做了1次IVF 便成功有BB, 哀心感謝 "偉澤" 的蘇偉基醫生及全體醫護人員

pl121
 
 無話分幾多歲先應該找蘇醫生或勞醫生架喎!! 佢地兩位都好有經驗, 你直接打電話去同姑娘查詢, 聽佢地講解下先啦, 個個人既case 都唔同ma.

hello ginly
 
 我見過周小姐啦, 我們決定搵蘇偉基醫生做ivf, 我今年34歲, 周小姐同我們講建議我們搵勞醫生, 佢話勞醫生幫後生落藥會長些, 但我諗我都34歲啦, 所以有些疑問咪問下你地囉.....不過上網睇都佢地兩個都好有經驗的, 希望我一齊順利啦.....

Hello ginly
 
 我們見完周小姐架啦, 我們決定做ivf, 亦決定找蘇偉基醫生, 不過周小姐就建議我們勞醫生, 佢話勞醫生對後生會落藥長些, 不過我們就來35歲啦.....所以有些疑問....問下你們意見囉....無論如何....希望一切順利啦.....

Hi pl121,
 
 我同你歲數差不多,不用擔心太多,定期打針,聽足醫生及姑娘指示啦, good luck!

hi ginly,
 
 我做左第一次 IUI, 係蘇醫生幫我做o既, 聽日就會知結果 ... ...
 想問下一 d 關於 IVF 的問題, 其實抽卵的程序如何? 是否會痳醉? 我聽人講好痛的 ... ... 同埋, 想問下, 你打完針 / 食藥後, 有無不良反應呀? 由打針開始到放卵, 前後搞左幾多日呀?

Hi kingyue,
 
 抽卵的程序是手術前一晚不可進食,去到打左痳醉針之後,你已經無知覺架啦,醒後已經做完,完全唔知發生什麼事,一D都唔痛架! (我本身勁驚痛) 放心啦!

thanks, ginly :)

ginly
 
 因為我們見周醫生時, 佢話我們年青所以可以睇勞醫生, 我今年都34歲啦, 我們現在做緊療程, 周醫生見我多卵, 仲問我會唔會考慮捐卵, 你有無被佢地叫你捐卵呀....

Hi p1121,
 
 我當時既情況係唔夠卵(剛剛合格夠數量抽到), 所以沒有多卵的問題war!

Hello ginly
 
 我明天就抽卵啦, 有少少驚, 不過仲諗緊捐唔捐好, 如果係你你會唔會捐呀, 捐了比人, 人地生出來的細路, 係唔係有我的血緣關係架.....希望一切順利....

Hi p1121,
 
 講真捐唔捐真係要睇你自己,好難比任何意見你, 祝你一切順利, 定D來!

HI ginly
 
 你好, 多謝你, 我今日抽了19粒呀, 現在好痛呀.....今日開始塞葯, 星期三放蛋了.....希望順順利利啦.....你現在幾多個月呀....

Hi p1121,
 
 抽了19粒呀,真係好多war,但我當時抽完後一d都唔痛,可能無你咁多啦! 明天放蛋時記緊儘量放鬆等胚胎放得好些,好緊要架! 我現在已經6個多月了 :)
 Good Luck!

Hello ginly
 
 係呀, 可能太多所以好痛呀....我痛了兩日呀, 食了6粒止痛藥, 今日去放蛋前仲幾痛的,但現在放完蛋後就好似無哂痛了, 我好開心呀, 有16粒受精, 有13粒grade 1, 用了兩粒仲有11粒呀, 遲些有結果再通知你呀, 好彩睇到你的post, 唔係我們都唔知點算呀, 我們係去家計會先的, 男的不多, 咁我以為自己無問題, 點知話我一邊塞了, 嘩, 果日真係無哂心情, 連食都食唔落, 咁記得有你的post, 就即刻打去偉澤, 事情發生得好快, 今日已放了蛋囉....所以好在有你這些好心人jer, thanks!同埋蘇醫生由先放蛋時真係一些都唔痛, 我覺得佢好好呀, 睇得出佢真係用心去醫人架......值得一讚....哈...好啦, 我要休息啦....bye

