女仔會唔會主動提議去男朋友屋企拜年？
-
-
拍拖兩年幾，我未見過佢屋企人，諗住藉新年主動提議去見佢屋企人，會唔會好核突？
-
拍拖兩年幾，我未見過佢屋企人，諗住藉新年主動提議去見佢屋企人，會唔會好核核？
緊係唔會核核啦！都兩年幾喇係時候現出妳真身喇，最緊要妳男友都同意咪得囉，放心去喇。
-
又好驚俾佢拒絕~~
佢好多親戚，新年幾日應該要成日拜年，會唔會阻到佢地？咩時間提出會好d?
-
版主, 無問題wor, 難得妳咁識大體, 又對對方家人有一份想了解既心同敬意. 不過點解兩年幾妳bf都未引見呀? 以前我拍拖時, 一年內已經見左架喇. 妳問問佢意見先啦.
-
初一就唔係咁好，初二就比較適合，都兩年幾佢可以用什麼理由拒絕妳呢，帶女友見下親戚及家人好正常喎，放心同佢講喇，妳係佢女友嘛，可能好快係就變做一家人喎，就今晚提出啦，妳話妳想初二去他家同佢家人拜年，我諗佢一定無問題的，順便係呢祝妳豬年快樂，身體健康，仲有就係蜜運成功
-
他昨天說過這幾天很忙，要見屋企人，親戚，佢的家族很大的，令我覺得佢地會好忙，根本唔得閒理我這個外人。
我其實好驚佢會拒絕我，我之前問佢拿屋企電話，佢都拒絕了我，何況見佢屋企人？
-
to: 8分音
很多謝你的祝福啊，都祝你生活愉快，身體健康，心想事成﹗^_^
坦白說，這段感情自問都付出了很多，總希望有收成的一天。雖然話不應計較付出，但不斷付出，一d正常甜頭都無，點都會令人有d唔開心吧。女孩子都想得到重視。
-
我同男友都拍拖2個幾
但佢都未肯帶我見佢屋企人
佢話佢媽好煩 好多野問
其實我父母已經不在
得一個姐姐 但都唔理我的
有家 = 無家
所以我好傷心 每次冬至, 新年都成日喊
成日想著佢掉下我
-
to: piglet
原來你的男朋友都是這樣。點解大家的男朋友咁似，你的男朋友做甚麼工呢？(好奇~)
最慘係大時大節佢屋企人會一起慶祝。而我屋企無慶祝這回事，所以大時大節，只有自己過，聽住佢話唔重視節日，但那邊廂佢又走去同屋企人慶祝，俾我聽到無癮到震。
-
bliss2 :
佢做文職, 放假同我一樣
有時我放假想佢陪都話要休息
平寺唔緊要
最慘係佢明知我一人仲要掉下我
你有冇同你男友反映下呀?
-
我男朋友的放假日不定，所以見到的次數肯定比你少。佢又無錢(d錢要用來還債)，所以都唔可以點出街。所以我經常估，如果我可以上佢屋企，我們便可以見多些，而消費又可以減少。但一日未見佢屋企人，這方法都不可行了。
佢成日問我不用同家人慶祝嗎？我說沒有，他聽了就算，仲叫我快D返屋企啦，之後佢就趕住返屋企同家人慶祝。@_@
-
咁我都算好
一星期都出到一次街 但有時得幾個鐘頭咁
我男友搵得都唔多....
佢今日有搵我 聽我把聲唔多開心
不過都癈事講 無埋由自已無人理又全怪釃佢... 都唔鏡意佢咁神秘
-
成日聽人講「各有前因莫羨人」，但我都唔係衰，都不斷付出，點解唔可以正正常常咁拍拖。好多時出街都係我出錢。佢話自己大男人，唔想出街成日要女朋友俾錢，故不想出街拍拖，一個月一次都可以。和他一起時，佢無講過佢欠債，到之後半年才知道。如果係大男人就唔好開始同人拍拖。我不介意，他反過來說介意無錢拍拖，咁想我點呢？唔好玩啦。>_<
-
版主, 聽你咁講有d 可疑, 點解你男友連佢屋企電話都唔肯比你? 又唔肯帶你見佢屋企人, 拍拖 2 年幾勒喎, 2 個月就話��, 你有冇懷疑佢有老婆 ...... 或者有另一女朋友
-
唔會啦，佢係同屋企人住。佢無錢無時間，都好難有女朋友吧。(係我唔知點解會同佢一齊)每次我打俾佢(知佢放了工)，佢都係在家。
-
bliss2
知道你的處境, 突然間覺得自己已經好好
(唔好誤會, 我唔係釃命)
起碼我男友無爭人錢
(以我所知, 佢好慳, 好識儲錢)
無不良嗜好 行為良好
出街雖然食平野 (通常快餐店或美食廣場)
無送乜野貴禮物 (咭都會有張)
但都脾氣好好 唔會對我差
你男友屋企電話都唔比你知就真係唔好喎
佢情人節有冇陪你?
-
第一年話無心情(佢當時財政上有問題)；
第二年要返工；
第三年要考試 (今年終於有朱古力送給我)-->第一份情人節禮物
-
講真, 你都幾忍得呀
無心情就唔一齊過, 話釃大家的第一個情人節嘛, 無錢可以食平野, 坐公園都好開心
我覺得佢唔太緊你 (唔好怪我咁講)
-
我拍左八個月，bf d家人、親友都見曬啦~
我覺得見唔見，視乎兩個人覺得拍得穩唔穩定，可以商量下o既~