4. 他等了我3年，應否因為感激而和他一起?

他等了我3年，應否因為感激而和他一起?

  • A

    3年前，我仍然和前男友一起，感情很好，當然拒絕了他。
    1年前，卻和男友分手，坦白講，1年裡我仍然心痛，沒有忘記舊男友，
    因為太痛，我至今都唔想再拍拖。

    昨晚食飯，他對我說：第3年了，但我會繼續等。

    他對我很好，我是感激的，但說不上是喜歡或愛吧，
    但係搵到一個人愛錫自己，應否給他一次機會??

    你們會怎樣決定?

    0
  • 重

    你都好清楚知道自己對佢唔係愛...無錯, 有一個愛自己o既人係好...但係要有真正幸福, 係需要你一樣對佢要有愛才可以得到真正的幸福...



    無論佢幾愛你...但你對他一點愛意也沒有的話...不要給他任何希望...不要拖累別人...搵一個同你相愛的人才是正確決定....

    0
  • J

    Poor guy..



    do u think you can develope love with him?

    0
  • A

    多謝重複犯錯你既分析.......

    如JosephT咁講,我唔知一齊之後,會否可以愛上他...

    但俾呢個機會佢,我驚最後真係拖累佢,如果我發覺真係培養唔到份感情

    0
  • 重

    三思而後行...wish you all the best

    0
  • S

    我地成日都講, 唔試過又點知呢....

    試過真係唔得都無辦法....起碼無憾先

    最重要係你想唔想試下

    0
  • B

    give him a chance, give yourself a chance

    0
  • L

    "溏心"個結局基本上係唔0係會常在心36歲之前發生.



    一個女仔自覺樣貌唔錯, 又後生, 有學歷同有事業同埋夠獨立 -- 一定選擇個最有"Feel"既男仔.



    夾硬試--棧Friend都無得做.



    相反地-如果你覺得, 唔須要同呢個人做一世朋友--你可以同佢拍下拖--當還佢一個求左3年既心願.

    0
  • A

    silly girl,

    好多次既經驗話俾自己知,開始左返而係遺憾 >.<



    little star,

    我都希望同佢做一世朋友,我唔希望試左,發覺唔得,

    連朋友都做唔到呢~~~~

    0
  • L

    To Alice,



    我以前都做過"得得地" (其實好多男仔都做過/做緊).



    到今時今日 (8年後), 終於明白, 就算得到自己最想要既野 - 對方都未必會快樂.



    依家睇翻 - 其實要多謝0個個女仔唔去俾機會我 - 等大家仲可以繼續維持0個份友情.



    你放心 - 個男仔遲早會明白 - 你0係度保護緊呢份友誼.

    0
  • J

    如果百分百純感激，那勸你最好唔好，唔好利用人。當第日你遇到自己有feel的，一係你會做出對佢唔住既野，一係你同佢都痛苦



    但，如果你對佢都有那麼一丁點既感覺，縱然好少，都可以慢慢擴大，只要佢同你都有心去維繫就可以



    人與人真摰既感情，往往係細水長流，需要在平淡中細品。你可以同佢嘗試下，睇下會否蘊釀出更深厚既情愫。



    因為老實講，你問得哩個問題，其實你自己都想，你只係等人話你知去馬。就算大部分人叫你唔好，你都會唔甘心，同佢相處間總會不經意流露一絲非份，而令大家辛苦。如果你能斬釘截鐵，百分百同佢保持距離，你都唔會係到問，係咪？所以，後生女，去試下吧，good luck

    0
  • F

    吾係話男仔幫番男仔, 不過好難得呢個男仔等左妳3年仍然係咁喜歡妳.



    妳而家對佢未去到喜歡或愛既階段, 只不過因為之前妳有男友而已, 俾個機會大家發展下, 如果發展左之後發覺吾可以一齊, 個男仔自然會死心, 而家妳連呢個機會都吾俾佢, 佢會好吾甘心.

    0
  • A

    jennifer,無錯呀,我係有諗過同佢一齊,只不過又顧慮太多。

    溏心水擘擘有一句對白好岩，男朋友一世人我可以有好多個，

    但係知心既朋友我可能一世得一個。



    好似little star咁講，我好想去保護呢份友誼，大家可以更進一步係

    好事，但係他日分手，關係變質，大家一定返唔到今日既關係.....

