男友因為mcdonald coupon 鬧我.





  • 事緣係尋日佢話同我食飯,大家未諗好去邊度食,之前我都隨手"meet"左2張coupon放手袋,一張送雪糕,一張送apple pie..夜d佢再打來,問我有無帶mc 記coupon ,我話有呀,答佢帶左呢2張coupon,點知佢即係唔鍾意,話我做乜唔帶5蚊現金卷,,我話我鍾意食呢2款,佢又話2個人食2個餐仲要送野,邊食得曬..佢話覺得平5蚊抵d...果一刻我真係好傷心,,佢一向緊錢,但我無諗過為左5蚊coupon 佢會咁大反應..


    我知我係好無聊,但唔係玩野,只想發洩下..



  • qq


    佢咩語氣呀?佢可能只係解釋比你聽


    我bf都緊錢架,佢都會計下呢d數


    我通常唔理佢,等佢計到夠


    慳有慳好,容易儲錢嘛



  • 大家著眼點唔同.佢覺得你已經係佢一部份應該明佢心意.同埋少了對你的包容.其實好多怨偶反面都係由呢d少事積埋.兩個人相處最緊要溝通.放膽同佢講你的感受.



  • 或者佢一時唔開心呢,今次咪算囉,但如果佢成日都係咁,你就真係要諗清楚嘞!



  • 佢咩語氣?埋怨咁囉...咁佢自己又唔羅coupon(佢都有呀)我都係隨手咁帶出街,唔係老馮要帶架嘛...


    同埋我同佢食量都唔少,2個餐送都送野食一定食得曬,唔會食剩..


    佢一向都係咁,講到錢最緊張所以攪到我好心淡..



  • 佢咩語氣?埋怨咁囉 (如果只係埋怨, 其實係好小事, 話哂佢唔係鬧妳, 我覺得可以原諒, 如果佢係鬧你, 又或者一路行一路仲要依依哦哦咁就真係有d過份)...咁佢自己又唔羅coupon(佢都有呀)我都係隨手咁帶出街,唔係老馮要帶架嘛... (妳要知道男人好小會著眼呢d細眉細眼既事, 正如妳唔會期望一個男人既袋會有紙巾呢樣野一樣道理)


    同埋我同佢食量都唔少,2個餐送都送野食一定食得曬,唔會食剩.. (咁呢個係妳同佢之間既溝通唔夠)


    佢一向都係咁,講到錢最緊張所以攪到我好心淡..(佢咁緊急d 錢會唔會係蓄錢有其他用途? eg. 拎黎遲d 同妳結婚用, 同妳去旅行...)




  • 嘩..咩咁似我既臭八公家..


    我試過好心買m記套餐俾佢食.


    點知買唔o岩佢食個款,


    是關我買左自己鍾意食個款 (唔係有心,只係唔記得佢唔鍾意食呢隻款)


    俾佢片左全程..都有20mins坐緊車家個時..


    我嬲到話以後都唔買野俾佢食..tim


    之後佢先收聲....



  • 佢一向都係咁,講到錢最緊張所以攪到我好心淡..(佢咁緊急d 錢會唔會係蓄錢有其他用途? eg. 拎黎遲d 同妳結婚用, 同妳去旅行...)








    by 我都係女仔 - 02/28/07 13:24


    話..你真係發緊夢啦..小妹妹


    一個連拍緊拖都咁度既男人...你仲指以佢會儲錢同你去trip,你真係....天真得很..


    佢係就係識儲錢,但都唔關你事啦..


    呢d咁度既男人..真係要唔過家..


    問心呀..而家已經咁..第時結左婚想問佢攞家用wow....好難啦


    大家都係女人...點都要保障下自己既



  • 食第間囉,又唔係只得麥記



  • 嘩嘩~ 你哋幾大呀?


    啲咁嘅仔...火速bye bye 啦!











    (除非你哋仲係初中學生啦!!!!!!!)



  • '一個連拍緊拖都咁度既男人...你仲指以佢會儲錢同你去trip,你真係....天真得很..


    佢係就係識儲錢,但都唔關你事啦..'





    我以前都會甘諗


    但我bf又係好慳,好實際


    佢又會同我去trip (佢出大份)


    佢諗住將d saving放落我層樓度


    save反d利息


    如果我想佢都會去貴餐廳架


    所以冇一定嘅


    好過d大花筒啦









  • 跟住一個斤斤計較 ge 男人,


    妳認為妳將來仲會有好日子過咩?





    請三思!!



  • (男人好小會着眼呢D細眉細眼嘅事)............但佢又再三提醒要帶COUPON呢D咪又係細眉細眼慨事,五蚊炸.點解佢自己吾做又點你做?.我老公叫菜定有多無少,佢驚我會餓親咁,佢話一齊食飯緊係要開心不過我實會禁住佢,根本吾關(溝通夠吾夠)事.結婚十三年從未為錢理怨我,莫說五元,他送的禮物都是我不捨得買的,但他從不計較價錢,我想你男朋友緊錢多過緊你,愛自己多過愛你.



  • 你咁細心帶埋D coupons出街﹐仲要比人鬧﹖ 有無搞錯啊﹐你個件bf.



  • 執左d m記啦, 賣d無益食物, 又俾d機會d小人嘈交...


    板主, 你地兩個感情淨係值一張coupon乍?



  • 男人好少用coupon喎!就算我俾埋bf佢都唔會用,你bf仲要提你帶,帶左唔係佢想要o既仲埋怨你,唔駛咁呀?







  • 分手喇 !



  • 佢咁cheap叫佢返大陸搵女友啦



  • 我同佢都係廿幾歲,,拍左拖都幾年lu


    佢係計劃緊買樓,我地應該會結婚果隻..


    儲錢佢儲大份,我細份,要計比例係3:1,


    想問如果真係有呢d計劃果5蚊係咪真係咁緊要....



  • I feel that the issue is not about how much you can save/who saves more... it's his freaking attitude...


    And it's not about whether it's a $5 coupon or $500 coupon. He just wants to be controling, and cannot appreciate what you do for him.




  • agree with Vv



  • 咁邊個最重要先,如果買層樓係為左你,咁愛你?次序係‘你’>‘樓’>‘五元’無理由為左個5蚊怨你.無左個5蚊就買吾到樓?但現在次序係‘樓’>‘五元’>‘你’



  • 分手喇 !



  • 係啦, 飛個度縮佬啦 !



  • qq,





    其實男朋友或者老公識得慳家係一件好事,


    好多時我的角式都是你男朋友,


    講真兩個人食兩個餐已經好飽,


    真係食唔落咁多野, 食咁多咪只會肥!


    佢又唔係無啦啦丙你,


    佢講既野係咪有道理先?


    講真, 既然用得coupon, 就係想慳架啦!





    況且, 你話你隨手攞, 但事實你唔係喎,


    你係考慮到你喜歡食邊樣野而攞的啊!




  • 我都成日同男友因為好少著數嘈, 不過係講笑啫! 一路笑一路講, 其實睇下咩語氣啦!



  • 為$5 coupon 唔開心? 玩野呀?