.


    好簡單. ,生出來我都唔知比佢食咩. 食咩都有事.



  • 版主, jill, 我都好憎我父母, 我覺得d人無經歷過係唔會明白我地既痛苦, 我d阿姨佢地亦從來無理過我感受, 佢地知道爸爸d衰野, 但佢地只會同情我媽媽, 無人會o係我既角度去諗下其實我先至係受害者, 我媽媽對我都唔好架, 我諗佢地係意外生我出黎架, 因為佢地根本無結過婚, 無註冊, 我媽出完我出黎, 我老豆就唔要佢, 同另一個女人a一齊, 跟住我好細個, 就比阿媽帶左我去我阿公阿婆屋企住, 間唔中佢兩個帶我去食m記, 帶我番阿麻度, 我細個搭親巴士都成日嘔, 我唔舒服我都好辛苦我都唔想架, 我阿媽好討厭我帶麻煩比佢, 跟住番到去阿婆屋企, 佢叫我去換衫, 我又同緊我表弟講野, 佢打我, 打到我隻左手脫較, 我當時只不過係3歲, 我係咁喊, 佢又係咁鬧, 跟住佢走左, 有一個阿姨番黎, 見我喊成咁, 溜夜帶左我去睇跌打, 隻手痛到我丫, 不過都唔及個心痛.......



  • 阿媽好憎我, 可能佢覺得見到我會諗番起阿爸, 所以佢對我好差, 真係好差, 佢從來都無照顧過我, 佢只係放我o係阿公阿婆屋企就算了, 自己搬出去租房住, 次次番親黎阿公阿婆屋企, 都會好惡咁望住我, 一唔鐘意就打, 永遠無好臉色對過我, 我知道佢真係好憎好憎我, 阿公都好憎我, 阿公都對我唔好, o係童年只會係我阿婆同我有d阿姨會對我好, 不過佢地始終都係會幫住阿媽說話, 佢地會話, 你媽對你點衰都好, 佢始終都係你阿媽, 但我到今日我都唔會當佢係我阿媽, 因為真係無感覺.....





    後來, 我媽嫁左個男人, 因為個男人個阿媽唔鐘意我阿媽, 佢地係好辛苦先可以o係埋一齊, 好似係有左, 個男人同屋企反哂面都要同我阿媽一齊, o個陣時, 我阿媽有左, 就無做野, 日日都黎阿婆屋企, 搭食, o個陣時雖然多機會會見佢我阿媽, 但係我情原見唔到佢, 因為佢對我一d都唔好, d態度差到爆, 到到佢第一個寶貝女出世, 對我更差, 後來, 佢申請公屋, 由於阿公要佢帶番我走, 所以佢加左我個名, 再同房屋署講我現在是寄人籬下, 所以所以就好快有間公屋, d阿姨佢地好開心佢搵到個歸宿, 又有公屋, 但對我黎講就好唔開心, 係因為我根本唔想跟我阿媽番去住, 你地諗下, 我由細到大都係跟阿婆阿公住, 雖然阿公對我唔好, 但起碼阿婆錫我, 我阿媽點對我, 係人都知架喇, 仲點跟番去住呀, 我都成10歲啦, 又要適應過哂d新環境, 我阿媽都好唔願意帶番我番去住, 我試過O係佢度住左一晚, 第二朝早, 我自己拾番走, 我唔識搭車, 都要走, 跟住有日佢黎佢問我拎相片申請插班, 都問得好負氣, 仲話, 你估係我想帶你番去住既咩, 係你阿公迫我架! 我比左d相片佢, 佢走左, 我坐o係度諗諗下自己喊左出黎, 當時覺得好無助, 好不安, 覺得無人幫到我, 跟住我舅父O係度, 就同阿公阿婆講, 佢唔想搬番去住, 點解仲要迫佢呢, 勸掂左, 所以留O係度阿公阿婆度住,…….



  • 唔開心, 你幾大? 如果未够18歲可以去揾下社工睇下幫唔幫到你...





    我都好唔明d人, 唔想要小朋友既就唔好生, 選擇生既就要付責任, 養隻狗你都要理啦, 更何況係自己骨肉? 我唔知點解呢d人可以做得出唔理自己既小朋友...


    個天真係識開玩笑, 嗰d唔想理唔想要既就係咁生, 有d夫婦好恨要小朋友就無....唉...



  • 唔開心,





    你而家幾多歲?


    相比之下, 我都好好彩, 我有個好錫我既亞媽.


    我只係老豆衰.



