我男朋友一齊住,層樓係我名,所以男朋友一蚊都冇比我



  • 我男朋友一齊住,層樓係我名,所以男朋友一蚊都冇比我!差餉管理費、水電煤、電話上網、電視………全部我比!我叫佢每月比番少少幫補下,佢話層樓係我要買,佢冇錢比,因佢要供車!究竟我係咪叫佢比錢太過份?



  • 我覺得一個人供得好吃力!既然兩個人一齊點解唔可以互相分擔!屋企雜費佢都有份用喎!




  • 既然妳都咁樣諗,妳咪將呢一番說話同佢講囉 ~





    如果佢唔俾錢妳,妳咪拍佢走囉 ~





    但妳上黎呻係無乜用既喎!



  • 佢可能會覺得「咁我架車你都有分坐,你又唔夾油$$?」這樣。如果兩個人是這樣計較而不是自動自覺得付出,很難一起長久。都是自私。我都是自己一個人供樓,很吃力,大家可以分享下。



  • 我有幫佢交車場費同洗車費!不過入油冇,你講得啱!



  • 咁佢經濟係咪猛猛緊先?


    可唔可以當交租咩?唔係買樓..都要租樓住啦!


    唔係計較,有權利就要有義務,


    他堂堂男了漢,係應該要咁做!


    況且你都有幫佢交車場費同洗車費!



  • if he was a real man he wouldnt let the girl pays all the bills


    like now, he is just like a sneaky guy who wants to have a free house to live ......kick him out la ...May! I have never met any guy so sneaky like him



  • 呢D就係優質港男啦, 佢嘅名字叫"老馮" + "軟飯王"



  • 佢話層樓係我要買


    may





    呢d野唔係買之前已經傾好架咩? 你只係講一部份,無講前因後果好難比 comments



  • 租個床位都要錢啦,你叫佢返自己屋企住啦.


    佢係你間屋唔沖涼唔洗衫唔用水電?


    如果有用,就要付錢, 邊有free lunch!!





    叫雞都要比錢,當你傻女!供應那麼多野比佢,唔好交停車場及洗車費,佢計較先,你係佢女朋友,坐佢車好應份,唔使付出太多,佢都唔見對你有什麼責任,如果你唔好彩無左份工,問佢會唔會幫你供樓,答案好明顯be fair, 佢要fair, 應該付水電及床位費,


    呀女,做女人唔想比人扼,先唔好比人上位,做人要堅持d.



  • 其實咁樣係睇得出,佢係冇想過要同妳對人世.


    就算係冇諗住對人世既人,都會供,反正分左手要計的話都可以分返,因為有名,/一齊供有乜所謂,但佢仲衰過呢種囉,有份住又唔比錢,有返小小覺悟,都覺得唔好意思,比返1,2千啦,不過佢擺明係食軟飯ga喇!


    其實妳都好叻女,一個女人可以自己有能力供樓,比曬離浪費,仲幫佢交埋洗車費呢d,根本有冇佢條"廢柴"都係咁ga啦,擺條廢柴係身邊仲要洗多d



  • May, please dump him. Yes, it's ur idea to buy the house, but did he stay in ur place? He should at least pay for the rent.



  • 如果故事中男女身份互調,你地又係咪咁講呀?



  • May


    Why you are so onxx, you pay for the rental and all the expenses even you let him fxxk without paying you 1$, if I was you I kick him alway la!



  • 我同男友租屋住,所有支出都係我比,佢無定期比家用,不過如果我問佢要錢,不需任何理由佢都會比





    但係你case不同,出到聲都咁樣,佢無咩責任感囉



  • 我都制!


    免費住宿,包飯餐,免費上床,俾埋錢我泊車,洗車。最好幫我供埋車,入埋油重正!



  • 層樓係你同依個男友拍拖前已經買落, 定同佢一齊之後, 佢有份慫恿你買先? 如果你拍拖前就已經買左層樓, 自己一個人住既, 咁佢搬入黎用既水電煤同你當初一個人住唔會多好多錢, 最多都係一百幾十! 差餉管理費、電話上網、電視依d野你自己一個人住已經有喺度, 佢入黎住都唔會同以前有咩分別?


    相反, 如果你地係有協議, 拍拖後想一齊住既, 而你初初預個budget係同佢share既又唔同!



  • 當然唔係叫你養條仔, 不過我覺得唔好剩係諗屋企既開支囉, 仲有佢車出車入, 出街邊個比錢多等等, 如果夾番條數你都覺得自己好吃力既, 咁就同佢傾下啦!


    其實佢唔比你都奈佢唔何, 唔通你賣左層樓咩




  • you shall not pay anything for his car.



  • //我男朋友一齊住,層樓係我名,所以男朋友一蚊都冇比我





    大家好似好唔開心咁...



  • 想問你地拍拖幾耐, 同居了幾耐??



  • 拍拖後一年先買樓,佢屋企唔夠住。



  • 三年



  • 同佢分手,叫佢搬走



  • 如果層樓係男友買, 得男友一個名, 女友駛唔駛幫手供?



  • 人..特別呢度的女人...都係雙重標準. 女供樓就男的一定要夾錢, 男供樓之餘應該養埋個女......咩標準?








    p.s. 唔好話我係某某分身, 我係女, 我都覺得某d女性好唔掂.



