昨晚排隊搭車,無人所以排頭位,有個操大陸口音既師奶企係站頭又唔排隊,其間不斷大聲講電話講對於公司要求佢伸報個人資料之不滿, 排隊人漸多, 車到時此女士即時上車, 差d仲快過我, 我忍不住直斥其行為(一般語氣), 因而引至全程車俾人'掘', 其後此人士因落錯站而強行在落車門上車而俾車長責罵, 相信此類人士在香港會愈來愈多....





  • 我都試過咁嘅情況, 我又係叫佢去後面排隊. 我覺得呢的人就算向大陸無排隊, 但見咁多人排, 咁無理由唔知嫁. 所以根本係特登.



  • 車... 琴日搭巴士, 得3個人等車, 我排頭, 有個師奶排我後面, 架車一開門, 件師奶唔知乜事咁趕, "sup"一聲自己上車先, 完全當我唔存在既咁, 我同佢講, "喂,我排緊隊架喎", 佢望一望我, 又係當我死既咁, 你話我可以點喇?



  • 我都試過, 鬧佢又唔理你, 厚顏無恥到丫~



  • Guy


    你個case又過份d, 得3個人排隊都要打尖??



  • 呢 d 師拉我諗真係唔少, 前幾日之o麻, o係日本城買野, 個師拉見我一時唔為意, 企o係我左邊前我 d d o既位置, 如果佢見我無反應, 一有位, 我諗佢打算明正言順企我前面架啦, 但我唔會憤氣比人打尖, 所以一有位, 我馬上企番o係佢前面個位, 至於佢有無企o係我後面, 定走去排隊我無再理, 始終可能係我個位啱啱係轉彎位, 唔肯定佢有心定無心攝埋嚟, 所以無話佢



  • 而家D人真係唔知做乜, 明明排緊隊, 條友係自己後面, 但佢成日都好似想行快過我咁, 驚死上唔到車咁, 都唔知趕住去邊? ed人仕通常都係師奶及中年人仕.