  • 一直o係阿公阿婆屋企住, 都有見過下爸爸, 不過一年先一次, 又或者一年有幾次, 又或者幾年先一次, 次次都係我姨約我阿爸, 阿婆就叫我見到阿爸, 要叫佢買野比我, 因為我阿媽唔係係唔係比得少錢, 定係無比錢, 得阿婆d私己錢係照顧唔到我d物質需要, 以前讀小學, 買個書包都係錢, 所以我讀小學時, 係要趁有機會見到阿爸先可以有新野用, 所以以前小學衰到偷人地d文具同錢, 又試過呃朋友錢, 又試過偷舅父錢, 不過舅父無鬧我, 只係問阿婆阿姨佢地, 我係咪有d咩需要要用到錢, 後來, 阿婆佢地開始留意我, 放學又搵阿姨黎接我, 我諗我最壞既時候就o係o個陣時, 好彩無話o係出面偷野, 如果唔係佢地唔會好似我舅父咁會原諒我架! 而我阿媽就一路都無理過我, 係試過小學四年級時要重讀, 比佢話” 我都無咁好氣黎話你呀! ” 跟住一路都無乜點理過我d野, 到到中學時好d啦, 我阿姨出面同我阿爸講, 叫佢要定時比錢我, 咁o個陣時我既環境就好d, 中四, 中五要交學費都係阿爸比錢, 仲有d零用錢買下, 不過o個陣中學時, 開始頂唔順阿公d脾氣, 以前細個就話無得反抗比佢一巴二巴車埋黎o者, 佢真係好憎我架, 試過有次, 阿姨見未來老爺佢地, 去飲茶, 我拎住本雜誌睇, o係度咪電視劇集d內容, 飲完茶之後o係商場, 我阿公無啦啦就一巴車埋黎, 仲係下下打頭喎, 跟住我阿姨就話, 唔係當街打啦, 唔好成日打佢個頭啦, 打打下佢會傻架!… 我阿公係由細到大都係咁打我架, 同埋佢從來都無尊重過我, 我已經o係佢屋企係好無地位架喇, 我係無書枱做功課架, 咁多年來都係o係張貴妃椅度做功課, 阿姨同阿婆佢地又鐘意日日下午o係屋企打麻雀, 又成日叫我幫佢地斟茶遞水, 夜晚溫書, 聽日考試, 佢可以唔理我溫緊書, 走去熄燈, 結果我匿o係廚房度溫, 考到好成績番黎 ……..





    後來, 讀到中五就頂唔順了, 試過離家出走, 去同學屋企住, 試過界手, 試過自殺, 所以有學校社工跟進, 學校個社工就成日搵阿姨, 阿爸佢地, 終於迫到阿爸肯出錢搵個地方安置我, 人人都當我係問題少女, 人人都覺得我係學壞左, 我個好同學個阿媽講o個句說話我呢世都記得, 佢話” 呢個世界呀, 邊有阿爸阿媽唔要d仔女架? 更係個仔女唔生性, 先攪成咁架啦!” 我聽到之後, 我覺得佢好無知, 咁現在事實上係有呀, 唔好話你見識少!




  • 我阿爸又唔哆唔吊咁得把口, 我o係同學屋企住左成差唔多兩個月喇, 人地屋企人都唔係咁方便喇, 比你住幾日已經人至義盡啦, 仲要住成兩個月喎, 加上我好多野都仲o係阿公度, 我要番去拎先得, 因為就黎考mock喇, 跟住我記得我係對我阿爸發火, 佢先至即刻同我一齊去搵地方, 好喇, 即晚租左個單位喇, 但係好戲在後頭呀……





