是悲還是喜??有冇人可以同我傾計

我有左!!但我未婚

咁你不如同你bf傾下啦~~唔好輕言放棄生命呀!

唔好唔開心,講出來,睇下我地幫唔幫到你....

ko~我男友實想生!但我地未有能力結婚

bb~醫生講過我難有bb~初時聽左就覺得好想要好怕冇得生,點知轉過頭黎就有左,但我今年先22歲~我同男友計劃2年後先結婚的而家都唔知點算好

既然天意俾你地一個bb..點解唔好好珍惜呢.?

你地都計劃結婚,即係你地都認對方為終生對像,咁生bb都係遲早既事啦..既然依家有左bb咪早d結婚囉你知嘛..有幾多人係想有bb都未有呀..更何況你講話你唔係咁易有bb,依家上天俾左個bb你...你應該好好珍惜呀!

希望你唔好放棄佢啦..22歲係後生..不過都成年啦應該都有成熟心智..好好同bf 傾下早d結婚囉~"有仔趁嫩生"都係好事黎架..!!

你地既經濟情況ok嗎..?

KO~如果要結婚就唔係咁OK~~窄D掛

如果要養BB一定養到~2個慳D囉=.=

jenny

條數其實好簡單，你將兩樣嘢秤吓就知

1) 搞結婚擺酒通知親友 vs 2) 生/養個 BB

如果你認為 1) 重要啲，咁你可以考慮吓唔要個 bb 囉；

如果你認為 2) 重要啲，咁你可以簡單註冊結婚，然後再生個 bb 出嚟。

其實呢個 case 係睇你可以為 bb 犧牲幾多囉。

如果我係你，我一定會揀 bb，因為結婚嘅嘢，大部份都係形式同埋面子遊戲，無乜嘢重要過自己骨肉囉！

可能我自私....我想放棄BB多D

生左BB要負出既野太多...

不過我我男友仲未知....佢知道一定要我生!

今晚先同佢商量

jenny,

總之你自己諗過秤過就，覺得心安理得咪 ok 囉，只有你自己需要為自己嘅決定負責，唔好後悔就得喇。

如果比我, 我會選吾要. 妳才22, 大把日子, 生BB是一件大事, 比結婚還重要. 婚可以離, BB生左就吾可以吾要.

你都很YOUNG MA?

有人明白我啦!其實可能好多人都會話會要BB同如果唔要BB係不負責任!!

其實我見好多人有左即結婚生BB~我果時話過比著有左都唔要仲後生=.=~點知真係中左~搞到唔知點好~因為未有經濟能力養!!如果十分許可~必定生

用錯你名:電話

我勸你生左佢出黎喇

因為bb真係唔係隨時可以有

你落左佢, 之後你身子都唔會好, 仲難有bb

萬一落仔o個時有咩依郁, 可能會搞到你以後唔生得, 仲盞搞

你都22歲人啦, 其實都唔算細架喇, 我弟弟都係有左先結婚, o個時弟婦得19歲添, 而家生左2件小朋友, 得意到不得了

你既然咁唔小心整左佢出黎, 佢唔係玩具話丟就丟架

其實養bb都唔係好貴咋, 平有平養嘛, 阿爸阿媽窮到�I咪又係養到我地咁大, 仲有d親戚朋友耐唔耐又買衫又送玩具俾bb, 你唔駛洗好多架咋

當然有左名份先有b係最好, 但係既然有左, 而家去補辦手續都唔遲, 閒日註冊都係7舊幾水o者

bb真係好得意架, 尤其是佢開始識對住你笑, 認得你o既時候, 滿足感好大架

佢o既形成都係為左生存o者, 你唔好扼殺佢生存o既權利啦

JENNY

希望你真係同bf 認真d 諗下啦~~

juju 講得都好啱..--->>唔好扼殺佢生存o既權利啦

我都係22歲, check到有左...

不過男友似乎都覺得經濟未夠穩定,

佢話想3年後結婚架... 有d失望, 因此我好鍾意bb

但係其實我都知生個b好大責任,其實我都唔知我孭唔孭得起

夜星~~其實我同你男友諗法一樣,但我bf就同你諗發一樣

而家仲未決定清楚......因為生出黎真係好大責任~所有野都會改變~

冇得好似以前咁成日shopping~同朋友去街...只能努力搵$養bb~冇曬娛樂

其實我都知要生佢出黎會有好多野都會改變..

