各位, 訂造家俬千萬唔好幫襯”美亞(MAYER)”,土瓜灣同紅碪都有分店架!差差差 !



  • 事件一 :

    最初第一次到個間舖到, 坐低同d 員工傾下間屋可以點整.

    當時係三個員工,我同媽咪兩個人

    傾了兩粒鐘,講好了廳做四個櫃,當時大家還一起討論D櫃既用途,櫃門開門方向等等...

    最後我問了一句,廳的櫃總共要幾多錢 ??

    當時其中一位男員工回答,全部計埋合共$19000 

    (差唔多一千蚊尺,但當時諗住放在廳,比貴少少COME用D,同埋D板厚D都OK,因為廳要見人MA)

    最後,當日落了$500訂.



    第二次再到舖到睇圖,當時傾野只有畫圖師和我同媽咪3個人.

    但當時發現只有3個櫃,少了一個.

    當時我問 : 少了一個細櫃既?未畫丫?

    畫圖師答 : 係喎.但原來當時計比你既價錢只係3個櫃.

    我 : 唔係MA,當時我問全廳櫃要幾多錢,你話要19000,而家話計少一個櫃?

    畫圖師答 : 係丫,你知啦,個日人多手腳亂,一人一句,攪到我都亂曬

    我 : 但當時你地三個人,仲一齊討論個細櫃點開門呢樣個樣.

    畫圖師答 : 都無辦法,個日真係計少左....$19000真係得三個櫃.



    講左好內....最後都要比多$1100做埋個兩尺細櫃.佢話佢自己要貼返D出黎......

    當時佢都有比D房櫃我地睇,仲叫我地比埋D房佢地做,但因為其實當時印像己經唔好,所以當然無比到.



    _________________________________



    還有事件二 :



    最近,所有櫃收到貨了,發現其中一個櫃有隻門開唔到,因為比件傢私阻住左.

    我找回我當時傳真給畫圖師的資料,發現我提供的尺寸是正確的.

    那麼,我當然地打電話去問個清楚,和解決方法啦,但回覆竟然是這樣子....



    我 : 收到曬D櫃,發現其中一個開唔到隻門,我記得當時你打黎問過我拿傢私的高度,

        比你預計返隻門開唔開到.

    畫圖師答 : 係丫,係有D咁既事.

    我 : 咁點解而家隻門又開唔到 ?

    畫圖師答 : 但你都無覆返我.

    我 : 我即日傳真左比你,我當時都話會轉頭傳真比你.

    畫圖師答 : 係丫.但我無收過喎...

    我 : 你無收過我個高度,咁你而家個高度點黎丫 ?

    畫圖師答 : 我自己作出黎law    (本來都心平氣和,聽到呢句真係嬲爆)

    我 : 唔係丫ma,咁大間公司,收唔到客人回覆,唔係應該打電話再問既咩? 

        竟然會係作個尺寸出黎 ????

    畫圖師仍然答 : 我見你無覆我,所以自己估...

             最後你都有簽返曬四個櫃比我丫.好彩你有簽者,如果唔係而家我都無得同你咬.

    我 : 係,我係無完全續個對d尺寸就簽返比你,

        但四個櫃,過百個尺寸mark位,我無可能真係每一個尺寸完全同準,

        但你收唔到我覆你,你都唔應該求其作個尺寸落去比我.

    畫圖師答 : anyway,而家點都好,最緊要你個櫃開到門,

           你打返上去寫字樓,再做過一個門,但要比錢.



    如是者,講了30分鐘,講落去都無意思.

    我承認自己有錯,fax完應該打去問下,同埋自己無對曬所以mark尺寸的位.

    但我覺得佢都唔應該收唔到我回覆,之後自己作個尺寸落去...仲覺得係好應該tim.



    之後,我再打上去寫字樓....

    回覆再衰d.....



    寫字樓有位小姐,對話如下 :

    我 : 又把成件事講一次

    小姐 : 你唔好張D負任推曬比我地WOO

    我 : 我無推曬責任比你WOO,我覺得責任兩方面都有.

