想哭, 不能哭

[sigh]

之前拍拖都失敗收場, 今次遇到一個對自己好好的男仔, 點知亞媽唔鍾意, 強烈的反對............
依家同男友冷靜期, , 隨時預備要散.........好傷心

通常d 男仔決定左, 都應該唔會返轉頭, 唔似得女仔會容易心軟, 依家大家傾電話都無咩交流, sms 一句起兩句止..
都應該差唔多........
好辛苦.........

係佢對我好果陣, 我唔識珍惜, 依家想對返佢好, 佢又好似唔領情
好hurt........
但我又唔可以哭出來, 唔想亞媽知道, 唔想亞媽以為自己岩, 以為我地應該散

我唯有在床上扮睡覺, 偷偷哭出來

[流浪客]

誰伴寒夜孤獨坐？祗有殘燈影一雙。

燈醉欲眠思愁緒，無奈紅顏泛淚盈。

凄涼袛因秋夜月，撩絮祗為浪客情。

何事吟餘忽惆帳？孤寂飄零復誰知。

[輝仔]

點解亞媽唔比?

[sigh]

因為佢有遺傳病, 我唔介意, 不過我亞媽好介意, 每次在家討論呢個問題, 都發惡嘈得交關

[blueberry_hk]

如果唔生仔，都無問題的

[sigh]

至慘我亞媽唔係咁諗, 佢話唔想我同佢捱喎.........

我唔介意咪得咯, 關佢咩事

[男人仔]

咩病先

[sigh]

diabetes

[眼大無神]

可能喊左出黎會好d呢... 你媽媽見到唔等於佢o岩架嘛

[jason]

diabetes

好普通

好多人都有啦

[sigh]

我唔想呢件事令到家嘈屋閉, 亞媽唔開心, 又會襯我唔向屋企, 同我家姐講佢ge"道理", 亞媽一嘈, 家姐又唔開心! 我又覺得自己連累左家姐!

咁我少d 出街, 可能亞媽安心d , 嘈少d



但我屋企唔接受我男友, 佢都唔開心!