心儀的同事.......
-
而她剛剛又 reply 如下 :
<br>
<br>有咩？講什麼？唔鐘意講嘢咪唔講LAW，無所謂格，中好，剩係做嘢，做多D
<br>中有呀，你有嘢就起公司講，唔好等人走哂或者放工我走咗先至打電話或SEND短訊比我，亦都唔好成日SEND EMAIL比我呀！無乜嘢唔比得人知，可以留番第２日起公司講，唔駛寫信咁麻煩ar
<br>
-
板主，
<br>我覺得你應該唔好再聯絡佢住，睇佢有セ反應！你覺唔覺得再有聯系，佢都好以冇セ好嘅反應比到你！
-
thx~ TimTim..
<br>
<br>我只係唔知佢點解會變得太快...
<br>但佢有同其他男同事傾計同講笑wor..
<br>
-
thx~ timtim..
<br>
<br>但我今晚唔知點解甘有勇氣..行埋佢個位度..當面問佢到底發生乜野事...
-
吓！你咁夠薑呀！係咪等唔切想知點解呀！
-
thx~ timtim..
<br>
<br>我只係覺得同事又好..朋友又好..
<br>都想大家知道其實發生乜野事啫..
<br>佢只係話..係我諗得太多..
<br>可能係我自己有 d 激動...係佢旁邊講左好多好多野..
<br>有 d 嚇親佢..
<br>尋晚佢有打俾另一個男同事(他同我比較熟)..
<br>佢叫個男同事同我我講..話俾我知我尋晚 d 舉動嚇親佢...
<br>
-
其實我真係唔知應該點做...
<br>我只不過希望可以保持到呢個關係就已經好開心..
<br>可能真係好似"糖心風暴"陳豪'得得地'同鐘嘉欣'常再心'..
<br>佢避我同唔想再同我有多一步接觴..係怕我誤會..
<br>
<br>但以後又點做好呢?
<br>我再接近佢...佢根本會避我..
<br>但我唔理佢及主動避佢..佢又會話我當佢透明..話我唔睬佢(以前已經試過)..
<br>如果遲 D 冇事..大家又再接觴番...佢可能又怕我誤會..
<br>又再避我...真係唔知如何是好..
<br>
-
push~
-
但我唔理佢及主動避佢..佢又會話我當佢透明..話我唔睬佢(以前已經試過).. ----->why 佢會話你當佢透明，唔通佢想你有野同佢傾？定係你同佢都唔知自己想點？不如順其自然，有需要就接足，冇需要就唔好揾佢！
-
thx~ timtim..
<br>
<br>到左呢個階段..
<br>唯有順其自然..靜觀其變...
<br>因為根本好多野唔輪到我控制..
<br>而另一個女同事就同講..
<br>就算日後佢再主動同我傾計...我都唔好太刻意理佢住..
<br>或許我以往太刻意了..
<br>
-
中意一個人，好難話唔刻意嘅！
-
其實人地對你無 feel,你响度搞乜啫 ??
<br>
-
thx~ 深喉..
<br>
<br>其實 feel係唔係關鍵?..是否真係冇feel...點做點等都冇用??
-
timtim..
<br>
<br>你個朋友等左個女仔十年..
<br>因乜野原因最後個女仔都接受他呢??
-
push~
-
都已經過左幾日，佢都冇睬我....
<br>心情真係好難受...有時我會諗係唔係真係自己做錯左...
<br>又或者可能我份人真係太差..
<br>所以令她對我冇任何好感...
-
其實人地對你無 feel,你响度搞乜啫 ??
<br>by 深喉 - 05/02/07 19:28
<br>
<br>霸王硬上弓，或現代啲：辦公室性搔擾．
<br>
<br>
<br>其實 feel係唔係關鍵?..是否真係冇feel...點做點等都冇用??
<br>by 情深說話未曾講 - 05/02/07 20:30
<br>
<br>係. 幾無用． 等車，等腸動，等人受，等早抖．幸福啲嘅人等少啲，可免則免嘛．
<br>
<br>
<br>你個朋友等左個女仔十年..
<br>因乜野原因最後個女仔都接受他呢??
<br>by 情深說話未曾講 - 05/02/07 20:32
<br>
<br>我估∼因為青春不再，明知有件次貨等緊自己，都照去囉．
-
thx~ love.2day..
