我同老公相處3年,昨晚才知道佢根本同我一起就唔開心,就算我做幾多事都唔會令佢開心,請大家教我點做?





  • Don't waste your time




  • 慢慢講, 發生什麼事?





    我相信是突然出了什麼事, 你才會這樣講.





    婚不可隨便離.



  • 呢個問題我同佢講了好多次,但係始終無結果,只要有方提出分開,事情就會解決。



  • 唔好消極先啦!


    有咩問題先?


    3年喎? 而家先係咁?










  • 咪住....你點知佢係咁諗?



  • 我已經去改去做好多事令佢開心,佢除了返工,屋企大大少少的事都係我去處理,我真的唔知點做佢才會開心,如果真的分開會令佢開心,我一定會放手,我會同BB一起消失。點解做人咁難?



  • 我昨晚問佢同你一起3年,我最失敗係做幾多事情都唔能夠令你開心,佢一句說都無答我,你就知佢點想?



  • 你生完bb? 還是剛剛有?


    唔好諗埋一邊.


    萬大事都有好多"正面"辦法去解決.


    可能佢都係公事有問題, 連佢自己都唔知點解決, 一時間都令自己短期性"迷失"呢.





    3年...不短嘅日子, 前面仍有陽光......正面d



  • 拍拖幾耐至結婚呢? 大家未了解清楚, 定係有人變左呢?





    同埋要找出佢唔開心既原因?



  • 我個BB都有幾個月大了,講完又講佢都係咁無反應,你教我點做。





    可能大家仲未了解清楚就結婚,而佢根本就唔愛我,只不過為了責任去照顧我,我由始至終都想個家好,就算幾辛苦我都無話佢錯,可能佢變了?又可能我根本唔合佢,我只能夠咁講,3年時間真係話長唔長話短唔短,每天我睇電視佢就對住部電腦,每日都無十句說話,唔通係我錯,我真的好想同佢講只要佢開心同自由,我同佢分開我可以做到。



  • 現實中,結婚既未必係深愛的人


    退一步想,你唔好要求咁高,如果他是好爸爸好老公,咪當係家人咁相處LAW





    當然,如果你仲後生,仲幾靚,無仔女,我唔會勸你屈就



  • 版主,可能就係你做得太多,太好,令到你老公覺得透不過氣.





    試下pair d, 儘量可以唔做就唔做, 睇下佢會點?





    唔好咁快就放棄呀, 婚姻同人事一樣, 有高低起跌, 有開心同唔順利的時候





    仲有, 介紹你睇一本好出名的書, men are from mas, women from venus. 可能你已經睇過~





    祝好。



  • 婚姻同人一樣,



  • 版主, 介唔介意詳細d講下你地背景?


    例如一齊幾耐, 咩情況下結婚,


    係咪一直都係咁, 定最近變左?


    你家陣淨係話佢唔開心, 要分開, 大家唔知頭唔知路, 估估下, 好難比意見



  • 好唔開心





    有冇試過尋求社工幫手,妳們這樣的情況,我諗都需要外力幫手先可望解決。


    一個委屈求全!一個沉默不語,跟本無可能可以解決問題,如果妳還望這段婚姻繼續,快快去搵社工幫手喇。


    可能妳們一開始以經做錯,大家對結婚既目的唔同,我真想像不到妳們這三年是什樣過的,或者再同妳老公切底傾多次吧,好與不好始終有個決定,總好過妳這樣終日胡思亂想,妳認為妳自已有無勇氣可以衝破這困局嗎。



  • 你地係唔係有左BB先結婚?


    未了解夠就結婚?



  • 好唔開心:


    其實大家都唔係太了解整件事既來龍去脈,不如妳講清楚d先啦∼



  • 好唔開心,


    我同你情況好似, 我委曲求全, 老公就真係沉默不語, 佢要分居. 我日夜都喊.




  • 好唔開心


    首先, 你會唔會係產後"億倔" 呢? 真係要攪清楚先. 你地係唔係婚後就唔開心先, 定係近期先係甘?





    我昨晚問佢同你一起3年,我最失敗係做幾多事情都唔能夠令你開心,佢一句說都無答我,你就知佢點想?





    by 好唔開心 - 03/07/07 00:13





    其實有好多男人都唔鍾意講感受. 你可能要好有耐性咁問佢幾次先答一句.



