有冇姊妹響沙田卓健做過botox? 幾多錢?效果如何?可唔可以分享o下?





  • 我想知,話我知:

    [email protected]



  • leungyeel,



    多謝捧場!

    我3月7日晚上去沙田卓健打左botox, 上到去d姑娘好好人架!入到去見醫生(係女醫生), 好nice, 佢一見我就好坦白話我知,我打左之後都唔會好瓜子面,因為我塊面係脂肪多d(即係包包面),而botox係主要打咀嚼肌的,所以打完都唔會令我權骨對下既包包減少,不過都可以收緊一下個輪廓。既然佢咁坦白同我講,而我亦有心試一試,所以決定打啦!而Dr. Au Yeung 計比我既價錢,亦好合理,因為佢係因應我用既份量報價。

    過程非常簡單,姑娘用個好凍既"碌"夫住我咀嚼肌位置,凍到有少少麻痺,Dr.就每邊幫我打左5針。唔洗10分鐘就攪掂!打完之後,就有少少紅,因為我面皮好薄。但係其他既短暫副作用,我完全冇feel到喎!感覺好好。

    今日係打左botox第三日,雖然未有特別改變,不過,我feel到兩邊係緊緻左。唔知係咪心理作用呢!哈. .

    等過多幾日,先再report比你知啦!



  • how much for the treament?



  • 咁有冇人試過o係九龍灣間分店度打??



  • i did my botox in Tusen Wan, one doctor's clinic. The effective was quite good and not expensive, 5 shoots each face, the doctor said total in 40 unit used.



  • 九龍灣果間就唔知啦!不過我響沙田打果位Dr.就轉左去銅鑼灣恆隆,好方便架!我而家都去佢到彩光!



  • hi, may I ask how's the result after your botox injection? I wanna try it too ah. Please update.



  • 我今日去o左變靚d打botox瘦面. 而家做緊promotion $2000. 但係6-8星期時要番去覆診, 到時決定是否需要補針. 個醫生好nice, 佢話通常只有男仕或肌肉真係好發逹果d人覆診時先要補針. 但我個去俾錢時, 個consultant就話10個9個都要補針. 而且因為我係第一次打, 6-8星期後果次覆診, 如果想效果好d就一定要補打. 補打係要另外收錢的. 如果今日即時俾埋下次補打的收費, 就$2000, 但係到時先俾就要$3000. 跟住就又sell我買個買3送1的package. 我話第一次的效果都未睇到. 當然唔會咁快買package. 跟住佢即刻態度差o左(不過佢d態度一開始已經唔係咁好), 跟住話咁你諗住點付款, 佢就俾張單我簽名la. 我一睇, 點解係$4000? 佢話加埋下次補打ge$2000嘛, 但係我話我冇話過要買埋補打woo. 佢話但係10個有9個都要woo. 而且如果你今次唔俾埋, 下次就會貴$1000woo. 我話我唔要而家俾, 我覺得佢特登咁樣, 諗住摶個客睇唔到, 咁矇下矇下就俾多$2000 lor. 所以如果你o地去試都要小心d.



    記得問清楚$2000包d咩. 如果係用$2000試做價, 覆診時發現要補針, 需唔需要另外俾錢. 佢o地同我講係用原價打, 補針唔使錢, 如果用優惠價覆診時補針就要另俾2000-3000. 我諗你問醫生會好d. 費事俾d consultant(up)你.因為醫生話通常唔使補針ga. 同埋我係做前問過個護士, 佢話補針係$500. 所以都唔知d consultant 係咪趁機搵番筆. 總之咩都問清楚先la.



    hehe...我會每日幫自己影d相. heheh...到時會話俾你o地聽進展如何.



  • 各位,我前兩日o係DR.REBORN打左第二支botox, 但以後都唔會再去呢間打。佢地 乜服務都冇, 又完全冇保證, 加上又唔知佢打果d係乜藥, 以後都唔會去呢間打, 驚餐飽~



    我之前第一次o係12月20號o係變抏d打過, 直至到5月廿幾號開始, 塊面完全變回原狀, 其實塊面o係第4個半月就開始好唔穩定, 有時會好漲, 有時又會keep到個shape,我好驚, 唔想見到自己塊面肥返, o係打左botox呢幾個月裡面, 成個真係sharp好多, 上鏡左好多, 所以我好急住再打第二次, 於是四圍search去邊間打好。

    最後就揀左DR.REBORN, 因為平, $2600, 好似好吸引, 但佢地好求其, 2分鐘就打完, then叫我落床, 我話暈, 醫生都叫我落床, 佢話係一時驚得陣je, 但我講真係暈得好緊要,佢先俾我休息一陣;



    同變靚d爭好遠, 變靚d成個流程都會令人舒服好多, 同埋真係當你係client;

    DR.REBORN只係為左搵快$, 同埋唔會o係你面前開一支新的botox, 佢地只會拎一支一早已入好藥ge針, 一打就打落塊面度,我叫佢我想落少少麻醉膏先, 佢又話唔洗, 跟住唔洗兩分鐘就每邊面打左5針, 好驚, 佢一路打, 我一路叫痛, 同埋覺得好暈, 同e生講, 但個e生唔理我, 好crazy。 唔會好似變靚d咁, 細心幫你分析落少少麻醉膏, 俾你聽住音樂, 等麻醉藥生效, 跟住先mark位, 同埋打針, e生又會成日問我感覺點, o唔ok, 做完之後又會report俾你聽,同落左幾個gm, 總之真係奉勸大家唔好試DR.REBORN, 我宜家塊面仲瘀左好大"達", 同埋打針ge位好硬, 好痛, 日日都要靠化妝遮瘀。



  • 沙田卓健打botox要幾多$呀?


Log in to reply