【小姐,我好悶..】 呢種悶好難解釋得到.. 我悶到嘗試係 MSN 巢番 d 有一面之緣又好耐無 chat 既 netfriend 去 chat 下.. 但覺得心中既悶揮之不去.. 究竟發生咩事.. 我三十幾歲做乜搞成咁..
-
-
有人覺得我眼角高.. 但,唔係應該講求感覺既咩..
-
最囉命係忙中帶悶..
-
我今日都有這種感覺
-
我同 d netfriend 其實只係 hi 下.. 但好似好難好似以前咁可以乜都唔理好投入咁無無聊聊天南地北咁 chat.. 可能而家真係大左好多.. chat 無形間比左一種曬時間既感覺咁.. 有呢種感覺就好難投入,唔投入就好難 chat 得投契.. chat 到自己都覺得悶..
-
我以前悶既時後會深夜時一個人走去尖沙咀鐘樓附近行下坐下.. 但而家會覺得咁做更無聊咁..
-
我msn大部分是得個名, 想delete佢地, 但好似delete佢地都無所謂, 今日諗成世人事無成
-
你男定女
-
hi..做咩咁悶呀...
-
我係男.. 突然又諗下.. 乜我已經三十幾歲架喇.. 做乜時間過得咁快既.. 阿媽都已經七十歲..
-
歲月不留人
-
我好少 delete msn 上面既 contacts.. 有得佢地係度.. 間中 hi 下,有 d 都唔回應.. 唔知佢地係行開左呀,定係太耐無 chat,已經 delete 左我.. 不過都無乜所謂,佢地在我來講都只係一個個 msn 綠色公仔.. 無乜真正意義.. 唯一既作用可能只係當我悶既時候望下個 list 好似好多人陪緊自己咁..
-
你咁諗都好, 人越老越小朋友
-
唔好咁諗啦..諗野咁灰係好好
-
唔知係悶殺死人, 還是自己心境
-
歲月真係不留人.. 頭先去 imdb 望下.. 見到三十年四前 steven spielberg 拍大白鯊時既後生無鬚樣.. 佢當時三十都未到就可以做 d 咁偉大既事.. 我三十幾都只係打份工,為口奔馳。咁落去真係唔太甘心。比你做間跨國公司既高層又點...
-
係呀, 好似我們年紀, 應該是享受家庭生活, 邊得閒上網, 真的無聊
-
基本上我都係極悶上來吐下心事.. 無諗過將呢條 thread 無限延長幾十版... 因為我明白咁做只會更悶。始終 real life 來得實際好多..
-
上來都是呻下, 現實生活是殘酷
-
三人, 你識咁諗都唔錯...暫時無聊 / 悶..上黎行行吓...未嘗唔係一件好事 !
-
希望明天會更好
-
你地幾多歲?
-
30幾
-
有無諗過去大陸發展?
-
你無興趣既咩 ? 做些自己喜歡做的野未唔悶囉
-
cc, 我既悶法唔係話得閒唔知做乜好個隻.. 而係.. 好多野做但個心好悶,好想逃避,但逃避又覺得自己曬緊時間..
我頭先去隔黎 sex ban 見到 d 人 post d 我好濕呀,我好想要呀既 message 我都無興趣入去睇.. 我覺得佢地超無聊.. 但換個角度睇,我都既戥佢地仲可以咁無憂無屢咁玩 d 咁既野,仲要覺得好玩先好野...
-
三人, 你好!
你呢種心情我好明白, 我同樣有你呢種感覺。
-
da,我好善慕個 d 有三兩好超好朋友,成日都一齊既o個種朋友.. 以前讀書有.. 而家已經無呢種朋友...
-
佢地睇我們, 其實我們同佢地一樣咁無聊
-
三人,
好朋友, 我都有, 但我同樣有 "悶" ~ 呢種感覺
-
因為我們已經唔係讀書
-
人大左,同男仔好難建立到好 friend 既關係.. 通常都有少少距離,或者表面 close,但其實都係互相利用.. 環境轉左,關係會遠左..
反而同女仔會容易 d 建立友情,但亦容易有我唔想見到既成份牽涉在內..
-
123,你講得岩,佢地會覺得我係度無病呻吟.. 事實我又真係..
-
三人, 你講得好好 , 完全同意
-
人大左心態係會唔同..
-
你會唔會有抑鬱傾向呀 ?!
-
da,好希望有三個最多四個好朋友既圈子。可以陪飲下悶酒,無聊下,開心下,好似日劇入面 d 圈子咁.. 我唔駛好多好朋友,我唔會顧得到咁多人.. 分唔到心比咁多人... 普通朋友就多少都無乜所謂..
-
係大個左無咁容易同人交心啫...
-
大家呻下好, 唉.................
-
cc,我係個極度樂觀既人,但總有無病呻吟既時候...
-
人生有一知己已經好好, 3 4個太難
-
vv,男人你對得佢太好驚 gay,女人你對得佢太好又驚有野
-
123,一個知己唔難,我都有,但因為對方係女仔,始終我想保持番一定距離,唔想累佢。只係心近。
-
但因為對方係女仔,始終我想保持番一定距離,唔想累佢。只係心近。
你唔鐘意佢
-
三四個人一齊一個圈子會健康少少... 但要大家都係視對方為 best friends 就好有難度,尤其係而家先去識既話。不過我都放棄左呢個諗法。
-
少不更事年代已經過左去..個人會無咁真再無咁易做任何野都咁投入..
-
123,作為朋友既話我好鐘意佢,但更進一步既話我無諗過同佢。經過過曖昧期我好清楚自己既諗法。我知有一日我地既心會再唔近,但都無計。所以我話三四個人一個圈子比較健康小小...
-
好 Q 悶呀!
-
個 d 人成日落 bar 其實悶唔悶既呢?有個女仔帶過我去 bar,佢識好多人,我話嘩呢度幾好喎,佢話:好悶。
-
三人,純粹因為你唔夠有feel對佢