  • 問得多, 佢可能覺得煩. 不如寫信講你感受, 但千其唔好話暫時分開, 離婚之類既野. 睇下佢點樣做, 先再諗諗



  • 其實我地有咩事都會拿出來討論,到了最後都係佢唔多講,無答案,我也有試過E-MAIL比佢講出我心事,但往往答案都係行貨,而佢又話估唔到我地要咁溝通,咁你話我講好定寫好,我都唔知道。


    如果用佢的優點去欣賞他,我只能夠講佢係一個好人,做男朋友就一定係好人選,做老公就差少少,佢曾經同我講過只要同佢起的女人唔理係女朋友定係老婆,對佢地都係一事同人,因為女朋友將來都會成為老婆,佢屋企人成日話佢成個人都變了,無以前咁開心,說話又少了,成日都係到咁講,比你地聽到感受會點?


    現在佢有時說我不對我唔會唔開心,但以前佢話我錯我一定會唔開心同喊,但係現時已經無了感覺,但係我仲愛佢,而我又唔能夠令佢快樂去過每一天,我個心真係好痛。



  • 好多Questions!





    首先, 你們拍了幾埋?





    你結婚前, 你真正認識他幾埋?





    是否先有bb才結?





    當有bb時, 他是什麼"表現".....好開心? 好大壓力?





    結婚頭兩年是怎樣的? VERY SWEET???





    幾時他開始"變" ??





    你有冇問他"想點"....開心見成講嘛!!!





    你要知道問題在哪��, 才解決問題!!!!





    不要向壞看, 真�鹺N得求才....算啦!!!





    唔好搞到婚姻咁兒戲!!!!!!!!!!!!!!!!!!!!!!!!!!!!!!!!



  • Ask him to p k la. Why you are always the one to give, and wait for his love and care? Try to change yourself, to dress up more, pretend that you live much happier even you are without him. Try to go out more, let him know that he is not your world. Then you will win him back. Trust me.





    It is because you are too 'jau' him, so he is used to it and find you boring.




  • 我佢得可能已不愛你了。





    好多男人其實都未準備好結婚, 半推半就..自己又唔知想點...又唔想做衰人...家,人 女友壓力等等....





    總之男人好麻煩, 怕負責, 更怕面對不負責的罪名......don't have the guts to face issues.. ,men's at best in hiding .... 有BB, 可能也是「覺得結婚咁耐...都要要架啦」....





    但他不會想改變現况, 因他冇膽, 又懶。回到家, 見到老婆, BB.....這家對他來說是壓力起負擔......但又唔想變....咪發你老脾







  • 版主,我未結婚,只係拍緊拖,不過我同我男朋友都唔係咁開心。佢對我好好,我地之間相處冇咩大問題,佢有時做左d 野哄我, 我都係度扮開心ga ja. . . .事實上佢點樣我都唔會覺得開心。但係我又唔會話發脾氣鬧佢或者要求d 咩咁,. . .  應該係唔會有情人果種 chemical reaction . .. 我唔知道佢 feel 唔feel到啦
    



    我心入面一直有第2個人,果個人我鍾意左4,5 年,雖然果時只係好朋友既關係,但係我同佢一齊真係好開心,好sweet,做咩事就算搭輕鐵都會開心。就算見唔到佢諗起佢都會笑,我做咩野只要諗起佢,都會感到支持,有好安穩既感覺


    後黎佢同左第2個一齊,我好傷心難過,情緒有d 問題。 經過 兩年之後,總算平伏到心情,表面上睇黎冇咩野,但係心入面 始終都覺得佢係最好,因為最後同唔到佢一齊,所以覺得佢永遠都係最好,冇人可以代替


    同依家果個一齊,我都會諗起岩岩講既"好朋友",所以我冇辦法投入依段感情,依個男朋友,我唔係唔愛佢,或者係唔夠愛啦. . .不過我知道我知道自己係需要佢,我好怕冇左佢,但係我始終唔係最愛佢...


    當初你老公同你結婚既時候,心入面會唔會有第2個 ? 我覺得你老公係需要你,所以e- mail 會交行貨, 怕失去你,但係要講到最愛,又好似差dd . . ..



