4. 我的愛情故事

我的愛情故事

  • R

    大家好，我想同大家分享下我既愛情故事

    0
  • R

    八年前，當ICQ仲盛行既時候，我就同其他好多人一樣，響網上識女仔，一黎自己當時怕羞，同埋自己當時識既女性朋友都大過我幾年，唯有用呢個途徑識女仔。

    有一日，我響ICQ遇上佢，起初其實都只為出黎當識多個朋友，我同佢傾得咁上下，就約佢出黎見面啦，仲交換埋電話添!當日約左佢響當時仲係新既新世紀廣場睇戲，我地果日睇"月亮的秘密"，我第一眼見到佢，有種好特別既感覺，唔知點形容。睇之前我地去左food court食野，同佢一路傾計呀，發覺到一樣好特別既野，就係佢其中一隻牙係崩左少少，但望落我覺得幾得意既!跟住我地去左睇戲，我感覺佢當時睇完戲覺得有啲凍，所以我就問佢要唔要俾件衫佢著，佢當然話唔駛啦，跟住我地就完成左第一次見面....待續

    0
  • R

    其實我無相信過一見鐘情，但當果日我見完佢之後，我覺得佢個樣真係幾得(細個邊會顧個人品呀?)

    跟住我返到屋企就繼續同佢ICQ玩啦，我又問下佢點解隻牙會崩左架?佢個反應好詫異同問返我：妳咁都見到既?

    我覺得呢個女仔幾爽直呀!

    形容下佢當時個樣先：眼大大，曲髮，5呎3-4高啦，幾似當時仲未出黎，之後拍左個lavenus巴士車身廣告果個安雅架

    其實我都唔係好記得咩情況下我地就一齊左，不過我記得我當時同佢都係去行下街，食飯，影左一次貼紙相(間舖響銅鑼灣近香港仔綠van既，不過執左lu)....待續

    0
  • R

    老實講，我同佢一齊時間其實好短(大概一個月)

    但佢係我拍拖咁耐直到現在係最開心既時間! 當佢話同我分手時，我好傷心，我自己一條友走左去淺水灣對住個海勁喊(由細到大都未試過，而家諗番都覺得幾好笑 :-)

    其實我唔會直到今日都唔會忘記佢，如果有一天，我希望可以同佢一齊，不過我知道呢個機會好微，因為我知道佢有一個拍左拖三年既男友，雖然佢話無plan結婚....待續

    0
  • R

    我係呢度寫呢啲野，其實希望佢會有緣睇到我想講左好耐，但我無勇氣對住佢講既野! 我想講妳係我一生中最愛，如果將來有機會，希望可以同妳再做一次情侶，我相信我可以handle得好啲，就算無呢個緣份，我希望可以同妳做一世既朋友，我一定會記住妳既生日，一定有人同妳講生日快樂! to rabbit girl

    0
  • R

    push，俾下意見呀!

    0
  • L

    兔女即係過左30...

    安雅都Out 左好耐...



    "堅料"聽日先至畀你啦...

    0
  • L

    你從什麼渠道知道佢有個拍左3年既男友??



    佢地如果關係好好...你就唔好攪人.



    如果佢家陣無拖拍...你可以約會下. 再問翻佢當初點解唔要你. 你可以食住上,話佢知你試過為佢對海嚎哭 (女仔會覺得好Sweet嫁!!).



    要Show 俾佢睇你已經成長左 -- 再同你試下 -- 會有新一批歷險.





    PS. 可唔可以話我知8年前你係淺水灣喊0個陣有幾大聲??



    你可以同個女仔講話你喊0個陣彷彿海浪都同你0的哭泣聲既聲浪呼應緊.

    0
  • R

    其實我近幾日先SMS同佢傾開先知

    如果佢同男友好好，我都無理由咁做啦，只不過想表達下我對佢既愛遮

    講真，當時真係喊得好勁架，不過就唔係好大聲架啦! haha!

    如果佢睇到我篇野唔知會點呢?

    0
  • B

    如果有個男人肯對我咁好,咁愛我就好啦...

    0
  • L

    To Ronald,



    See...都話"對海嚎哭"係好好既Selling Point.



    你介唔介意留你個 Msn 俾阿bong...



    快0的磅水...

    0
  • B

    Litle Star, 我只係有感而發...唔係對所有男人都有興趣既

    0
  • L

    To Bong,



    都多謝你捧場.



    你話"如果有個男人肯對我咁好,咁愛我就好啦..."

    ---> 或者有..你唔知嗜.

    0
  • L

    To Ronald,



    講翻正題.



    你仲有同佢SMS??



    咁咪約佢出黎食飯...



    係良好氣紛下..講出你為佢0係淺水灣所做既事 (好淡然咁講).



    佢有感觸...你先至再講話0係好多年前已經0係網上Post 左個故仔出0黎.



    千忻唔好叫佢上0黎睇, 如果唔係穿煲..知道你請鎗 (或者0係第個site先預先Post左再約佢食飯).



    你可以話Post 個故仔出黎係為左 - 就算你永遠都唔知道我對你既愛有幾深, 我都想0係我生命入面有呢份愛既完整記錄...

    0
  • R

    老實講，我真係唔知佢而家同佢男友好唔好!

    我始終覺得萬一真係佢因為我同佢男友分手，咁我咪好唔啱囉

    我都有問過佢點解唔諗住結婚(佢而家27歲)，佢話男友無plan同埋佢話而家咁樣可以識下其他男仔咁囉

    其實我同佢分手後差唔多每年佢生日既12點都send SMS同佢講生日快樂架

    0
  • L

    To Ronald,



    可唔可以問0下你-佢係幾月幾號生日嫁??



    你連續8年都send sms??



    0
  • R

    佢8月5, 我9月4

    0
  • R

    我諗有5,6年都有俾SMS佢架

    不過佢唔會覆我囉

    0
  • T

    同你一個月就飛你,似乎你真係唔啱佢.8年黎你有咩改變 ??唔好怪直言,男人有時將愛情放响第一位都幾無男子氣慨.

    0
  • R

    我無話要將愛情放係第一

    我不嬲都放工作第一，只不過我想講返我既感受

    同埋當時大家都細(19歲)，大家想要既野可能唔同左

    0

  • 8 年喇,點解唔放自己一條生路 ??比自己一個機會,去結識下其他女仔?

    0
  • R

    我有架，但還是覺得佢最好

    0
  • T

    佢可能最好,但佢要揾既人唔係你.對佢黎講你未必係好.佢同你一齊佢都唔會開心,

    咁點解你唔揾一個識欣賞你既人 ??

    0
  • S

    又唔想佢知,又post出黎



    你都幾矛盾wor

    0
  • T

    單靠真誠,專一係無用.要怪只怪你無實力.....

    0
  • R

    其實出post係想抒發下我內心既感受

    佢知唔知唔重要呀

    同埋實力係重要，但兩個人要走埋一齊唔係講實力就得架! 同埋我想知你講既實力係咩先? 錢定係事業先? 有時啲野要講兩個夾唔夾同埋去唔去到個touching point可以大家走埋一齊架嘛? right?

    就算我唔同佢一齊，唔等於我唔可以鐘意佢呀!

    0
  • 咩

    哩排個個都講個故事?扮感性

    呃飯食呀又?

    0
  • R

    又唔好咁講，呢個page係講呢啲野架嘛!

    我又無咩企圖，何來呃飯食呢?

    又唔係無飯開! haha

    0
Log in to reply