我對相識一個月o既男仔有好感... 但唔確定人o地有無意思, 可以俾少少意見我嗎 ?

完全比人控制曬身心肉體靈魂…

anyway, happy birthday to u - Cathy!

CATHY

你諗得太多了。

之前我都經過你既階段，即係無啦啦個男仔好冷淡，咁我忍左幾日，忍唔住，msn問佢講我既感受，佢就話無野，亦從果日起佢無再揾我。

但係我唔覺得係我問題，我既性格就係率直，我朋友我既ex都欣賞我呢一點，如果果個男仔唔識欣賞呢個point，咁可能係性格唔一樣，唔夾，同我嚇唔嚇親佢無關。我無理由要為左一個男人改變性格，咁樣就無左自己。

想同你講係，唔好將所以野都覺得係自己既問題。

上個月我都有少少down，今個月已經有男仔追我了，我諗你都好快有了。

唔使諗咁多。

cathy,

本來好似好好, 仲對自己好好, 以為大家有發展既可能, 點知過幾日, 完全變曬, 冷淡, 又唔理我, 又唔搵, msn又唔講野...... 呢d我都經歷左, 見面時/msn時, 都好似仲想約你下次見面, 點知唔係o個回事! 呢d唔係你有問題, 係佢地有問題呀!!!!! 你話, 個男人追追下, 又縮番唔追, 唔係佢地有問題咩??!!!! 佢地唔追, 我地亦唔需要理佢, 唔開心當然有啦, 我都喊左幾次, 我唔想放棄, 唔想放棄佢, 唔想放棄愛人既機會, 咁佢唔係right person, 我點樣唔放棄, 都只會o徙我心機, 就算可以如願以嘗同佢一齊, 好快佢都會諗個藉口, 話同你唔夾, 然後走左!!! 既然咁, 不如唔好開始, 我可以將心思去搵其他target啦! 世事難料, 將來會唔會仲keep in touch, 會唔會改變, who knows???? 呢一刻, 係唔work就算! 每日都遇上咁多人, 唔係得佢一個可以有chance, 我寧願自己去搵過個, 好過等對方去回應我!

機會已經俾左, 對方收唔到, 大家唔o岩channel, 無辦法!

Cat, GG,

因為自己幾日前仲置身其中,

初時你o地點講我都唔係好想認同你o地講法, 當時真係唔好意思 ^^

過o左呢一個禮拜多 D, 我開始明白你o地講o既o野...

o個時我真係太投入, 唔想自己開o左個頭, 無端端放棄...

其實我都算有少少成功喇... 起碼個男仔拖過我手, 我都無o甘唔甘心.

禮拜日 send SMS 之後我都預o左有咩後果,

我亦都預o左本來講好 "下星期見面" 呢句o野永遠都無可能再發生~

總之今次我對得住自己, 我 send o左 SMS 之後真係放鬆o左,

其實我可以立刻 delete 個男仔o既... 不過都想過埋呢個禮拜先~

今個星期六我會照常出去玩, 再認識新朋友... ^^

仲有啊... 尋日我個 ex 凌晨 send SMS 同我講生日快樂..

有 D 突然.. 已經一年無 contact 喇... 拒仲話今日打電話同我傾 D 野...

唔知傾乜... 有 D 緊張...

cathy

尋日出左POST俾你的，唔知點解無左，打過一次啦。

都講過啦，唔好覺得係你自己問題，你SEND SMS過去，係隨心而行，係按自己既想法做，如果你扭曲自己去迎合佢有意思咩。

講下我既經驗，我前排又係識左個男仔，基本上又係日日MSN，跟住又成日出街，點知有次出完街，仲態度一百八十度轉變，我忍左成個禮拜忍無可忍。

我有評估過的，我知道我如果問清楚個男仔，可能佢會覺得煩，但係呢個先至係真實既我，我根據我既想法做事，佢唔欣賞係佢問題，我無必要扭曲自己。

hehe不過我呢排都有野煩，我一個識左十幾年既朋友同我表白。

我都好迷茫

GG,

Hihi~ 今日我拎左 annual leave~ hehe... 尋日本來打算飲到爛醉, 不過最尾都無~ 今日o係屋企 hea o下算囉 ^^

O... o甘你對你個朋友有無感覺...?

