我的故事
-
其實你地覺唔覺得應該俾返個名個台灣女仔呢?
<br>我又唔想用佢個真名喎~~~~
-
係應唔應該至啱.....
<br>
<br>因為冇個名好似好難寫落去咁~~~
-
你唔好set果d a, b, c呀? 我會罷睇~
<br>
<br>俾個靚d既名佢! 贊成!
-
叫小雅好唔好?
<br>哈哈
-
好! 小雅好!
-
小雅冇理到個阿叔就衝左上房鎖埋門,
<br>個阿叔追上去不停咁敲門同埋不停咁講對唔住~~
<br>可能佢驚小雅會報警呱~~~
<br>小雅最後都冇開門俾佢,
<br>因為佢話好驚,唔知個阿叔會做啲咩?
<br>咁我問佢點解唔即刻打電話俾我,
<br>佢話唔想麻煩我喎………
<br>咁我決定即刻同佢搵地方搬,
<br>我有諗過叫佢搬去我果度住,
<br>因為我landlord間屋仲有房剩~~~~~
<br>不過最後我都冇講出口…..
<br>因為我驚佢會誤會我想佔佢便宜…….
<br>結果都係响我屋企附近搵到一間屋俾佢住……
<br>
<br>
-
死喇.......真係出事........
-
啲時間點真係攪錯左添........
<br>呢件事應該唔係2月發生架喎.....
<br>唔通我記錯左個晚會應該唔係x'mas晚會.....
-
hey, 想問吓你, 你咁樣寫初戀, 會唔會夜晚訓覺前諗吓當時既事?
<br>
<br>我會!
-
我冇架....
<br>冇特登去諗返件事架,
<br>因為其實件事一直都好深刻,
<br>只不過依家問題出左响啲細節既時間上面....
<br>因為個時間點真係好模糊~~~
<br>啱啱諗返成件事都大約都只有8,9個月,
<br>點會有咁多2個月呢......
<br>不過感覺果段時間好似唔止一個月.....
<br>可能之前寫個啲2個月都係得一個月啦....
<br>總之去到佢被騷擾呢件事,
<br>應該係11月左右未到x'mas,
<br>因為x'mas會有另外一件事......
<br>就係我之前所說既2件事既另一件......
-
我係新加入嘅讀者呀, 好心急呀, 快啲寫啦
<br>
-
自己寫到亂七八糟.....
<br>都唔知點樣寫落去?
<br>之前post左既文可唔可以改返架?
<br>我諗我應該諗返清楚啲時間再寫落去會好啲,
<br>唔係一陣間睇到你地一頭煙.......
-
你年紀好大? 十零廿年嘢都記亂???? XDDDD
<br>
<br>慢慢黎啦, 我等你! 到依家我都仲明你講乜!
-
見你咁支持,
<br>好~~~
<br>就算得返你一個人睇,
<br>我都一於寫埋佢~~~
-
支持你!!!!!
<br>加油!!!
-
<br>响上次件事之後,
<br>我發覺我好似越來越緊張佢,
<br>好想保護佢,但係自己又好鬼死冇膽…..
<br>真係幾矛盾……
<br>
<br>差唔多到聖誕節既時候.
<br>小雅既屋企人通知佢託左朋友(好似話係小雅爸爸的朋友)响台灣帶左啲野俾佢,
<br>叫佢聖誕假期落去攞,順便可以响朋友屋企住幾日…..
<br>小雅爸爸個朋友屋企係响倫敦南部既小鎮,
<br>而我地讀書既地方係响英國差唔多最東北部既一個城市,
<br>距離都相當遠…揸車最少都要8個小時,
<br>坐火車都好似要幾個小時.
<br>
<br>我當時都好想陪佢一齊落去,
<br>但係我又唔係佢邊個,有咩可能陪佢一齊去佢屋企人既朋友度先得架…..
<br>咁我只好問佢, “我開車送妳下去,好不好?”
<br>她說 “不用了,要開這麼遠,天氣又不怎麼好,而你的車子又這麼舊…你還是待在這邊跟小富哥他們一起去玩吧,我自己去就可以了~~~~”
<br>自從上次既事件之後,你叫我點放心佢自己一個人去咁遠既地方丫~~~~~
<br>雖然係好擔心同埋好唔捨得….
<br>我都諗唔到有咩辦法說服佢俾我陪佢落去,
<br>咁我只好好唔捨得咁送佢去到火車站啦~~~~
<br>臨走我都有同佢講, “在那邊你自己要小心一點嚕~有什麼事情馬上打給我喔~~”
<br>之後就睇住列車慢慢咁駛離月台往南部進發……….
