你地點睇A同B?





  • A跟B兩個都係女仔,是超過十年的好友。


    A認識一個男仔,覺得好o岩B,於是介紹o左俾B識。


    在幾次團體活動後 (唔止佢地3個既活動),A問B對個男仔有無feel,B明確表示有。


    兩三個月之後,B知道A同一個男仔有曖昧關係,B問A個男仔係唔係自己有feel o個個,仲話係唔緊要,因男仔亦有權揀。A話唔係。


    再過兩三個月,B知道同A有曖昧關係的根本是o個個男仔。B好嬲,因為A講大話同每日SMS個男仔。A話最初真的對個男仔無feel。之後同個男仔一同做o的o野先開始有feel。講大話係因為唔想hurt B。


    你地點睇A同B?




  • 愛係自私架啦, 講先後, 都係 A 識得個男仔先, 而且 B 識左個男仔後個男仔又冇表示話鍾意 B (at least 呢冇講), B 自己又唔追 (呢度亦冇提), 咁 A 自己之後又鍾意個男仔, 採取行動都無可厚非。我覺得 B 嬲至多可以覺得 A 咁多年朋友唔同自己坦白, 但唔可以嬲人 "搶" 佢嘅心上人!



  • 如果我係B 既話,唔會主動追哩個男仔,但如果個男仔主動追既話會接受, 我就覺得唔係咁怪得A, 用A既角度諗,佢當初對個男主冇feel,介紹比B,係一個為B好既行為,而後來佢對A有feel我相信佢之前都冇諗過,問題係佢講大話,但佢講大話既原因都係唔想hurt B,咁如果B當A係好朋友既話,為乜要介意呢,人地當初介紹比B,係出於想B好嘛,既然係好朋友,何必咁在意呢



  • A 行為比較老土,但社會係現實,又怪唔落.可以講話神又係佢鬼又係佢.


    分析如下:





    a開宗明義介紹男子予b,給予b 一個希望.但又一手攞走希望.道義上有點老土.





    a之所以能順利靠攏該男,唔排除係借助b製造不少話題及機會,如果係真,那b 就很面懵了.有點被出賣之感.



  • 如能一起愛對方,發揮互愛精神


    a、b都是好女仔



  • A 行為比較老土,但社會係現實,又怪唔落.可以講話神又係佢鬼又係佢.


    分析如下:





    a開宗明義介紹男子予b,給予b 一個希望.但又一手攞走希望.道義上有點老土.





    a之所以能順利靠攏該男,唔排除係借助b製造不少話題及機會,如果係真,那b 就很面懵了.有點被出賣之感.





    by 說不上可恥但比較老土... - 02/15/07 14:56





    ↑嗯... 我有啲同意樓上嗰位朋友嘅講法, 因為講真, 我覺得呢樣嘢 A 都有可能有少少此料不及會鍾意咗個男仔, 可能真係好似樓上咁講因為 B 嘅關係, 所以多咗話題跟住發現原來佢哋都係對大家有意思, 其實唔係有心, 但 A 開頭唔話佢知, 係唔想B尷尬都係有啲無可厚非, 但再問之下都唔認就真係有啲老土, 因為, 到最後都係會穿煲.. 咁會令 B 好老土, 好面懵! 因為 B 都問過佢係唔係, 係佢唔會介意, 係FD就唔應該令朋友 B 難做, 我覺得就算係面懵, 都係因為A唔老實, 但我明A又真係好難開口嘅...


    至於 B, 我就覺得佢係嬲 A 唔講老實說話佢知, 因為 B 已經表明話唔介意, 但佢都唔老實, 咁B就梗係信個朋友架啦, 點知... 佢原來講大話, 咁可能中間呢段時間仲以為同個男仔有得發展, 就梗係可能會講啲冧嘢... 點知... 原來個男仔同 A 係處於曖昧關係, 咁B咪覺得好瘀囉~ 佢係嬲點解佢問 A 時 A 唔講, 咁咪唔會自作多情囉!



  • 站在愛的角度,A沒有錯;然而站在朋友的角度,A有問題,家下好似搞到「瘦田無人爭,耕開有人爭」,同埋最大問題係﹕如果個男仔主動搵A都算,但係A主動聯絡番佢,同埋…你明明同個男仔有d o野,就唔介紹俾人啦!好似玩人咁囉。





    我反而覺得B仲hurt。



  • 如果我同你都係男仔,有日我地大家行過商店,見到有條女售貨員好索,你見到個心好想溝佢,我知你冧佢,同你講話幫你溝佢,我可以好大膽咁結識佢因為有你做擋箭牌,我順利結識佢並不時同佢聯絡,藉口係想推介你比佢識,而我同佢就係咁熟稔咗,仲拍埋拖.





    你又覺得如何 ??我覺得有少少借人過橋之感.


    想像下.......


    我同靚女售貨員談及你,


    話:佢[係好仔黎嫁,係怕羞d 啫.]