  • 我都自己有層樓


    又同男友住


    佢都有交租同share d雜費呀!


    雖則家陣d女人獨立左


    但要養埋個男人又有d過唔倒自己


    我承認係雙從標準,但呢個社會對男女角色還有一定的觀念


    從來冇乜得理性可言


    你覺得飬埋仔ok係你睇得開


    我諗樓主唔係要佢男友養佢,而係分返d駛費,交租都要啦


    係現今社會呢種要求並唔過份喎



  • 我都係自己有層樓,剛同男友住,他都無比番錢我,只會比錢食飯/買小禮物比我;當然他條件好好,外表性格都好優秀,同我好相襯^^





    他之前超級負資產,未來兩年每個月都要還$16000比銀行(他人工得3萬,每個月仲要比3-4千蚊稅);我人工比佢高,供樓佔我月入大約1/4,唔算太吃力





    我覺得我係業主,而且我未必同他做人世,唔想太多錢銀瓜葛


    而家佢住係我屋企,他表現唔好的話,我可以隨時請他搬走,主動權係我手


    不過到目前為止,他都對我很好^^



  • 當然他條件好好,外表性格都好優秀,同我好相襯^^








    嘔~ 兜咁大個圈讚自己



  • may,





    我覺得你唔駛同佢交車場費同洗車費woh


    他無錢可以唔養車



  • happy lady - 04/10/07 11:19





    Me thinks both of you mature persons and have the right attitude in the relationship. :D



  • ....you ARE mature ...



  • DING,





    呢個係事實,如果他唔係有其他優點,我都唔會願意養埋佢la


    同樣,我唔係咁靚咁好條件的話,佢都唔一定要揀我(大把女人追佢)


    好條件的男女數目相對少,係可遇不可求的!



  • 同樣,我唔係咁靚咁好條件的話,佢都唔一定要揀我(大把女人追佢)





    更嘔~


    真正的靚女(由內至外)好少自係咁自讚的



  • DING,





    平時當然要保持修養謙虛d啦


    但而家可以坦白d,反正都係不具名分享,無需要講大話呢



  • 咁係咪因為佢屋企唔夠住, 你先至決定買樓?? 咁即係男方知發生緊咩事o架喎!!





    無論如何, 大家住埋一齊, 同置一頭家有咩分別?? 只係差在一紙婚書啫, 作為男人, 佢點都要付返一點責 (當為頭家).



  • 你男朋友明明自己各樣條件都強差人意,


    偏要盼望對方無條件對自己付出,


    無論時間,精神,體力,金錢都要奉獻.


    能夠提攜佢一家人更是夢寐以求.


    但佢又覺得理所當然,從不回報,連一點感恩的心也沒有.即唔使幫手供,但有份用燈油火納,比番自己個份係理所當然.仲厚顏到要你比佢養車???




  • "呢個係事實,如果他唔係有其他優點,我都唔會願意養埋佢la


    同樣,我唔係咁靚咁好條件的話,佢都唔一定要揀我"...








    agree!



  • 佢話層樓係我要買,佢冇錢比,因佢要供車!究竟我係咪叫佢比錢太過份?





    topic ID : 1865238





    其實呢層樓係咪你一定要買,佢己講明無錢供你都要買架???


    佢架車係買樓前買定係買樓後買??呢個好重要喎.


    如果佢一直都供緊車,根本無錢供樓,但版主你點都要買樓的話,


    咁成個問題又唔同哂喎!



  • agreed with nono



  • 你自己話你地拍左一年以上先買樓啦. 我就唔信你買樓前冇同佢傾呢個問題喇, 問樓咁大件事你都做左啦, 而家先黎呻?!


    攪清楚係你當初一廂情願定對方欺騙你先啦, 唔係盞浪費大家d時間.





    另外呢個題目引出既題外話.


    如果類似事件調返轉, 男供樓男個名, 女唔供唔家用....係你情我願, 就一d問題都無, 旁人眼紅都冇權出聲. 就係咁簡單~



  • 冇啱錯, 自己都唔夠,唔通唔問佢share.




  • 其實呢層樓係咪你一定要買,佢己講明無錢供你都要買架???


    佢架車係買樓前買定係買樓後買??呢個好重要喎.


    如果佢一直都供緊車,根本無錢供樓,但版主你點都要買樓的話,


    咁成個問題又唔同哂喎!





    by nono - 04/10/07 14:57








    agree x 2







  • 我當年都比個男人呃,他是我的初戀,識他時說自己做生意,識唔夠3個月話要錢週轉問我借了兩萬...之後先知道他原來是做蠱惑仔的...三更貧五更富...我不單要幫他交租,生活一切開支...仲要養埋他同前妻個仔,每朝送完個仔番學先去番工,那時我才19歲...之後仲用信用卡借左好多錢比他,又比他呃去借財務,宜家都未還完...


    我知道我很蠢,聖經不是說:愛是凡事包容,忍耐,相信,盼望嗎?


    朋友勸我離開他,我卻任性地墮落下去...


    現在他離開了我,我自由了.


    希望你清醒一點,一個有志氣的男人不會問女人攞錢的.



  • ursula





    聖經裡面提到的愛,是神對人的愛,是弟兄姊妹的愛,


    是德蘭修女服侍臨死病人的愛…;而不是妳這裡提及的癡戀!




  • thanks all