<br>
<br>唔記得左講小富哥其實係同小雅佢地同期加入我個course既台灣男生,
<br>佢既年紀比我地大,所以我地都當佢大哥咁,
<br>而小雅亦都當佢係親大哥咁既,
<br>有時都會同佢傾心事既~~~~
<br>其實小富哥都係早期有同我講話小雅覺得我好煩既其中一個台灣人…
<br>
<br>
<br>
<br>
-
麻煩大家如果發現有咩問題請指出,
<br>因為打得太急冇check清楚就post左上黎先~~
<br>唔該哂~~~
-
好奇待你篇野呀...
-
pls go ahead
-
Good morning ar~~~ I'm waiting ur story too ar ^^
-
期待~~~~~
-
喂你無寫啦?....
<br>快d繼續啦...
-
早晨阿~~~
<br>好多謝大家既支持~~~
<br>不過唔得~~~
<br>星期六日一定要休息~哈哈~
-
嘩~ 休息兩日咁多
<br>
<br>咁星期一記住要寫大篇d ar
-
既然無野睇住
<br>等我估下個劇情先~
<br>忽然殺出小富哥
<br>唔係佢都鍾意小雅
<br>要同你爭佢ar?
-
咦~~~~
<br>咁出人意表既劇情你都唸到.....
<br>不過都係唔話你知住~~~~~
<br>保持神秘好啲~~~~
-
早晨喇咁多位~~~
<br>好喇又到星期一咯~
<br>又要開工啦~~~~
-
<br>上次講到小雅終於自己一個人南征喇~~~
<br>我從佢上火車到架火車離開月台,
<br>一直都好擔心佢究竟得唔得架……..
<br>佢第一次黎到英國,
<br>英文又唔係咁好,
<br>仲要一個人去咁遠既地方,
<br>你都咪話唔擔心啦~~~~~
<br>雖然我有叫佢火車到左倫敦就即刻打電話俾我,
<br>因為去到倫敦都仲要轉車先去到佢爸爸個朋友個town~~
<br>好驚佢唔識轉車,陣間唔知去左邊就死喇~~~~
<br>果幾個鐘頭就坐响度一直等阿等~~~
<br>等極都等唔到……原來等自己鍾意既人報平安,係一件幾痛苦既事黎嫁~~
<br>因為等到過左列車預定既arrival time都未曾收到佢既電話嘛~~~~
<br>死啦~)過左2個鐘都未打黎,係咪出左咩事呀…….不過都唔知做乜好似六神無主咁唔知做乜
<br>啱啱想打去鐵路公司問問究竟班車係咪出左咩問題(其實應該早少少打既
<br>個電話就响喇,
<br>打黎果個梗係小雅啦,
<br>唔係小雅仲會係邊個……..(如果唔係寫緊我的故事既話,我會寫唔係小雅打黎架~氣氛好似緊張啲咁~哈哈)
<br>佢响電話度同我講話原來南部既天氣變得好利害~~~
<br>啲風雪好大好大,
<br>所以班車delay左~~~~
<br>不過最終都安全到左倫敦,
<br>都總算放心少少~~~~~~
<br>有啲後悔點解唔同佢出個手提電話~~~
<br>咁佢响火車上面咪可以通知我囉………
<br>
<br>之後點教佢轉車果啲就唔多講喇~~~~
<br>我地已經預早通知左佢爸爸個朋友响個town既火車站度等小雅喇~~(係喎….點解用左我地既…..應該係小雅至啱…)
<br>所以小雅上左火車就不用擔心了~~~~
<br>去到個town天早就已經黑齊喇~~~~~
<br>希望佢呢幾日會玩得開心啲啦~~~~~~
<br>
-
哈哈.........幾好看喎^.^
-
你愈來愈多fans喇~
<br>加油加油!
-
哈哈~~
<br>好似變左呢份先係正職咁添......
-
過左一日,佢當晚食完飯都有打電話俾我,
<br>同我講話佢玩得好開心,
<br>佢爸爸個朋友帶佢去左好多地方玩同埋影相~~~
<br>我心唸…大風大雪有咩好玩,有咩好影~~~(唔知呢啲係咪叫做妒忌呢…….可能換轉係我陪佢去玩就唔係咁講都未定…..)
<br>雖然講就係咁講,聽到佢話玩得好開心,又真係好替佢開心既~~~~~~係咪好矛盾呢?