    女售貨員:[佢唔係咁啱我,]


    我話:[但佢幾鍾意你喎.]


    女售貨員:[唔啱就唔啱,]








    當事人既你其實好面懵.......



  • 我同各位網友意見一致.





    雖然感情係無得講, 但A既行為的確係有令人嬲既地方.





    最唔抵爭係講大話, 既然已經曖昧緊, 又有FEEL, 咁點解仲要呃住B.


    B會有一線希望或者作進一步行動.


    咁到時先發覺原來你兩個一早知兼且有野~


    自己只不過自作多情兼俾老友"出賣"~


    咁人地B幾尷尬先得架~ 點落台??





    而且, 我唔排除A可能一開始已經對個男仔有好感~ 佢又左想試下個男仔對佢有無意思, 就主動話介紹女仔佢識, 咁佢地先可以試出對方心意.


    我識得有人係咁~ 希望A唔係啦~


    如果唔係就衰多2錢重~



  • 我之所以咁講,係因為我有過此經驗,我同我朋友行過一商鋪,見到一個好靚女售貨員,其實基本上所有男人都會覺靚,我係有少少怕羞,我朋友二話不說幫我識佢,同條女講話我覺得佢好靚又成,佢咁講令我一下子打住,因為自己底牌被揭露.場面非常尷尬,由於我成為談論標.所以我好難打開話題.


    整個局由我朋友控制著,期後順利得到該靚女售貨員電話,但由於並非我直接取得電話來源,比較難展開追求.


    相反我朋友開始致電予佢,並不時以我作話題,最後成功與女售貨員發展.


    在我黎講,我覺得被利用同時被醜化,成為她倆取笑對像............



  • 整個局由佢控制: 可唔可以話比我知你同你個friend最後點?



  • 整個局由佢控制 ﹕你好慘呀!陰功…





    我覺得A未必似你個friend個case,但係同意上面有網友話個女仔想試下個男仔。



  • 我估最後"整個局由佢控制" (簡稱 "整") 都係同嗰個男仔依然係fd, 因為佢話自己怕羞, 咁佢個fd又成功追到個女仔, 咁"整" 無理由因為咁而唔啋佢個fd, 男仔要面, 咁樣會俾人話小器, 所以就算"整"幾無奈都好, "整"表面都無嘢... 不過個心會唔舒服, 因為俾佢個fd利用咗!



  • 我不滿但無表現出黎,成皇敗扣(唔識打),佢响情場上出術,但現實總充斥呢d 人.


    最後我當然扮無野,但慢慢疏遠,你會話我小器但我唔mind,因為佢無顧我感受,用我黎作話題令我好難堪.


    我以後點面對佢地呢 ?你朋友知道你曾經鍾意佢女友,佢女友又知男友有個傻仔fd鍾意自己,你响呢件事係一個醜角.



  • 其實我都有少少同意DH嘅諗法, 都有可能想試吓個男仔 (我無諗到呢點喎又! 咁死蠢嘅又會!) 但係點講阿 A都係唔啱架嘞, 明明都有嘢嘞, B都話唔介意, 佢都唔認, 咁B會有認為自己仲有機會架嘛! 點知隔幾個月之後又 found out 佢哋咁, 即刻覺得塊面唔知放喺邊呀!!! 爆瘀! 咁我都希望阿 A 唔係咁嘅人啦, 如果唔係阿B就好慘... 識著個 fd 咁 (仲要識咗十幾年添!!! @___________@)



  • "整",


    明智喎! 慢慢疏遠係一個上策, 不過呢... 唔知係咪我個人衰呢, 我硬係會覺得呢... 你嗰個fd會喺佢女友面前話你小器, 而個女仔又會聽佢支笛喎! (奇人)


    咁你又啱喎, 會好似小醜, 好肉酸.. 慘!



  • 以我舊時做過後生女見盡ge情情愛愛, A 係借B過橋去加速個男仔表態, 如果自己唔係有野就唔使向B講大話, 再者, A期間更可以製造多d自己消失而令B 同果個男仔倆人ge相處機會啦......













  • 反正你如何都成個小醜咁啦,仲怕人笑你小器 ?對住佢地我會日日都成個小醜咁.成為一個大配角,不如識另一個新朋友啦 .




  • DH 既講法我都無諗過.


    問多個問題, 你地覺得B會唔會原諒A. 好似以前o甘friend.



  • 唔好意思, 我打得慢, 睇o黎之係佢地唔會再好似以前o甘friend.



  • A咁大條道理, B當然個心有刺都要大方扮無野啦, 皆因個男仔由始至終都無話中意拒



  • 我傾向b唔應該原諒a(當然係暗啞底啦)


    慢慢疏遠會好,唔需要再理佢地覺唔覺你小器,因為當初佢地一早唔理你感受,一早當你透明,一早當你小醜,


    為求令佢地良心好過d 扮 fd??做戲扮無野 ??何必要自己唔開心呢,


    明事理既人一定唔會怪你.



