如果你老公/男朋友讚你身邊既朋友仔靚女, 你會唔會酸溜溜或者唔高興架?





  • 會頂啦..








    不過如果靚我都會話靚..唔靚我會反對



  • 我老公讚我一個同我好friend既女仔朋友'個樣真係無得頂'...........>.<



  • 都唔會既... 讚下o者... 又唔係想溝佢... XDD



  • 老實講,靚唔靚真係天生架,佢讚人靚唔代表對你唔好,如果佢因為你個樣先同你一齊,個老公唔要都把啦!


    你不如將佢擺落死物度睇,例如一件衫,如果你老公讚個件衫好靚,你會唔會心酸先? 你心酸既係因為佢講緊個個係你朋友,


    如果睇緊MS. HK 佢咁讚一個佳麗,你又唔會心酸? 你老公係點對你,你應該知架! 唔好為左呢D咁謂既野令到自己唔開心啦!


    跟住又會對佢發埋D無謂脾氣,傷大家感情!! 到時仲衰啦!!




  • 我會捏死�





    好彩,佢從來冇講過呢句或類似嘅野!



  • 話唔會就呃人既


    我男友都成日讚我一個同我幾friend既同事靚,無可否認我都覺得果個女同事真係幾靚女,而且又比我青春,但係我男友讚佢時係話佢比我靚、佢比我後生、佢比我乜佢比我物……講真我聽完就算無出聲但係個心都好唔舒服囉! 我曾經反問佢,既然佢覺得果個同事咩都比我好,咁點解佢唔追果個同事追我喎? 跟住佢就唔再講。其實佢睬低我黎讚果個女同事已經唔係第一次,所以我真係為左呢件事好唔開心。