係阿... send SMS 呢個行為我無後悔過, 上個男仔屋企, 我都無後悔過,

呢三個月我無覺得"浪費"o左, 當我賺o左罷... 當有個型仔肯陪我拍一日拖 (表面上)!! =_="

我唯有o係往後日子再塭一個鍾意我o既人罷~

有好多時候我都係做緊今次我呢個 case 男仔o既角色...

之前幾次都係o甘... 分別在我無興趣就唔會 hold 住人o地o甘 pk...!!

唉~ 唔得喇. 今個 weekend 真係要出去玩下!!

因為係熟人，所以我好怕。

我份人又心野，我怕會傷害倒佢。

GG,

o甘又係...

話曬熟人, 同你表白得, 都一定好認真...

都係唸清楚好 D ^^

By the way, 有一樣好無聊o既o野想講,

我唸緊, 如果第時介紹男仔俾我o個個 friend 問起我同個男仔點,

係咪應該隻字不提之前曾經有o野呢...

早一排, 我曾經唸過... 向我個 friend 打探個男仔o既o野...

當然到呢個 moment 應該理性 D 要死心...

唉... 心情仲係o甘差啊而家... 發夢都見到拒囉 =.="

Cathy,

我果陣都好邪架, 真係連發夢都夢到佢...=.="

其實想自己快d放低今次呢個incident, 除左等時間去沖淡之外, 就係唔好再不停問點解?點解?點解?!! 你想要既答案, 你根本永遠唔會知道!! 我果陣夠不停同自己講, 佢工作忙姐... 第一個禮拜咁諗, 到第二個禮拜又諗, 佢可能今個禮拜都仲好忙頂喇.... 如事者, 一日一日咁過.... 講真, 到最後真係連自己都真係呃唔到自己...

其實咁都好既, 起馬真係睇清楚對方, 俾自己死左條心囉~~ 不過坦白講, 我都真係唔明點解依家咁多男仔都好似你果個咁??!! 因為我身邊好多女性朋友都同我一樣, 遇到呢一種男仔, 開頭會俾好多幻想你...互flirt.. 甚至再主動做某一d野.... 但係毛啦啦當你去到peak point既時候, 佢就會消失得無影無踪... 呢樣先係令我最無奈... 其實我同你都幾似, 我覺得啱就啱, 唔啱就唔啱, 何必要大家side咁多時間估黎估去喎...

GG,

想問下你, 你同你果個fd一路以黎個關係點架? (純粹好奇問下...=.=")

不過點都好, 我覺得最關鍵都只係一個point ---> 究竟你鍾唔鍾意佢呢?

Cat,

你所講既, 完全係我心聲呀!!

我其實都唔係果d斤斤計較既女仔, 我又唔係一定要d男仔死追爛追先開心既果種女仔, 我自問果陣都已經做曬我可以做既野, 之不過既然對方係要縮的話, 呢d野都唔到我控制囉.... 我亦都唔會諗係咪自己做過d咩而令個男仔有呢個決定... 我就係我, 我覺得一個真係care你既人, 絕對唔會咁樣對自己囉!

Gin,

係啦... 但最慘我表面上看來,

唔係o係 peak point 跌落黎,

而家成件事搞到好似係我唔 show up 搞到個男仔走左,

個波踢左過我度 @@"

不過算啦, 呢個係表面原因.

暗地裡~ 之後o個日就算我飛出去,見到面, 個男仔都可以走o既.

我要玩其實玩得起, 我俾多一兩年玩都得,

因為要塭過第二個需要時間, 亦未必有o甘好樣o既男仔送到埋黎...

因為呢個男仔o既外表, 我先唸左o甘耐.........................

走? 定唔走?

我都 send 左個 SMS 出去, 如果我繼續 say hi, 好似好 cheap... ^^

我都係儘量令自己醒覺好了...