  • 我相信我老公未必有第二個,而係大家性格唔合,但他不會想改變現�G, 因他冇膽, 又懶。回到家, 見到老婆, BB.....這家對他來說是壓力起負擔......但又唔想變....呢樣就係真的,我感受到佢唔係好愛我,但佢會準時放工回家,放假一定會留係屋企陪我同BB,你地可以話佢係好老公,但係係屋企只會對住部電腦,有時同BB玩下,很少會同我講野,呢D生活很難受。







  • 平淡是福.





    你常識過問他平時返工是否開心嗎?





    或直接同他講:他不講他的感受,女人是會怕的!!!



  • 當初你們戀愛的時候,他最欣賞你什麼?他向你求婚的時候,你們說過什麼?





    我不會叫你離開他,只是你要知道愛一個人是要有技巧和方法的,維護一個家亦一樣。 你將所有家事一力承擔,真的很好嗎?他沒有為他所住的家分擔家務,沒有建立的空間,他或者就不會欣賞家的溫暖。





    其次,你們的溝通可以不只在家,你們可以外出玩,話題就有啦﹗





    就算現在環境多麼不濟,只要你還有心,不要放棄,任何環境都一定有一條出路,你要積極去搵。





    說是容易,但嘗試一下去做,你也能令自己無憾。



  • 其實2個人相處係咪真係好難,我自問唔係差,有學問,入得廚房出得廳堂,唔打排,唔買貴野。只係為個屋企,唔通都有錯。好多人話港女點差,又唔見我係咁?



  • 好唔開心





    咁你有BB時, 你先生開唔開心 ? 或是佢跟本唔想生. ?



  • 我有BB佢當然開心,佢仲不知幾錫BB。



  • 可能問題就係出在你太在意佢,對佢做太多.有時對人太好都會比到壓力佢.


    你哋情況可能只係平淡d,又無第三者,都不用分開.


    我覺得你應做回自己,建立番你的興趣和人際關係,不要只為家庭而生存.搞到自己無曬性格.老公會覺得悶.










  • 咁即是唔關BB事, 但BB出左世, 佢應該好開心架, 更加愛呢個家才對, 點解會咁架



  • 好唔開心





    我覺得人永遠係看不到自己缺點只看到別人的, 你試下用朋友傾計既方式跟你先生好好傾傾, 佢係咪有什麼不滿意你.



  • " 我自問唔係差,有學問,入得廚房出得廳堂,唔打排,唔買貴野。只係為個屋企,唔通都有錯。"





    我自細聽到阿媽成日講呢番說話,好反感,我最怕人講到自己懶偉大,周圍人都欠咗佢,真正的付出時付出了而自己都不覺得"希牲".不會求回報!


    如果你真係覺得你為家庭付出太多,咁你應該做番你想做的事.唔好搞到自己好似怨婦咁,老公自然會鍾意你多些.




  • dodo,





    你講得對可能係我問題,我個人實在太強,佢做每件事我都唔會讚他,因為所有事都係我做得比佢好,朋友問我佢有咩優點,佢就係對人好,對個個人都係咁,但係我應為係缺點。



  • "我個人實在太強,佢做每件事我都唔會讚他,因為所有事都係我做得比佢好"





    你咁諗証明你跟本唔欣賞佢,咁佢點會開心呢?




  • 好唔開心





    男人要既野其實好簡單, 讚賞 + 感激 .. 佢要你讚賞, 當佢為你付出時佢要你既感激.


    先從生活上的小事著手, 例如佢剪左髮/買左件新衫你都可以讚下, 佢為你做既小事, 你要感激是要說出口的, 佢可能會無反應, 但我相信他心中會高興的, 還有一些小情趣是結左婚不可忽略的. 例如我會留意佢想買的一些東西, 偷侈去買俾佢, 跟住放在他會找到的地方, 當他見到時會好驚喜開心.



  • 如果傾過又解決不到問題, 就試下用別的方法,佢愛你一定會感到你既付出



  • = =! 板主, 你寫D 野好悶, 可想而知, 你既生活, 係好趣味...咁唔得架BOR.







  • 先問問佢有咩咁唔開心, 有咩想要. 第二, 問佢點會初時又願意一齊?