<br>
<br>其實你對男/女感情之間嘅事係點睇呢???
<br>你是否唔相信現實世界係有"感動"呢回事呢??
<br>
<br>我都想聽聽你的意見....
-
push~
-
件事到左星期五又變得峰迴路轉。個日朝早佢仲未肯睬,但下午之後佢突然同我傾番計。其實lunch個陣我另一個女同事問佢其實到底發生乜野事,原來佢真係因為覺得我上次唔知乜野原因唔理佢(講真,連我自己都唔知幾時激嬲左佢或者唔理佢)而嬲左我。佢仲話所以呢幾日唔睬我,係當懲罰我,等我知道以後唔敢一錯再錯,明知故犯。而且佢原來係好留意我係公司嘅一舉一動。
<br>其實我聽完之後,我心裡面真係覺得好奇怪,甚至我問左兩個同事(一男一女),佢地都一樣認同。就係既然佢對我無感覺,就根本無必要咁留意我的舉動,更無需要因為我有心定無意唔睬佢而嬲我,搞到好似男女間鬥氣咁。佢根本唔需要理會我,甚至唔會因為我對佢的反應及舉動而動容。我只係覺得好矛盾同迷惘。
<br>
-
除左呢件事之外,我本來星期三約左公司大部份同事星期五晚睇蜘蛛俠3,而佢本身當時已講左話唔會去,我亦係但個日訂左飛。但到左星期五晚佢突然又話想去睇,咁我只好即刻趕去APM補多張飛。而我去戲院嘅短短十幾分鐘時間,佢就打左三次電話俾我,問我買飛買成點。到入埸個陣,由於呢張飛係另外買,我就自己人同其他一班同事分開坐。到左散埸之後,我地成班人就打算去"打冷",而佢話要去洗水間,所以我就叫其他人先去食野嘅地方攞位,而我就留低等佢。到佢出黎之後,佢本來話太夜有些眼訓,所以唔太想去食反。跟住我就好似氹細路仔咁氹佢去,最後我仲拉住佢個袋半拉半扯帶佢去,但過程當中佢冇嬲同抗拒,仲好似好開心咁,我仲話最多佢個份等我請,返屋企坐的士錢我俾埋都冇相干。最後終於我就係咁樣"拉"左佢去食反。
-
到左星期六早上,我地全部人send email 埋單計數,但佢回番mail仲CC埋俾其他人,問我確認足否記得我講個佢份錢入埋我數。佢既然咁問,我當然要認數啦!跟住佢仲行埋我個位度,問埋我張戲飛錢又點計。當時我猶豫一陣,佢跟住就講左句"正一孤寒鬼"。曄!聽到呢句,我即刻話唔收佢錢啦,然後佢就笑笑口走左。
<br>有時我真係搞唔清女性嘅心態到底係點嘅一回事........
<br>
-
push~
-
其實你對男/女感情之間嘅事係點睇呢???
<br>你是否唔相信現實世界係有"感動"呢回事呢??
<br>我都想聽聽你的意見....
<br>by 情深說話未曾講 - 05/04/07 10:36
<br>
<br>
<br>唔係世界, 係asia.
<br>"感動" 講得白啲就係等個女仔叫埋單．
<br>到時睇下佢係開邊個．
<br>明白"緣" 同 "幸福" 嘅人係唔使不斷咁 "追" 同 "性搔擾" 個女仔．
<br>呢啲野你一定聽個，不過好似個女仔拒絕你咁： 你都會當聽唔到 ；－）
<br>
<br>我都係唔會將好有恆心嘅 "性搔擾" 美化為 "感動"∼
-
push~
-
push~
-
你個女仔係度放紙鳶, 你小心d啦, 佢係有感動的, 同埋都意會到你真心對佢好, 以上的舉動可能係有心試你
<br>
-
thx~ wongho..
<br>好開心再見到你留言...
<br>
<br>但佢確實又同我D同事講對我係冇感覺....
<br>只不過當中有一個女同事同我講..
<br>女人就係甘口不對心...叫我俾一至兩年時間去等吓啦....