    小姐 : 我唔覺得兩方面都有,責任係你地自己既.

         再講,個時你地落親黎睇圖,都坐成兩粒鐘啦.都真係幾煩丫.

    我(勁嬲) : 喂, 我而家比幾萬蚊做幾個櫃,會唔會坐半粒鐘就可以攪掂丫?

            既然當初係咁煩,你又做我生意 ? 你大不了可以唔做我生意者.

            而家事後出左問題,你講埋D咁既說話?

    小姐 : 咁一係咁LAW....你只係比運費,做返隻門,$800

    我 : $800 淨係運費 ? 無可能....

    (因為當時上黎裝櫃那位師傅,他說$500就可以做過一隻,而家$800淨運費,擺明玩野)



    之後又咬左十幾分鐘......無意思....

    收了線.......



    __________________________





    事件三 :

    真係愈來愈火丫 !!!!!



    飾物櫃支藍燈 ,

    用唔夠一星期就燒鬼左....



    之前畫圖飾物櫃頂可以有兩隻色燈的效果

    射上天花就米色燈

    圓形通花位置就藍色燈

    個櫃送到上黎就話做唔到這個效果

    要一支燈做曬兩樣野

    通花位置又米色, 射上天花又米色

    我打上寫字樓問可以點攪啦....之後又話後覆

    點鬼知今日有個男人打黎

    大大聲話我好難為佢 ?????



    我難為佢woo.........頂佢個肺

    做唔到的話, 之前畫圖又會唔知啦 ......

    而家送埋個櫃上黎先話做唔到....

    想點丫.........



    火爆呀....



    美亞居室d人既態度, 大聲夾惡

    "喂, 小鉏.....你唔好難為我woo..."  係用喝我既語氣 law 唔該 !!!!



  • 感謝分享!我最近都hi左野:-(



  • 家私最好買現成. 因為我間屋有柱(唔四正) 迫住要tailor made, 原本裝修希望有個心意的小屋, 到頭來得到係一身心疲倦一根本係花了錢買難受, 同埋又要日日對住佢. 我同 "直銷" 訂廚櫃搞到屎, 顏色, 格式都同圖不一, 係家私鋪訂個床, 顏色, 格式都會更改. 鎖, 燈用5日 就game over.





    吊櫃價係 $380-500/呎 13"- 23" deepth, 地櫃係 $350-550/呎 24" deepth. 結論係便或貴都係一樣貨色. 家私最好買現成. 受氣受少d.




  • 既然嚟得relationship板,





    你係咪想話不打不相識 + 日久生情. 到最近鍾意咗 美亞(MAYER) 入面邊個?



  • 想打爆佢個咀都黎唔切啦....仲日咩九生情





    請謹.....唔好幫襯佢....





    比幾萬蚊D氣, 有排受呀.....





    件事仲未完架.....





    條光管用唔夠一星期壞鬼左...





    又要打去問喇.....唉 ~~~~~



  • 我完全明白你感受,我都係受這些公司陷害的受害者!總之條友竟然用左成6個月黎同我整一間7百呎既吉屋(之前已找人拆哂所有要拆既),我淨係油漆、舖地,做傢俬同整廁所就係咁多。佢做之前話2個月一定攪掂,後黎開始拖,我追佢,佢仲話我為難佢!





    仲話我十幾萬幫襯得少,但要求多多喎!佢個師父仲同我安爆左個馬桶,裝修完之後一個月到(我地那時一個星期只住一日),發覺個廁所勁臭兼地下勁多水,又係追究左成兩個月,我地自己找人來睇至發覺,係佢地裝爆左個馬桶,所以有臭水流出。佢地就話係我地坐爆左個馬桶,話我地要負責任,佢地個師父唔會再幫我地整!真係離譜,佢話明一年保用期,後黎死死地氣至賠返5百蚊炸,但係我地要買番個馬桶,仲要自己找人黎整呀!





