有無姊妹同我一樣試左好多次都仲未有好消息呀??? :(

BK 網 << 可 5 可以比個網址呀 ? thanks

Choi,
 http://www.baby-kingdom.com/modules/news/

bettle,
 你要留意下先己的情緒, 如果有機會, 可以問下e生意見, 認為你有無需要接受下情緒治療, 如果e生都話無需要就好la, 如果唔係, 及早處理一下都係好ga, 因為我有d擔心你成日咁多野諗, 會對自己情緒健康有影響. 日後有左bb, 情緒會更難控制, 所以早d處理下la!
 宜家好多香港人都因為太大壓力而需要找專業人士幫手, 所以一般e生都會有有關資料可以提供.

Hi all sisters,
 i am new here!
 i did my second iui on May 31 at Union hospital by Dr. Chow. i hope it works this time!

kkemily,
 send左俾你架啦!收吾到再話我知!
 
 bbiibbii,
 我食左幾日藥,暫時無乜吾妥,希望我同呢個醫師夾啦!
 
 JK,
 多謝你既關心呀!我都有諗過搵醫生睇下,但又怕貴(呢d野通常都要見好長時間),我又吾想食藥,同埋平時其實又好似無好大既問題,係有時有特別既野發生時,即係好似以前番工時突然有野好urgent/好吾順利時,或偶爾同老公拗大交時,我就覺得個人有d問題囉!所以我都無乜理!
 
 各位,
 呢排日日都攪旅行既野,會少d上黎,大家要繼續努力呀!!不過今個月我就"停工"啦,因為怕去旅行太勞累,萬一有左對bb吾好呀!!你地就要加油呀!!

beetle,咁你玩得開心d啦~^^

beetle,
 問下私家e生可唔可以寫紙refer你去政府睇la, 至於時間方面, 你唔駛返工已經彈性好多.
 千其唔好睇小情緒所帶來的問題, 不但影響你自己健康, 仲好影響你同老公同未來bb的關係.
 我有個女朋友就係控制唔到自己情緒的人, 本來佢老公對佢好好, 一齊左10年, 無第三者, 無經濟問題, 終於都離婚收場. 就係佢地一直知道有問題, 但唔知可以點樣處理, 結果做成悲劇, 真係好可惜.
 旅行玩得開心d la, 盡情relex! 呀! 其實你去邊到玩ga?

hi.. 各位你好。
 我都做緊準備。希望明年初可以成功地懷孕.
 唔知大家之前睇緊既中醫好唔好呢? 可唔可以介紹一下。
 我啱先發現子宫�堶惘酗@個肌肉留，醫生話會比其他人難懷孕，就算有咗, 小產機會都比其他人高. 所以有啲担心. 唔知大家有冇啲忠告可以比我參考下呢.

beetle
 我收到了,謝謝,不過我老公話,我地剛開始唔好咁快睇醫生

hi~水晶
 人地話有瘤唔好食燕窩,雪蛤個d好d呀!

我番黎幾日啦!!一番黎電腦就壞左,今日先用到!!大家吾見哂既??近況如何??

仲未有人既??個個都走哂啦??

Hello beetle,
 我係到呀! 你去左邊到旅行? 開心嗎?

Hi JK,
 
 得番你咋??我去左德國+奧地利+捷克兩個幾星期,雖然未去到目的地就病左,病左個幾星期,中間又有d吾太順利既野,不過都好開心呀!
 
 
 bbiibbii

係呀! 自從你開始預備去旅行, 就無人係到傾啦!
 
 德國,奧地利我都去過, 好靚! 果次本來想去東歐, 點知唔成團, 於是報左個有德國奧地利的西歐團.
 
 點呀! 有無係東歐呢個咁靚環境下好好"做人"呀?
 
 我開始check緊蛋蛋, 又要開始準備開工啦!

