Spider-man 3



  • "Spiderman 3",  再創香港票房新紀錄. 未睇之前, 好大期望! 今日下晝商業一台既DJ們先係度討論賣清戲飛既效應! 以依家既形勢睇, 有機會超過"鐵達尼號"過億既票房 ...... .

    兩個半小時, 一如影評所講, 太多劇情要交待喇! Spiderman系列比起其他美國漫畫英雄片, 算係最多人生道理去講既一個系列. 唔同大部分其他英雄只係玩科技玩特技. 今次係咪好好睇?! 見人見智啦. 我就覺得不過不失. 太多前兩集做落既枝節要跟進, 感情線, 親情線, 友情線 ...... 略多左d. 亦都係因為哩個原因, 套戲有兩個半鐘. 每一次要轉場境, 都係莫名奇妙咁跳, 一去就去左"逃獄"; 一跳就跳左去教堂 ...... .

    當年Spiderman未出現, 個社會係唔會有咁多異人既. 點解佢誕生左之後, 先至有佢地出現?!

     外星生物Venom有咩目的?! 交待得太草率喇. 仲有, 佢邊度都唔揀, 由天跌落 口黎都係要跌正Peter Parker身邊. 咁大舊野, 唔係應該已經四散成個城市咩?! 應該好多個Venom出現啦! 點止一個呀?

    Spiderman變壞既橋段, 同廿幾年前基斯杜化李夫版本既"超人"已經玩過啦(係第三集"超人大破電腦霸王"). 又係同類既內心掙扎戲 ....... .

    Harry炸唔死, 無曬怨氣, 管家一句野就可以泯恩仇 ....... . 哩句野如果上集講, 少好多多餘事啦! 打到間屋爛成咁, 管家都唔係一早知 ....... .

    仲有, 走唔開既大美國主義, 點都要俾一面大美國旗佢做背景swing幾野 ...... .  

    人物編排, 無論敵與友, 點解全都係圍繞身邊認識既人? 每一次都要同時應付幾個敵人. 上次又係咁喎!

    MJ 同Harry都老啦. 到今日為止, 我都唔明為咩要用Kirsten做哩個角色. 佢一d氣質都無, 角色本身又功利, 任性. 究竟有咩魅力? 無錯, 現實就係有哩種人, 仲好多添.

    Toby 開始出現疲態啦. 頭尾六年啦. 佢唔再係廿歲頭既小子. 佢話唔拍第四集. 都係既, 已經無曬種書卷味.

    仲要無啦啦要俾多廿蚊入場, 理由係套片長 .......



  • 同意