心儀的同事.......

尋晚睇８點半無記套劇，阿馬仔又係咁死纏港姐楊．
 哎，如果港姐楊睇啱件更好嘅，又使乜俾馬仔日日搞呀．
 stalking係外國係犯法架，香港呢方面仍好落後．

thx~ love.2days..
 
 多謝你的留言...
 但會否有 D 偏激左呢...

多d關心, 多d問候(但唔係煩)
 保護佢, 為佢抱不平 (佢當初嬲你都係覺得你幫埋其他人踐踏佢者)
 
 得閒送d小禮物, 有心思點, 例如d好好食的糖果呀, 可愛的擺設, 小盆栽甘 ,唔好送太貴呀, 人地以為你用錢收買�
 
 陪佢行去巴士站等車好gentlemen, 加分
 
 如果下次太夜走可以考慮送埋佢返家啦

得閒咪sms 問候下人家law,
 
 好過無啦啦打電話人地會唔知同你講乜好架
 
 到關係更好時再講電話啦, 約出街啦
 
 無論多強多硬淨的女孩都想有個好男人保護, 有個寬敞的肩膀倚靠架

早晨，
 
 我覺得無，有啲男人好似尋晚馬仔話 "你無權阻止我鍾意妳" 或者 "你無權阻止我追妳"．如果個男人尊重一個佢鍾意嘅人，有冇諗過個女人有拒絕俾人地追求嘅權利？？
 
 呢種已經算係滋擾．
 
 如果真係鍾意人，個男人唔一定要追到，佢可以係遠處祝福個女人早有搵到＊相愛＊嘅人．
 
 stalking 嘅人，一定係佔有欲強同自我中心嘅大男人．

wongho 係女仔... 同你女性朋友差不多年紀, 所以我想可能我和她的想法是差不多的

無論多強多硬淨的女孩都想有個好男人保護, 有個寬敞的肩膀倚靠架
 by wongho - 04/26/07 11:46
 
 
 呢句話好聽，不過俗套．
 講白啲：　是但搵個男人倚靠呀？
 都未係男朋友，識分冇？！身分唔同架．
 倚靠都揀個自己鍾意嘅＊男朋友＊啦．

Thx~ wongho...
 
 多謝你的意見...
 講時講....你又點知我打過電話俾佢呢???
 你都好厲害...
 
 Thx~ love.2day...
 
 你嘅意見都有你嘅道理...
 不過有時感情上嘅事好難為對與錯..
 又或者可以做得甘大方...
 有時真係未必個個可以做到"雙城記"其中一個男主角..
 願意犧牲自己成全别人...

我都明白男女間嘅感情至少要兩情相悦..
 有時只要個女仔對個男仔有感覺..個男仔就容易追到她..
 但有 d 個女仔本身就對個男仔冇意思，但最後都會俾個男仔感動左..
 最不幸就係有D人可能就算點做，個女仔都係無動於衷..
 
 我相信 love.2day 嘅意思係講緊後者..
 謝謝你的好意....

我相信個女仔會比你感動的, 如果你真係有誠意
 
 是但搵個男人倚靠呀？
 都未係男朋友，識分冇？！身分唔同架．
 倚靠都揀個自己鍾意嘅＊男朋友＊啦
 
 by love.2day - 04/26/07 11:56
 
 我係女仔, 當然知道啦!唔係是但搵個男人架
 搵到個d專係呃飲呃食趙完鬆同唱的就死啦, 甘寧願一個人
 
 追求的本意, 但2個毫不相干、不認識的人可以發展感情, 甚至一齊生活
 
 難道一開始便問人家可否做我女/男友嗎
 梗有一方先對對方有好感, 繼而千方百計接近再發展感情再成為男女朋友甚至夫婦, 過程可長可短, 甚至可能會失敗而回
 
 但只要自己努力過, 爭取過又何況

起碼對自己已有交代, 再無遺憾
 
 追求不等同滋擾
 
 如果個女生覺得你滋擾, 唔會比你陪佢等bus
 會好客氣甘叫你走, 我自己等得啦
 又或者同你講我今日搭地鐵/行路/甚至約左人唔搭車
 
 比個機會自己, 比個機會別人
 
 無人叫你一日send百幾個sms/ e-mail /call 比個女仔, 唔比人見其他女仔 , 個d真係叫滋擾

重有, 馬仔好似成功左, 阿港姐開始喜歡佢啦wor

打錯字
 
 唔比人見其他女仔 , 個d真係叫滋擾--->唔比個女仔見其他男仔

Thx~ wongho...
 
