我想問我1個月搵34k左右,有雙糧,同屋企人住,比屋企4k, 算係多or少or合理?





  • 睇下你自己有幾多負擔啦, e.g.要唔要交學費,





    如果無任何其他負擔, 咁就真係好少,


    我以前第一份工,搵6.5K, 比3K屋企架,自己咪慳D, 因為想佢地生活好d嘛





    屋企養到人咁大, 比多d佢咪當幫人儲錢囉



  • 好少


    我畢業出黎搵11k都俾4k啦


    仲要還grant loan




  • 都要交學費, 1年3萬左右



  • 真係少得離譜....



  • 點解你俾咁少?





    其他你儲蓄?



  • 真係少得好交關, 父母養到自己咁大, 依家食同住又係父母既, 理應比多d



  • 好似真係小左d



  • 你諗下屋企用黎養到你咁高咁大用左幾多$同心機...你就會知一個月幾千蚊都要都夫母年邁先還得曬...分分鐘唔夠時間享福﹗








    我揾$13000我比$5000 年尾bonus 公C出幾多我就比果到既一半屋企.


    我都覺得自己好衰.


    因為屋企比左好多$送我出國去讀書.


    大拿拿成100粒


    我一個月1萬都有排還.





    不過除非父母本身好有$la.


    但有$極你話要比多d家用佢地都會好安慰好開心 覺得你有重視佢地...要唔要另一回事



  • 我都覺得我比$5000好少.


    但我另有目的


    我想save 多d $ 做d investment ,


    因為媽媽唔識呢樣.


    所以我想save 多d先比�





    但我個account同我所有資產我媽媽都可以access





    佢有曬d password 可以過$





    我覺得無呀媽就無今日既我.


    所以我所有野都要同佢share





    有年出 bonus出左3個月糧.我果個月比左果個月既家用. on top 1.5月我既人工 .


    我呀媽叫我d$留比自己.


    但我話無你就無我la.


    我既野咪係你既野...佢幾激動...





    見到佢咁開心比多多都值得﹗



  • 點解你唔直接問你亞爸亞媽你俾得多定少? 要喺度拿高肚皮俾人睇?



  • 我揾$13000我比$5000 年尾bonus 公C出幾多我就比果到既一半屋企.


    我都覺得自己好衰.


    因為屋企比左好多$送我出國去讀書.


    大拿拿成100粒


    我一個月1萬都有排還.





    不過除非父母本身好有$la.


    但有$極你話要比多d家用佢地都會好安慰好開心 覺得你有重視佢地...要唔要另一回事





    by 唉 - 05/03/07 15:15





    你真係欠屋企好多錢喎


    而你父母都叫做有錢剩比你


    你試下你父母冇錢剩剩之餘,


    要靠哂你一個比家用維持生活


    你搵一萬三千元要, 你比五千就唔係講得咁輕鬆



  • 我嫁了的,以前做女搵14K,每個月都比4K家用屋企..出了COMMISSION又著量俾一D,年尾雙糧通常俾10K.+唱利是錢(因我會同佢地唱)


    雖然依家搵多以前每月2k,因有自己家庭,都只可以俾返4k,自已覺得好少了…原來有人可以搵咁多都係俾4k屋企,我都算係咁lu…




  • 我搵$23k, 嫁左有2個小朋友, 都俾$6000返屋企啦.........


    我都覺得你俾得少.........



  • 你老公搵幾多錢?? 你地住屋係咪好平唔過6k??




  • 如果能力許可, 我想俾8k, 因為父母仲有工作, 其實都唔關工作問題, 而係我覺得8k給父母都算ok, 但係會幫佢地買野, 老豆就另外再俾錢.





    仲有, 如果你多兄弟姊妹, 好多人都會同親人傾下, 點樣share分担下, 但係有d人就鍾意自己搞掂唔理兄弟姊妹俾幾多.





    如果我真係搵34k, 我估我會俾9k. 因為我地屋企得我同阿妹及父母.



  • 非常少





    你父母供養你成人係最錯的投資, 計落應該冇回報, 係蝕本





  • 唉 唉 replied 20 mins ago :





    我都覺得我比$5000好少.


    但我另有目的


    我想save 多d $ 做d investment ,


    因為媽媽唔識呢樣.


    所以我想save 多d先比?





    但我個account同我所有資產我媽媽都可以access





    佢有曬d password 可以過$





    我覺得無呀媽就無今日既我.


    所以我所有野都要同佢share





    有年出 bonus出左3個月糧.我果個月比左果個月既家用. on top 1.5月我既人工 .


    我呀媽叫我d$留比自己.


    但我話無你就無我la.


    我既野咪係你既野...佢幾激動...