Gin,

我同我個 friend 平時唔會講心事...

雖然識左年幾, 多數平時出去 clubbing, 飲野o個 D 先見面,

但我個 friend 同個男仔就好熟喇!

我真係好鐘意呢個男仔架.. 不過而家搞成o甘, 無辦法啦

我份人一路都幾膚淺, 揀對像, 外表第一, 內涵第二 =,="

呢個男仔仲要係我見過外表數一數二...

要我因為 "無原因" 而結束, 而放低, 真係... 肉痛

cathy

無原因而結束, 唔應該肉痛, 如果個原因係有第三者, 應該更痛!

你同佢, keep住做朋友, 有d難度!

我同佢, 只係普通朋友般, 所以無乜野! 亦因為當初我無投放太多, 所以少d感覺!

Cat,

今日個男仔好似無事發生o甘同我 MSN 講左幾句 (普通問候) =.="

呢個階段, 放棄的話, 我就完全唔可以再 keep contact 了..

再唔係就博多鋪, weekend 飲飲下野扮醉醉地打電話過去...!!

唉. 都係唔多唸呢個男仔喇!

我聽日同我 ex ex bf dinner... 一年無見, 生日突然打電話黎同我講左一個鐘!

之後約埋我食飯添... 但o甘耐無聯絡, 都仲係好多野傾...

哈哈你真係唔死心喎 !

Gin

一路關係都普通，幾年前熟過一排，之後一段時間好少CONTACT。

我諗我係唔鍾意。

Cathy,

唉...我都唔知點講, 總之你依家果種心路力程, 我之前都完全經歷過.... 其實有時有d野(尤其愛情), 都真係唔係可以由自己完全控制既.... 你今日可能放得低, 但係聽日又可能放唔低bor, 日日既心情總會唔同.... 又或者咁講啦, 你仲咁後生, 如果你真係覺得想做一d野咪go ahead囉, 總之你自己知道自己既bottom line就得~ (我都知咩都我講曬.... hehe)

加油喔 =)

GG,

可能又係我d直覺作怪啦... 人地同你表白, 從你字裡行間中覺得你都幾hesitated, 就估到你唔方鍾意得佢去邊.

我對愛情既睇法好簡單直接, 鍾意就鍾意, 唔鍾意就唔鍾意, 真係鍾意的話, 其他外在因素根本唔會係一個問題.

Rossi,

你同你之前果個target又進展成點呀? 真係冇行呀??

鍾意既話，我都追左佢啦

hihi

我剛剛才跟拍拖二日girl friend分手

feeling so bad

unhappy_boy

咩事? 講來聽下

呢2日因為發生左好多事, 令我有d領悟~

突然有個人話想同我發展, 我當然無提及, 我心裡面有個人, 知道佢有咁既想法, 我怯一怯, 我係咁想過, 原來又唔係o個回事, 我明白, 點解個男仔會縮, 因為怯! 亦因為, 佢只係打算了解下, 睇下點, 未去到下個step, 所以怯!

我因為一d事, 我搵左個男仔, 佢關心我, 我知佢好忙, 佢都無嫌我煩, 仲幫我! 我知男人做野, 就唔會去諗其他野! 我一直有疑問, 自己係咪鍾意佢, 直到發生件事, 令我好難過, 我打俾佢, 我反而開心左, 我知, 自己真係鍾意佢! 我無打算做d咩, 而家做朋友好舒服!

cathy,

你唔想嚇到個男仔以後唔見你, 我諗你唔好再做d咩!

你覺得同佢keep contact係comfortable, 就keep, 唔好諗住做d over野! 日後仲可能有機會, 如果你覺得值得o係佢身邊!

呢個係我自己既經歷, 曾經佢同我講想專注事業, 結果日日都搵我, 我無再提過d咩, 反而大家做到朋友, 佢亦好關心我!

Gin

冇左行好耐lu

Rossi,

啱先見到原來你留左msn係樹, 可唔可以add你呀?