    租左個單位之後, 我以為可以專心咁讀書, 點知, 住左半年之後, 佢就成日欠租, 攪到個業主o個兩公婆成日走上黎嘈, 我o個陣又細, 得o個17歲女仔, 業主個老婆又麻x煩喎, 我打電話比我老豆, 叫佢交租, 佢就話未有錢住, 叫我頂住先喎, 我話我點頂住先呀? 佢鬧我話” 乜你咁無x用架?” 我話你咁有x用, 過黎同個業主傾丫, 人地而家兩公婆o係個門口嘈哂呀, 跟住佢cut左我線, 之後打極電話都唔通, 我o個陣時又細, 唔識野, 其實我可以唔駛理個業主兩公婆架, 真係拍埋門話之佢兩個嘈到拆天都得呀! 等佢出收數令我先搬都台�, 跟住我又驚喎, 咁咪報警囉, 之後警察黎到, 就叫業主兩公婆比多幾天時間我, 拾野又好, 交番租又好, 夜麻麻, 叫我走去邊, 跟住老豆交番租, 不過佢個底花哂, 因為佢走去打電話講粗口媽個業主, 我諗當時個業主唔係唔掂, 都唔會租比我地, 同埋當時仲未過一年生約, 佢叫我走佢要賠錢比我地, 跟住斷斷續續咁, o係o個度住左一年到啦, 其間報警無數, 因為老豆經常唔交租, 業主兩公婆經常上黎嘈, 攪到我都唔知點算, 後來, 終於頂唔順, 自己同d朋友拾好野, 我又搬番去以前住過o個個同學屋企o個度住, 我o個陣時岩岩考完會考, 做緊份政府既temp, 叫做有糧出, 自己兩餐不成問題, 跟住我再問我老豆想點安置我, 佢話不如我每個月比三千蚊你同學個阿媽, 等你o係佢度住啦, 我話唔得, 人地間屋好細, 根本唔夠住, 無可能再加埋我住, 我都係睡緊木板床, 同學睡地下咋, 跟住佢話再諗辦法, 跟住同學個媽咪陪我番去搵阿公, 睇下可唔可以番去阿公度住, 阿公既反應好冷淡話唔可以, 跟住同學個媽咪問我, 咁你有乜打算? 我話我唔知, 我當時18歲, 我見我o係人地屋企住都唔係辦法, 人地都唔係咁鐘意 跟住我記得我o個日星期六放左工之後, 番去同學屋企拾好番自己d野, 將d行李, 拎去另一個朋友做緊野既地方度擺, 自己番左去學校坐, 到夜晚去拎番d野, o個晚我朋友做野o個度d人一齊食飯, 叫埋我去, 我拎住幾袋行李去, 又有被又有衫, 個個覺得好奇怪, 不過無問到我, 我未試過有種咁既感覺, 我唔知你地明唔明係咩感覺, 即係人地收左工, 一齊開開心心去食宵夜, 而我就今晚唔知去邊度睡, 明天唔知點算既諗法, 個人好似無目的咁, 又無屋企番, 又唔知去得邊, 結果, 食完飯之後, 朋友試下問下佢屋企可唔可以收留我, 結果比佢阿媽鬧一大餐, 呢個阿媽就係o個個無知既婦孺, 我死都唔會比佢睇死, 我睡街都唔會睡o係佢門口度, 跟住幾個女仔拎住d行李, 行到去馬檻, 想去馬檻睡, 但我又驚, 唔敢上去, 跟住我朋友無啦啦o係度喊, 我以為佢係擔心我所以喊, 點知原來o個晚係7月14, 佢驚有鬼, 又驚見到差人問我地做咩咁夜拎住d行李, 所以喊左出黎, 跟住佢自己走左先, 其他人唔係屋企有白事, 就係屋企唔得, 所以我o個一晚就o係公園度坐左成晚……. 早知就去馬檻睡啦, 不過o個陣時一個女仔又唔敢上去o個d地方度睡,


    o個晚行雷閃電落大雨, 我就迫自己喊出黎……




  • 我現在27了, 社工幫唔到d乜架!



  • 先喎, 我話我點頂住先呀? 佢鬧我話” 乜你咁無x用架?” 我話你咁有x用, 過黎同個業主傾丫, 人地而家兩公婆o係個門口嘈哂呀, 跟住佢cut左我線, 之後打極電話都唔通, 我o個陣時又細, 唔識野, 其實我可以唔駛理個業主兩公婆架, 真係拍埋門話之佢兩個嘈到拆天點頂住先呀? 佢鬧我話” 乜你咁無x用架?” 我話你咁有x用, 過黎同個業主傾丫, 人地而家兩公婆o係個門口嘈哂呀嫁左個男人, 因為個男人個阿媽唔鐘意我阿媽, 佢地係好辛苦先可以o係埋一齊, 好似係有左, 個男人同屋企反哂面都要同我阿媽一, 跟住佢cut左我線下佢屋企可唔可以收留我, 結果比佢阿媽鬧一大餐, 呢個阿媽就係o個個無知既婦孺, 我死都唔會比佢睇死, 我睡街都唔會睡o係佢門口, 之後都得呀! 等佢出收數令我先搬都台? 跟住我又驚喎, 咁咪報警囉, 之後警察黎到, 就叫業主兩公婆比多幾天時間我, 拾佢, 因為佢對我一d都唔好, d態度差到爆, 到到佢第一個寶貝女出世, 對我更差, 後來, 佢申請公屋, 由於阿公要佢帶番我走, 所以佢加左我個名, 再同房屋署講我現在是寄人籬下, 所以所以就好快有間公屋, d阿姨佢地好開心佢搵到個歸宿, 又有公屋, 但對我黎講就好唔開.



  • 人間悲劇 ~





    唔開心 , 咁而家你點呀 ?



  • 我打字打到手軟


    所以唔開心








  • by 3:20pm - 06/13/07 18:53





    ﹕-)





    dont try to be funny.