唔好意思, 想問一問, 係咪痳醉藥過左之後痛呀? 其實, 抽蛋後係邊度痛架? 係咪因為有傷口所以痛呀?
 想再問, 放蛋點放架? 會唔會痳醉架?
 請問你之前有無做 IUI? 抑或直接做 IVF?
 我做左 1 次 IUI, 失敗左 :( 前路茫茫

hello kingyue
 
 係呀, 過了麻醉藥後痛呀, 肚下左右位超痛, 每行一步都好辛苦, 今日放蛋時醫生問我抽蛋後有咩反應, 我都同佢講左, 佢話好少人會咁痛, 可能我太多所以先咁痛, 一定係傷口痛, 因為抽蛋時醫生會吉你卵巢攞卵, 我個case(我估計)應該唔止一個hole唔係點會咁痛wor, 你唔駛擔心的, 係我先至咁痛, 因為個個人唔同, 放蛋時醫生會用鉗鉗開你的陰道, 再用一條幼道管放蛋, 唔駛麻醉, 同時會有個儀器同步比你睇手術過程, 一d都唔痛, 唔駛5分鐘就攪掂啦, 我之前無過任何野, 第一次做ivf, 你唔好灰心呀, 我好明白你的, 我都流過好多眼淚, 果日好似世界沒日咁呀, 直至去到偉澤個人先開心翻, 因為果度的姑娘同周醫生(胚胎專家)好好人, 令我覺得仲有希望, 家計會令我好難過, 果度d醫生同我講輸卵管一邊塞了時, 我係佢地面前鹹了出來, 因為真係接受唔到, 平時我M又準, 驗身報告又好, 點會咁架, 佢地無安慰我, 個姑娘淨係識企係到, 醫生就話寫紙我去瑪麗做個咩腹腔鏡手術, 諗翻起真係覺得佢地好唔掂, 算吧都過去了, 所以你都可以試下偉澤, 希望你一切順利啦, 我都唔知自已最後得唔得, 因為lee d 野好難講的, 不過有大家係lee 度傾下會開心d囉....哈, 你考慮下啦.....

我會做多次 IUI 先, 之前果次失敗左, 而且個卵巢受針藥過度刺激, 有個水泡響度, 所以今個 CYCLE 要休息, 我經期唔準架, 有時成 50 幾日先黎, 所以依家唯有等下次經期黎先算, 我係睇蘇醫生架, 佢好好人, 好有經驗, 希望佢幫到我
 話時話, 我未睇蘇醫生之前都係睇家計會, 灣仔果間, 個醫生 d 態度都好差, 我次次睇完佢都會好唔開心, 有時仲會返屋企喊, 重點係, 佢無咩實質野做到,幫到我, 所以我依家轉左睇私家 lu

用鉗鉗開陰道? 好得人驚呀? 會唔痛嗎? 我做 IUI 打精時都覺痛 ... ... 驚!
 係呢, 想問多少少, 要打幾多日針? 打左之後有無身體不適?

唔痛wor, 我就無感覺啦, 我由13號開始打針, 24號就抽卵了, 打了後好谷, 好辛苦, 好似大肚咁囉......

Hi p1121,
 
 好高興知道你順利完成放蛋過程,等收你好消息! 休息多些,慢慢行呀!

多謝你呀, ginly, 我會努力架啦, 你都係呀, 樣樣小心, 過多幾個月你的寶貝就出世啦.....take care....^-^

p1121, 你幾時 check bingo ah? 祝你 bingo lah!!!!

hi kingyue
 
 我10月9日check 呀, 多謝你, 希望一切順利啦....

唔好意思, 又想問一問, 做 ivf 放受精卵入去前, 係咪要飲水至有急感覺架?
 甘跟住又要訓響度幾個鐘, 咪好急? 幾時先可以去廁所?