哈哈,原本想問"bbiibbii去左邊?"原來未打完添! ^^
 
 JK,
 我病都病左個幾星期,期間又m到,同埋我地自己去,好多時都要趕火車咁,又行得多,其實日日都好累呀!!係後尾開過下工囉,不過應該都吾啱時候呀!
 
 你check緊蛋蛋?係去醫生度check?

我都試過自己去西歐, 我都知真係好累架, 所以果次之後, 一定要跟團, 舒服好多好多!!
 我只係用david仔check蛋蛋, 我已經試左兩次係排卵期間開工都唔成功, 如果今次都係, 我會去醫生度check下.

雖然通常我地都係自己去,但其實我真係好怕煩,真係吾似有d朋友咁,會好enjoy planning既過程!今次我地最初其實都掙扎左好耐好吾好跟團,但你知跟團就一定走馬看花d,同埋去吾哂想要去既地方,&我地想報翠明,團費都好貴,所以最後都屈服,都係自己攪囉!!不過我地今次真係出發得好急!由決定去邊個國家,book flight & hotel,再到出發,前後只得3個wks咋!!我估都好少人會去歐洲超過2wks會好似我地咁少時間plan!^^
 
 我上星期都係用david仔check架,但吾知點解,我明明果幾日好多分泌,溫度又低,應該係排卵,但check極都只係得條好淺色既線,吾知點解??你係咪真係見到深色既線呢??結果我地係"開左工",但又好似未排卵咁,但老公邊有咁好精神體力隔日keep住開工,守住排卵日呀?唉,我地應該miss左真正排卵日呀! : (
 
 話時話,我以前吾知咁多排卵既野,係打算要bb睇多左資料同聽醫生講,先真係知原來一個月只得~24小時卵子受到精!!知道後,我覺得其實要中應該係好難既事(就算身體好)!!但係點解咁多人咁易,吾駛check蛋蛋,乜都吾駛做,去完個honeymoon番黎就有左?生完一個又一個咁好彩?? @@ 吾明......

我都係咁話.我個friend3年兩件,我就冇咁好彩

有呀! 我用david仔試過下線同上線一樣咁深, 而且唔駛10秒就已經見到條下線好明顯.
 
 你上星期開始check, 有無一直keep住check呀? 最好唔好停, 得個知字都好. 我每個cycle都有好多日有好多分泌, 好似今次咁, 我上星期都開始有分泌, 但check到昨天都未有, 所以我係唔可以用分泌估計, 可能你都係咁.
 
 如果你驚miss左果日, 就早d開始check, 我d m唔準, 30-50日不等, 所以我當自己30日來check, 仲要再提早多幾日. 無法啦, 果日實在太難得啦, 我就係試過當自己40日咁check, 結果果次係30日, 都未check已經差唔多m到.
 
 我都明白大家的想法, 點解人地咁容易有"意外", 但我地要計住計住, 仲話"做"完要抬起pat pat, 幫d蟲蟲可以游到目的地, 但d唔想要bb的人, 一定唔會咁做, 但一樣游到去??
 
 不過, 我係相信上帝係每個人一生的計劃都不同, 所以有呢d情況出現law!

oldj,
 你個case又係點呢??你幾歲呀?
 
 JK,
 我check左幾日啦,但check到體溫最低前都仲係得淺色線,到後來見到體溫都升番,咪吾check囉!你有無度體溫?
 
 點解我地要做多咁多野同用多咁多$?都吾知等到幾時.....一個月得一次,時間真係好快過! : (

我無check體溫, 因為怕煩, 而且我諗用david仔已足夠.
 
 未有BB唔緊要, 最緊要珍惜而家擁有的人和物, 佢地對你一樣非常重要架, 係咪?

italy

請問各位姊妹可否把之前提及之董曉芳醫生,周美仙醫生,岑醫師之資料給。請問大約預約期多久及收費如何。本人已三十五•之前只看家計會﹔等了大半年先睇左二次医生。做左些檢驗但進展實左太慢。我唔想再拖延時間，怕等到真係無得生。有好的不育医生資料的，請幫忙 send email ([email protected]) 給我。萬分感激。

大家好 ^^
 
 我岩岩30, 結左婚都就快4年啦.... 準備要小朋友, 睇緊中e 同埋 keep check 體溫, 我未用 d 仔呀, 不過都買左, 想lee個月開始試下
 
 我而家最擔心係自己跟本無 egg.... 點算好?!