Cathy,

點呀你? 今日同ex ex bf食dinner食成點jack?

GG,

鍾意既話，我都追左佢啦 <---- 我好鍾意你呢句呀~

咁你諗住點handle呢單野呀?

Cat,

我之前果個target都有同我講過, 佢自己d生意啱啱先有d成績, 加上忙到一腳踢, 所以佢都費事拍拖累左人... 其實我夠冇expect d咩啦, 係d男人成日以為拍拖就一定會俾個女朋友纏住... 我其實都只不過係想以朋友方式, 係佢身邊支持下佢姐....

Gin

你add 我msn就當然歡迎啦 !!

[email protected]

cathy cat

add 我msn 一齊傾啦

[email protected]

GG 同Gin 而家都同我一齊傾緊

係3人會議

等我又update下先

哩一排我同另一個中學男仔行得好埋，會係佢揾下理由約下我，我又俾d位佢入，我覺得咁樣先開心law，有interaction。

其實男仔唔係傻的，你俾左位佢入，佢地一定明的。

同埋我終於明其實唔關識唔識得耐事，係關有無feel事。

版主

哩個係我睇法，每個人必未一樣。我覺得

，外面一街都係男仔•你呢家覺得佢好好﹐可能只係一時既感覺。

無謂為左呢個人SIDE自己時間。

Dear All,

o甘遲先 reply tim~

不如等我講下我近況啦~

尋日我同 exex bf 食飯 OK ㄚ..

其實之前係拒同我分手 (2 年之前 lu) 分手時我 hurt 到爆..

因為當時一齊左年幾, 我 ex 話我唔夠投入, 覺得好辛苦 wor..

對上一次見面都已經係一年前.. 上次見面我都仲有 D 唔開心

當時我一路覺得自己唔夠投入, 所以失去一個男朋友,

不過今次見面已經 OK 喇, 完全無曬感覺 (因為個男仔出現左...)

大家仲 share 下感情問題添... 有少少搞笑...

我講左我 D 野俾 ex 聽, 我 ex 話好少見我用o甘多時間落一個人度,

我話.. 因為以前我唔夠投入鍾意一個人, 今次我咪投入 D.. haha..

拒話不如等件事攤凍一排再算啦.. 叫我遲 D 約下個男仔玩 PSP wor..

個男仔呢排都無乜 online, 可能忙掛! Who knows!

之後我同 ex + ex o既朋友去玩 PSP, 無左個男仔, 仲有好多人可以同我打機...

總之而家我打算攤凍件事啦.. 唔同個男仔聯絡住..

GG~ feel, 我同呢個男仔之前係有, 大家亦俾位大家入, 但親密過後, 因為大家都唔 confirm, 成件事就o甘 screwed up... 係... 我承認一出去玩, 一定識到其他男仔, 可能呢排我應該多 D 出去玩... o甘我好快就可以忘記呢個男仔 lu =,="

我估上面o個個係cathy~

gin,

係呀, 無錯, 係個個男仔都係咁諗, 一拍拖, 就會無左自己既時間, 因為之前識個男仔, 佢想拍拖, 又怕無左自己時間, 我知道所有男性都係咁諗, 未證實先假設!

GG,

有interaction當然係最好, 有時都有架, 係有時又停左落黎, 我諗係佢有自己野搞, 所以唔諗住!

識得耐唔耐......可以唔關事, 係了解夠唔夠! 有無feel.......都應該需要了解, 先知會唔會有發展!

我有個小學同學, 其實由小四至到我中五都同我同班, 我同佢一d都唔熟, 後來我知佢住我附近, 大家見到都無講過野, 超奇怪! 我地叫做識左好多年, 又其實係唔識既!!

cathy,

我好鍾意who knows, 我經常提自己既一句說話.

呢個時候大家都confirm唔到, 大家個心有reasons behind the story, 事情去到咁, 未必係壞事, 可能令到大家睇真d野, 我成日都相信, 係一個過程, 順住去, 總會有答案! 即使未必係走埋一齊, 都會令我有所得著, 可能為下個準備! who knows???

