你地點睇A同B?

[整個局由佢控制]

愛情就係自私同借人過橋係兩碼子事,你咁做係攞大家友誼做注碼.

[maymay]

自私,無問題. 但唔應該hurt到人,損人利己,好黑心.

[DH]

你岩呀~

佢係一個靚女, 不嬲多人追~

就係咁囉~



"代表佢認為你質素在佢之下"

---> 雖然事實如此(外表上), 但希望佢唔係咁諗啦~~

[旁觀者]

30太太,

其實我都有少少覺得奇 (如果真係介紹俾人, 點解又毫不避嫌咁sms人!) 我之前都無諗過呢點呀!!! (因為我做唔出喎, 咁鬼尷尬!)

嗯嗯~ 都係30太太講得啱, 我開始都覺得 A 係借人過橋! 因為我啱啱諗到... (死! 唔記得諗到啲乜添!) (啱啱又醒起) 佢唔講實情, 係因為唔想 B found out到佢目的原來係本身就係想借佢過橋呀!!!! (係唔係咁呀? 30太太, 我想知呀!!!!)

[旁觀者]

DH,

"代表佢認為你質素在佢之下"

---> 雖然事實如此(外表上), 但希望佢唔係咁諗啦~~ ← 恕我直言~ 你同你嗰個 fd 有幾fd呀? 因為... 我都有少少係咁諗喎! (唔好意思!)



同埋呢, 我認同佢都係諗住如果同到個男仔一齊就唔會理個fd感受! 好衰呀! 所以啊, 局外人, 我覺得b真係應該好似30太太咁講, 慢慢疏遠佢, 一啲都唔當我係朋友 (連最基本尊重都唔會), 我都無需要當佢係朋友! 佢都唔理我感受咯~ 我都唔需要理佢感受! (唔係要瘀佢, 只不過係唔需要再同佢咁fd囉!)

[3P]

大家唔使爭喎



3P 咪得囉

[焗礙仁]

其實我覺得，A 又唔算點樣錯

只係佢個處理手法唔好

佢唔應該講大話呃 B



其實如果 A 同個男仔最後係一齊，都會俾 B 知道

咁樣最後一樣穿煲，咁點解要呃呢？

[30太太]

旁觀者,



其實 "整個局由佢控制" 上面已經講左, B成為 A與果個男仔之間ー個共同ge談論話題、就算做主動去contact個男仔都已經不需要避嫌啦嘛.....呵呵!

[路過]

我覺得呢d都唔算衰，最衰當有人話佢衰果時，佢就會話﹕咩遮！我為佢好咋！



呢d先最賤，拿o左彩仲要話人。

[局外人]

旁觀者: 我相信B做緊疏遠A呢樣野.

焗礙仁: 所以我覺得A輸打贏要羅!

[路過]

局外人，我又想八卦下結果B有無疏遠A？

[路過]

B梗係咁做啦，講真，唔通真係仲要佢兩個結婚的話祝福人咩！一般人都做唔出啦！

[旁觀者]

我都試過一個case, 我呢個fd, M, 我識咗佢十幾年.. 唔算係最 fd (best fd) 嗰個, 但都係入於我最fd嗰渣, 我同佢好奇怪, 因為我靚過佢, 好多時我同佢一齊識一班人, 啲男人個target會aim我先, then 如果其中一個男仔追到我, 咁就會轉移目標追佢 (好老土, 一定要追到其中一個架咩? 無女會死架?) 點知幾年前, 有一次我識咗個男仔, 同我拍咗拖, 跟住我嗰陣個男朋友約成班fd celebrate我生日... 跟住M見到我男朋友幾靚仔就鍾意咗佢 (但我男朋友唔鍾意佢, 覺得佢唔靚← 我男朋友講! 我一路都唔知道M鍾意我男朋友) 有一次俾我知道我男朋友對我唔住 (唔係同 M, 係佢前女友), 我將件事話俾M知, M嗰陣仲同我講話我男朋友好賤, 想打巴佢 (呢件事我話咗俾另一個 fd, E知道) , 點知我同男朋友分咗手之後, E 知道咗M有同我舊男朋友同埋啲 fd出去遊船河... (M當時仲叫 E 呃我, 但係E話曬成件事我知, M仲同E講話 :"係你[E] 同旁觀者憎佢之嘛, 我同佢有偈傾架! 咁 後尾係 E 提番我話M曾經都話我男友好賤!!! 我都唔記得M有咁講過....), 之後仲喺E 口中知道佢同咗我舊男友一齊添... 我知道成件事, 無諗住審佢, 只係諗住佢會自己打番電話俾我解釋 or 扮無嘢.. 點知... 佢一個電話都無打嚟... 後尾.. 就無再點聯絡lu~ 既然人家都唔當我係fd, 我亦無需介懷佢仲當唔當我係fd囉!