JK, 你係咪基督徒?有時我會諗,係咪自己有咩地方吾好,所以個天先俾我樣樣都好似吾多順利咁?但有時又見好多人心地吾好(好似我以前公司d人),但佢地又樣樣都好如意咁wor......
 
 花師奶,
 EMAIL SENT!
 
 jojo,
 咁你有無有幾日度到體溫特別低&特別多分泌??如果有,燧咪即係有排卵呀??

beetle,
 係呀, 我係基督徒. 點解你覺得自己樣樣都唔順利? 你嫁左個咁好嘅男人, 可以養得起你, 仲有多餘錢去歐洲玩, 有好多人, 兩公婆入息加埋都係1-2萬, 又要供樓養家. 有d女人30幾都未有男朋友, 所以其實你已經好幸福, 雖然唔係擁有最多, 但總比好多人好好多.
 有一個例子可能唔係幾好, 記唔記得多年前有個警察俾人槍殺, 佢女朋友有左佢骨肉, 無錯, 佢地有左bb, 但還未出生, 爸爸已不在了, 如果你係果個女人, 你會希望有bb? 還是要番個男朋友? 我一定會後者, 所以我覺得真係要珍惜現在所擁有, rather than去追求未有的東西!
 
 開心d啦!!

JK,
 
 tks!好多謝你的開解!我明白有好多人慘過我,不過之前在事業上,細個時的家庭,甚至我結婚前既感情事方面,的確出現很多問題,所以比起身邊的人,總覺得自己麻煩多多!
 
 這一刻好似生活不錯,但有時亦得不到太多人理解及認同(我指做housewife),所以內心總不時有點罪疚感,總不能開懷!但找工嗎?剛辭職時找了好一段時間也找不到合適的,現在過了這麼久就更難找了,而且本身諗住有bb,有bb後更不會工作,這個狀況還該找工嗎?總想不通,但偏偏自己又遲遲未有bb!咁點呢?所以成日都覺得好煩,吾知可以點,應該抱住咩心態好..............sorry,講埋d咁灰既野,希望無影響你心情!

hi beetle
 我都好明白你的心情,我有時都會好似你咁想,想想下會好灰同鑽左牛角尖
 所以我衣家會跑下步/做下運動,同找其他野做,等自己身心都健康d,那上天給我禮物時,我會有較佳身體狀態去迎接,我在生bb的問題上都遇到好多問題同會使自己情緒低落,故共勉之吧

beetle
 email 收到啦.真喺非常唔該.
 
 唔好唔開心,我雖然有工作,但真好善慕你唔駛返工.起碼你老公負擔到.我因為要幫手養埋自己屋企,冇理由老公養埋,亦負擔唔曬.我份工仲workload及壓力好大.至慘係人事超麻煩及不知所謂,有時因為林善比老細屈多D嘢做而常OT,人地都会話咁博唔知博セ,做爛市,實情成人幫人補窩同拾蘇州屎.而且這些都只係冰山一角.
 
 今日book咗周医生先,因為你話你book２日後就有得睇,点知最快都12月.於是再book董医生,点知重衰,要明年一月.你上次book係幾時,会唔会咁岩有人bingo左而有期給你.
 
