心儀的同事.......

你好假！一時一樣，上次就話明白我哋係同事，同人講都話只是同事，没有其他，但就剩係請我１個，唔請其他人，但叫我唔好同人講，人哋知你請我，我唔講人哋唔知我同你有什麼關係呢？！同我講只偏心對我好ｄ，對我好？究竟你是想人點諗我？！你拉住我行話請食飯夜咗嗒的士第２日比單你，乜都得，只要我去，到第２日人叫比錢你就唔出聲當無件事，又話以為同我講笑點知我當真，又話我可以唔去，這是什麼意思？你唔好再send email比我啦！我無咁多時間唔再回你！

佢以經歇斯底裡, 老友你無理佢住啦, 無謂同人嘈, 亦唔需要降釋

可以講的已講完, 佢選擇去嬲你亦係佢的事, 你做返你自己啦, 做同事把啦

其實我係唔係又做錯左 D 乜呢??

wongho

妳唔係玩板主嘛？之前又叫佢去馬，而家又叫佢節省啲？

by love.2day - 05/10/07 10:34

上面位朋友,我無叫佢節省, 係個女仔初初對板主的態度有點欲拒還迎

直至接受左板主請食飯, 睇戲以後再同人講佢都係對人無feel

本人覺得, 明知那男子對佢有愛意, 如無feel 又何必接受板主的邀約,重要人家突然之間补去買飛, 那不是要同全人類講[我終於有人追] 向人炫耀她的觀音兵嗎

其他同事都會當佢地係一對啦所以之後又同人講對人無feel, 再加上板主對佢冷淡佢又會嬲人, 那是什麼意思, 如真係無feel, 那便是一個自私的女人的佔有慾同虛榮心, 淨係想人家對佢好

也彧許她還未準備好接受你

本人只係覺得, 連試都無試, 便宣告自己敗, 甘心嗎?努力過而不成功, 那起碼對自己係一個交代, 給了自己機會, 給了人家機會, 便沒有遺憾

你錯的係無謂同女人爭拗啦, 只會越吵關係越差, 你2個都係脾氣硬包拗頸的人

如果係我, 我唔會send 甘多字mail, 解釋甘多, 你唔覺越講越差嗎, 變了罵戰

你只能回佢3個字[算巴啦!]--已夠啦

每人都有個limit, 你已努力過, 既然佢而家都係唔想同你開始, 你順其自然啦, 無再同佢甘多mail啦

你解釋得太多啦~~~真的

thx~ wongho

我都覺得每次有事我越解釋越多，就好似佢越反感..

越描越黑.....

wongho...

其實呢種性格嘅女仔，應該用乜野對策呢??

呢個女人睇落都幾麻煩, 其實版主你點解會喜歡她?

好靚女?

wongbo...

其實唔只係你..

就算係我其他同事或朋友...

都諗唔通佢嘅心態....好模稜兩可...

版主

其實我好欣賞你的決心和毅力.所以才會在這邊留言.如果有些話太直請不要見怪

看完你和女主角的email內容.我個人認為你們的個性很像--對一些事情很執著

即使那些是小事

有些事情在你看來是"解釋"但寫出來的東西看在她眼裡便成了"辯解"

所以我覺得你必須要學著去"溝通".所謂解釋的定義只是"講重點"

剩下"接受與不接受"完全不在你管轄範圍內

故此你也不須要再為她的"不接受"繼續"解釋"

偶爾你也會冷潮熱諷她一下.起碼當我看你的email時我有這樣的感覺

另外我認為你唔需理會女主角對你有沒有"feeling"

只管去試

但你定一條底線..不可以過火

這對你或對她都是好的

同意小米, 你真係說得太多啦

有時有的事係2-3句說話便可以, 太多便叫"撩架艾呀"

從今開始, 小d send e_mail 限住自己4句便可以啦,

你地真係太似啦

我相信, 你公司--全人類都知你追緊�

鍾意�

係佢未決定係咪接受你之前, 佢唔想比人錯覺你地係一對, 比同事/8公8婆係背後講

你唔覺佢好努力話比其他人聽你地無野咩

所以呢, 要關心佢就要好小心啦, 佢太在乎人地點睇啦

你暫時都係做返普通同事先啦, 以靜制動

等遲d件事淡左再搵人攪下活動啦, 她去便去, 不去便算啦

其實當初佢問你係咪請佢, 你reply her -- OK

便可以啦

我諗她都有d矛盾, 一方面都想人追同關心她, 但又唔想同事們認定你們是一對

你都係做返同事身份等佢自己冷靜下整理下自己心情

thx~ 小米..