↑ SORRY呀... 你哋明唔明呀? 我表達能力唔好呀....

[局外人]

路過: 我相信有.

[局外人]

旁觀者: 你好慘.....

[旁觀者]

30太太,

B成為 A與果個男仔之間ー個共同ge談論話題 ← 但係唔洗講大話, 所以我認同你... 佢係有心咁做! 老鬼土!



路過,

焗礙仁: 所以我覺得A輸打贏要羅! ← "輸打贏" 即係點解呀?

B梗係咁做啦，講真，唔通真係仲要佢兩個結婚的話祝福人咩！一般人都做唔出啦！← 我覺得個 main point係.. A 唔老實, 可以搵B商量點先可以令個男仔表白, 而唔係借佢過橋囉! 咁樣A都唔當B係朋友囉! 好衰!



我依家有個fd, 佢有咩事, 想點樣去追個男仔都會問我意見, 而唔係借我過橋, 咁大大方方承認先係架嘛! 呢啲先係fd!

[局外人]

因我覺得A心態係同到個男仔, 就無B呢個friend都無所謂. 但同唔到, 就可以繼續同B 做 friend. 所以佢講大話. <=輸打贏要心態

[局外人]

我要走先, 多謝大家意見! byebye!

[旁觀者]

即係我唔係扮清高, 扮勁! 我以前成日都以為自己係重色輕友嗰種人, 但當時我聽到 E 話我知 M 同我男朋友去遊船河嗰陣 (佢哋嗰陣仲未一齊!) 我仲同E講驚啲我男朋友啲 fd 當佢唔正經女仔, 會搵唔到好男人 (佢係wet妹, 但佢之前個男朋友衰, 所以嗰日我生日我特登叫佢出嚟諗住我男朋友可以介紹啲男仔fd佢識!).. 嗰時我仲幫佢擔心緊.. 諗番都覺得自己戇居! 跟住以後落嚟, 我發現我啲fd啲嘢, 我仲上心過當事人, 連我自己同我男朋友有問題我都唔理, 淨係識得擔心個fd... 所以... 我好失望... 原來我擔心人嘅同時, 人哋未必會appreciate 你架! 真無奈!

[旁觀者]

因我覺得A心態係同到個男仔, 就無B呢個friend都無所謂. 但同唔到, 就可以繼續同B 做 friend. 所以佢講大話. <=輸打贏要心態



by 局外人 - 02/15/07 17:29



↑我明局外人嘅意思, 但我唔明嘅係... 如果下次有咩情況... 我先可以用呢個字, 因為我好似都係唔係好明個exact meaning... 但我明局外人解釋咩我知喎! 有無人可以教吓我呀? 唔該!

[30太太,]

旁觀者,



哈哈....只可講句M 思想幼稚, 乜都唔理, 極度喝望溝靚仔型男

[30太太]

但M 都算係咁啦....當時無响你同你男友ge進行中搞事搞非, 可能明知自己唔係你對手/你男友又無俾位拒入啦, 哈!

[旁觀者]

我淨係覺得... 點解要呃朋友喎!? 講真, 我會覺得女仔比較感情用事, 所以鍾意咗都唔出奇, (唔係有心撬 or 成日都係咁嘅話!) 我覺得係可以理解嘅.... 但係理用朋友同呃朋友就真係好不要得!

[旁觀者]

30太太,

咁你都講得啱, 但我男朋友係唔會理佢架嗰陣! 不過, 我只係唔明, 點解要講一套, 但做就另外一套囉... 我個人戇居啦可能! 我唔鍾意咁!

試過好耐之前, 我哋都係十幾歲嗰陣, 有次M男朋友襯M行開咗嘅時候, 想咀埋嚟, 我嚇到閃開... 我好耐都唔敢話俾 M 知, 淨係成日有意無意咁話俾M知佢男朋友唔好...我係喺隔咗好多年先敢話俾佢知, 但佢唔信.... @___________@

[焗礙仁]

我唔知啦

可能 A 真係唔想 hurt B，唔知點做之下先咁做（呃佢）

但佢睇得唔夠長遠，如果睇長遠d 就知係唔work 既

所以我話可能只係佢個處理手法唔好

[Editor]

港女 only make troubles, nothing else.

[.]

b被擺了一道,但啞子食黃蓮,有苦自己知,

[1326]

愛情冇分先後

[旁觀者]

我其實係想講, 我明明哋點解 B 第一次問 A 曖昧嗰個男仔係咪 A 介紹俾佢嗰個, 就算 B 話唔介意, 但A都係唔認, (如果真係好似 30太太所講 A 係借 B 過橋嘅話!) 係因為阿 A 如果認咗, A 驚 B 會識穿 A 晨早就唔係真係諗住介紹個男仔俾 B 識, 而係想借佢過橋, 你哋話會唔會係咁呢?