 希望大家都好快自然成孕,慳$慳時間ma.

bettle,
 多謝你願意分響! 你放心啦, 我係一個比較正面的人, 所以你的分響唔會影響我, 但我真係擔心你, 同希望你唔好唔開心!
 我相信你細個時的經歷一定好唔開心, 以至影響你長大後面對問題時的反應, 如果你唔想自己再係一個咁容易灰的人, 你應該對付你的童年對你長大後的影響, 如果唔想搵專家, 可以自己買d書睇下.
 其實我以前都試過被男友拋棄, 非常hurt, 但到左今日, 我覺得要多謝佢當日離開我, 我今日先有個咁好的老公. 我相信每個人都有唔開心的過去, 只係佢地能夠放底同積極面對明天. 每個人面對唔開心的事都有唔同反應, 你的反應係消極, 很可能就係因為你的童年經曆同家人對你的影響. 相信我啦! 只要你能改變為一個積極的人, 不但你會開心好多, 連你老公同未來bb都會開心, 呢樣利人利己的事, 一定要去做呀!
 你而家唔好諗咁多, 安心做少奶奶, 我覺得你願意全職帶bb係好偉大架, 係香港地, 好多女人都唔願意咁做, 包括我, 所以可能因為咁, 有好多人唔明白你. 但我好清楚知道我唔願意全職帶我未來bb係我自私, 所以我真係覺得你真係一個好好太太同好媽咪.

oldj,
 好多謝你!!有人明白自己,心中感覺很好!: )
 你現在也是不用上班嗎?希望大家都快d有可愛小寶寶!!
 
 JK,
 多謝你既鼓勵&開解!其實我諗我天生係個悲觀既人,咁加埋發生d吾開心既事,個人會更加容易吾開心!!
 我其實真係好羨慕樂觀既人,至少佢地既人生會過得輕鬆開心一點!!我講"輕鬆"並不是指佢地一帆風順無困難波折,只係佢地有強一點既力量容易點捱過!如你所說,同一件事,不同人有不同感受,每人受壓程度,接受程度都吾同,有人會堅強地撐得住,輕鬆面對,甚至不當一回事,但在我呢種性格既人,就每每變成好難跨過既障礙,好困擾,人生經常弄至不開心,真係辛苦!不過真係吾係人人明白同一件事對不同人既感受你吾一樣,所以我經常會聽到身邊既人講:"人人都係咁架啦,又吾係得你一個係咁!"
 
 你吾好講到我係偉大啦,其實我都係自私架咋!我好鍾意小朋友,同佢地一齊時,我先真係覺得自己果刻係完全放開吾開心/牽掛既事!!bb最初幾年係最可愛既,所以對我來說,可以的話,我一定吾可以錯過佢每一個成長既片段!!好似我姪女最得意果陣碰上係沙士果段時間,我吾敢去睇佢,結果成段時間miss左,我已經覺得好可惜!!雖然湊bb會好辛苦,不過我諗辛苦得黎會好開心既!!所以講到底,我其實係為我自己咋! ^^
 
 花師奶,
 吾駛吾該!!多謝你安慰呀!我以前做野又係好吾開心,見到d不公平既人同事又會好上心!聽到你工作上既野都"鄧"你辛苦,你真堅強!!但記住保重身體!!
 
 至於你睇醫生果度,好奇怪喎!排到12月??@@我果時係4月尾同5月睇既,但我估應該吾關"咁岩有人bingo左而有期"既原因掛,我果次係同姑娘話我想要小朋友,但一段時間都未有,想搵醫生check下同睇下有無方法幫手,咁姑娘就問我經期幾時黎,當佢一知我剛剛果日黎經期,佢就叫我隔兩日要去睇啦,因為食排卵丸定吾記得邊個step係要經期黎第3日做!!你係點同姑娘講架呢?一係你直接搵一個叫Carol姑娘同佢講呀,佢好好人架,如果真係要好耐先有得睇,你"ai"佢安排早d俾你睇呀!結果點再話我知呀!!可能我遲d又要睇過都吾定!