<br>
-
同時間, 女人係自私架, 佢想有人對佢好, 有人聽佢使換, 有人愛佢(但女人可能未必會愛那人),這是佔有慾----不是愛
<br>
<br>我唔知你個位女同事係咪d甘的女人, 可能係人地問佢, 佢真係害羞所以同人講無feel
<br>但亦可能係真無feel
<br>
<br>所以, 你要小心d, 唔想你的真心成為她的玩物
-
所以, 你要了解她的性格, 亦可能係上個人提過的
<br>
<br>{我估∼因為青春不再，明知有件次貨等緊自己，都照去囉}
<br>
<br>我相信, 你係有機會的, 但......真係要相方了解下先啦.......佢係咪一個值得你付出感情的人
<br>
<br>
-
過多一排, 關係比較固定啦, 搵個機會, 親口問佢啦!唔好用e-mail , 唔好用電話, 唔好假手於人(始終認為一個男人連開口叫個女仔做佢女友的勇氣都沒有愛極有限)親口問佢, 可以望到佢表情, 眼神呀
<br>
<br>當係給自己的一個交代, 成功固然恭喜
<br>
<br>失敗了那以後真的要當佢係同事啦, 唔好再諗啦, 因為你已給了好多次機會佢及自己, 再搵佢係騷擾啦, 同埋會忘記唔到架...
<br>
<br>到時, 你要開始留意下其他女孩啦, 可能身邊亦有好女仔等緊你
<br>
<br>但梗係希望你唔使啦, 祝福天下有情人
-
題外話, 我之前都有同心儀的男同事講
<br>
<br>[我好想睇蜘蛛俠, 但買唔到飛呀]
<br>[唔怪得戲院甘多人排隊啦]佢答~~~~~
<br>
<br>吹脹
-
下套戲係海盜王呀, 努力呀老友
<br>
-
wongho...真係好多謝你..
<br>
<br>始終聽君一蓆話...令我明確左好多..
<br>希望能繼續有你嘅鼓勵...
<br>
<br>我宜家能夠做嘅事...就只有以逸代勞..順其自然....
<br>我只佢有留意我就夠...
<br>但另一個女同事都同我講....話佢"她不是一個喜歡玩的人, 也不會把感情當作消遣"...
<br>唯有再俾些時間再去培養...了解同觀察...
-
起碼你唔係一個姑寒的人呀~~~~
<br>
<br>還有呀, 唔好口輕輕應承左d野唔做呀
<br>
<br>以前有個男仔, 佢成日打電話比我, 都有約會過架
<br>有一次話會約我睇新警察故事2wor
<br>
<br>點知無幾耐同成班朋友bbq個陣, 佢地話個日同佢去左睇啦
<br>
<br>嘩,嬲得我呀, 甘係佢應承陪我睇架ma, 我重等住唔睇等佢約, 點知佢粒聲唔出同其他人睇左
<br>從此我開始對佢好冷淡, 到而家佢都唔知自己衰乜
<br>
<br>所以老友, 小心d呀, 女人有時好易嬲架, 係因為覺得被認為重視佢的人忽略~~~
-
但佢確實又同我D同事講對我係冇感覺....
<br>只不過當中有一個女同事同我講..
<br>女人就係甘口不對心...叫我俾一至兩年時間去等吓啦....
<br>by 情深說話未曾講 - 05/08/07 10:53
<br>
<br>
<br>呢種已經係selective intake.只聽到你想聽嘅意見.
<br>
<br>1) 被你性搔擾嗰個: 同其他同事講嘅你唔信....諗下, 你鍾意嘅女人講嘅野你都唔信, 係咪好搞笑?
<br>2) 個八婆可能同被你性搔擾嗰個有仇,所以咁大整古: 等你繼續搔擾個女同事. 話時話,可能個八婆都想一鑊整古埋你. 一兩年喎, 仔都生埋啦~
<br>
<br>haha
-
thx~ love.2day..
<br>
<br>謝謝你的留言...
-
人嘅時間好寶貴. 等<人受> ~ 係好無奈.
<br>呢樹無, 去第二樹搵過.
-
都同意架, 1-2年係咪太耐啦, 真係仔都生埋啦.....她都唔細啦(你都係呀!又唔係18-22), 好似佢都急過你wor
<br>
<br>除非佢真係生得青春貌美大把人追唔憂嫁啦
<br>
<br>過多幾個月佢都係甘話唔愛你就give-up 啦, 無謂做人觀音兵, 你唔係[得得地]呀
-
thx~ wongho..
