LV D sales 真係…….





  • 早排情人節諗住去買新款頭飾同耳環,去左幾間問, sales行完入去搵,出黎又話無!!


    想話留名有D比,有D又唔比,同一間 shop唔同sales做法都有唔同,多數都係話呢D貨無得留名架,貨黎即賣,先到先得,睇你唔好彩,好D既就話返貨少,waiting list 好長,暫時唔留名,衰D就真接寸,呢D限量貨好搶手,多數留曬比熟客買(所謂 VIP),以前仲聽過話有D太太小姐日日tea 完就入黎打過轉,就算唔留名佢地都可以一有即買啦。





    心諗,點解咁多揀客黎賣既貨,咁快去曬乜乜站! 飾物係,手袋又係,好多仲話全新添! 真係咁多高貴人買完即刻唔like,轉頭去二手店兜售套現?





    後來去左一間,一問即刻攞件貨出黎,比我睇睇,好啦! 有就買! 但點解另外有 shops 話全線賣曬既?





    呢間算好,之前試過買D野又係好多間都話無,但佢會有,又或者肯留名之餘,真係好快 call ,而且係無搵某個 sales 囉! 相反,有D shops 留完名(同一件貨),影都無理!





    唔知 shops D sales 係咪 keep 起D罕貨留比自己D熟客,有次我買件野又係買唔到,第二日同事竟然用緊,佢話 sales 留比佢,啱啱買!





    有另一間細D既都係okay ! 有次想買個出面炒到好貴既袋,諗住問問啦! 竟然有,sales攞出黎果時,另個 sales好似好奇怪,唔知同佢示意D乜,我聽到幫我攞野個 sales 好細聲,好似話個客買過幾次野咁,最後我都買左。





    買野多少都係客,VIP、熟客有優侍無可厚非,但對其他客,基本 services 都要有架嘛!




  • LV sales=早十年八年的港女





    VIP、熟客=有錢仔





    你、其他客=普通香港打工仔











    你唔like咪過主囉



  • 我用佢D產品,唔等如要 LIKE 佢D sales , sales 只係賣貨,令人客滿意係佢地既責任,唔係要客就佢D員工!





    LV sales=早十年八年的港女


    即係乜? 有乜關係? 邊個去邊到賣野都係收人工做野。





    係囉! 好多仲係二手店貨源添!




  • 係囉! 好多仲係二手店貨源添!





    我係話唔知邊D人,咁熟成日買到限量罕貨,但又放去二手店賣。




  • 因為要玩款, 所以二手店會有呢d袋.





    通常d sales會留比熟客, 由其係返貨極少的款同色, 佢地會call個熟客叫佢地睇咗啱唔啱心水先, 唔啱先賣.



  • LV D sales 真係…….





    寸過碼頭"姑釐",就算你有錢買,佢地都唔會賣比你.因為佢地 9 眼看人低.



  • 有冇去過巴黎香榭麗大道LV? d sales 寸過Hk 9000幾倍, 有個日本遊客去睇一個3-4呎大皮箱, 個sales望都唔望佢, 擰開塊面.





    我去揀手袋, 佢嫌我揀得耐好煩, 好唔老黎.





    d 人坐係度等試鞋, 根本冇人理佢.





    連d security都衰過人, 唔開門不特止, 會由頭到腳睇你d 打扮.





    呢d係真正既店大欺客.





    翻黎hk我覺得好好.


Log in to reply