因為我男友話就算要生, 佢都唔會係香港生,

因為佢地好早之前成家immigrate左去第2度

我自己都有好多野未做

我男友同佢媽叫我要左佢~

不過我同我媽就決定唔要啦~

因為唔想咁大負擔~實搞唔掂~到時辛苦

你決定左喇?

我冇話俾我媽咪聽...

咁你打算o係邊度做呀.?

有間睇開診所,佢會入院幫我做囉!

有小小怕之後冇得生=.="~但而家又真係唔想要

我想問呢, 你個醫生o係邊同會o係邊間醫院同你做呀?

因為我都唔知去邊做好...

同埋佢話你機會低jei, 唔係做完會不育嘛..

唔好咁擔心啦

佢話仁安~BOOK 醫院幫我做囉~

你而定有左幾耐~決定成點呀?

jenny,

不如你用最壞方面諗, toodwood 你之後真係冇得生, 你覺得o 唔ok丫..

即係你本身係咪好鍾意小朋友, 將來係咪一定要生, 如果係, 我勸你都係生好d, 我怕你將來會後悔!

我男朋友都係覺得唔要好d..

我有左就6weeks,其實事實上唔要係理智d既...但係真係好唔開心..

你有冇你醫生既contact可以俾我呀?唔該你

piggy~婚後會生囉！媽咪唔想我咁早嫁同生佢話我搞唔掂！如果生左佢到時一定捱得好辛苦∼

夜星∼我都係６ｗeeks~我醫生診所係元朗會唔會好遠?

我一係比佢電話你呀!!~你留低e-mail啦!!

你個醫生係咪婦科架?

佢有冇話幾多$?

佢係婦科不過係咪最好就唔知

ａｂｏｕｔ＄８０００

我可唔可以同你o係email再傾下呀?

唔該你呀

[email protected]

我都係未婚但有咗,男友仲爭人三十幾萬卡數.搞到要屋企人借錢比我哋.仲成日搞到我唔開心.6月2日醫生證實我胎死腹中.我沒有碰撞過.好小心.但有咗咁耐,媽咪無整過咩比我食.佢好唔想我結婚.

有咗bb記得要生一定要開開心心.唔好好似我咁日日愁眉苦臉,最後連bb都冇埋.

我21歲果年有咗無要到, 而家想要都無, 你自己諗清楚啦

jenny:

生啦~如果你男友對你又好,又負責任的話,咁就生啦

有小朋友係男女之間的緣份,有d夫婦,幾十年都生唔到細路,你要好好珍惜.

要玩?

你都係辛苦20年��

你43歲個年同你老公四圍去都得啦

我今年23歲啦,同男友拍了5年拖我都無BB,真係好灰心.

你要好好珍惜呀,依家好男人唔多了.快快決定啦要開始安胎的了

BB會知你唔要佢,會唔開心的~

jenny

我上年小產咗(要刮宮)，之後一直經期亂哂，而家差不多一年，都仲未有bb，所以你真係要唸清楚。

奇怪...真係唔明點解成日都有呢D事發生, 我地好細個時已經上過D性教育堂, 知道一發生性行為就會有BB架LA, 同埋到處都有7-11, 避孕有咩咁難, 但你地又偏偏唔做, 到真係有左BB, 先話責任大, 怕辛苦......

再者, 你都打算兩年後結婚, 再計你兩年後生仔, 咁只不過係將個情況推前四年O者, 咁到時就會唔責任大, 唔辛苦咩....奇怪

對唔住...我講埋D對你黎講無貢獻的話, 但我睇到你講的野, 真係好唔開心囉, 試諗下, 你再過多34週, 就有個郁手郁腳的BB, 第時會收你做媽咪的人仔出黎, 你真係同謀殺無乜分別

其實佢一早就唔想要個bb, 大家點勸佢都冇用, 佢淨係諗自己, 根本覺得個bb係一件死物, 可以任佢魚肉