唔搵住都好架! 忘記左, 咪由得佢忘記, 要記起, 始終都會記起! 要識其他, 總會識!

Cat,

係阿~ 樓上個 msg 係我寫o架, 唔知點解 show 唔到名...

而家我對呢個男仔採取放棄態度o架喇, 要做o既我都做曬~

我唔會再 send msg 過去~ 我都無乜同拒好講喇~ 唔想再問幾時見面~

就等多幾個禮拜啦, 人地都唔會再塭我架喇,

如果件事攤凍之後, 我自己無曬 feel,

o甘到時我就恭喜自己啦, 如果自己仲係在意呢個男仔,

就嘗試下做返朋友囉..............................

我呢件事唔會再有彎轉喇

今日 MSN 個男仔同我 say hi, 傾o左陣

我多口問下, 今晚你去邊阿

之後, 對方一句 Whats the matter? 噠埋o黎...

我話無.. 多口問下o者...

之後又沉默o左

真係好憎呢種態度

所以

終於

我

delete 左個男仔喇

~ The end ~

hi. 我留意左你地傾計好耐了.. 不過一直都冇留過言. 見到cathy 話'the end' ,忽然間都想講下野...希望大家唔好介意我'插口'.

其實我e幾個月都有d類似既case,不過話似...又似唔曬...

話說我上年因為感情問題,得上情緒病..31/12/06,辛苦緊食藥既時候,同朋友落bar倒數,識左我朋友同事既好朋友...我對佢好有feel,同佢玩左好耐.不過我冇問題佢令電話. 一來知自己病,唔可以再點感情,2來覺得係bar識唔方好.3來想自己試下掛住一個'無希望'既人,當俾我記托自己開心下,快d好番...

之後1,2月我都不停諗住佢,真係好開心.我又問朋友令左張大合照,令左佢張相,我唔開心,冇野做就會令黎睇...真係好開心...

到左2月中,我問我朋友令左佢電話. 佢叫ar H. 我同佢當晚傾左3個鐘電話...3日後,佢係sms話我知佢係gf. 我係有唔開心,不過又覺得反正自己都未ready拍拖..同佢keep住傾計都可以好開心丫.

於是乎,我同佢3-5日玩一次sms,每次send3,4個,不過每個sms都有成百幾2百字... 我地大家都好用心去復大家..

直到今日,已經係2個月,我地仲係keep住sms來往,見了2次面,一次同佢d朋友落bar,一次單獨見面. 我地冇任何曖昧對話/行為,佢都冇佔我dd便宜..(所以我先覺得奇怪)

佢好忙的,一個月可能得一日假期...而佢gf好似長期都唔係hk(我冇問,問左我怕關係有變,會變得太複雜).

我同佢既關係好正經. 佢都好樂意講佢既家人,工作,朋友,俾我去了解佢. 佢都好記得我講過既野... 但係我又覺得我同佢發展既way唔係普通朋友....

我唔會做第三者(因為我覺得咁同斬佢gf一刀冇分別).. 我願意咁樣同鍾意既男仔相處..不過...我怕我咁做係唔岩..

大家覺得點?

nat

你覺得ok冇問題就得啦

最緊要係自己講過既野要算數

唔會做第三者

開心咪得囉

我本身都覺得冇問題.. 但係我又覺得e家咁既形式,對佢gf已經做成傷害. 不過要我停,我又覺得未有必要..因為我地真係一d曖昧都冇... 其實我都覺得冇咩值得討論,只不過我怕當局者迷,有d野自己忽略左..

Nat,

我覺得你地而家表面上都無乜問題.

唯一係 SMS 方面呢... 通常普通朋友就唔會 send o甘長o既 SMS ^^

只要 SMS 內容正經, o甘都 OK la~~~!!

當然, 你要經常提醒自己對方係有 GF, 唔好容許自己令任何曖昧野發生...

nat,

如果你自己係覺得無問題, 就唔會咁打咁長篇野啦! 你自己個心有無野, 你好清楚, 唔好呃自己! 晏d再講!