hi beetle
 你的心情同感受同我太相似,其實我以前比你更嚴重
 我都係羨慕人地有樂觀的性格,但性格是生成的,但我們這些想法較negative的人通常感情較豐富同感受力強,係好感性架!係可以感受到生活的喜與悲,都是好處
 我有見過counsellor,她在我最低潮時扶了我上來,現在我雖然有時仍會鑽牛角尖,但會識得鑽一陣好走返出來同埋感恩。所以我十分明白你的心情,我是過來人,我的情緒問題甚至比你更嚴重,所以我都好建議你多做運動,用外來的方法stable自己的情緒同埋運動會釋放開心的hormones架,,叫你不要想太多很難(我也聽得太多)唯有用外來方法幫自己install一d使自己吾好咁悲的program

oldj,
 
 你明白我的心情真太好!!而家我身邊的朋友都無乜邊個明,所以都吾太想見佢地,有時自己靜靜地仲好!
 
 感性吾知係咪好事,我自己覺得我就凡事太上心,好似以前在公司,見到有些同事對其他人講些刻薄既說話,即使吾係話我,我都會吾開心,覺得點解有d心地咁差既人!
 
 好耐之前有份工做到好吾開心時,我都見過counsellor,不過我果個就吾太幫到我,見左一排就無見了!!
 
 運動我就真係無乜做,反而有時做下d興趣野!

beetle ,我好耐冇上呢度~你冇睇醫生喇?
 我都冇睇醫生lu過去6個月想生bb攪到情緒緊張生壓力瘡,又唔知係咪食中藥攪到內分泌有問題,所以咩都唔睇唔做(食生冷飲凍野都做返),所以一切等自己好返d先再諗!
 
 JK,係呀!好認同你講個個例子,有bb但bb冇左爸爸咁我寧願唔要bb,真係要珍惜當下,我仲成日話俾自己聽:壞事都有可能變成好事,未到最後都唔知係好事壞事!
 
 花師奶,
 嘩~~原來依家睇周醫生都要等咁耐喇..好似話轉左診所,周醫生同董醫生我都睇過,佢地都好好,不過周醫生有時cool d啦~
 
 jojo,唔好自己嚇自己啦~你啱啱開始..放鬆d就好易有架^^
 
 祝大家都快中"b"

bbiibbii,
 
 終於見番你啦!!^^
 
 周醫生轉左診所?你指搬左呀??係呀,我無睇西醫啦,好貴呀,諗住睇中醫調理下先再算!我都係間中偷雞飲凍野,天氣咁熱,有時真係好想飲嘛!不過都少左好多啦!豆腐都吾敢食太多!

beetle,
 咁你仲睇緊岑ec嗎?身體有冇好左?
 係BK 網見到話周醫生搬左診所呀~你今日day幾呀?下,原來豆腐都唔食得咩?
 我都成日食喎!
 我依家連苦瓜都食lu~~

bbiibbii,
 真係搬左呀?!都吾知添!!之前都無聽佢地講架?!
 
 係呀,我仲睇緊岑ec呀!咁我又吾特別覺得身體有乜分別呀!不過我之前除左間中頭痛外,身體又無乜特別吾舒服既!岑ec係話我什麼腎脈虛,子宮溫度低咁囉,呢d野有無改善到我都真係吾知!只係見佢吾貴,又吾駛我煲藥,所以就睇落去囉!
 
 佢叫我吾好食涼野凍野,豆腐都涼,所以吾好食咁多,茄子又吾好食喎,苦瓜更加啦!佢無叫你吾好食呀?可能個個人體質吾同啦!不過太涼既野你都食少d啦!我一向好鍾意食茄子架,但原來佢話對子宮吾好,攪到而家一d都吾敢食,好慘!!!