你係新的留言者...

希望你可以繼續提點..

有時女人個心真係好難估...

thx~ wongho..

始終你都係女人....

所以你會明白女人嘅心理...

我對呢方面太差...

thx~ Nokia..

佢唔係話好靚女..

只係我鍾意佢好有個性...

而且佢俾到我有一種好想定落黎嘅感覺...

以下係我回俾她的 mail :

如果我真係當冇件事，我嗰朝早我就唔會已經準備好$116蚊係我張枱度，你去完 toilet入黎問我個陣你就可以即刻攞去俾 Axxxx 啦！而我冇做到嘅，係應該即刻reply 番你個 mail。

而我另外做錯嘅，就係對你好之餘，並冇顧及你嘅處境同維護你嘅感受，但至少我希望可以做嘅，就係答應左你嘅事就一定要做到。所以我已决定下次再有 function (打麻雀 or 睇戲 or BBQ) ，我會請哂全部人，咁又可以請到你但又唔會俾人講，大家開心。

我係當你係同事，但亦好似"得得地"對"常再心"係朋友一樣，希望凡事隨緣，順其自然........

push~

都唔使話請曬所有人呀, 長貧難故, 你係咪好似得得地屋有6億身家嗎

我覺得, 你比多點開懷佢, e.g. 佢唔舒服時買d有益的飲品,(好似而家mtr有售的涼茶呀, 熱湯呀)見到d 得意有好食有靚的零食可以買比佢呀, 唔使多, 唔使貴, 見佢個個樣累問下人家係咪多野做呀, 或者係咪公課忙(如果佢有進修)

有時細心關懷, 已令人好感動(尤其係生病時), 一切盡在不言中呀

thx~ wongho

但暫時未做得呢 D 野住..

佢會怕俾人講...

傻佬, 無人叫你好公開甘做, 比人知架

你們最大的問題係做乜都比曬全公司人知,人地當睇[唐心風暴甘]

我以前個朋友, 係公司做足4年, 同個男同事拍拖拍足4年其他同事都唔知佢地係情侣

宜至佢地要結婚我朋友唔做至知道呀

辦公室戀情唔係唔可以, 但要做到無人知唔係一件易事

始終係唔想因為感情而影響到工作, 你未必會, 但你老闆會甘諗呢......

thx~ wongho

但你都見到佢宜家根本要主動俾人知..

因怕唔小心俾人知道之又俾人講....

所以你比d時間佢冷靜下啦

你俾人知人地明目將膽係你面前講

人地暗地裡知就只可以係你地背後講, 你地重可以死口唔應呀, 咪由人地估估下law

而d係我個fd 經驗之談,

她唔會傻到你送盒朱古力比佢都要e_mail 比所有同事呀!?

有的野叫心領情會呀!

我個fd係公司又收花又收朱古力又收小禮物都無人知係個個同事送架

她反而日日同另一班同事食lunch

thx~ wongho..

但佢連俾人後面估嘅機會都唔想有....

但佢連俾人後面估嘅機會都唔想有....

by 情深說話未曾講 - 05/11/07 16:2

叫佢咪傻, 無論你做乜, 接不接受你, 同事或朋友, 都會比人講啦, 分別係面前講或背後者, 如果唔係邊會甘多8婆雜誌呀

叫佢take it easy la

做返自己啦, 男未婚女未嫁, 追求拍拖好正常者, 錯過了你, 她有信心可以找到比你更愛她的男人嗎

星期五個日佢同女經理開完會之後,佢就不停係自己位到喊,仲喊左好耐。我知應該係同工作有關,但見到佢連對眼都喊到腫哂,我個心都痛埋!

跟住我叫埋另一個同事,一齊去約埋佢同其他人,放工之後去 Bar 飲野,當陪吓佢散吓心。成班人飲吓酒玩吓大話骰,差不多玩左三個幾鐘,好彩最後都見到佢笑番!飲完野之後,其他男同事都差唔多wing曬,跟住全部人出左間Bar外面定定神,而我就同佢慢慢傾番今日嘅事,佢都好樂意同我講,我們都傾左一陣,然後佢就同幾個同事搭的士走。我感覺到佢已經冇再嬲我囉!