 多謝你的意見...
 講時講....你又點知我打過電話俾佢呢???
 你都好厲害...
 
 
 我都比人追過架, 我個時都係對佢無乜好感, 但佢用sms攻勢, sunday晨早流流8點等我食早餐 (因為我9am要上class)原來佢無訓過覺law, 跟住又等我3個鐘等到我落堂食lunch再送我返屋企
 
 係好感動架, 咪開始約會law

佢都有同我講過..佢鐘意真誠的人..
 係女仔眼中..真誠嘅定義點架呢??

係feel 到真心, 唔係玩玩下, 唔好講大話, 老老實實
 唔好花心, 讚美係好, 但唔代表口花花

你要比佢feel到你真係想同佢發展
 而唔係個d狗公想食free lunch
 唔係想玩�
 
 我諗她最大的擔心係驚你玩弄佢者, 之前對她甘差而家又突然話鐘意人家
 個女仔更係驚同有介心啦
 
 容乜易你趙完唱個女仔顏面何全, 重要係同一公司做, 所以咪係甘話你地係同事law

還有係而個曖昧未成功重係追求緊的時候
 你千萬千萬千萬唔好比同事及公司人知道你追緊佢, 會散架
 
 起碼都等到你地感情穩定左甚至結婚至比同事知, 人言可畏呀, d人把口係無心但會拆散同影響你地的感情

要做得關心佢但有唔比外人知道, 其他人唔覺, 只有你地2個知道係發展緊, 這就是難道啦!

要做到發展緊但又唔被外人知只係你地2個心領神會, 這就是難道啦

thx~ wongho again..
 好多謝你的鼓勵..
 但我知道我現時情况未可以學你個朋友咁樣等她..
 否則真係叫....滋擾....
 仲要俾D時間耐性...
 
 also thx love.2day..
 我覺得佢都係出於好心...
 想提醒吓我啫...
 正與邪有時都係一線之差...
 水能載舟..亦能覆舟...明白...
 
 其實你地都係好心人...謝謝你地嘅留言及勉勵....

wongho...thx for your comments so much..
 
 冇錯..唔講其他主觀因素...
 最大問題嘅客觀因係我公司人唔多，連埋老板得 10 丁友..
 但是非就好多...
 我都知她最怕有是非呢味野...
 好一句.."人言可畏"....

咁你有無當眾道歉呀 ??又無做啦 ?
 你人格根本唔係佢 like 嗰隻 .唔work 嫁,感到唔係大曬,當感動一過,所有野就會打回原形.

hi all!
 
 一口氣睇左d post,覺得板主有d lost, 好想有人support你撑你！我個老友暗戀左個女仔十年！！係十年呀大佬！呢十年內，我倍佢飲野傾計無數晚，細聽每個段落，一年復一年，有曰佢call我話同左佢一齊啦！語氣極平靜！我喺公司喊到收唔到聲呀！main point 個女大佢十幾年！加油呀！我收工啦！

timtim, do you mean you 暗戀你個老友?