大家好! 我都想加入呀!
 我結左婚快3年,都31啦,係時候要生bb。但係我既經期超級唔準, 大約 35-36日,但一年總有2-3次係skip左成個月,上年仲試過2個月先黎。之前做過u/s, 抹片,醫生話子宮冇事, 係冇排卵或者有壓力,所以period會遲;所以我既機會又比其他人少d。我地都冇避一年, 可以m 唔準啦,咁耐都未成功好灰呀 >_<

beetle,
 岑ec 都有叫我唔好食涼野,仲要飲花膠湯+燉鹿茸呀!
 大家輕鬆放鬆d,就好易有架喇^^
 
 麥芽糖,
 如果你cycle唔準最好睇中醫調理下啦~你有冇試下用排卵紙check下呢?
 唔好擔心啦,咁仲會影響受孕架!
 祝早孕^^

bbiibbii
 我之前都有間中睇下中醫,睇過2個中醫都話我虛所以m遲。有朋友話m後飲八珍湯可以調經會準d, 我就呢個月開結試囉。
 我上個星期做左婦科檢查&同醫生講想生bb, 佢比左2個月排卵藥比我下個月開始試。我未試過用排卵紙, 不過岩岩買左諗住下個月食藥後驗下,希望増加機會啦。
 大家都努力呀!!

麥芽糖 ,
 咁你試下調理下身體再努力囉~其實你都係啱啱試架?
 唔好心急呀!好多人都話只要唔諗放鬆d就好易有喎!
 希望你用左排卵條對準日子一次bingo呀^^

bbiibbii , 今年頭開始冇避孕,但因經期好亂,我諗排卵有問題, 我都好驚我冇得生。今日day18 都未有排卵積像 >__< , 冇乜心機開工。

bbiibbii,
 我呢期都好乖架,個個wk都飲2次花膠湯,鹿茸都有煲過黎飲!但ec話都要調理8-9個月,當然有人會快d啦!!真係希望快d中!
 
 麥芽糖你好!
 我都係三十幾日先黎一次m架!同埋我覺得計好日子要開工對我地黎講都吾容易,有時真係吾係話開就開到,果刻好明顯係為開而開,攪到反而有壓力,影響mood!
 好似其他人咁,乜都吾駛計吾駛做,話咁易就有,幾好!

今日已經day43,用棒棒check左有下線,唔知係咪真呢?
 依家想book婦產科醫生check,但個個都要預約2星期以上,真係有d羅羅孿呀!
 
 beetle,
 唔好心急緊張就好易成功^^
 
 希望大家都有好消息

麥芽糖
 
 唔好擔心唔好驚啦~放鬆d先得架!

beetle: e家都睇開左d, 不過我又唔係年紀細, 唯有勤力d試啦。我下個cycle會食排卵藥。
 
 bbiibbii replied @ 2007-08-13 1:23 pm : 今日已經day43,用棒棒check左有下線,唔知係咪真呢?
 
 咁快有好消息, 好鄧你開心呀!!棒棒應該都準既,唔係再買第2個牌子試多次 ^^

麥芽糖,
 
 其實我試左1年2個月~~我今次係用d仔驗孕同萬寧買既牌子check,都有下線!
 不過我唔敢高興住,因為好想到婦產科check下照超聲波先安心!
 同埋之前我食左d藥驚影響左,所以好想快d check下囉~

如果真係 bingo 就好啦 ^^ 恭喜恭喜!!!!
 
 今日已經day43,用棒棒check左有下線,唔知係咪真呢?
 依家想book婦產科醫生check,但個個都要預約2星期以上,真係有d羅羅孿呀!
 
 by bbiibbii - 08/13/07 13:23
 ************************
 要甘耐既咩?? 我睇開個個 2 日前 book 定已經 ok 架啦.... 唔貴之餘仲好有經驗, 我身邊有 d 親戚朋友都有同感!!
 
 我今日月係 day 10 開個工 jar.... 但我懷疑我 day 11 排 egg, 唔知會唔會撞到呢?! hehehe... lee 排體溫都 keep 住 36.8, 無升跌, 不過, 要等多兩個禮拜先有結果.... 真係漫長!!

嘩,bbiibbii,你有聲氣啦?!希望你真係bingo啦!!你話你食過藥,食過咩藥呀??
 
 你係咪有打過去周醫生度book?佢搬左去邊呀?
 
 麥芽糖,
 我年紀仲大過你,我怕攪攪下變高齡產婦呀!