有冇08年1月既準媽媽 ?
-
<p>4月尾check都有左bb , 心情好緊張 , 過2日會做第一次檢查先 ....<br /><br />好多禁忌都唔知 , 希望大家一齊交流下 <br /><br />我本身先生驗左佢d精精比較少 , 我自然懷孕機會率應該好低 , 但咁都中左所以好意外 , 諗番之前個排成日見頭暈想嘔 , 以為唔舒服仲食左d止嘔藥 , 再諗諗下之前仲咩都食過 , 涼茶 , 綠豆沙 , 西瓜.......所以知道有左的一刻都打左個突 , 我同醫生講食過呢d野唔知有冇影響bb , 佢話應該冇咩問題 , 但唔好再食了 , 叫我唔洗等到2-3個月先做第一次檢查 , 可以盡快安排做 , 等自己安心d .<br /><br />另外就係 , 我係4月中辭左職 , 原本諗住搵過份新工再加part time賺多d錢 , 點不知就呢個時間bb就出現了 , 真係人算不如天算 , 非常擔心日後經濟 , 依家得番老公搵錢 , 真係唔知點好 , 唯有見步行步.....</p>
-
Me too!!
<br>i have check in 4月尾!
-
板主: 我也是2008年1月頭生bb, 不過約了產科醫生看私家也要排期至5月29日所以也很緊張呀... 你是不是第一胎呀?
-
hi all,
<br>
<br>我也confirm bingo, 係第一胎, 預產期應該會係 8/1, 今個星期會去廣華book期, 另外約了私家婦產科 19/5, 到時BB應該有 7 week, 希望佢無事, 見到心跳啦!
<br>
<br>你們打算在那裡生呢? 有無身體唔舒服? 我除咗胸痛同個胃有D扯住之外, 都無乜其他, 唔知算唔算正常.
-
hello all ,
<br>
<br>CONNIEYEUNG , 我就4月30日買棒棒自己驗中左 ,再睇西醫驗多次 , 佢都話我有左 , 就寫字轉介我睇其他婦產科醫生了 ....
<br>
<br>
<br>edith ,你睇邊個醫生呀 ?? 要排到5月29日咁耐既 ? 係呀 , 我是第一胎架 , 媽咪恨抱孫恨到咩咁....
<br>
<br>
<br>LO , 我就5月10日去做第一次檢查(私家) , 都未決定會係私家生定公立醫院生架 , 我住上水 , 但唔想睇威院 , 覺得麻麻地 .
<br>我同你一樣 , 胸脹痛同個胃有D扯住好唔舒服 , 加上呢幾日天氣熱又冇咩胃口食野 , 想嘔同頭暈囉 , 我仲係驗到有bb既第2日要去旅行 , 成個trip都玩得好辛苦 , 咩都就住..........
<br>
<br>
<br>
<br>你地同左屋企人講有左BB未呀 ?????
-
HI ALL,
<br>
<br>我E+比平時易攰同好易餓 , 但一次又食唔到咁多 , 所以都少食多餐......你地呢 ?
-
Hi girls.....me too, due date is January 7th 2008
-
tracy2408: 我朋友介紹我睇余啟文醫生不過我在西醫check了預產期2008年1月5日出世, 不過到時可能會早d出世因打算去養和開刀生多d囉...
-
hihi!!
<br>我決定會係養和生!做第一次檢查係5月15日!
<br>預產期2008年1月1日!
<br>陳煥堂醫生
<br>我知道他是很好的婦產科醫生!
-
connieyeung :
<br>
<br>你就好喇咁快約到醫生做產查...
<br>想問吓你個醫生是註養和的醫生嗎?
<br>打算順產定開刀呀?
-
connieyeung: 陳煥堂醫生收費是幾多錢架?
-
rainrain:其實收費我知道唔平!但係他係養和的副院長!係全香港數一數二的婦產科醫生!其他醫生縫傷口的復原日若是5日, 他三日便可以了!
<br>
<br>Edith:是的! 他是註養和的醫生! 我打算順產!因為復原較開刀快!
-
hi edith & all ,
<br>我就睇 "陳冠鴻" .....係我個家庭醫生介紹既.....
<br>我打算係法國生掛 , 我就會揀順產 , 對bb同我都好d喔 ~ ~
<br>
<br>
<br>
<br>connie , 嘩...養和的副院長 , 咁應該真係唔平喎....我就唔打算搵太勁既醫生了 , 因為收費實在太貴 , 有左bb支出多好多 , 好多野都要慳住了.....
-
connieyeung: 為何你不睇李福謙醫生? 我朋友幾年前生也是找他, 他當時是養和的副院長現在才升了做院長...4年前他收費是$900-$1200呀
-
tracy2408: 陳冠鴻醫生收幾錢呀?
