我想問下男仕們: 你地係唔係真係唔介意婚後"公一份, 婆一份" ????





  • 當然唔會介意啦,


    因為自己份人工都唔算大高,


    公一份婆一份系必須的.



  • 四仔:








    如果係咁0既話, 就太好了..





    因為我想婚後都有自己0既事業.



  • 我諗大部份人都無咩問題ge


    除左d勁大男人o個d啦



  • 我好怕勁大男人0既人.



  • 最起碼要識得互相尊重ma



  • 哈哈~~~








    我好簡單架炸~~~





    婚後要有基本0既尊重, 要包括比我想做我喜歡0既事業.



  • haha


    你事業心都幾重wor


    其實婚後有自己既生活都好正常


    唔通真係結婚後就從此被困咩




  • 我同意你0既講法呀~





    所以, 我一早已經同男朋友講左, 如果他日要結婚, 我唔希望成為老公0既包袱...





    我唔係要做女強人呀~ 只係唔想係經濟上完全依賴男人照顧.... 萬一, 如果老公唔要我, 我都唔洗愁無錢吧~~~







  • 咁又唔好諗"如果老公唔要我"


    俾d信心你男朋友先得架,


    無信心就無謂結婚啦



  • 其實點解我會開今日0既post呢~





    因為, 我有時放工放晏左少少, 男朋友就會打電話黎問我幾時放工, 點解會咁夜先走.. 我話多野做, 佢就話, 無ot0既, 唔洗咁勤力啦~~~~





    但我就唔係咁諗: 我覺得, 我都係想做曬0的野, 走都走得安心0的, 而且, 依家個老細都好睇我, 比好多機會我, 如果我做得好, 我相信係人工方面, 佢唔會待薄我.........










  • 無信心就無謂結婚啦





    by charvel - 04/13/07 11:44





    一針見血~~~ 哈哈~~~





    係我諗野有少少負面.



  • 咁會唔會係佢唔想你咁辛苦ar?


    你有無同佢講下你點諗先



  • 我有架~ 我當然有啦~~~





    其實我地拍左拖都有兩年幾喇~





    而且, 佢都知道, 我係一個點0既人, 佢知道, 我對待工作, 好認真, 好勤力0既人.....


    雖然... 我唔係絕頂聰明0個隻, 但係至少我有上進心, 很捱....








    不過, 我記得有一晚, 佢同我講到結婚0既野, 佢問我, 如果第日有細路仔, 會點..





    我話: 咁有細路仔, 都要出黎做事.


    佢話: 其實我0既意思都幾想你有細路仔之後唔好做野.


    .... 嘩~!!! 我當堂比佢嚇親....


    我再答佢: 其實, 你講得0岩, 孩子的確好需要媽咪照顧, 係初生, 0者係頭一個月, 我諗我都可以全情照顧, 但日子一久.... 如果我唔去做野, 頭家又點得掂呢~? 真係正係用你份糧咩~? 唔係想潑你冷水, 我覺得係唔夠0羅.


    所以, 我覺得我會, 就算有細路, 都要自己出黎做事, 而個細路就會交比, 我媽, 或者你媽, 再或者請人照顧.




  • 雖然我老公養得起我有餘,屋企所有開支都係佢負責,而且仲補貼我tim,因為我好鍾意買野!





    但係佢都唔想我唔做野,因為佢怕我會脫節,怕會同我溝通唔到,佢好怕全職c9...呵呵...





    所以呢...個個男人都唔同架...有d男人想留個老婆o係屋企,有d就驚個老婆成日留係屋企變真正c9...



  • 最緊要大家想法一致先好結婚,否則真係攞黎煩!



  • 同意高c9


    傾掂數先結婚




  • 知道了~



  • 謝謝你們~








    charvel:








    你係男定女~?


    結左婚未~?