  • 之後, 第二日, 有一個做緊社工既姐姐(佢係我返團契時認識既導師), 佢話不如先去佢屋企住幾天先再搵房租, 跟住佢又話不如試下再勸下阿公比我番去住啦, 跟住去到阿公屋企, 傾唔掂, 仲比佢鬧一大餐, 差點走出去跳樓死, 係個姐姐拉住我, 我先無事, 如果唔係真係一早死q左啦, 當時做緊o個份政府temp. 做得好唔開心, 比個阿姐恰, 仲要比阿公鬧我出黎做野係要受氣, 個姐姐同佢講話, 我地呢d出左黎工作很多年既人受氣都唔開心啦, 更何況佢只不過係岩岩出黎做野既人…… 傾傾下, 阿公就肯比我住, 不過佢d態度一樣係對我咁差, 傾電話同睇電視呢d咁小事都唔比, 開燈睇書唔比, 我以前住既時候都無自己一間房, 搬番去住亦一樣, 同阿公上下格床, 有時我換緊衫, 佢都唔理照入黎拎野, 天氣熱, 我想開把風線吹下都唔得, 話我搵得張被嬲住自己, 即係唔熱啦! 但我習慣左會搵張被嬲一嬲自己架, 同埋張被係好薄, 所以我當時o係佢屋企住好辛苦, 講得衰d, 仲衰過坐監, 本來我一個人自由自在o係出面住左成大半年, 跟住又要搬番番去阿公度住, 你地話我當時點適應丫? 其間我有搵我阿爸, 都唔敢問佢租屋o個d野, 淨係問佢呢排點, 佢勁負氣, 好似係我欠左佢咁, 佢條女話佢有病喎! 就黎死喎! 跟住cup左我線!……..





    到到我份temp job差唔多完成時, 我亦都真係受唔到阿公d脾氣喇, 我講過我再搬出去, 我點都唔會再番黎住架喇, 因為我同阿公真係相處唔到, 結果, 我同我阿姨講, 佢同我阿媽講, 睇下我阿媽有無辦法, 我阿媽仲打黎同我講話” 哎, 妳呢, 我都費事話妳喇, 妳自己生生性性啦下, 咁呢er, 姨媽個朋友o個度呢就有間公屋, 500蚊度啦, o係元朗架, 妳自己搬去o個度住啦” , 我當時要求佢, 所以佢咁既語氣我都算喇, 我心諗我有乜唔生性呀? 係你同阿爸攪到我咁架咋! 生我出黎又唔理, 由細到大我都係寄人籬下, o係阿公屋企比阿公鬧到大同打到大, 佢打到我讀到中五都仲會打我, 我先至會離家出走, 比人當wet妹, 比同學阿媽咁話我, 我情原我一出世我父母死左, 我都唔會咁唔開心, 因為我會覺得唔係我父母唔要我, 而係佢地一早已死左, 就算我入到去孤兒院, 我都總好過住o係阿公屋企, 因為入到去個個身世同我一樣, 我就唔駛成日面對一d唔公平既現像,


    成日見到表弟, 表妹有父母鍚, 想買乜都有, 自己就咁樣……….





    後來, 到我差唔多要搬走既時間, 我個同父異母既阿哥, 打黎話阿爸死左喇, d語氣仲要好負氣, 好似係我害死佢咁, 我已經煩緊要搬既野, 份工又完左, d錢又用左黎買新屋d野, 我已經好煩, 佢仲要打黎咁既語氣, 我咪問佢咁點囉, 跟住佢話無野啦, 話唔想同我講野, 咁就唔好講啦! ………….. 直到現在, 我都唔知我阿爸係咪真係死q左, 死q左o係邊我都唔知……….. 我當時係19歲, 後來, 仲要比我表姐以為係我絕情, 唔拜我老豆而嬲左我, 根本無人同我講過我老豆死左去邊, 我心諗, 你地有事先識得黎搵我, 我之前呀, 睡公園, 差點跳樓死o個陣又唔見你地搵下我, 一打黎就係怪責既語氣, 我到現在諗番起, 我都係覺得自己係無錯既!




  • 之後..................錯既!



  • 當時我做o個份政府temp, 本來應該係文職工作黎既, 但係當時去到既時候, 得倉有位, 所以就算我係女仔, 都要去倉度做, 一係就唔好做, 其他文職位已經有女仔做緊喇, 大家同工錢同一個職銜, 人地就舒舒服服坐冷氣房唔駛郁打下字又一日, 我就要去搬搬抬抬入倉拾野, 做到身水身汗, 試過有次比件制服由高處兜口兜面拍落黎呀, 加上倉o個度有個極度乞人憎既30幾歲阿姐, 佢好鐘意針對d女仔, 我o個陣時每日由大埔出去側魚湧番工, 由朝做到晚, 仲要係努動性工作喎, 仲要比個阿姐恰, 所以話丫, 呢個世界幾時有公平過丫?!





