我 2 歲半既仔今日同我講: "媽媽, 我眼有少少訓."





  • 其實佢想講: 我有少少眼訓! 好好笑.


    返工幾辛苦, 想起都會心微笑.



  • 哈哈! 你個仔好好笑


    令我諗番我細個時(小學幾年班左右), 有一次自己買飯盒, 媽咪問我買左咩飯, 我話: 「吉列西蘭豬扒飯」....



  • haha~ Jessie 你個仔好可愛呀, 細路仔唔太識 d 詞語運用, 我地睇落就會覺得好搞笑~





    好似我個妹咁, 佢細個時試過有次坐喺張梳化度, 係咁話: 好攰呀~好攰呀..., 都唔知佢想講乜...





    then 佢地成日講果"間"床 (理應係果"張"床 ma), 覺得佢地好好笑~



  • 我仔細時,跌到...喊....


    我問:跌親邊度?


    他答:個鬍鬚野!


    原來撞親個下巴~





    個女細時,每次照完鏡,都好自信、好認真說:好靚!


    原來她以為照完鏡必要講的說話。



  • 小朋友在懂與唔懂之間係最好笑,最好玩既.



  • 幾年前,我個仔以為係"飛碟型肺炎"而唔係"非典型肺炎",笑到我出眼水,haha!



  • 個女細時,每次照完鏡,都好自信、好認真說:好靚!


    原來她以為照完鏡必要講的說話。





    by +ggg - 03/27/07 03:50





    擺明學阿媽



  • ((擺明學阿媽))


    咁又係喎....而係我每次對住鏡同佢梳辮,梳完告訴她,她好靚!




  • 細路仔大得好快.多d陪佢地.將來呢d回憶伴你一世.



  • 依類o既得意事,我們常常拿出來講,講了20年都講唔厭,聽又唔厭~


    你們有,可以講來分享...



  • 細個見阿媽睇報紙時一定會皺曬眉, 以為日日都有大事發生, 大個講番出黎兩仔乸都好好笑



  • childhood childhood replied 2 hrs ago :





    細路仔大得好快.多d陪佢地.將來呢d回憶伴你一世.


    -----------------------------------------


    好似, 好悽涼



  • 我細個時以為報紙上既人都係意外死左架



  • 我有個nephew細個時(約4歲), 我哋預備落車買bbq嘢, 留低佢同司機(即佢uncle). 佢好緊張問佢媽"咁你點我?"





    我哋唔知佢up乜笑到飛起, 邊個點佢?


    跟住佢亞媽好冷靜咁答佢"咁你留低, 我哋一陣返"


    原來佢係問"咁我點?" XDDD



  • 試過有次, 我個女因為曳, 俾人鬧到喊


    佢一路喊住認錯"嗚~我唔敢喇daddy mummy我好聰明架~~"


    (到而家都無人知究竟佢當時想講咩....)





    有一次, 夜晚熄曬燈準備訓覺, 大家都靜曬之時, 聽到樓下有人炸機


    當時我個女好大反應, 即刻成個彈起身"邊個?! 邊個跳舞?!"


    仲有一次, 去餐廳食野, 唔知隔離班後生仔開咩玩笑, 突然成班笑得好大聲, 我個女又好大反應, 即刻成個彈起身"邊個?! 邊個攪笑?!"


    (全場都見到呀陰公.....)



  • 我自己個女...





    有日,我幫細女i沖涼時: 妹妹,你睇媽咪生兩個女幾好。如果得你一個,你就好悶;如果得家姐一個,家姐就好悶喇!


    細女: 媽咪,你好彩生左我哋兩個;如果得你一個,你就好悶喇!



  • 佢只係3歲....好驚!!



  • 地點:酒樓�菮�


    人物:我,一個細路女,一個清潔阿姐





    我去完洗手間出去洗手,見到個細路女,見唔到有大人陪同...咁清潔阿姐講左句"個細路女邊個架???"....





    跟住細路女講左句"我係我媽咪架"





    雖然未結婚,但我都覺得咁答好CUTE好童真~



  • 有次表弟跟我訓覺,我慣左開小小燈來訓,表弟訓落床就話"好曬呀"


    我知其實佢想話好"橙"眼


    記得佢個時好似得3,4歲



  • 我個小姪女係AbC,自少半中半英...當她兩歲時,講英文好好笑..


    basment --- 悲文


    excuse me --- woo me


    birthday cake --- 華娃華娃 (她是從生日歌中取音!!!)


    butterfly --- bell fire





    現在她六歲啦,己是中英流利,但我們大人仍然學佢講以上o既音,她竟然好正經來糾正我們。









  • 至少15年前 (我當時都好細個咋).


    搭地鐵時, 有個亞媽拖住個女企响我同朋友前面,


    個細路女約5至6歲左右.佢一路同亞媽傾計, 傾傾吓,


    忽然問咗句: 亞媽你幾時會死呀?


    我同朋友笑到甩肺,


    佢亞媽都忍唔住笑.



  • 有次家庭聚會,我個妹個仔BB(大約未夠2 歲),佢拎住隻公仔翠兒出黎玩,大人就教佢呢隻公仔叫翠兒,我另一個妹見佢咁鐘意隻公仔就叫佢你拎返屋企玩啦,之後BB 就好扭計咁不停大叫雀仔雀仔(因為翠兒係一隻小雞咁既公仔嘛),當時我地就同佢講,唔係雀仔,係翠兒,點知BB 就大聲喊,喊唔停,我地就以為佢唔鍾意叫隻公仔叫翠兒要叫雀仔啦,點知過左無耐,我個妹先講番比我地知,原來BB 係叫膠袋做雀仔,因為當時佢知道有人比佢拎隻公仔返屋企,個心係想叫大人比個膠袋佢袋住個公仔走,但我地又唔明佢意思,所以佢喊.....哈哈,細路仔 ~



  • 我個仔細時(約四歲)...有日告訴我件校服冷衫爛左...