但我仲有一個問題, 其實如果 A 真係想試個男仔鍾唔鍾意佢, 咁點解佢唔開口叫 B 幫手(話曬都識咗十幾年, 都有番咁上下感情啦!), 而係搵 B 過橋呢? 定話係 A 個人好唔成熟... 所以用啲咁橋呀? 因為好似我個 fd 咁, 佢唔知個男仔鍾唔鍾意佢, 佢只會問我用咩方法先可以知道個男仔係咪鍾意自己, 乜fd唔應該係 to share 同埋一齊去解決辦法架咩? 我唔明點解友情可以咁脆弱? 可以為識咗一個無耐嘅男仔而放棄十幾年嘅友情. 30太太, 你點睇呀?

仲有我想問一問"局外人", A 同 B 幾歲架?

[turkeyindia]

B 同個男仔根本無一齊過, 所以大家都只係朋友, 有咩火花都唔係咩一回事.



時代唔同喇, 個男仔要邊一個, 就係邊一個女仔優勝D, 亦係大家投緣, 口味相近, 先可以互相吸引.



B 如果知個男仔唔視佢為target, 咁就做下朋友算喇, 無謂咁難睇丫. 香港有好多男仔, 放心.

[(火羅) 人阿A]

我覺得阿A 行為及朋友上好�b

感情上冇話錯或對

總括各方面都係(火羅) , 即係上面有人所講好老套



以我自己為例, 除非呢個男仔, 我有百分九十以上絶對冇興趣, 亦相信同呢個男仔有可能, 亦十分唔夾

咁我先有可能<<(刻意)<<做媒人, 介紹比朋友



事實上, 我亦不喜歡做媒人, 所以我就冇發生咁既事喇, 除非想玩嘢啦

[cola]

don't understand why most of you assume that A 借B過橋, it could also be possible that A has told the truth - she didn't have any feelings for the guy when she introduced him to B and later on when B confronted her, she's too embarrassed to admit/didn't want to hurt B.

[局外人]

A同B都係25歲以上, 30歲以下既人. 我唔知A有無借B過橋.我無法知. 問A實話唔係格! 但有無都好. 其實我覺得A會甘願放棄一個朋友, 而嘗試同一個未必可以係一齊既人發展, 已經有問題. 係, 愛情係自私, 但A又是否太輕易去選擇愛情而放棄友情呢? 是否代表佢根本不重視友情呢?補充一句, 其實A同個男仔宜家都未正式開始.

[旁觀者]

但A又是否太輕易去選擇愛情而放棄友情呢? 是否代表佢根本不重視友情呢?補充一句, 其實A同個男仔宜家都未正式開始



↑我認同A係"博一博, 無頻撲" (wakakakakkaa~ 講得好衰!) 咁其實 A 都好戇居喎~ 到依家都未同個男仔開始發展! (借問聲, 佢同個男仔依家曖咗幾耐時間嘞? 都好似好幾個月, 甚至有半年架嘞喎!)



cola,

It could be true that A didn't wanna hurt B at the first place, and A didn't like that guy when she introduced him to B, but the reason i think that A did that on purpose was because she could have leave more space to B & dat guy alone, instead of SMS with him everyday, she could have prevent being ambiguous with him if she really want B to start a serious relationship with him. rite? Maybe my theory ain't absolutely correct, but the thing that A did couldn't stop us to think that she did uses B to test that guy.

[局外人]

曖咗幾耐? 實際時間就唔肯定, 但幾個月一定有.

[旁觀者]

局外人,

咁曖咗幾個月都算耐啦! 都未發展... 窄窄哋... (好失敗, wakakakakakaka~)

[局外人]

唔知啦. 未到最終都唔知結果係點. 不過宜家聽左多人意見, 幾肯定A做法有問題. 我諗我都係少d搵佢好d.

[B+]

點解咁多人都用陰謀論去諗人呢??

睇得簡單d唔得咩??

如果單憑一件事件就斷定A係有目的, 為人有問題, 咁對A實在太唔公平, 要睇一個人應該係睇佢平時既行為同品格, 換轉你係A, 比人係背後咁諗你你會點? 比我會寧願做傻仔都好過冤枉好人

[旁觀者]

局外人,

我開頭都有覺得可能 A 係真係怕 B hurt, 所以第一次問佢都唔答 (即係好似我提我單 case 咁), 但唔記得邊個提過, 如果佢真係有心想 B 同個男仔發展, 佢應該 stand back 同埋避忌吓唔應該同個男仔係咁 SMS, 而等B 同個男仔多啲機會相處先啱, 同埋我認為, 識咗十幾年, 既然 B 都開到口話唔介意 (因為個男仔都無表態), 咁佢都仲要唔認, 跟住繼續令到 B 誤會自己仲有機, 最後 B 識穿 A, 咁諗諗吓, 喺 B 問 A 同邊個曖昧至到佢揭發相時, B 中間嗰啲時間對個男仔所做嘅嘢, 諗番都覺得面懵啦! 俾我都嬲啦! 即係朋友間唔坦白啦!