    後來呢份工完左, 我又搬左入元朗度住, o個間屋係o個d中轉屋黎架, o係臨屋附近, 環境都幾雜架, 同埋好遠, 多單身男人住囉, 所以我一個女仔住都要好小心, 多d同d房署職員打好關係, 等佢地睇住下我, o個陣時, 我又未搵到另一份工做, 我想搵番文職既, 不過無乜經驗, o個陣時連開飯都成問題呀, 所以o個陣時乜工都搵乜工都做, 不過都係搵唔到, 我當時真係好驚, d罐頭都食得差唔多了, 租o個度我就叫我姨媽個朋友幫我交住先, o係無辦法既情況下, 我同我阿媽講話我想搬番去住, 佢就話無地方收留我, 我就話我睡地下都得, 我同佢講話我無飯食喇, 我o係妳度住都話有兩餐食丫, 佢都話唔得, d語氣仲要好差, 擺明都係唔想我番去住, 唔想理我, 咁好丫, 既然咁絕情, 我都唔怕同佢嘈, 我就同佢講, 話間屋根本有我個名, 點解我唔番得去住, 當初唔係因為我, 你地會咁快有公屋住? 跟住佢就粗口黎喇, 詳細佢講d乜我唔係記得好清楚, 不過我最記得佢話: “ 我地一家四口o係度住左咁多年喇, 你先得o個一個人, 點同我爭間屋呀? Xxxafasdfaga……… 最後既結果當然係傾唔掂啦!





    其間好彩有d同學仔買左很多食物黎比我咋, 如果唔係都幾難過呢關, 跟住我去申請綜媛, 等緊佢批既其間, 我搵到份6000蚊既文員, 跟住就唔駛申請綜媛, 靠自己, 自力更生, 當時一頭就番工, 夜晚就番元朗睡, 日子就係咁過了!………….




  • 當時我做o個份政府....日子就係咁過了!………….



  • 你地話你地好憎阿爸, 我諗我比起你地我更憎恨佢地! 因為佢地令到我有咁多唔開心既回憶, 同埋令到我咁唔信人同埋諗野咁悲觀, 你地成日問我現在點, 其實我係想一氣呵氣咁打哂出黎先, 我打到我搵到份6000既工時, 我係大約19至20歲, o係個個其間, 我係正式同屋企既人同事say bye架喇! 真係自己獨立, 唔靠屋企人, 都無得靠啦, 其實我係好想讀多d書, 無奈我當時會考考得唔好, 升唔到上去, 我想進修設計, 不過當時咁既環境, 我只好繼續做份temp. 讀設計唔駛諗喇, 我覺得讀多d書, 將來先可以搵到份高人工d既工, 香港地下下都講學歷, 你地問我現在既我係點, 我現在都只係做緊份receptionist, 人工低, 受氣無地位o個隻, 唔係我無進修, 而係我之前工作既際遇都唔太好, 其實我係好想爭氣點, 有樣野好既, 係我無學壞到, 不過係事業方面就未如理想!



  • 唔開心:





    真係感覺得到你有幾唔開心


    不過同樣你講得好岩, 你無學壞到已經好好了.





    那你現在可有男朋友? 又住邊呀?




  • 係呀, 因為自己本身身世已經係唔好喇, 如果學壞左, 咪仲更加比人睇唔起, 我我咪講過話我同學個媽咪講o個番說話既, 佢話邊有父母唔要d仔女架, 都係d仔女唔生性個父母先唔要佢地咋, 所以我就更加要爭氣d, 唔好衰比佢地睇, 我阿媽成日話我唔生性, 我就要生性比佢睇, 比佢睇下就算妳無理我過, 我都識自己教好自己, 唔會好似佢咁行差踏錯, 識埋d衰男人衰埋一堆, 同人攪埋跟住生埋唔理。



  • 相信同你比我真係好幸福, 希望你以後都會快快樂樂生活





    那你現在一個人住嗎?



  • Cc你有咩野經歷呀? 我現在已經唔係一個人住了, 係同男朋友兩個租屋一齊住, o個陣時住元朗o個度住左一年, 我姨媽個朋友話要收番間屋, 之後我再租板間房, 又盛, 轉轉折折, 都係同男朋友一齊住!