<br>
<br>多謝你的好意..
<br>但我會俾自己至少一年時間...
<br>而我自己仍有等待嘅空間啫..
-
其實做"得得地"都唔錯呀....
-
NO.....得得地係神話
<br>你以為d 女仔會好似鍾嘉欣甘會感動, 你錯啦
<br>有80% 女仔如果覺得個男仔襯唔起佢但又好愛佢又千依百順的, 佢會留係度備用, 直至一個可以吸引到她的男人出現
<br>
<br>如果那人真係無出現或個女仔被拒愛, 甘佢咪會搵返你law
<br>
<br>小心d啦女友, 我最怕拖得太長, 那愛會變成習慣, 不愛你亦係她慣左
-
wongho
<br>妳唔係玩板主嘛？之前又叫佢去馬，而家又叫佢節省啲？
-
以下係呢兩日我與她的 email對話 :
<br>
<br>我知你唔係甘鐘意睇 email，但我覺得有些事必須要用文字上同你交待清楚....
<br>首先你去睇戲/食反/坐埋的士番屋企嘅錢，我係有話過我請你，既然你亦接受我幫你俾..甘我亦當然甘心情願去出呢D錢。男人大笨像，應承得你就要做。我請你我固然樂意，但你接受與否，我都欣然接受。
<br>只不過我覺得呢D係我同你之間嘅事，至於我只請你一個，又請唔請其他人，係我自己選擇嘅權利，亦等於你也有拒絕嘅權利和理由，冇必要一定要牽涉其他人。我唔係怕俾人知，只不過有時其他人未必想知。
<br>再者，好似你怕我諗多左，怕我有遐想，亦冇太大必要涉及其化人知，我唔係妒忌或者有醋意，只不過外人真係未必想涉及其中，人地亦唔知箇中到底發生乜野事。又係你話有事可以直接講，你都可以直接講俾我知架。
<br>老實講，我有冇遐想，是否諗得太多，未必就取决於你點樣對我，因為就算你以後唔睬我當我仇人又好，又或者當我好朋友又好，我自己個心點諗都係冇分別，唔係由你控制，就好似陳豪個心諗住常在心一樣，只有我自己最清楚。亦等於你真係對我冇心，零感覺，就算我付出了所有，你亦都可能係無動於衷，因我控制唔到你個心係點諗。
<br>其實我宜家真係真係只想大家凡事隨緣，順其自然啫。始終都係你個句："過去的都已過去，要向前望"....冇人會知以後會點，所以凡事不能說太盡。等於以前都冇人估到你宜家係工作上嘅態度都有今日嘅改變，變得咁積極同進取，令人意想不到。而我自己亦需作出改變，但亦真係需要時間。最後希望我同你真係至少宜家係好同事，始終日日見住，可以開開心心係公司相處，少 D 猜忌，多些了解。
<br>
-
then she replied :
<br>
<br>我哋係同事？點解你話比人知你剩係請我1個，唔請其他人，你咁做什麼意思？想人哋點諗我？！你確實係話過請我，我知你係唔願意的，唔咪都唔駛我問出口啦，不過我最憎人講過唔算數啫，我想睇你會唔會”賴皮”唔認，請咗我之後會點講我！如果係同事，冇嘢唔比得人知！光明正大
<br>
-
然後我再覆佢 :
<br>
<br>我話我請你甚至幫你俾埋的士錢個番說話，都係嗰晚我拉你去食反途中，只有我對你一個人的offer ，我冇係大堆人面前提出，因為確實係我自己對你私底下作出嘅offer，唔包括其他人。而我當時又想你去食反，但見你又唔想去，所以我就嘗試威迫利綉你去，只不過當時真係唔知你其實肯唔肯接受我嘅offer，因為個決定權係你手度，而且好多時你都未必接受我嘅好意，以前就算我話請你都唔會去，所以我確實冇諗過你會要我兌現。
<br>而我當時食反都冇同人講我會幫你俾錢/請你，你自己都在場架！我只係覺得好突然同無所適從係第二日一早你就CC哂俾所有人，問我是否確認對你嘅offer，係你主動話俾其他人知先，真係唔係我講wor！其實你係接受我的offer 同想睇我會唔會”賴皮”唔認，你可以reply 我一個或者你問我就可以，我真係樂意去俾。我宜家唔係想話誰對誰錯，只係我地之間嘅offer冇必要俾其他人知，冇錯係光明正大，只不過有些事情一公開左就有人講有人諗，好事變壞事，越描越黑。