-
rainrain
<br>
<br>我尋日睇完 , 間診所都好多人ar...我第一次睇未需頂要做產前檢查 , 可能bb太細了 , 只得7個星期大 , 只做了"超聲波" , "陰道檢查" , 另外開左d葉酸比我 , 2個星期後覆診先做第一次產檢 , 我覺得醫生都ok , 所以應該會keep住睇佢.....今次睇左520蚊 .
-
仲有...醫生話我作小產 , 要多多休息.....=_=
-
你有流血的情況呀??
<br>為何醫生話你作小產???
<br>你真的要好好在家休息呀!!!
<br>你今次是否看到bb心跳呀????
-
想問下睇左普通科證實左懷孕跟住醫生會比轉介信去睇婦產科，係私家定政府?
-
想問吓08年1月份如在養和生要幾時同醫生book定醫院架?
-
我昨天去咗睇陳煥堂$1200,超聲波陰道檢查$600,但係等咗四個鍾!我今次看到bb心跳呀!
-
connieyeung : 恭起你呀...
<br>咁你現在是幾多週呀? bb有幾多mm呀?
-
EDITH :多謝你!現在有六週幾了! BB 都5.2MM 了!自己已經肥咗五磅喇!
-
connieyeung: 其實有BB真的好開心架... 不過我同你一樣計月經最後一次來去算BB有幾大的話, 我也是有六週但我照出的BB只得0.9mm醫生說比一般6週的bb細了2週, 現在我真的好擔心呀... 醫生叫我下星期一再去check睇吓有冇成長到? 現在我真希望我的寶寶能成長喇...
-
Edith:你個b仲大過我啦!不用怕!不過我醫生叫我下個月先睇!!你個b一定可以健康成長!
-
hi!我剛剛check到有左啊呀！家下２星期３日
-
hello all,
<br>我的預產期是1月18日呀, 2日前先知有咗咋, 好閞心因為我哋試咗好多個月啦 明天第一次見婦產科醫生, 在屯門, 叫張敏芳, 唔知好唔好,有無姊妹知呀 因為韋張紅的booking太多要6月5日先有位, 我弟婦睇過一次, 佢06年10月生, 係佢家姐介紹的. 聽講唔錯.但係我又有d腹痛, 好似m要嚟咁, 所以想搵個產科睇咗先. 之後再睇韋張紅.
<br>但我住屯門, 想係私家醫院生, 唔知邊間好呢? 但都會book屯門醫院, 因為近, in case 太過urgent 要生.
-
hi!llee448
<br>你預產期是1月18日,早我兩天,我是1月20日.我前天已看了醫生,個腹痛是正常的，因我都系咁．乳頭又痛，前兩晚我兩樣一齊陰陰痛咁，整到我成晚訓吾著
<br>
-
llee448:
<br>Hello! 我同你都係住屯門, 我之前都係睇韋張紅架,
<br>但係覺得唔係太好, 所以轉左林文英醫生, 佢都係銅鑼灣, D醫生護士好nice
<br>好詳細架, 又唔難book,因為lee個醫生無食lunch時間, 星期一至五(9:30-5:00)
<br>我有兩個friend剛剛生完都係睇佢架!
<br>我12週了, 預產期11月26日, 我都book左私家醫院生了, 係聖保錄.
<br>護士話d醫院都幾full,如果想係養和生, 就再早d book喎!
<br>
<br>
-
connieyeung: 謝謝你, 希望個bb成長到喇... 現在不知為什麼開始頭痛及起床時滿天星豆, 現在又有念珠球菌及濕診...有咩方法可以沒有出念珠球菌呀?
-
tabo: 是去政府的健康院檢查架...你快d去掛期, 我掛到5月30日才有得睇而且我是5月頭發記要等3個星期呀...所以現在睇了私家先囉...
-
Edith:
<br>你好!懷孕初期係有好多唔舒服，頭暈同嘔都好正常，我之前都好辛苦架，
<br>所以要休息多d,唔好太操勞, 其實你真係好頭痛同暈的話, 可以叫婦科醫生開藥比你,會比較安全,不過最好就唔好食啦! 至於念珠菌你要保持下身清爽,飲多d水,濕疹你問下婦科醫生啦, 因為濕疹藥膏唔好亂搽, 記住介口唔好食濕毒野呀!
-
Edith: 我想都係睇婦科醫生穩陣!!我已經唔做嘢安胎喇!我之前都係甘!但日訓夜訓之後就無嘢!
-
Angela: 嘔現在未有... 保持下身清爽是不是用專洗下身的清潔液體呀?