Thx ~深喉~
 多謝你有留意我以往嘅留言,可能係我自己好事多磨,所以至容易令人記得起,真係慚愧。
 我已經將我寫俾佢封道歉信CC埋俾其他同事,仲應承以後唔會再咁對佢~
 
 尋晚同另一個女同事傾,我先至知道我以前咁對待佢,正如其他網友所講一樣,原來咁傷害左佢,而且宜家話鍾意人地,佢只會覺得我好玩野。所以凡事以往做得唔好,就需要重新開始,希望用時間再證明一切。
 
 Thx~TimTim
 多謝你的支持及你朋友的故事~
 我唔同你朋友,我比她大三年,但未知要等幾多年啫~
 有時感情事就係咁,好似張小嫻所講:
 "成全了一個人,同時間亦犧牲了另一個人"
 
 凡事都有付出,亦有等待,好似呢條thread一樣,剛開始並未有太多人留言,慢慢地便斷斷續續有有心人在此着筆,有支持,有鼓勵,有勸勉,有提醒,有忠告,但各位的一言一語,對我黎講,都好有價值,令我學會珍惜~

係因為我fee中到你係有誠意的, 才會留言同你講, 我相信假以時日個女仔都會feel到你的真心
 
 但係咪愛, 那就要看天意同人為的努力啦
 要記著係追求, 不是滋擾, 如果人地真係對你無意思, 那, 做回朋友吧, 反事不能勉強, 自己盡左力, 努力過已無憾

我現在要做的....就係如果建立番她對我嘅信心及認同....

男人仔，
 
 我係女仔，個男主角係我老友(中学同学)，可能我寫得唔清唔楚掛！
 
 板主，
 
 我覺得你好感性，但可能有d女仔like男人man d架！唔好太感情用事，有自己嘅career重好啦！唔好mind我既愚见！

TimTim..thx for your sharing....
 明白了，但女人能夠因為一個男人流眼淚，你對他個份情感，其實並不簡單，可能連你自己都未必察覺而已..
 
 我外表其實係好 Man 個種，可惜心態卻似一個小男人....
 感性?? 希望能做到鐵漢柔情啫

板主，
 
 我喊係因為感動到不得了，佢等左十年呀！我同佢係セ都講嘅老友！男女係有純友情！

TimTim..
 
 原來你係為佢喜極而泣.....果然係性情中人....

我剛给她多的一封 email...
 
 其實我都想同你講，我都聽得出某人近呢幾日，好多時係唔同嘅情况下都講D有骨嘅說話，單打我同你之間嘅事。雖然我知我同你之間現時只係同事，亦唔講得話係朋友，但我心裡面覺得佢講個D說話太難聽，因為無論點都好，都唔需要加任何批評及侮辱嘅語氣。老實講，笑我一個冇相干，我受得住。但我只擔心你未必承受到，對你好唔公平，因我覺得你根本冇必要受呢D傷害。好似前兩日佢講左句"唔知我地係乜野關係"，我已感覺到呢句已令你有D誤會同疑慮。
 我已經打算如果佢再係人多嘅時候(例如lunch)再講呢D說話單打我或你，我會出聲話佢，始終講笑都有底線....
 我覺得遺憾嘅係我以前所對你所講所做嘅事，原來真係甘傷害你，可能我宜家就算點做都未必彌補得到...

我應該點樣面對同應付嗰 D 是非呢??

push push 先~

她回覆我如下 :
 
 過去的都已過去，要向前望，但我發覺我無估錯，發覺她前幾日講嘅嘢好離譜，但禽日對我的態度又唔同咗，變得好快，居然有Fedex來特登走入辦房通知我（我在交代這幾天的工作），又笑多咗，好假

push~

最近的一個e.mail已經顯示左你係一個care佢feeling既人,
 已經開始慢慢向成功進發,但千祈唔好驕傲,
 欲速則不達,
 識放識收先可以抱得美人歸~
 加油努力~!!!!!

thx~棟篤狀王
 
 欲速則不達,
 識放識收先可以抱得美人歸...
 
 我都知...但亦好睇個人修為..
 好似放紙鳶道理一樣...條線拉得太緊就會斷..
 但拉得太松又會飛走左...

今朝係公司我同佢仲好地地...但中午之後我發覺佢好似嬲左我甘...
 由下午一齊OT至晚上差唔多七點半..呢段期間我想同佢傾計..但佢都冇理我...
 我感覺到我地之間好似有D誤會....
 