我終於拍拖了

個男仔係我有feel既中學同學。

就係果d識左十年，同班五年，住係附近，但夾埋無講過十句野果d。

見番三個星期就一齊左了。

戥你開心呀!

我都決心, 當佢係一個普通到好普通既朋友吧啦!

因為我真係好清楚, 佢唔關心我! 我要一個好關心我好愛我好錫我既人, 佢唔會做, 咁已經唔係我理想對像!

cathy, 我明白都幾難受, 我寧願佢有咁絕情既表現, 等我地都死左條心, 唔好再有咩希望! 佢令我過左一d難關架! 因為記得當初, 我為左要重新學習面對新既感情, 好大壓力, 而家......放開好多嘞! 咁緊張做乜呀, 人地一d都唔著緊!

nat

最重要, 都唔係我地覺得點, 係你自己覺得點! 你好清楚邊d你應該做, 邊d唔應該做, 做左, 又知道自己唔o岩!???? right!

你呢個case我自己都遇過, 自己有無野, 自己好清楚!

GG,

恭喜 ^^

Cat,

係啦... 我今次真係算罷喇, del MSN 係防止自己 send msg 過去o者 ^^

而家都第三個禮拜無 chat 無見面, 而家死o左心仲好...

之前妳地都見我唔死心, 成日唸下有咩方法再約個男仔...

可惜oㄚ, 我無o甘好耐性!! 我 D 恆心真係到此為止!!

有緣, 或者掛住對方, 終有一日會塭我!!

而家我唯有出去玩多 D 啦~ 剛剛過去個禮拜六成績唔錯, 多o左幾個新朋友...!!

我會努力!!

我都決定, 我同佢, 都消失在大家生活中, 一段時間之後, 我先再算! 正如你所講, 如果掛住對方, 或者會再遇上!

我就無你咁多機會識新朋友, 我好少去pub!

Cat,

係... 今次我真係好有決心... 因為我好清楚自己唔會打電話過去...

可惜唔塭唔等於唔掛念對方... delete 左 3 日咋... 個心蘿蘿孿...

返工個人都懆懆o地 X_X"

今次係我賴o野... 咩咩慣性約會...

而家到我見唔到拒, 會掛住對方...

唉...!! 都係早 D 訓, 唔好唸o甘多喇...

有次, 我將佢既tel no del, 唔再打俾佢, 唔再sms, 只留番個msn, 佢要搵我, 先會搵到佢, 唔俾自己有咩幻想, 令自己失守, 結果佢有日真係問我, 我話我無佢電話, 佢當然知咩事, 而且仲仍然有搵我!

所以, 有緣未盡, 自然會遇上, 唔需要擔心!

我有朋友, 兩個前過一面之後, 幾年後先再見, 都做左情侶!

有緣, 幾遠都會遇上~

Cat,

同意你講法... 所以無論有幾掛住, 我都唔可以再塭...!!

我只係知道個男仔仲有去我 Friendster 囉~ (大家依然o係對方 list 裡面)

個男仔要塭我, 可以好多理由... 打機, 電腦o野... o拿起手都一大堆藉口...

It's his call... not mine!

今日第 4 日無聯絡, 今晚我仲同朋友去悌 <十分.愛>, 超感動!!

我發覺自己真係比想像中更加鍾意個男仔. 好辛苦.

琴日我有d心軟

我已經blocked佢msn, 我自己亦無開, 琴日開左一陣, 有想過"解除", 又諗下咁樣無意思, 係要關心係要搵, 總有其他方法搵我, 何必為佢搵藉口???? 呢d唔係我要做既野, 我自己活得開心, 先係我要為自己做!

救命........ 今日個男仔 call 我

我同拒一齊 join 拒 D friends 食飯

拒一見到我, 又攬我, 拖住我, 話掛住,

之後, 又介紹我俾朋友識 (女朋友),

走o既時候又整個 goodbye kiss 俾我.

點算?!?! !!!!!!!!!!!!!!!!!!!!!!!!!!