    時代唔同喇, 拍拖可以一年拍二十次, 分手可以隨口講, 俾人飛可以當係理所當然既事黎叫自己接受, 同一個人拍拖亦唔一定會愛果一個人. 不過結婚係要程序既, 亦要響十字架面前立誓既, 雖然而家結婚都可以結好多次, 又或者一世唔拍拖唔結婚咁老死, 但依d 事一定要攪清楚.




  • 好唔開心


    icq 54136942



  • 可能係大家生活上唔同,無大家的共同興趣,佢鍾意同朋友返大陸飲酒同玩,而我又唔鍾意,其實我都改變了很多,我又唔飲酒到現在為了他我已經學識了,有時間都會同佢返大陸食下飯,我都算係咁。



  • 坦白講, 版主前半段寫既野好矛盾, 一舊舊,


    指控抱怨好嚴重, 但故事來龍去脈卻好欠缺,


    實質 "罪證" 除左 "反應唔熱烈", 冇!





    後段好似多左事例, 但可能已經係被預設題目主觀放左老公係犯人欄.



  • 哦, 咁妳可以叫佢同妳一齊去做一D 一齊做既事丫, 由做愛, 到做家務, 去上堂學整小食, 或者買部WII 玩動作GAMES, 去 郊遊, 去旅行, 學影相, 做GYM, 多的事啦.





    老實講, 俾妳再行多一次, 妳咪又係兜多一次轉? 到時唔ARM又再TAKE 3 咩?





    真係攪唔店, 搵明愛啦.




  • 呀, 仲有, 男人係要TUM既, 妳想想都話自己做得好話佢, 亦都唔讚下佢, 佢對妳會無興趣, 到時妳換幾多個男人都一樣無運行.





    我建議妳先留意一下兩種人: (1) 幸福小師奶, (2) HEAD住成班男人既女強人, 睇下如果係妳, 妳會ENJOY邊一種模式喇.





    男人女人都一樣, 只有聰明同蠢, 我主觀咁覺得, 做人就好似有獎遊戲咁, 俾架車妳入去SUPERMARKET 任拿五分鐘, 拿得最多可以係最開心, 拿得最貴亦然, 拿得滿意亦然, 妳想拿D 咩野走呢?





    我想拿既係開心, 幸福, 富足.



  • 由資料不全, 到慢慢「泡」出來了....





    版主, 我有D明你老公的心情。





    你把「自己」放得很大。看你每句說話都是「我」怎樣怎樣。你做的都是犧牲...好委屈。那男人又怎會沒壓力哩?





    告訴你, 他�p 會appreciate 你學飲酒。佢去大陸玩都是想逃避一下在你身边時的壓力, 你唔去仲好。





    你不反省一下自已的 mind set, 你做再多嘢都是徒然



  • 我昨晚終於同我老公講清楚,佢無講過話唔開心,只係我成日話佢唔開心,叫我唔好成日估佢唔開心,我就反問佢咁你又成日板起面去對我,係咪我對你要求高,係咪我唔識你相處。佢話我有D地方唔肯去改善,佢覺得好失望,事原係有一晚同佢朋友一起食飯,但我和其他朋友談話中,佢叫我同佢開酒我當時只係同講少話,你都痴線叫我同你開酒我又唔係啤酒妺。就係因為呢件事佢話我唔比面佢,佢叫我去改善我話不如你一次唔好咁叫我開咪無事,又要係佢朋友面前比少少面佢。我話好只要唔好再叫我同佢開酒咪無問題。


    但有件事就係佢話我成日好緊張D錢,所以每次佢係銀行取完錢都會比翻張收條我睇,佢話我成日問佢,我即時喊了出來,咁你即係唔信我,佢話我又要喊來呢套,原來係呢3年當中你跟本就唔信我,我跟本無想過係你身上打主意,我知佢無錢我連禮金都無要,咁我唔信我,我喊唔係因為錢,係因為聽完佢講後個心好痛好痛先會喊出來。



  • 睇落其實你真係唔係好識同你老公相處, 你有冇俾到應有既 respect 佢? 你係咪成日都覺得自己勁過佢好多? 如果你覺得自己比佢 superior....佢係男人來架...男人既自尊心好緊要...好難接受自己比老婆睇低...就算你真係勁過佢...面子係點都要俾...