Kingyue,
 Hi, 我到左醫院就開始飲水, 係耍有急既感覺, 因為放蛋時醫生可以睇得清楚D, 另外放蛋後一約休息一個至一個半鐘, 我記得係有DD急已經足夠, 所以唔會好辛苦, 休息後你可以去廁所, 你幾時做呀 ?

twins 想問下呢你第一次去睇有無咩檢查要做的?
 大約第一次開始睇等幾耐先同你做iui or ivf?

等我又加來來..
 我抽完蛋,都係一d 都無痛. 不過,醫生話我子官仲有很多卵泡,要等到無,先放得蛋. 現在我係"等放蛋的女人". 希望下個月可以放la ~

twins, 我做緊 iui, 只係想問下做 ivf d 野, 因為可能第日要做

大家好
 
 我失敗了啦, 唔知點解今日驗血, 6號已經來了血, 我仲以為流產, 原來係M, 今日心情好差呀, 究竟係咩原因, 可唔可以給些意見呀, 我平日手腳冰凍, 會唔會宮寒呢, 定係之前幾日同老公argue得好利害, 影響結果呢, 我諗住睇港大的中醫調理身體, 你地認為呢?

pl121 , ivf fail？嗚.... 我數得出, 7個做ivf, 得兩個成功.嗚..我都想喊, 今個月cycle, 我都想喊.你個醫生有無講什麼原因? .

aa, 偉澤果度淨係姑娘打來通知你得唔得, 話下個月再來, 就係咁, 好奇怪連醫生都無得見, 你點解鹹呀? 好多野都係整定, 無得講架啦......順其自然囉....

pl121, 唉, 其實,我同老公都好鍾意小朋友. 結婚三年,都無. 現在做緊ivf. 睇左she.com 成兩年, 暫時得兩至三位係ivf 成功. fail 就有很多.
 越想越心傷.......我地可能這輩子都沒想到bb

aa, 唔好咁灰啦, 我唔得都想你得, 希望你成功啦, 好似尋日果個阿婆去醫院無端端都會比人吉死, 有時唔到你唔認命, 命中有的一定會來, 希望你得啦....

Hi p1121,
 
 唔好氣餒, 起碼你仲有其他胚胎雪緊, 仲有機會架! 你為什麼同老公argue得好利害呀? 保重呀!

ginly, 我現在無咩野啦, 其實唔係年紀的關係二人世界係好開心的, argue係因為我老公無同我商量就買了層樓比奶奶, 但個名係佢細妹, 因為我無做野加上佢已有幾個投資物業, 所以驚銀行唔批, 咪比左個名佢細妹, 我知我好小氣, 但做人老婆我諗有咁的反應係正常, 就係咁咪成日鹹, 又激動囉, 姑娘話唔係流產, 只係M早到, 不過當時好驚, 之後我去了林文英醫生到check, 佢話我的卵巢仲有幾處1cm的傷口, 所以會遲些好翻先再試啦, 都唔知邊到出了錯, 可過我驚係宮寒, 所以現在日日飲紅組水, 現在唯有等天安排啦, 你要小心身體呀, 祝你一齊順利, 開開心心......hehe

ginly, 我想再問你,當你放蛋後等待果14日, 你有無戒口, 我上網睇果樣又唔食得lee樣又唔食得, 攪到我樣樣都唔敢食, 豆腐又唔食, 白菜又唔食, 好似無乜營養,請問你有無戒口, 除了醫生話唔好食的苦瓜木瓜, 中藥......等我下次可以食得好d....thanks!

pl121
 卵巢仲有幾處1cm的傷口, ??點解會有傷口?

aa, 唔知呀, 醫生話可能我太多卵d針要穿來穿去, 不過超聲波照片真係見到, 都唔知點解自己會咁痛, 今天仲有d痛.....