    現在我乜野都唔諗喇, 只係想努力做野賺錢讀書養活自己, 盡量對自己好d, 鍚自己多d, 遲d我會讀番設計架, 祝福我啦! 過去既經歷我會當係磨練我既意志! 其實上面有d人講得好岩架, 上一代既事唔到我地去控制, 所以最好都係做番自己, 唔好行差踏錯, 唔好學壞, 唔好走上一代行錯既舊路…….





    前幾個月, 知道左一個消息, 就係我阿媽個男人要同佢離婚, 個男人識左另一個有錢女人喎, 佢o個兩個寶貝女都唔理佢, 因為跟佢就無書讀無物質享受, 情原跟老豆同個有錢既後母, 話會供佢兩個讀書喎! 我知道左之後, 都覺得我阿媽好慘, 成50歲人先攪成咁, 原先諗住有個伴有個家可以開開心心咁過埋下半世, 點知又會攪成咁, 不過我又會諗佢由細到大都咁對我, 我到現在都仲記得好清楚佢係點樣對我, 我諗我一定唔會原諒佢架喇! 佢打電話黎同我傾計, 我都只好當佢係朋友咁同佢傾, 我諗我對佢既心結係一世都解唔開!




  • 唔開心,





    I really respect you to have survived all these years. I did have a broken family but it was something beyond our control - my dad died of cancer. My mum tried her best to provide what we need yet my brothers were simply disappointing. One of my brother later passed away years later and now my family is simply left with 3 of us - usually just 2 since my another brother cares for money only. I guess my everyone has a sad story behind closed door... Sincerely I wish you all the best in the future and keep up the spirit - what does not kill u makes u stronger!!!!



  • 唔開心





    你好叻,overcome左好多野架喇,你而家份job係好多人既dream job黎, 我唔係講笑,我好多朋友都想做receptionist, 壓力又唔大,工作量又輕, 比好多人既工都好好多架,又比失業既人好好多





    你又有男朋友錫,好多人都無拖拍


    希望你遲d讀設計順順利利, 衷心祝福你









  • 讀書養活自己, 盡量對自己好d, 鍚自己多d, 遲d我會讀番設計架, 祝福我啦!





    ~你很棒~


    ~~~~~ 衷心祝福你 ~~~~~







  • 唔開心


    我好有心機睇曬你打既野(平時我好少會咁),可想而知你童年至廿歲呢段時間勁唔開心。但真的很佩服你既忍耐力。要記住唔唔開心既事已成過去~所有對你不好的人都得到應有的報應。但嘗試能否願諒你的親生媽媽,佢都50歲人才比老公仔女拋棄都得到應有報應~你就當以德報怨。至於你細個時曾經對你好的婆婆同舅父亞姨佢地~有時間的話咪約下佢地飲下荼,因為曾經佢地都有幫佢你。


    係呢度在祝福你努力呀~過去的不快經歷就當一個艱苦的磨鍊。也希望你男朋友更加愛錫你^^記住開心d呀~




  • 你話我份job, 工作量唔大, 壓力又唔大, 咁如果比起你地o個d係算係既, 但係如果比起其他receptionist就可能未必, 同埋我既人工係唔高架! 我既工作量係唔大, 不過好多濕碎野要我做, 仲要受氣, 呢幾年成日都睡得唔好, 今日先同個同事傾過, 我同佢講, 可能係因為我阿姐令到我咁, 壓力係來自佢比我既, 話明阿姐, 女人比較要求高, 佢會覺得佢當初都無人教, 佢都要你自己諗點做, 語氣態度都對我唔好架! 但佢對其他人就好好, 對我就係咁, 我覺得佢唔係唔鐘意我, 講真, 唔鐘意我既就一早炒左我啦, 我覺得佢係對我擺上司款, 所以我有時都覺得, 做呢份工, 好無地位, 又要受氣, 人工又低, 其實我覺得呢份工係唔岩我架, 不過我想要一份工, 可以唔駛ot, 唔要有壓力, 安安穩穩既工, 唔駛ot係因為我想去讀書, 唔要壓力係因為我係一個好易失眠既人, 以前既工作都係做shipping, purchasing好大壓力, 加上我運氣唔多好, 成日都遇著d女人上司, 女上司始終都係差d架, 呢樣係真架, 即係比我揀我, 我一定唔會揀女上司, 好頂唔順佢地d有骨既態度, 而要安安穩穩既係因為我要自己生活, 我必需要安穩, 但係之前既工作, 好多都做唔長, 係我既工作運真係唔好彩, 好多時都遇到d衰人, 我同女人上司真係唔多夾!