[旁觀者]

純粹個人意見 : 可能我個人較直, 唔太鍾意轉彎抹角, 所以如果真係朋友問到, 而我同個男仔又未正式發展, 我都會認... 不過講明, 邊個同個男仔一齊都好, 都唔應該傷感情囉! (雖然說易行難, 不過我唔想咁就無咗個十幾年嘅 fd, 好可惜, 何況呢個世界... 有好多好人, 未遇到可能真係時機未到, 或者我無呢個緣份... 恨都無用!)

[整個局由佢控制]

整個討論大家爭拗點在於a 講大話,但我覺得重點並非a 講大話,稍後再作分析.



我想表逹b現況是[啞子食黃蓮,有苦自己知],佢唔可以責怪a,因為一旦責怪即會惹來類似某d 網友咁評撃,如:

[該男都無承認冧你,你憑什麼生氣 ?]

[愛情無得勉強,你唔能怪你朋友a.]



其實b真正覺生氣的地方並非唔能夠成為該男之女友,而係:

1)因為被他人利用了.

2)朋友a硬銷之手段亦醜化了b.



事件真正重點在於a最初有否對該男存有好感,有否想過成為該男之女友.

但這個a是否認的.



想要知道真相,

要看a當時有否男友?

有否意中人?

該男是否普遍被認為條件不俗 ?

為何a 要介紹該男予b?

是該男要求a介紹朋友給他認識?

還是a主動作雞仔媒人 ?

還是b主動要求a介紹男性友人予她 ?這全都是重點...



如果a 主動作雞仔媒人,說明了她本身認為該男條件不俗,因為------你會介紹一件垃圾予你的朋友嗎 ??



如果a本身真對該男有興趣,但不知如何接近該男,藉介紹友人b而製造不少話題及機會,最終成為戀人,那b就成了醜角.亦肯定被利用了,

[好奇x2]

DH

咁你有冇都一樣疏遠你朋友呢?



其實a開始想將個男仔介紹比b既時候, 咁一定會對男仔話"你對b有冇意思?" 如果個男仔話冇, 都係一句姐... 點解仲可以用b黎同佢熟... 仲sms

好明顯a係立心不良

[整個局由佢控制]

假設你係b,你會好尷尬,因為你被人硬銷,你好難好自然咁接近該男,你唯一可以做既係睇對方是否對你有興趣.

想像下a與該男談及你,a不斷硬銷你

[佢係好女仔黎嫁,又乜又物.......]

男:[我無興趣]



身為b既你好似被醜化成無人要,好恨拍拖般...





a藉推介你為借口可以自然地接近男,可謂[進可攻,退可守],男方表現冷淡,出醜的係你.身為b甚可不生氣 ??

[人心]

B問A係咪like個男仔,A否認,係咪因為佢同個男仔未實,如果唔埋冷仲可以當乜都冇發生過,照樣面对到B.同埋佢跟本心有鬼,心虛而否認好正常.



有D所謂朋友,表面上好為你,背後攞你做笑柄

[Cathy]

我覺得A介紹得比人識, 就當正人地明草有主la,諗清諗楚先介紹比人識la, 就算後來A真係對人有feel, 都應該暗示比B知, 費事佢希望愈大,失望愈大la

[路過]

我覺得如果件事單純係A同B都識一個男仔，但係個男仔鍾意A而B又鍾意個男仔，好典型係一個三角戀關係，即係好似上面有人講「愛情無分對錯」。



問題係﹕A一方面介紹個男仔俾B識，而另一方面又"門"住B去SEND SMS俾呢個男仔。



衰D講句，真係好人又係佢，衰人又係佢。



好難唔令人諗起陰謀喎！講真，係A介紹個男仔俾B識，A如果真係單單純純咁真心介紹，好應該為佢地製造機會而唔係SMS囉。

[agnes]

睇完後我覺得要了解.

a同該男識咗幾耐?本身係咪好熟?如果大家其實本身唔係咁熟,但因為呢次所謂[介紹]而走埋一齊,咁的確係以[介紹]做踏腳石.



同埋想知究竟該男仔係咪好正 ?如果正 ,點解a會自己唔要 ??佢單身定點 ?

定係如其他網友所講以[介紹女友]作為藉口借故親近夢中情人?



a有幾賣力為b 製造機會 ??

[agnes]

a 好賣力咁send sms但並無好賣力咁造機會,似乎本身一早對正仔有興趣.

[Cathy]

我覺得B都幾可憐, A好心做壞事

[agnes]

a 未必係好心,可能係私心