<br>
<br>connieyeung : 現在我好多時也睡不著呀
-
我今日去睇o左普通科既醫生, 佢只係問o左我最後m黎係幾時, 我話13/4, 佢就話而家暫時睇既預產期係1月20日, 其實我都唔係好明....4月有1月就生架啦? 跟住就寫o左封信比我, 但又叫我下個月中先去睇, 唔使咁快。
<br>其實我想問, 我係咪真係下個月先去睇, 而家咩都唔使睇既? 同埋如果我想政府同私家兩邊都book, 咁政府o個度我應該去門診定去健康院架?
-
KK:我都系預產期係1月20日,好開心有你倍我ar.
<br>我m是４月４日，但因今個月週期吾準，排卵日去到成２９╱４，
<br>所以我去了私家醫生度看，預產期以排卵日計便是1月20日了，
<br>
-
你如果記得大約那個時間行房，行房那天計加番２６６日便是預產期．
<br>如你的週期準的話，週期又是３０天，咁醫生通常會以你m第一日加１６日=
<br>１３＋１６＝２９╱４便是你的預產期了，你看看這便明白
<br>http://www.wyethbb.com.hk/
<br>tc/an/prepregnancy/
<br>an-prepregnancy-01.html
<br>
<br>我上星期看了私家醫生，他驗到我有了後比了封醫生信我，
<br>我便打了去東區問，東區fax了表給我登記，我６月４日便可以去看了，
<br>私家醫生方面，他都叫３星期後再去，因佢話家下太早，乜都看吾到喎．
<br>heehee
-
hi, 我都剛剛check到有左啊,預產期係一月十日.
<br>剛剛照左超聲波,6週就見到佢心跳,醫生話佢好強壯啊!
<br>
<br>不過,我而家成日都覺得個胃好悶同埋有好多胃氣,大家有冇相同經驗呢?有冇心得可以分享下呢?
-
我個胃都有唔舒服, 你可以小食多餐
-
connieyeung : 今天去看了醫生, 醫生說是小產
-
Edith: i think you need check by the other doctor!!!!!
<br>你之前有否看到baby心跳???
-
Edith: 你要堅強呀!!!!!!! 如果真係的話,係天意!
-
connieyeung: 謝謝你安慰我... 如果今次我轉令一醫生也是這樣說的話,可能真的是天主安排也只好隨行天主的指意喇... 我同我先生也是天主教徙而且今次又是第一胎,如果真是天意的話也會有唔開心不過我們堅強下去的...
-
Edith:
<br>您要振作呀!主會保守您!有時人生總會有不如意既事,要放開d,Take care!
-
Angela: 真的很感謝你支持我,我會努力呀...
-
Hi Edith, Thanks!
<br>
<br>我仲未去睇醫生，因為我要搬屋所以等搬定左先去，其實都好擔心.......
<br>
<br>Hi llee448, 我都book左韋張紅係六月四日，我唔知好唔好既....
-
Edith:人生中吾開心事情總是會有的,在這一刻,要將你的傷痛和感受跟你的丈夫傾談,跟他一同分擔,傾談後,便要笑番了,你倆大把機會有bb,不要太難過，養好身體，再接再厲，並且，記住你並不是一個人受這個傷心，因為除了你外，還有你倆的家人，你的朋友，及主都會一同的倍著你渡過這一關，我地都會支持你的
-
shirley06chan: 聽了你的說話真的很感動, 很多謝大家對我的支持及關心呀...
-
To shirley06chan:
<br>我睇完屯門個醫生佢話我預產期係1月19日, 第一個普通科話1月18日, 等我睇埋韋張紅先知信係邊日... LM偽係4月14日, 排卵日是4月26日,因用排卵拌捧TEST過
<br>
<br>To Angela :
<br>多謝妳的意見, 試左韋張紅唔好我會試林文英, 請問妳知唔知佢大約幾歲呢? 聖保錄要多少錢,有無PACKAGE呢? 我公司MEDICAL有得CLAIM呀!
<br>我睇完張敏芳, 一般啦, 佢唔接生呀啦. 當日只有4周5日已經見到卵包啦, 佢話2周後就會見到心跳呀啦.
<br>
<br>To Edith :
<br>希望妳早日recover啦, 幾個月就可以再試過.可以睇下中醫調理身子先, 我當初試咗幾個月唔得, 個謢士friend介紹我去上水睇個中醫, 調理咗4個月佢話ready隨時可以有之後果個月就得咗啦. 如果妳想去就問我攞地址啦. 其他人想要都可以問我呀. ^_^
<br>
-
to tabo:
<br>有人話好有人唔係好好, 不如我地之後share下, 你住邊區呢?