<br>你問我點解係同事我只請你一個，理由就係我只想請你一個，十個手指都有長短，人就係會偏心，我相信你自己心裡面對公司所有人甚至你的朋友，係某程度上都有先後輕重之分，並不是遐想定又諗多左嘅問題，只係某些人在自己嘅規範裡面，會願意為佢付出同承担，而你就係最"重"嗰個，就係咁！我知你到宜家對我仲有好大成見，我點講點做你覺得我錯，但我應承過你做嘅事我就會做好，俾些少時間我啦。
<br>
-
係你拉我行我費事比條街ｄ人望住我哋以為唔知做乜至跟你去咋！你咁做已經好無禮貌知唔知ga！不過同事一場起條街度費事鬧你咋！！！！！！Kitty email叫人比錢，見你無反應至試下你咋，我cc比人知有什麼問題？係唔想比人以為我同你有什麼關係！剩係請我１個！我話你知 你以後唔好再咁拉住我，無論起公司或者條街度！你知唔知我大聲叫會有什麼後果！！！！！！！！你唔想請我，只要你講１聲我即刻起眾人面前比番哂d錢你！！！！！！！！！！
<br>
-
你唔好咁激動，亦都唔好嬲住，我嘅最後答案 : 係百分百甘心情願請你(戲飛/反錢/的士錢)，你唔駛亦冇必要冇理由俾番錢我，呢件事正式 closed file，OK。但可以話埋你知，以後再有function嘅费用我都會幫你俾埋，呢個offer你接唔接受up to you，但呢個係我與你之間嘅協意，唔需要有第三者知，亦冇任何附帶條件，我冇諗多亦冇諗少。要俾$$個陣我會自動計埋，唔駛你remind and inform!! 呢個mail就係 guarantee!!!
<br>sorry ar...原來你怕我俾人拉至肯陪我去食反，我居然唔了解你嘅一片苦心，原來你係咁為人着想，仲誤會左你受埋委屈呢。唔係你有問題，係我自己有問題啫，但你又唔係未試過大庭廣眾趕我走啦......不過當時我冇諗到你大聲叫會有什麼後果.....我都好似淨係拉往你個紙袋咋wor，我都好規矩架。不如下次你叫吓我就會知點樣 law.....
<br>
-
以後都唔駛你比我果份呀！我去就去唔去就唔去！我試吓你咋，１佰幾十我無咩！試你１次就睇穿哂你個人啦！不過話你知如果我唔想去唔好再拉住我行，我一定會好大聲咁鬧你架！你知唔知你咁樣叫”腸”嘢，我放咗手而ｄ嘢起你度而唔咪你嘅嘢，我大叫比警察見到可以告你入罪ga，唔信你咪是但起條街度找個人試吓law！
<br>
-
你話係當試我又好,當乜野睇真我為人又好,但我真係由頭到尾都冇話過要收番你錢,亦冇話過唔願意請你，只不過你就係案件嘅法官,我就係個"底"又花哂嘅積犯，輸贏根本就由你去判,我只係按程序辯護吓啫,最後我都會樂意接受判決結果架啦,仲要冇得上訢個隻。
<br>
<br>但係你宜家事後就怪我夾硬拉你去食反,但如果當時我唔用咁"較為熱情積極嘅方法邀請"你去,可能一陣你又調轉頭話我又唔理你,就咁由得你走,亳無誠意叫你去架呢!都係唔好嗱,下次為免俾你"裝"我定”試”我,都係"誠邀"你去穩陣D,等你真係鬧到我狗血淋頭至算。老實講,你平時要鬧我嬲我個陣,都唔使摘日睇時間架啦,所以我寧願冒險俾差佬拉都好過到時又話我當你透明,又犯左"明知故犯,一錯再錯"而受到大懲罰。
<br>
<br>仲有,我攞左你個紙袋之後我都冇走左去,又點叫做"搶"野呀? 你叫我周街三唔識七走去拉人個袋,當然即刻俾人"抦"啦。
<br>
<br>同你接觸多左,宜家至終於知道我有一位咁"可愛得意"嘅同事,返工已經簡直充滿意義!
<br>