有左bb係好開心, 不過我好驚生仔o既過程, 有無生左o既靚媽咪可以分享下?





  • 我月頭先生完bb, 之前都有睇過d生仔既片及資料, 當時我都好驚, 之不過既來之則安之, 反正都已經有左, 所以唔曬諗咁多, 一定可以順利渡過, 所以放心, 繼繽享受懷孕帶比你既快樂, 因為家下女人唔會生好多過, 同埋咁多身邊既女人都生左, 大家都無事, 你又點會例外呢?





    想生得易d, 之前行多d, 我覺得有幫助, 我大肚時成日行來行去, 結果用左3個鐘左右, 就生左阿b出來, 頭一胎個個都話快, 你要努力加油, 唔好諗咁多怕咁多呀!




  • 恭喜你先!





    其實生仔係痛就一定架啦, 但有bb到生呢個過程(講緊係自然生, 無事無幹, touchwood)好amazing, 真係不枉做左女人...





    到你生時, 只要記得聽醫生/助產士教你幾時用力(我之前有睇書, 但去到真係無用, 可能就算有用都唔記得),


    唔好嗌, 痛都唔好嗌, 因為嗌幾個鐘, 甚至十幾個鐘, 到生得時都無力lu~


    時間長短因人而異, 因為每人子宮頸開既速度唔同, 開得快就生得快, 開得慢可能痛十幾個鐘都只係開到3-4度.


    我覺得最痛係8度, 因為好痛好密, 但又唔準我生, 度力"瀉"唔到, 反而到9-10度, 可以生仲好d.


    我第二次生時, 助產士教我將全身力"壓"向下腹, 真係好得, push一次就生到.





    good luck啦!



  • 多謝你地回應丫... 我都有諗驚都無用, 到時先算, 不過我都諗緊去唔去聽 d 講座課程好, 因為見個個都話就算上完堂到時生o個一刻都真係咩野都唔記得, 不過我想問如果有 d 教媽咪餵奶o既講座, 係唔係同我生左時o係醫院 d 姑娘都會教架?



  • 湊bb d講座可以去聽下, 新手真係無從入手.


    醫院姑娘得閒死唔得閒病, 唔好旨意哂喇



  • 去聽講座係等你有個基本認識, 唔好諗住可以幾堂貨仔, 就可以學以致用, 事關個個b都好有性格, 一邊湊一邊學先得





    至於醫院姑娘, 都可以問下既, 不過係要預唔同人有唔同answer, 你唔知跟邊個先好囉!




  • 痛就係必定, 但我就想...





    1. 阿媽生咁多個都係咁, 佢得我都得


    2. 做好自己本分, 食d有營養, 低脂食物


    3. 做適量運動(我主要係行路, 生前3星期每日行2-3小時, 痛咗2個鐘就生咗啦).


    4. 聽醫生意見


    5. 自己做多d資料收集.







  • 聽下講座係好既, 無論係教生仔用力, 產前運動, 點湊仔都好, 去上下, 你個心會定D, 同埋有好多野新手媽媽真係唔知, 諗倒咩上堂問下姑娘都得, 最好叫埋老公去啦! :)





    好同意jo既意見, 尤其係第一點, 我都係咁諗...:)



  • 我諗我個生仔經驗都係唔好同你講喇, 盞你驚... haha


    不過我而家都係生勾勾坐係度, 所以冇事o既, 你掂架喇



  • 我都係月頭生左,生bb唔冇ga,反而陣痛仲冇過生,不過係可以接受,我係一d都唔受得痛既人,但都ok,我或者會生多個都未定呀



  • 咁順產係咪要剪「會陰」? 即係邊度? 痛唔痛?


    好似好得人驚咁......



  • 即係剪陰道口.


    我唔太記得, 但好似會打麻醉針, 你最好叫醫生/助產士唔好話你知幾時剪, 有次佢哋講我知, 我心理反應縮一縮, 個傷口之後痛咗好耐, 我覺得唔知好過知...





    唔剪就咁生, 有機會令陰道口撕裂而失血同受傷...



  • 當時好快咁, 姑娘話我幫你剪等bb容易出d, 一講完就剪咗, bb就"beep"咗出嚟...我有個朋友快到剪唔切, 陰道口撕裂仲痛...









  • 我諗緊...


    用完力 push .... 之後又叫你唔好用力住... 係果段時間... bb 會唔會有機會 "縮" 反入去... 因為果時可能已經痛到個人好亂....



  • 有.


    其實核突d講, 生仔同"老"大便一樣, 你屙屙吓都有機會舊ng ng縮返入去, 不過如果個頭有d出咗母體都應該唔會縮啦卦?!



  • 唔好驚咁多啦, 行多d路好有幫助架...我生bb時成39歲朋友估我是否夠力生, 我預產期前3星期每天都行2-3小時, 痛咗2個鐘一"beep"就生咗....都唔駛"老"...疴得好暢順, 都唔駛用力添...



  • 臨生果個月, 上多d樓梯,斜路(上:鬆盆骨, 落:收緊)



  • 聽到咁多位媽咪o既回應真係開心, 不經不覺都陀左bb就5個月啦... 真係好心急又有 d 驚.. 唔知我到時會唔會在待產時因太痛講粗口呢... 我成日都驚會架...太痛啦嘛...哈哈





  • 粗口我又唔怕講....





    我最驚.... 老老o下 "仔".... 連舊 ngng 都 "老" 埋出黎..><



  • 其實有邊個話唔驚架


    不過臨生果陣時都唔到你話要驚D乜喇


    我果陣生黎生去都生唔出,我好驚咁同醫生講"我生唔到呀,點算呀"


    後我個醫生話"生到, 做乜生唔到啫, 你用D力啦, 你再唔生個BB就會焗親架喇"


    咁我就又驚又要同自己講:"唔可以比個仔有事架", 咁就出力生, duoo一聲咁就生左喇


    哈...生完後佢地仲放係仔係我旁邊訓, 果陣你就會忘記哂D痛楚架喇,因為個仔暖粒粒訓係你旁邊望住你, 果一剎那真係好warm架


    所以你要放鬆心情, 最緊要深呼吸呀!!!!



  • nnadia,


    多謝你o既意見, 我都知其實到時都驚黎無用, 最緊要bb無事



  • 唔洗客氣


    做人亞媽好偉大架,你要勇敢D呀,而家唔好成日諗住生仔時點痛點痛


    最緊要係開心,放鬆心情,食多D營養食物呀,同埋飲多D奶奶,因為我陀個仔時又係唔想飲奶,所以唔飲,點知我個仔而家就"黑蚊蚊"呀, 哈哈....屋企人話佢好似粒朱古力!!