火車男爭位打女乘客



  • crazy people....

    網上流傳一段九鐵車廂內男女互毆短片,一名中年男子疑因「爭座位」向一名小女孩「爆粗」,女孩兩名女親屬不值男子所為,與對方展開罵戰,繼而動武,最終需警員到場調停。警方發言人證實前日曾接獲舉報,並列作爭執個案處理。九鐵發言人稱,若乘客在車廂內打鬥,會轉交警方處理。小女孩受辱飲泣該段短片長約四分鐘,由讀者Simon拍攝,片中只見一列行駛中的九鐵車廂內,兩名中年女子與一名中年男子就小女孩「爭座位」..

    http://ireport.on.cc/p/b5/web/Detail.jsp?bid=7491



  • 有冇得睇, 等我下次都同佢爭, 同佢抽過.



  • 我無睇到佢地點樣爭位坐,聽講仲係個女人郁手打男人先,所以真係唔知係邊個唔岩。好難單憑「男人同女人爭位坐」喎,就一定係個男人錯。





    我就試過上火車,比條靚妹吹脹,佢八九歲大,度閘門一開,佢一個箭步衝向一列空長椅,本來張椅咁長咁多位,你有你坐,關人鬼事。之但係佢見我想坐低,佢一下攝過來,伸長手腳,阻住我坐低,我微一呆,跟住就有成班八婆湧過來,佔據成張長椅。最頂氣係班八婆仲讚個靚妹叻女,死未?





    老實講,當時我都有好大衝動想爆粗鬧佢地,不過,理智話我知,爛佬難敵潑婦,好男不與女鬥,算,唔同佢地一般見識,企一陣唔使死,無謂破壞成日心情。





    如果我忍唔住鬧佢地,可能演變成一樣的結果。




  • 你咁開topic, 我仲以為係男人打細路.


    不過講真, 我又真係見過你的case, 我係試過掃開佢地手, 照坐. 有d細路咁就俾自己長輩教到衰曬.



  • 火車係甘架.我大肚大左8個月,一個禮拜座大約8次火車,未試過一次有人讓座比我.有d新移民師奶自己就快要落車,先'YAP'個朋友過來坐她的位,然後落車,話之你大肚婆企係面前.不過d人教細路霸位就重差.