<br>不過,我唸都唸唔到當晚收到佢咁開心咁打電話俾我,
<br>第2朝一早會再收到佢既電話………..
<br>
-
請問呢件事過咗幾多年?
-
咁樣你即係試探我幾歲啫~~~
<br>都好多年吓嚕~~~
<br>仲咩咁問?
<br>
-
原先我以為係好久遠, 但你又話可以出電話俾佢... 我諗出得電話都係10-13年咋喎~
<br>
<br>ps. 我係女人我都唔介意人知我幾歲, 你係男人都驚?! hohohohohoooooo
-
10~13年仲唔耐咩......
<br>唔通要20~30年咩??
<br>唔我咪5張野~~~~
-
不過妳心水真係好清喎~~~~
<br>過年份真係差唔多~~~
<br>係啱啱又analog轉digital果段時間左右啦~~~
<br>我果時用緊mo記第一代龜~~~
<br>你自己計吓喇~~~
-
咁我知大約幾時了~
<br>
<br>我早拍拖, 我見返我個小情人, 諗吓....原來16,7年前, 所以以為你會更耐~
-
同埋
<br>
<br>
<br>
<br>
<br>
<br>20年前讀緊大學, 依家都係40之嘛~ 合乎年齡bor~ 我同你都係老餅呢~
-
我邊有40.......
<br>有排都未啦來40啦~~~
-
係?!!! 我都係有排都未到... hahhahaha
-
又差唔多係時候收工嚕~~~
-
嘩~ 你收咁早?! 真好~
-
我係話夠鐘放工啫~~~
<br>不過我未走住.......
-
<br>我好似冇交代過小雅爸爸個朋友既背景喎~~~
<br>據小雅同我講,佢係一個已婚既男人,有一對仔女,
<br>响當地一間學校做唔知教授定係助教,
<br>總之學歷就一啲都唔差啦~~
<br>至於幾歲我就唔係好記得嚕~~~~~
<br>
<br>講返果朝個電話,
<br>通常咁早既電話都唔慌好野……..
<br>電話既另一邊傳黎既係一把屬於一個我好掛住既人既聲音…
<br>但係這把聲音並唔係我想聽到既聲音~~~~~
<br>因為電話裡面把聲俾到我既感覺一定係唔開心,
<br>甚至乎隱約聽得到有少少好似喊過既聲音………
<br>唉~~”唔係又發生左咩野事嘛……………~我要馬上回來
<br>我都唔係好敢去唸……………
<br>聽到佢講既第一句說話係 : “我想馬上回來
<br>聽到佢咁講我都冇唸住响電話度問佢發生左咩事啦~~~
<br>我就同佢講, “妳先不用擔心,我幫你去問一下最快什麼時候有火車回來~妳等我的電話喔~”
<br>同佢收左線之後,我即刻打電話去鐵路公司問最快幾時會有火車可以响小雅果度返黎~~~~~~
<br>唔知係因為聖誕節既關係定係天氣既關係,
<br>佢地竟然話當日冇車從南部返上黎,要等一日先有~~~~
<br>(好似係因為聖誕節既關係…..果時真係冇車返黎………)
<br>吓~~~~唔係咁邪呱
<br>不過都冇辦法啦~先回來再說吧我馬上打返俾小雅同佢講: “我現在馬上去接妳回來~”
<br>佢就問我點解要落去接佢, 我就話 “不要問啦~妳還可以在妳爸的朋友家等我嗎?”
<br>她說: “不要……不要……..我不要……..”
<br>咁我就叫佢搭車去倫敦搵個地方等我
<br>我都心急到冇時間慢慢同佢解釋就攞左條車匙衝左出去~~~~~
<br>
-
早晨喇~~~有冇人呀?
-
有呀!我咪係囉! 0岩0岩睇緊你寫嘅嘢, 好好睇!
-
請問我識唔識妳架? 哈哈
<br>因為呢度應該唔會好多陌生人會黎睇既~~~
<br>通常都係我啲朋友先會俾我迫佢地入黎睇吓咁~~~
-
初戀小子
<br>點解你好像講到小雅,佢好像咁有吸引力咁...........
-
呢個問題我都想提出黎架~~~~
<br>都唔知仲乜鬼~~~
<br>係都要有呢啲事發生响佢身上咁~~~~
<br>我本來都想提出呢點喇,
<br>又唸唔到點寫出黎.....
<br>不過依家俾妳問左先添~~~