  • 我諗我既心結係打唔開既, 係, 我阿媽現在係好慘, 但係佢又有無諗下, 我都好慘, 佢以前有無對我有過好聲氣? 佢婚變之前, 佢都有打電話黎搵我傾計, 但我既心結始終都係解唔開, 我好難用好好既語氣同佢講野, 係我真係做唔到, 我成日都會諗起以前d野, 我好唔開心, 再加上現在出黎社會做野, 事事都唔順意, 有陣時, 我都會埋怨佢地, 我埋怨佢地點解唔可以做好父母既責任, 我同事同我差唔多年紀, 都係廿幾歲女仔, 佢父母對佢好好, 好錫佢, 就算佢對父母唔好, 父母都好錫佢, 佢同我講, 佢以前佢爸爸話送佢去外國讀書, 係佢唔肯去, 比著係我, 我一定去囉, 我唔明白, 點解有d人, 人地唔駛做d乜就可以擁有, 但係佢又唔珍惜, 而我就好想有, 但係呢一世都唔會有, 佢明明有屋企人錫, 有自己間房, 佢都走出去去個bf屋企住, bf屋企同屋企人住既, 佢明明自己有屋企番, 佢都要去bf屋企住, 住左幾年, 直至佢bf話識左另一個要同佢分手, 叫佢走, 佢先拾埋d行李番屋企, 佢屋企人一句聲都無出過, 仲對佢好好, 咁點解, 我想有一個屋企, 但係都容納唔到我, 我o個陣時番到去求阿公時, 我差點要跳樓, 先至比我入門口?? 之後仲要咁對我, 攪到我最後都係搬番出去一個人住, 一個人生活, 做年做節都係一個人過, 睇住人地一家大小一齊食飯行街, 自己一個番屋企食飯盒, 呢種感受, 我個同事係唔會明架!





    你叫我原諒我媽, 真係好難, 有次佢打過黎問我有無平d既地方搬, 我無理佢, 後尾聽我阿姨講話佢婚變既事, 話佢無地方住, 我就叫佢搵社工幫手啦, 跟住我阿媽打黎搵我傾計, 我見佢咁慘, 我算啦, 我當係同我朋友傾計聽佢呻啦, 但係我覺得佢都係死性不改, 佢同我講左一句話, 現在佢個兩個寶貝女唔跟佢, 佢好傷心, 就同我講話, 佢同佢o個兩個女講, 就係因為我用哂d時間去照顧妳地, 攪到無理到妳家姐呀! 佢用我咁講, 我覺得有d馬後炮既感覺, 唔知點解覺得有d反感, 未有佢兩個女之前, 佢都係咁對我架啦, 佢有對我好過咩? 我聽到佢咁講之後, 我只係講左句"係咩", 我覺得佢呢個人係好自私既人, 有事既時候先至識搵人, 以前係咁現在係咁, 又話d阿姨好唔理佢, 話現在先知道咩叫人情冷暖, 我心諗, 我好細個已經知喇! 我o個陣時無飯開妳係我親生阿媽妳都唔收留我啦, 學咩人講人情冷暖丫!





    其實佢打黎, 我仲當佢係朋友咁傾計, 我都覺得我算係咁架喇, 佢以前咁樣對我, 我無踩多佢兩腳我都算係咁啦, 佢成日話我唔生性, 咪睇下佢o個兩個竇貝女有幾生性囉!



  • 準時收工都好好架喇,想起之前份工,根本無可能準時收到工, 壓力好大,有個同事搞到有肺癆,一個胃炎入院+一年瘦左10幾磅,一個工作過勞到腰骨出事,唔郁得,要入院做手術





    又有時d上司唔識同下屬相處,我都係quit左之後先同舊女上司frd咋



  • FO:





    唉, 越做越灰心, 尋日頭痛請左日病假, 今朝早一番黎, 成枱都係野, 已經好唔舒服, 頭先仲要出街做野, 好熱好辛苦......





    頭先落去買飯時, 等緊LIFT, 企左O係度個頭好痛, 見到我個女上司, 佢無望過我又無同我講野, 今早番黎人地A/C個大佬都問我有無事啦, 佢見到我咁樣都無問侯下我, 好似淨係同佢公事上有來往咁, 淨係叫我幫佢做呢樣做O個樣, 真係做到好灰心, 我唔係話要佢對我好好, 不過點解對人地D下屬又咁好, 對自己O個D又不聞不問唔關心, 其實我想同佢關係好D, 不過佢又對我咁冷淡, 好灰心, 唔想去討好佢!