    見到佢咁開心比多多都值得﹗





    你咁就好好多, 我有個親戚, 佢以前有俾, 但係現在索性唔俾家用, 又係話要用d錢做投資, 我成日諗, 如果父母有咩事突然走左, 唔係到; 咁等到投資到好多$又點? 不如等佢地仲係依個世上feel到做仔女的心意啦.



  • 版主你係咪真係搵倒34k ?! 查實非你本人搵倒34k?! , 你只自己唔識分配咩?



  • 其實d人睇得太簡單啦! 淨係識話人比得少!! 話自已比得多, 爭住認叻!! 其實要睇下嗰個家庭既環境, 父母自已既經濟能力家用開支, 兄弟姊妹情況等, 我有個女性朋友佢搵四萬幾個月(legal executive), 但六兄弟姊妹, 個個收入都唔差, 佢每個月只需比三千父母當飲茶錢, 佢父母亦叫佢自已留番多d錢傍身, 為未來呀, 退休呀早作準備!



  • 你地有冇諗住將來養兒防老 ?



  • yes, 搵3-4K個月既人唔似咁無知 !!!



  • 所以我都覺得我揾13000比5000+年尾bonus 好少lor.


    但假如我屋企要$我會比曬大部份糧


    留返夠自己搭車食飯就算,


    其實以前試過.


    揾$8000時我比$4000


    我家姐以前初出黎做野..我讀緊書..佢揾萬1 比1$9000, 即我覺得





    depends on 你屋企lor.


    講真我屋企家下都唔洗我負擔.


    我比$2000 都絕無問題.


    但我比緊$5000都覺得自己衰仔...


    上面位人兄....揾3皮幾....比$4000





    唔知係咩狀況呢?



  • 3-4千元一個月? 那是很少的人工了. 目前,祗有老人家才會接受如斯工資. 一般的公司,最初級的文員,也超過六千元的了.當然,也要看看你的學癧來計算.



  • 如果我有34k


    我會俾20k 屋企


    因為屋企得我媽咪一個撐住


    仲要供我細佬讀書





    你呢4k.....仲好意思問人....


    留番黎執藥la



  • 噢>...如果我有34k , 我會俾28k阿媽 ,, 4k留番自己用, 反正我都係老老土土既人, 將來我都應該嫁唔去



  • 嘩, 搵34k俾得4k屋企人, 佢哋仲要包妳個衰女食宿, 妳都要好冇人性才俾得出此金額, 希望你將來做人亞媽時, 妳會知道自己今日有幾自私



  • 可能板主有reason.


    黎如要還loan 1萬1個月.


    找card數1萬1個月


    同供樓/車











    佢乜都無講真係無得下定論﹗


    單憑話揾34k比4k就真係難聽d


    如果我揾呢個價


    有供樓既另計.但點都唔可以少過$7000啦下話﹖



  • Ben - 05/03/07 15:54<你又唔知人地家底, 咁你都要咒人?



  • 我都係無家庭壓力的, 我媽咪仲成日叫我唔好俾. 其實, 每個家庭都唔同囉.


    我媽咪細個就係俾曬阿婆, 阿婆就成日想生仔, 生左12個女, 用曬d錢, 我媽咪一個仙都無嫁俾我老豆, 結左婚都係咁俾錢阿婆. 所以我媽咪窮到嘔, 好彩我老豆錫媽咪, 又支持佢體諒佢孝心, 到今時今日我地有咁安穩, 可以話係好彩.





    但係我估我地依一代唔會咁好彩, 所以要為自己老來打算. 所以"唉"的做法最好, 我成日俾d錢媽咪, 我會叫佢做長線投資或保本基金等, 總之為佢之餘也要為自己.



  • 我結左婚, 有個仔, 每月淨係用係個仔身上大約一萬, 依家個仔11歲, 你話我用左幾多錢, 如果將來個仔真係搵34k, 比得個4k我, 我會好傷心, 但唔會鬧佢, 因為依家呢個年代既年青人係唔會去諗父母既養育之恩, 所以我依家都開始儲多d錢, 留番將來退休用



  • 找card數1萬1個月


    同供樓/車





    好多人都係用左d錢係自己身上就值得及優先使用. 其實, 除左係樓及各樣保險, 我自己就父母家用行頭.



  • 如果我有34k , 我會俾8k父母, 再租一個大約16-18k的單位與父母一起住, 唸吓都開心, lee D 咪叫有心囉!





    我現在搵18k, 俾5.5k父母, 自己租樓8k, 每個月要好慳先掂



  • 就如我大佬... 佢見我同我妹一人比$5000岩岩夠屋企交水電媒同支出在多少許比呀媽做saving


    佢就大搖大擺唔比


    話做仔要儲$, 話無$係身真係比唔都安全感個女仔. 但其實係佢地大洗..