到左尋日朝早返工冇耐,佢就send mail同我計左每人要夾番幾多錢俾番我,每人都要$120蚊,跟住我就提意由於D女仔只係飲左兩杯野,但我地D男仔就隊左廿幾支啤酒,所以女士們只需俾番40蚊就夠,余數由男士們平分,最後大家都接受呢個方法,佢都唔知幾開心。

跟住到左下晝,走剩我地兩個,跟住我又主動同佢傾計。原來個經理話佢個位D•文件太多太亂,擔心佢會做錯野。之後我就話不如我幫你執好個文件櫃,因為D File又放得高又重,可以有多D空位放好番哂D文件。估唔到佢即刻say yes 仲幫我一齊整,又真係好似對我一D抗拒都冇,有時我真係搞唔清楚女人D心態究竟係點!!

push~

啦, 而d咪叫關心佢law, 之前都同你講左啦

無論幾強的女人都需要人關心架

都要個肩膀挨下

你今次好ok, 適當時候做適當事, 唔再send d長到死撩架艾的e-mail

有時面對面關心人地可以看到你表情聽到你語氣唔會誤會你係潤佢ma

努力啦~~~~~~

thx~ wongho..

真係好多討謝你嘅留言...

我明天要出trip 一個星期..我今日臨行前 send 左以下呢個 mail 俾佢..

聽日我地幾個就會出差成個禮拜,我相信按劇情發展,關菊英同舅父波應該會診大契唔係度,必定搞風搞雨,想作出反擊。但係你一定要收拾好自己嘅心情,千奇千奇唔好唔好俾佢地影響到。正如Axxxxx話齋"做好自己份內事就可以,唔駛理人地點講"。雖然佢地兩個成日做好多野影響你嘅情緒,但其實你宜家背後仲有我地成班連埋大契都有六個人都支持你架。好似李司祺勸楊怡一樣,你其實唔係一個人係個孤島度,唔好成日都諗到自己俾人孤立左咁慘情,因為大家都係"唐記"呢個大家庭嘅一分子,"邊個係人,邊個係鬼",到左今時今日,就算連大契個個都心知肚明。因此你並不是孤立無門。

無可否認嘅事實,就係你今年係工作上真係變得好積極同進取,就算連羅生都話同你共事左七年,估唔到你今年居然變得咁認真,包括連大契都知道你係轉變左，只不過佢對你嘅期望同要求真係好高，但正所謂”愛之深，恨之切”，佢對你特別緊張，亦證明佢錫你啫!!當然一個人能夠作出改變,或多或少一定有佢嘅原因,但我地亦應該體諒及明白你作出改變嘅同時,亦必須給予你足夠嘅時間去適應,同加埋支持,鼓勵及認同,令你有信心做得更好。

或者你又可以咁睇,比着以前你俾大契鬧,其他人就算我都會幸災樂禍，係唔係都認為實係你做錯。但今次連你都諗唔到係咁短時間內,可以集齊咁多人都願意義無悔陪你飲野,希望開解你,想你開心番，作為對你嘅一種支持,係咪先? 都係個句,你嘅付出,旁邊嘅人係會感受到,亦都由於你嘅改變,而令到別人亦對你嘅印像同想法作出應有嘅改變。

仲有,叫人幫忙並不是一件醜事,當然冇人叫你"老馮",好似依賴慣哂個種啦。我亦都相信,只要你開到聲,任何人都會願意出手相助,我就唔駛講啦!不過如果你怕有是非,你可以問其他男士們幫手,佢地亦一定唔會Say No!因為我都唔想因為我而影響到你。

最後你仲可以做嘅.....就係笑多D。其實我幫你做過個非正式統計,原來你笑容特別多個日,同事們主動同你傾計的次數比起你唔笑個陣多左85%架!!雖然你成日話因為最前個兩個人令你好難笑得出,但係如果你嘅笑容可以令你多左5個同事樂意主動同你接觸同溝通,你數口咁精,都應該知條數點計!就算連陳豪都成日做嗰個"戚咀"動作,叫常再心記得笑啦!

好啦!呢個禮拜你自己小心D,唔好在意同介懷關菊英嘅說話,以免中左佢嘅計,令自己功虧一矩呀!提多你一樣野,我覺得最好係我地返黎之前,你主動叫亞仁同你set 好部新電腦,因為都買左返黎好耐嗱,為免夜長夢多,枝外生枝,真係儘早搞埋佢,我相信你明白我嘅意思!!記住唔好覆我mail呀!