pl121, 即係放蛋時."吉親?" 我個醫生朋友既"朋友", 係政府做nurse. "政府試左三次ivf"都fail, 在私家要試第二次,先成功. (現在生左個女). 唉, 我們的路真的很長很遠.
 唔怪得醫生抽蛋後.唔幫我放蛋. 因為,我都有很多卵泡. + 黃體銅偏高

aa, 我放蛋時都覺得未係時候, 因為卵巢仲好痛, 驚唔得, 但醫生都話得唔通唔信佢咩, 所以你遲些放可能對你好架, 唉, 我老公有幾個同學老婆都有了BB, 好似約定咁呀, 見人地咁易有, 真係好羨慕呀......

p1121,
 
 Sorry, 咁遲reply你! 放蛋後等待結果的14日, 我沒有特別戒口,但生冷及中藥就肯定唔食啦! 其實真係有好多因素影響結果架, 唔好太快灰心住啦!

ginly, 咁你有無打則睡?? 我好反訓. 成日打轉. 不過,真係有好多因素..

動作小一點, 休息多一點, 放蛋後勤力點回診所做針炙都對著床很有幫助嫁!

ginly, ribena
 
 多謝你地的意見呀, ginly, 唔使唔好意思, 你大住個肚, 覆我已經好好架啦, ribena 你的意見我都有諗過架, 因為驚痛所以今次無做針灸, 無諗過針灸會有好大作用, 我無做野成日係屋企會好悶, 無寄託仲容易緊張諗好多野, 所以下次我會日日返去偉澤到做針灸, 同姑娘傾下計個人會開心些, 下次我都唔戒口啦, 淨係戒冷的食物同中藥算啦, 費時太緊張攪到無哂營養.....總之下次點都唔再激動要平常心同埋開心面對.....ribena 你係咪成功了啦? ginly, 樣樣小心呀...take care....

p1121,
 係呀!診所那裡放了一個關於做針炙的報告, 一個放在沙發旁, 一個放在Changing Room, 下次看看吧, 會增加你的信心! 而家好慘, 未夠3個月, 不敢同其他人說, 但又有好多疑問, 醫生又唔係成日可以見, 唯有上網看其他人的經驗law!

針炙 ? 偉澤會用針炙去幫手治不育? pl121, 你唔係在中環睇另一個醫生?

Ribena, 謝謝你同埋恭喜你,我下次去睇睇先,我過份手凍腳凍, 驚宮寒所以諗住勤些去針灸, 加埋你的經驗下次我一定會試, 咁你係唔係放蛋後第二日就返去針灸呢? 係呀, 又唔可以講比人知, 但又有疑問好煩架, 不過惘上的資料你作參考好啦, 打個電話問姑娘會最好, 話到尾我們比了咁多錢, 問下都應該, 同埋講比媽媽知會好些, 起碼佢有驚驗....總之祝你BB怏高長大, 一切順利...aa, 偉澤會幫人針炙來輔助, 因為偉澤唔係可以成日見到醫生, 放蛋失敗後唔安心才搵了個婦科醫生check, 我仲有蛋淨, 下次會再去偉澤試......

放蛋前, 放蛋後一天共兩次, 之後一有時間就去針一針, 我不知道幫助是否真的很大, 但我諗住做得幾多得幾多, 反正都花了那麼多錢, 都唔爭在個一千幾百, 其餘的由天決定囉! 祝你早日成功! :)

Ribena, thanks, 放蛋後咁你有無戒口呀?

沒特別戒口, 尤其凍飲, 真的戒不掉, 我現在仍每天飲! 不過就聽姑娘吩咐不吃木瓜和苦瓜. 仲有, 我隔天就去鴻福堂買花膠湯, 一星期飲一次song寄生蓮子蛋茶, 就係咁多. 我三個月後才告訴媽媽, 希望到時開始有啖好食啦, 因為我們是"無飯夫婦", 現在天天出街吃!

做了1次IVF 便成功有BB, 哀心感謝 "偉澤" 的 蘇偉基醫生 及 全體醫護人員

做了1次IVF 便成功有BB, 哀心感謝 "偉澤" 的蘇偉基醫生及全體醫護人員