  • 解, 我想有一個屋企, 但係都容納唔到我, 我o個陣時番到去求阿公時, 我差點要跳佬都問我有無事啦, 佢見到我咁樣都無問咁冷淡, 好灰心, 唔想去討好佢! 唔開心 replied 14 days ago :





    我阿爸又唔哆唔吊咁得把口, 我o係同學屋企住左成差唔多兩個月喇, 人地屋企人都唔係咁方便喇, 比你住幾日已經人至義盡啦, 仲要住成兩個月喎, 加上我好多野都仲o係阿公度, 我要番去拎先得, 因為就黎考mock喇, 跟住我記得我係對我阿爸發火, 佢先至即刻同我一齊去搵地方, 好喇, 即晚租左個單位喇, 但係好戲在後頭呀……





    租左個單位之後, 我以為可以專心咁讀書, 點知, 住左半年之後, 佢就成日欠租, 攪到個業主o個兩公婆成日走上黎嘈, 我o個陣又細, 得o個17歲女仔, 業主個老婆又麻x煩喎用架?” 我話你咁有x用, 過黎同個業主傾丫, 人地而家兩公婆o係個門口嘈哂呀, 跟住佢cut左我線, 之後打極電話都唔通, 我o個陣時又細, 唔識野, 其實我可以唔駛理個業主兩公婆架, 真係拍埋門話之佢兩個嘈到拆天都得呀! 等佢出收數令我先搬都台? 跟住我又驚喎, 咁咪報警囉, 之後警察黎到, 就叫業主兩公婆比多幾天時間我, 拾野又好, 交番租又好, 夜麻麻, 叫我走去邊, 跟住老豆交番租, 不過佢個底花哂, 因為佢走去打電話講粗口媽個業主, 我諗當時個業主唔係唔掂, 都唔會租比我地, 同埋當時仲未過一年生約, 佢叫我走佢要賠錢比我地, 跟住斷斷續續咁, o係o個度住左一年到啦, 其間報警無數, 因為老豆經常唔交租, 業主兩公婆經常上黎嘈, 攪到我都唔知點算, 後來, 終於頂唔順, 自己同d朋友拾好野, 我又搬番去以前住過o個個同學屋企o個度住, 我o個陣時岩岩考完會考, 做緊份政府既temp, 叫做有糧出, 自己兩餐不成問題, 跟住我再問我老豆想點安置我, 佢話不如我每個月比三千蚊你同學個阿媽, 等你o係佢度住啦, 我話唔得, 人地間屋好細, 根本唔夠住, 無可能再加埋我住, 我都係睡緊木板床, 同學睡咁鐘意 跟住我記得我o個日星期六放左工之後, 番去同學屋企拾好番自己d野, 將d行李, 拎去另一個朋友做緊野既地方度擺, 自己番左去學校坐, 到夜晚去拎番d野, o個晚我朋友做野o個度d人一齊食飯, 叫埋我去, 我拎住幾袋行李去, 又有被又有衫, 個個覺得好奇怪, 不過無問到我, 我未試過有種咁既感覺, 我唔知你地明唔明係咩感覺, 即係人地收左工, 一齊開開心心去食宵夜, 而我就今晚唔知去邊度睡, 明天唔知點算既諗法, 個人好似無目的阿公屋企比阿公鬧到大同打到大, 佢打到我讀佢地根本無結過婚, 無註冊, 我媽出完我出黎, 我老豆就唔要佢, 同另一個女人a一齊, 跟住我好細個, 就比阿媽帶左我去我阿睇死, 我睡街都唔會睡o係佢門口度, 跟住幾個女仔拎住d行李, 行到去馬檻, 想去馬檻睡, 但我又驚, 唔敢上去, 跟住我朋友無啦啦o係度喊, 我以為佢係擔心我所以喊, 點知原來o個晚係7月14, 佢驚有鬼, 又驚見到差人問我地做咩咁夜拎



  • 真係唔明時時給人踢爆你作廢話


    你仍然樂此不疲地去作作作


    雖然你寫極唔厭


    但所有人都睇穿你啦


    不過手係你既……冇辦法啦


    留番你自己答自己啦………


    睇下你的恆心可以答得幾耐


    繼續啦~~~ go go go~~~







  • 457





    你係咪俾人呃過? 所以對其他人講既野都覺得係假? 如果係,你應該去搵搵醫生,睇下你有乜精神病,早少少醫好�





    如果你自認無病, 咁你有乜point証明點解你會覺得係假呢?


    假乜春呢?





  • 佢癡線架


    成日走入人地d post話人地作古,又鐘意鬧人變態佬


    其實佢自已先至係搞事人


    佢d精神病未好番,你知道就得喇







  • 講開又講,你好耐之前O係呢度係咪講過: 想去拜亞爸,不過唔知佢安葬o係邊? 同埋你女上司好衰,對其他人好過對你,同人有講有笑,不過黑哂面咁對你, 係咪呀?





    如果兩樣野都係你有講過,我對你既事都有印像呀:p



  • 成日話人假,又提唔到有疑點既地方, 呢d人一d都唔尊重人, 成隻狗咁吠吠吠,討厭