 唉.....

push~

push~

今天情况仍然好差...
 佢 D 態度唔同哂...
 我自己心情亦好迷惘而失落..
 其實我有 send email同SMS問佢發生左乜野事..
 又或者係我做錯左什麼事而令她誤會..
 不過...佢未回覆我...

有時就係呢份忽冷忽熱的態度..患得患失的心情..
 好難捱過去...

情深說話未曾講,
 A difficult woman for you really...
 +oil and support!

Thx~ CarreraGT...
 
 Thanks for your encouragement and supports...

以下係我今朝封 email 嘅內容 :
 
 呢兩日,我細心諗番起你以往講過嘅說話,認真分析後,我終於將個範圍縮窄左 :
 
 如果係關於工作上,好多人都知道你宜家係有好多野做,而亦知你好積極用心去做,所以都冇可能又因為我做左或講左乜而令人扯火及批評你,呢個可能性可以剔除。
 
 至於係唔係避我?既然你上次都交待得好清楚,我相信你都唔需要刻意咁做。
 
 而我亦知道你份人公私分明,所以你亦應該唔會嬲我同K傾緊野時唔答你問題。
 
 最後剩番兩個可能 :
 
 你係唔係覺得我係你面前就講N,但係我係N面前又好唔似同佢有野,好假,唔似個男人。其實個日你問N個DFredex紙牌,冇錯我都係旁邊,但始終紙牌係你同佢之間負責,我真係唔太方便插手,我一開聲,佢一陣又話我幫住你,希望你明白。但我真係唔知點解,不論CU定Fredex,佢真係咁怕你掂D紙牌。但盡可能的話,以後當我知道有吊牌到,我會話俾你知。其實如果要怪嘅話,根本我就要負上最大責任,如果唔係我以前太縱容佢,姑息養奸,佢就唔會宜家咁放肆。
 
 另一個就可能係你問叫唔叫街閣個陣,我冇答你。你會唔會認為係由於N係度,所以我唔敢應你?但你應該感覺到宜家無論N係唔係度都好,我都冇再當你係透明,任何時候我都有當你存在。只不過我真係唔鐘意食街閣,因為食親我都會肚瀉。就怪我當時冇禮貌,食唔食都應該應吓你。
 
 其實我又講成大堆野,只係因為我好珍惜咁辛苦至同你修復番嘅呢份關係,我真係唔想咁就毀於一旦。我知你當我係同事,但起碼最近呢半個月,我同你傾計你會睬我,你又會主動同我講野問我野,又唔會刻意避我,你亦會俾我主動幫你教你,至少彼此之間真係有溝通。可以咁樣我已經好開心,我暫時亦唔會奢望太多。我知你唔會刻意話俾人知你唔鐘意人D乜,或者因乜野時發脾氣同唔開心,我唯有希望日後跟你相處接觸機會中,可以慢慢摸索體會得到,避免重覆犯錯。
 
 將來會係點冇人會知道,我只係想彼此真係可以俾D時間大家。同你相處越多,我反而有時會好自責。原來我以前因為唔了解你,做左好多傷害你嘅事,令你咁難受,亦間接錯失好多時間同機會。希望真係可以過去就過去,放眼向前。我都知我以往個底太"花",需要時間再建立番了解同信任。但假若日後我真係唔小心又再做犯錯令你唔開心(其實我會盡力避免),希望你可以對我作出包容及寬恕。

而她剛回覆簡單的一句如下 :
 
 有咩事？唔好諗咁多，你諗太多了!

今朝係公司我同佢仲好地地...但中午之後我發覺佢好似嬲左我甘...
 由下午一齊OT至晚上差唔多七點半..呢段期間我想同佢傾計..但佢都冇理我...
 我感覺到我地之間好似有D誤會.... ------>
 
 你係咪應該回想整個相處過程，有冇講錯野！

而我就回佢:
 
 我只係見你 D 態度突然間 180 度變哂...同你傾計你唔理我...感覺上你係好刻意避我咁....
 你都話任何事嘅改變都一定有原因...你突然變左態度咁怕我....當然有你嘅理由...