  • 我舊時都有好似A ed 『老友』架、我就係好似B果d, 俾d 『老友』 咁對過兩次, 係上面仲件事分兩般發生, 我只能怪我自己衰被動, 而我兩位『老友』就進取過我好多










  • 局外人,你個人睇法呢 ??



  • 其實…我都遇過差唔多case,但係詳細唔講,而最後我都係疏遇o左我朋友,雖則我地真係好老死。但係學「整」講,你夾響兩個人中間…唉…仲要我都係鍾意個男仔,可以放響面去邊?



  • 30太太: 之後你變o左?



  • 30太太,被動無唔o岩,我有時覺得好多o野係主動o既問題。好似A咁,點解你要介紹俾B呢?唉



  • 係囉!局外人你其實係咩身份?(八卦下遮)



  • 我傾向b唔應該原諒a(當然係暗啞底啦)


    慢慢疏遠會好......................


    by 整個局由佢控制 - 02/15/07 16:17








    同意!!


    話點fd點fd, 但被出賣ge感覺好難受,


    拒地就開開心心拖手仔, 但自己却是被利用完被取笑自作多情的ー個



  • 局外人你其實係咩身份?



  • 30太太: 之後你變o左?





    by 局外人 - 02/15/07 16:23





    唔明??



  • 唔好比我知你係a呀,我鬧爆你架.



  • 我覺得A唔o岩, 但好多人都講佢唔係錯曬, 所以post出來睇下大家點睇. 我無認過A係借B"過Q". 但我覺得佢有輸打贏要心態. 同到個男仔, 就無B都無所謂. 但同唔到, 就可以繼續同B 做 friend. 唔係佢唔駛講大話.



  • 路過: A同B既friend.


    30太太: 之後你積極o左


    整: 我唔係A, 我做唔出.



  • 唔做中、唔做保,唔做媒人三代好





    我估a初初想做媒人,之後卻鍾意�鱄茖k仔連佢自己都計算唔到��. 但,佢唔應該扮好心做媒人.



  • 我當時有諗:[整乜鬼你要x化我 ?搞到我响心上人成個傻仔咁,突然間我變咗on 99咁.溝女你用自己名義溝啦.]



  • 其實可唔可以話a本身對個男仔有好感,所以介紹比朋友. 跟住就鍾意�髐H. 而男人偏偏鍾意d咁八掛多事�鴾k仔.



  • 30太太,被動無唔o岩,我有時覺得好多o野係主動o既問題。好似A咁,點解你要介紹俾B呢?唉





    我覺得A係對個男仔有好感, 但唔直接問又無辧法知道個男仔中唔中意自己, 咪冷好心咁話介紹俾B lor, 個答案出嚟ー定有三個結果 --> 結果1. 快d試到個男仔中唔中意自己 --> 結果2. 若唔中意自己, 咪當益個fd (B) lor ---> 結果3. 兩個都無feel





    我覺得A係有私心架喇, 無feel 會日日sms 個男仔....??



  • 局外人,





    我唔係A果種人, 做唔出咁奸



  • 我信阿a就有心利用b去吸引男仔.


    希望b會放得低,然後夠自己去識另一個更好��.



  • 我agree, a係有私心.



  • 試下個男仔/ 迫個男仔表態





    --> 你地無諗過呢一點, 因為你地都遇到好人呀!!! 可喜!!!





    我試過有個女仔朋友, 佢有個男仔追佢, 佢唔鐘意人, 想推俾我, 但人地明明係鐘意佢架喎~!!


    咁佢究竟當我同當個男仔係咩呢??


    好奇怪!!!



  • 我話似A的其中ー位『老友』舊時有同我講過話『愛情就係自私架啦..............』



  • 都好, 原來有好多人同我睇法一樣!



  • 我試過有個女仔朋友, 佢有個男仔追佢, 佢唔鐘意人, 想推俾我, 但人地明明係鐘意佢架喎~!!


    咁佢究竟當我同當個男仔係咩呢??


    好奇怪!!!





    by DH - 02/15/07 16:46





    哈哈....係呀係呀.......我見過ed 小學生行為呀



  • 但呢個世界真係有好多人認為『愛情就係自私架啦..............』亦真係好自私.




  • 我試過有個女仔朋友, 佢有個男仔追佢, 佢唔鐘意人, 想推俾我, 但人地明明係鐘意佢架喎~!!


    咁佢究竟當我同當個男仔係咩呢??


    好奇怪!!!











    呢d 行為係發自內心,代表佢認為你質素在佢之下.呢d 人好有自信,相信係幾靚.但無品.







  • 咁佢究竟當我同當個男仔係咩呢?? ---> 佢竟當個男仔係『洪水猛獸』



  • 咪係囉~


    我心諗, 雖然我係單身無人要, 都唔洗咁呀??


    個男仔追緊你架喎?


    仲有, 你當人地係貨呀? 推黎推去~


    傻傻地~