    0
  • A

    fernando,你咁講，會唔會佢只係唔甘心，事實上，

    其實佢都唔係真係鍾意我呢???

    0
  • F

    alice



    首先如果一個男仔吾鍾意妳的話, 佢又點會等妳3年呢?



    其次我所指既吾甘心, 係指如果妳吾俾機會, 係因為妳擔心呢樣, 擔心果樣, 又驚日後萬一分手驚保持吾到而家呢種關係, 如果我係果個男仔, 我會覺得死係呢d原因下, 我會吾甘心, 我寧願妳俾機會, 試過原來大家係吾可以一齊, 咁樣我先會死心, 妳明白個分別嗎?



    其實我覺得妳想得太多喇, 而且太過負面, 點解妳吾唸下其實妳地可以有一個好好, 好美滿既將來呢? touchwood講句, 真係夾吾黎要分手, 大家都可以做朋友嘛, 係咪?



    以上都係我少少既愚見, 只係想妳唸野既時候吾好剩係唸衰果邊, 有時都要向好果方面唸ga....

    0
  • L

    你都有左決定啦,係咪??



    你因為佢尋晚講過呢段說話, 你先至有壓力同內疚感.



    所以你先至上黎問我地.



    你就當佢無講過. 你無聽過.



    如果程亮無撞車, 常在心已經原諒左佢....而得得會繼續做常在心既守護天使.





    乙方對甲方的承諾為一生一世, 直至任何一方死亡為止...

    0
  • A

    多謝你地~



    好感觸，或者呢3年辛苦左佢...

    0
  • L

    To Alice,



    放心, 得得地最終會搵到佢既Cherry (葉翠翠).



    ----- (摘自"講不出聲")-----



    誰人能甘心一世一個人

    如何才得資格可愛人

    誠惶誠恐 只得我是 明白我

    0
  • J

    如果你對佢真是冇感覺，唔需要以身相�



    但字裡行間你心裡其實都有哩個人，你會不經意想起對方，你會揣測佢既心意，你患得患失，已經說明佢係你心中唔係一點位置都冇。那放膽去吧，祝你地美滿

    0
  • 大

    其實都唔需要太戲劇化

    事實

    現實始終係現實

    你接唔接受佢應該睇番你個感覺

    如果覺得做朋友好d咪做朋友咯

    都三年啦

    你應該好明白佢係一個咩人

    係咪你抔茶你自己最清楚~

    0
  • 阿

    如果明知一齊冇結果既倒不如保持現狀

    試左對妳黎講係無憾

    但對佢黎講可能係遺憾

    對妳黎講一個試唔試既決定

    可能會影響到佢既一生

    所以千萬要諗清楚

    0
  • F

    希望果個男仔會係得得地, 而妳係常在心, 妳地將會有一個美滿的結局.

    0
  • A

    Thanks you all so much!



    我真係要d時間諗清楚.......

    0
  • S

    由姑至終, 你對佢有冇一點喜歡的感覺呢?

    你識左佢3年, 你覺得佢人品性格, 可否同你相處到呢?

    如果有, 又覺得大家一齊舒服又可以溝通既,就不妨試下一齊囉



    相反如果一直以黎你對佢都只係有普通朋友感覺,

    沒有丁點亦從沒有掛念, 喜歡, 過電的感覺

    那就不用試了

    0
  • 伏

    我雖然覺得佢真係鍾意妳,但我拼死反對妳因為咁而接受佢!



    0
  • 伏

    如果冇愛情妳都跟佢,同揾個金蘭姐妹過世有咩分別?

    0
  • 深

    如果你想害你朋友，俾一次機會佢囉......

    0
  • 香

    香港地，仲有幾多男人會等你三年啊。如果有個男仔話等左我三年就好

    0
  • J

    咪低能啦. 你想害死佢咩

    0
  • A

    simple,我對佢當然比普通朋友更好

    會掛住，但未必係愛的感覺

    如果佢尋晚唔係又突然咁講，我仿佛無再考慮佢感受而會一直咁落去....



    伏爾泰,你覺得兩個人都要愛對方先可以一齊?



    深愛, 你話俾機會佢係害佢，係因為如果他日佢知道，我係因為感激佢而同佢一齊會反面?

    0
  • S

    緊係唔好一齊拉！佢同左你一齊，佢會好辛苦，因為你心�媯L佢之餘，仲有舊男友。



    珍惜佢係你朋友好過拉！

    0
  • D

    3年都唔過電...