    係咁出去吃喝玩樂先無$剩





    我呀媽唔開心我知唔係因為$ 係因為佢最錫個仔但個仔一d心意都無


    連$200一個月都唔比﹗





    我舅父都係咁架. 等d姊妹養呀媽自己就逍遙快活﹗



  • 父母唔大駛, 冇loan, 唔志在你家用, 又 識投資, 對你有回報, 呢個辦法冇話唔好既! 相反,咁你就...



  • 我現在搵18k, 俾5.5k父母, 自己租樓8k, 每個月要好慳先掂


    ^^^^^^


    你啲數有問題,咁你生活好危險,扣家用,你用六成係住屋,唔樂觀.




  • re: 你又唔知人地家底, 咁你都要咒人?








    板主俾人鬧到唔敢用自己身份見人? 做得出怕咩人鬧妳? 我洗咩咒妳, 只是因果循環, 妳今日點對妳父母, 將來妳兒女只是有樣學樣啫



  • 我都覺得呢代人開始唔顧家


    所以我要努力揾$





    我家下人工唔高.我想揾多d$ 顧得呀媽之餘亦要諗掂第時.


    我係咁做part time, 亦invest dd





    為左第d唔好憂鹽憂米.


    第時如果生個仔出黎話彈幾千蚊我過活就算就斃.....



  • 問題係你同屋企人住, 4k, 養你都唔夠la!!





    我搵20K, 唔同屋企人住, 都比屋企5k, 我老公都係...







  • Ben - 05/03/07 16:11<咒得人多, 你自己都冇好結果, 家下人地殺人放火, 係啦喎, 分身, 你簡直痴上腦, 有病你睇醫生



  • 生多d都好...第時生5個我當中有2個比家用就好d...haha





    生1個分分鐘養完唔鬼理你﹗





    我屋企有3個人只有2個人比家用.


    亦有1條無良心既註米蟲﹗









  • 你有父蔭, 不用嘆息!



  • ????





    冇法啦, d租由6k升到8k, 最衰樓價物價係咁升, 人工就加得雞碎咁多, 我寧願返回2003年, 好過現時



  • 通常隻註米蟲多數係 male 黎既, 我屋企都有一條大大條係處, 以前重要我地幫手養埋佢一家四口, 雖則佢係我呀哥, 但我真係睇佢唔起, 包括我呀嫂



  • 所以我要生女. 我鍾意女. 老公都鍾意.



  • 可能細個屋企捱過窮掛 ..


    唔想呀媽成世就咁...








    我個priority 係-


    1).家用


    2).呀媽C己錢


    3).自己saving+投資


    4).自己生活費








    希望做part time 係3). 果到save多d. 跟住可以滾大d舊$ 然後先買樓﹗



  • 我就係無錢所以我排priority 就會係:





    1) 自已/老公/父母的 保險... 窮人真係好慘, 有病要問人借就唔好過.


    2) 家用


    3) investment





    我最窮時, 試過3年無買過褲, 1年買一對鞋(新年時買)... 真係娘爆時期呀. 不過唔俾得媽咪同阿爸知, 所以會keep住買野送俾佢地. 唯有自己慳d囉.



  • 父蔭無架...


    我爸死時留低3個小朋友同一個無出過黎做野既女人lor





    我呀媽好辛苦....一人打幾份工養大我地





    我細細個(小6)已經同人(小4)補習. d$比媽咪


    我家姐就年年summer都去bossini U2 到做. $都係比媽咪 .





    到我出黎讀書時我家姐出左身...有份好工. 用埋媽咪d saving 黎比我出國.


    當然100k唔係一次過攞出黎la.


    係個個sem 寄.


    我媽咪果時都有出黎做野





    我屋企唔係好有$渣 不過3個人有2個人識諗lor.





    家下家姐揾幾皮 我又揾皮幾 ...夾埋比1皮鬆d媽咪...





    我都覺得好shame!



  • little,


    你意思係你都睇唔起呀嫂? 定你呀嫂都睇唔起你呀哥??





    btw, 我又唔覺樓上位阿ben咒緊版主喎, 佢只係話到你做人阿媽時, 就會知道"搵34k俾得4k屋企人"你會係咩感覺, 咁如果你好肯定認為"搵34k俾得4k屋企人"根本唔係問題, 咁呢個又點會係咒人?



  • 我真係想呻下, 呀哥24歲就攪大人個肚, 又唔係搵好多錢, 車房仔一名, 月入得個5千左右, 間公屋都要呀爸呀媽比錢買比佢地住, 個個月都話冇錢, 重要叫我呀媽買埋奶粉尿片比佢地, 我父母冇野做, 我地每月比佢地既家用, 用左10份一係買野比bb, 其餘用係屋企, 基本上呀爸同呀媽冇物錢用, 所以我地幾姊妹要比多d家用屋企, 即係變相幫呀哥養仔, 唉, 生仔丫, 冇 q 用架