    我問:邊度爛?


    仔答:摵唔痛o個度爛左!


    我問:0下...邊度摵唔痛架?


    他指指手爭...呢度咪摵唔痛lor....





    哈哈!手爭真係摵唔痛架!!!



  • 我媽咪係大排檔度做, 佢話成日有個3歲幾既妹妹同呀媽黎食野, 個妹妹吱吱喳喳好鬼多野講, 有一次我媽咪問佢...





    媽咪: 你食完野去邊度呀


    妹妹: 去外母度囉


    媽咪: 邊個係你外母呀


    妹妹: 我爸爸個外母度囉


    媽咪: 咁你爸爸個外母係你邊個呀


    妹妹: 咪即係我婆婆囉..(好似冇你好氣咁答你)





    笑鬼死我...



  • so cute...


    攪到我都想生返個..heehee



  • 有次女女講佢同學


    "媽咪呀, 你知唔知呀......claire個媽咪同claire個daddy呢......."


    當時我心唸, 拿拿拿, 都話唔好俾d細路知咁多秘密架啦........, 於是我問"咩呀, 佢地點呀?"(豎起曬耳仔等聽秘密)




















    我個女繼續"claire個媽咪同claire個daddy呢......生左claire出黎呀........"



  • 我個朋友個表弟





    媽咪:返學如果想屎屎點樣同老師講?


    表弟: 老師我想大便


    媽咪:如果想屎屎呢?


    表弟:老師我想細便





    ^^



  • sorry應該係





    媽咪:如果想尿尿呢?


    表弟:老師我想細便



  • 我自己個女...





    有日,我幫細女i沖涼時: 妹妹,你睇媽咪生兩個女幾好。如果得你一個,你就好悶;如果得家姐一個,家姐就好悶喇!


    細女: 媽咪,你好彩生左我哋兩個;如果得你一個,你就好悶喇!





    by auntie - 03/27/07 17:25





    She's so clever!



  • 我家三代同一母校...


    記得女兒幼稚園時


    我伯父(校監)巡班房時


    她正在上唱遊堂


    老師們有點戰戰驚驚


    女兒失驚無神學老師說:


    「伯公,你唱啦,點解人人唱,你唔唱呀?」







  • 好耐之前o係某酒樓廁所中小便緊,其他廁格都有人去緊,我就聽到個細路女o係出面問佢媽咪:媽咪,點解呢度咁多殊殊聲既?



  • 婶婶: BB,婶婶甘锡你,成日带你食寿司, 你大个点样报答婶婶呀?


    .


    .


    .


    .


    .





    侄仔: 到我大个左, 你都死左啦!





    吹涨!



  • D小朋友真係好搞笑架, 以前鄰居有個BB女, 開始學講野, 見男就叫叔叔, 女叫姨姨, 有日佢媽要佢叫我姐姐, 佢話:姐姐姨姨



  • 仲有八個月大BB開始口UPUP學講野仲搞笑, 開始淨係識叫 爸爸, 啤啤, 想教佢叫媽媽, 教左大半日喎, 佢忽然大叫.. 爸爸...



  • startac





    你果個小朋友又真係搞野喎



  • 其实小朋友真系好纯真, 不过有D小朋友唔知点解, 细细个就开始好崛。





    一次有个麻麻带个孙过关,


    海关小姐: 小朋友, 你叫咩名?














    BB(5岁): 我唔想讲 (系无抑扬顿挫果只)





    屋企个个都好NICE, 个孙都唔知系边度学



  • 仔仔細時,我大弟帶他去街,他次次都嘈買玩具,有次我大弟堅持唔買


    仔仔哭著說:「我大個之後...做人舅父,一定次次都買...」


    哈哈...我女兒現在常對阿哥講番呢句,我仔仔的表情都好無奈!



  • 各位唔好意思...實在太多回味!



  • thx ww! 依家d細路真係好醒





    有日, 我同佢哋解釋拜山


    我: 拜山係山拜死咗既人, 同拜年唔同


    女: 咁我哋第時使唔使拜你?


    我: 要~ 梗係要啦


    女: 但我唔知你張相喺邊喎(即靈位)


    我: 咁我都未知, 第日你哋幫我安排喎





    *****************************************


    我自己細個時叫我媽: 俾支筆我寫字字



  • sorry, 我果句係: 寫字字筆我.





  • 既然有update, 我都update吓:





    到正式拜山果日, 我個女問我: 媽咪, 點解唔見你張相?


    大家聽到都好好笑. 童言果然無忌...



  • 以前我仲細, 我地成日食紅毛丹.


    我細妹見到爸爸唔等大家偷食生果, 我細妹就好大聲講"嘩, 爸爸偷食紅毛泥呀!"


    笑死我地...



  • haha...so cute~



  • 其實我自己就少d搞笑事, 我可能會當自然係電視機入面d人, 會學人"起雙腿飛踢"而落地無事, 但係經過實驗, 係跌得好樣衰的, 仲要俾人笑.





    我阿妹就多d講/寫錯野而搞笑, 以前要作句, 佢就成日錯. 好記得有一句要用"偶像"作句, 佢就寫了"我是譚詠麟的偶像".



  • 有次媽咪帶我表弟仔去飲茶,林走媽咪帶埋佢去廁所...


    表弟仔(剛2歲)好大聲咁問:姨媽,點解你pat pat咁多頭髮既?(當時廁所好多人)