    真係一肚氣,我真係好怕這些裝修公司!



  • to : 受害人





    你就真係黑仔過我...





    個間死人"美亞" , 都有叫我地比埋裝修佢做....


    我間屋400尺, 所有野整過曬...佢報價十四萬幾.





    我自己o係出面搵個師傅就十三萬, 平左成萬幾蚊.





    好彩無比埋裝修個間"美亜"整...


    而家整四個櫃都咁既死樣....又貴...


    反而我三間房d床同櫃, 比間屋村商場個d細舖做, 都仲好過間"美亞"丫.


    "美亞"有兩間分店又如何 ????





    三間房屋村商場報我二萬蚊


    "美亞"報我 三萬蚊....真係顛顛地...我又唔見得佢d野好過人,


    而家仲咁多手尾根.......




  • to : 受害人





    我間屋 400尺


    連拆野, 整好埋都係 兩個月左右咋woo....





    你幫襯邊間 ?


    不如講出黎比大家聽下....



  • 個間野係青山道gar!我唔想講,話哂佢都知哂我電話同地址,費事,過左都差唔多一年!





    我初時都係只找他們做傢俬,後黎因為我地個裝修師父唔識整d較複雜的野 (投射機+hifi的駁線),所以拆哂d野之後,就話唔做,叫我地找過第二個識整既黎整。





    咁我地咪諗住一次過,做傢俬+裝修lor,諗住唔駛煩,點知仲煩!佢初時話我地幫襯左佢之後,可以唔駛擔心,佢會負責幫我地監工同埋叫d師傳做野,又話好難同師傳直接講,係佢地夾慣就容易等等黎氹我地!




  • 其實我相信間間都有害群之馬





    以前我都做傢俬sales


    所以建議如果你地訂做傢俬


    一定要搵師傅上黎度尺


    即使一張床,一個櫃都要


    因為好多時你地只會在意效唔放得入間屋


    而忽略入唔入到lift,或過唔過走廊(特別唐樓最易出事)





    另外唔好以為現貨就無問題


    因為每件傢俬都唔係用一個倒模整出黎


    實會有dd出入(最大問題係顏色)



  • TO : 受害人





    美亞又係咁同我地講.


    比埋裝修佢做就好好, 又話唔洗分開兩PART


    又話夾野易夾, 出錯機會都少咁話WOO....


    真慶幸我無比埋佢做,,,


    而家全屋比左四個櫃佢做都嫌多丫


    做四個櫃, 有兩個出事....








    TO : 芝士


    顏色都有少少問題, 但間公司就話, 佢地舖面隻色都係咁


    (個時我話要佢隻白色, 而家黎左好似米色, 仲要帶D色)


    我問點解咁黃, 佢地就話係咁架....己經係最白架喇...同舖面個隻一樣


    但一對比起我地D房櫃(真係白色), 就真係差好遠LAW....













  • 77:四個櫃有兩個出事,就緊係唔好再比佢地做拉!真係前世未煩過咩!


    不過講真,我個間d傢俬係ok的,d傢俬花左都願意幫我地換,因為佢透露,佢地大陸做好平,所以唔介意!仲有佢話,要換的話,會成個換,因為係屬於退貨,唔駛佢地比錢再做,同埋佢話淨係換一兩塊板,一定會唔同色!





    針對傢俬顏色,真係好難講,燈光唔同已經有好大分別!好似我訂d窗簾,以為係白色,黎到我屋企變左米黃色,跟住條友真係帶埋display塊布黎對比我地睇,真係一樣,吹佢唔脹!但傢俬就好難對lor,或者你可以叫佢帶色板黎同你對返既!







  • to : 受害人





    都唔會再叫佢拿色辦黎對喇...


    而家ONLY叫佢幫我攪返掂個D燈就算了


    顏色都無計啦...就算真係唔岩, 佢都唔肯幫我再整架啦...


    唔係到時又唔知要罵戰幾內丫....真係人都顛....


Log in to reply