其實星期日我一個人返左公司，靜靜雞幫佢做左D 文件上的工作，我知道由於佢未處理到呢part，所以未發覺已經有人同佢completed左，但我冇打算話俾佢知係我幫佢，就算佢問我都當唔知....

如果佢問你, 你咪話係你做law, 又唔使暪佢架, 女仔唔會鍾意男人呃佢,真的

如果她開口問你你唔應, 佢又會以為你攪乜架啦......

你知你位同事有時有d非一般的想法啦

thx~ wongho...

終於返黎香港...但呢幾日都好掛住佢....

又過左一個禮拜.....我同佢彼此之間嘅關係真係同以前好左好多，佢對我冇以往咁抗佢及少左戒心。

佢亦主動叫我幫佢(例如BT成套溏心風暴)，甚至係工作上叫我幫手，其實我暗中都有幫佢(我相信佢亦知道，但佢冇問我所以我亦冇謂講俾佢知)。大家都多左傾計，接觸及相處.....連其他同事都感覺到佢都改變左對我嘅態度，佢都好似唔怕其他人講是講非咁....希望真係好嘅開始....

而我亦少左太刻意及激進咁去俾壓力佢......因為我仍然相信"順其自然"呢句說話....

情深說話未曾講

其實好明顯既係果女既好似玩你, 同麻因為乜有人請,

如果你條件唔係差既, 就唔好理佢啦! 我相信大把女仔好過佢 !

仲要問返你記唔記得話請佢 !

咁厚面皮既人都有既 ?

你幾多歲呀? 冇女仔既我介紹比你識好過啦 !

都沉寂左幾個月,今日再將呢個留言板重新放番出黎,係因為經過左呢個月時間嘅努力,終於有算為突破性嘅發展,想同各位傾吓~長話短說,其實係過去嗰幾個月,我同E小姐嘅關係確實比之前好左好多,主要係我係七月份我搬左新屋,經常都叫埋D同事上黎打機,而我亦會煲吓湯,煮埋反一齊食,大家接觸多左。另一方面,同時間有另一個女同事亦搬到我附近,呢段期間我經常幫她。而呢位女同事亦會向E小姐講述番我幫她嘅事,其實E小姐亦有留意到我點樣幫個位女同事,終於E小姐亦對我有些改觀。起碼佢同其他人講,同我唔止係同事,赤可算係朋友,至少呢幾次去完街之後,佢都願意俾我單獨送她返屋企

最重要係今個月初,我個女同事終於忍唔住,幫我問左E小姐,究竟對我係點樣? 而E小姐就回答:佢知道我係好人,亦知道我其實好遷就佢,而佢亦冇介意我嘅樣貌或身型,但佢只係介意我其他嘅缺點(詳情我將往後告知各位),而跟住佢就講左句,如果我肯改而有改進嘅話,佢會再作考慮,但到時亦未必一定係接受我。其實我呢個女同事真係好幫我,佢已經好直接問E小姐4次,我改左係唔係就接受我?但E小姐只係答"唔知道"

我真係好想問吓各位女士們,其實E小姐嘅心係點諗呢?我真係想知到底她是否已經係動左少少心呢?

可能係有少少動心啦

但離愛, 我想還有點距離

或許你和他心目中的理想對像相差太遠啦

但人會變的, 如果你真係好鍾意她, 努力點啦

令她相信你係一個好男人好對像

Hi ~ Wongho....

我希望可以再聽到你嘅意見~

Hi~ Wongho

其實能夠令她動心，是否已經算有突破?

但其實我亦知道她在外面仍有尋找其他追求者.....

我只係有一個優勢係，始終日日見住，同埋我真係就得佢.....

我諗愛人係一種奇怪的感覺

係突然間發生

可能因為某件事某種行為而觸發的, 有時自己都估唔到會喜歡�

有時識左好耐都唔鍾意, 但某一天因為佢做左某d事情而感覺開始來了

好似而度好多時d女仔, 見到人地望下佢又會開始留意人, 男人同佢地講多2句又以為人地暗戀佢, 但又唔明點解男人唔追佢?

有女仔問: 點至知個男人係咪喜歡你

網友答了一個好簡單人人知但女人就係唔肯相信的道理:

愛你=====>會追你

唔愛你=====>唔會追你

其實很簡單, 只係d 女人為自己編藉口, 永遠都會認為係佢怕羞無胆唔知女人對佢有意思!

女人成日都只會諗應否同男人表白

但就唔會諗其實個男人係咪真係愛