    如果勉強一齊之後出現一個令你過電既人點算？搵SL?

    0
  • A

    呢d問題，你唔好聽人意見，你自己決定拉，結果無論係點，都唔會後悔呀媽！

    0
  • C

    最憎Ｄ男人一味等,令人欠佢咁,如果一個男人做唔到令你愛佢既表現真係咪勉強自己

    0
  • 大

    哈~

    有見地

    0
  • 呀

    感激 同 感動

    有唔同架喎



    感激而同佢拍拖, 有報恩報答意思



    感動而跟佢拍拖, 受佢行為感動, 對佢產生好感及戀愛感覺



    你想清楚先好

    0
  • 金

    如果佢只能令你感激,咁佢只算係配角,



    你生命中既主角應該未出現......

    0
  • A

    最憎Ｄ女人一味拖住人,令人好似佢奴隸咁,如果一個女人唔愛佢,真係早D保持距離,唔好一邊享受住被人痛錫既愛護,一邊又冇諗住同人發展,非常自私!

    0
  • L

    Alice



    戀愛幾時變地鐵月台~等下就得?



    sorry都咁講:

    靠等, 同乞食有乜分別??

    0
  • H

    "最憎Ｄ女人一味拖住人,令人好似佢奴隸咁,如果一個女人唔愛佢,真係早D保持距離,唔好一邊享受住被人痛錫既愛護,一邊又冇諗住同人發展,非常自私!"



    係law,有Ｄ人真係介意付出同收穫架！

    0
  • 大

    利益申報

    我女朋友之前都遇過你的case

    個男仔唔只等左佢3年

    起碼4/5年

    還為左佢發奮上進

    由冇野做到成為總管

    還為儲了一大筆買樓首期

    才向佢示愛

    結果好似以上幾位的諗法

    佢真係覺得有壓迫感

    好似成世欠左�

    又真係再遇上個心愛的時候

    真係會hurt到佢~

    0
  • 助

    或者個男人想用"等"去感動版主呢∼

    只要有品Ｄ,咪等唔到發爛渣就無問題啦！

    0
  • 大

    還有我覺得個男仔唔應該一味只係等

    應該主動做番D野

    如果佢能夠做到D野

    而又可以感動到你的話

    先至有可能咯

    0
  • 路

    妳咁做..咪可憐�

    0
  • 塞

    O裡條THREAD好多港女

    0
  • A

    你地個個都真係俾到好多point我去思考......



    Thanks!!我諗我有答案。

    0
  • W

    Alice

    what is your decision?

    0
  • L

    如果佢能夠做到D野

    而又可以感動到你的話

    先至有可能咯

    by 大佬 - 06/06/07 16:20



    呢個年代仲感動?

    做啲野，做乜野啫？返工咩∼

    感動好out. 講feel最直接.

    0
  • L

    To Alice,



    基本上, 你上黎問-好似仲煩左 ("去/唔去"都各自有一批支持者).



    依家有兩大陣營.



    意見容易��, 但後果要你自己承擔.



    愛呢樣野好主觀 - 唔係話"專一"同"條件好"就可以築起愛.



    不如簡單諗0下你其實平時會唔會掛住佢.



    掛住佢既定義係 - 你見唔到佢- 你會有失落感 - 你會想佢即刻係你面前出現 - 或係想即刻打電話俾佢.



    如果平時只係好奇想知佢做緊mud, 同埋平時可以唔見面都無問題 (等佢約你, 你至見佢. 佢唔約你又唔會想見佢) - 咁就唔算"掛住".



    如果你無試過掛住佢. 咁我就覺得呢3年0黎 - 你都一直鍾意唔到佢

    0
  • J

    認同Litle Star所講，但大家忘記了一樣野。



    三年來，版主有男友，同對方又只係保持朋友關係，要有心跳感覺、掛住感覺，恐怕好難，畢竟雙方都保持住一段距離，不敢逾越。



    所以如果想最直接地用"feel"來衡量喜唔喜歡對方，唔一齊過，版主你永遠唔會知道。



    現下你隔住水缸睇魚，然後去估究竟摸條魚時咩感覺，你隻手永遠唔入水，你永遠都唔會知道。三年來，你對對方就是冇感覺，有既話一早一齊左。但未來會唔會有感覺，唔係站在外圍去測度便會知道。當初你同佢保持距離，大家都就住就住，其實好難產生情愫。

    0
Log in to reply