無良商店於情人節呃人 !!!! (各位請務必注意)





  • 無良商店於情人節呃人 !!!! (各位請務必注意)





    本人男友於網站 http://www.easyflowers.com.hk/index.htm 訂購12枝白色百合花, 於網上填寫訂購表格後, 再經網上提供既付款方法付款. 此間公司的聯絡人更致電予我的男友確認收妥款項.





    但二月十四日當天, 此公司並沒有把花送到指定地點, 多次致電此公司, 但之前提供的三個熱線電話均未能接通 .





    其後我在其他的討論區, 發現被騙的人不止我男友一個, 很多人都有相同的經驗.





    他們的公司名稱如下:





    Pointer Marketing & Exhibition Co. Ltd.


    龐達市場推廣及展覽有限公司


    電話: 21157540 / 21580147


    傳真: 30074840


    電郵: info@easyflowers.com.hk


    地址: 上環德輔道中244-248號東協商業大廈6樓





    營業時間:


    星期一至星期五 (9:30上午 至 6:00下午)


    星期六 (9:30上午 至 1:00下午)





    此公司更有刊登廣告於 "一本便利"的青雲路...





    我今天經電郵再希望嘗試聯絡此公司, 希望得到退款, 我明知要此等無良商人退款是難過登天, 但甘願一試.... 我亦以去信"消費者委員會"投訴, 各網友, 你們還有更好的方法嘛??





    我知道我要為在網上發表的言論負責, 所以倘若此公司的有關人士看到此留言認為與事實不符, 可留言與本人聯絡.





    (有種的話, 可採取法律行動告我, 但你們此等豬狗不如, 不負責的無良商人, 縮頭老鼠電話都不敢接..... cheap cheap cheap!!)




  • 上網買花,算好彩


    買樓花就大劑



  • 幫你 Push



  • Yes, 一於告�





    SUPPORT



  • 好心買花就去花鋪買la, 起碼人地成間鋪棟係度, 唔會走左去.



  • 有d人朝九晚九,點去買?





    好心d人唔好咁無良搵埋d咁o既錢啦!





    告佢!



  • 哈哈~~


    睇到你個po笑左出黎, 因為我 朋友又係o係樹訂左花俾我, 其實我一早估佢會送花俾我, 但尋日遲遲未收到, 我亦冇打算問佢.


    點知收工有個男人打俾我, 話而加送緊花黎叫我唔好走住, 佢黎到, 我黑曬面, 我話點解咁夜先送黎架, 佢話佢一個人要送40個order喎~


    但我office在tst啵, 點解都要等到6點幾呀?


    呢間花店真係過份, 遲左唔緊要, 問題係d花謝曬, 可能在車內焗得太耐啦, 又唔識包花, 一束花50-60支, 俾佢包到好似一打咁大束所以d花迫到謝曬又甩皮甩骨....




  • 本身我都唔知佢間店叫咩名, 係佢地張卡寫埋自己店名.


    p.s. 佢地張卞幾靚. 哈哈~



  • 哈哈~~


    睇到你個po笑左出黎


    by 粉絲 - 02/15/07 12:32





    我想問有咩咁好笑呀, 你係笑人收唔到啲花而你就收到呀?



  • 呢間花店真係過份, 遲左唔緊要, 問題係d花謝曬, 可能在車內焗得太耐啦, 又唔識包花, 一束花50-60支, 俾佢包到好似一打咁大束所以d花迫到謝曬又甩皮甩骨....


    by 粉絲 - 02/15/07 12:34





    呢條八婆擺明就係曬佢果窄花有成50-60支啦



  • 有d人朝九晚九,點去買?





    好心d人唔好咁無良搵埋d咁o既錢啦!





    告佢!





    by 咁又唔係咁講 - 02/15/07 12:22





    咁禮拜六/日 甚至lunch去買都得la,始終網上面買野冇咁安全



  • 又係呢間野???


    佢舊年話以惠價590可以有99支玫瑰花!!!


    我去年仲係男友的老公貪方便訂左。


    佢份工朝9晚9,又係新市鎮返,無乜時間訂花喎。


    仲話諗住等我係未婚最後一個情人節收返一大束等我難忘。


    結果???又係話架貨車有乜乜物物問題,影都無呀。


    佢地果時有間office係灣仔,我又係灣仔返工。我老公嬲到屎!!!!貨車有問題??你行都行到去啦下化???


    我老公上午打去話午餐時間有,到下午打去就電話去都無人聽。


    後來,好似幾日後先可以去退錢,仲要係排隊排親死先拎返cash走。





    忽發奇想,佢連續2年都係咁接左d訂....又無花送...其實背後想攪乜???



  • 我講下上年既case先:


    原本我上年無諗住買花俾女友,咁到13/2果晚, 岩岩做完野, 行經cwb一帶, 見到一間好細既花店(樓梯口既鋪), 咁見到呢間d花包得幾靚, 米試下問下重會唔會接order囉, 因為當時已經成9點半-10點架喇, 見佢地仲埋頭苦幹咁包緊, 米問下囉, 問左之後佢地問我送去邊, 咁我答佢hk東, 佢地就話ok, 同埋佢個價錢都係好合理, 因為唔過700蚊(一打).咁我就落order囉


    到左第二日, 即係情人節果日, 我女友大約2點幾就收到花, 我女友同我講, 佢話d花開得好靚, 同埋包裝都好靚~


    我想講既係, 上網定花真係好無保障, 同埋又無辨睇, 另外既就係有d花鋪唔會好早收架, 所以如果有心下年送花俾女友or老婆既, 大可以行下cwb一帶, 真係可能有意外收獲架~



  • Pointer Marketing & Exhibition Co. Ltd.


    龐達市場推廣及展覽有限公司





    好明顯唔係一間花店名啦!





    我話佢本身唔係賣花, 係諗住情人節賺一筆。但由於經驗不足, 本身又唔係花店, 所以訂花都有困難, 包花同送花都請一日散工, 人地做一日半日, 做成點, 走左去, 都控制唔到。





    慘果 d 咪係買咗花既人囉! 真係好無良!



  • 會唔會係你條仔呃你


    佢根本就無order



  • 我都有諗, 佢可能呃我.. 但今日係其他討論區, 發現勁多人俾呢間嘢呃左


    仲話一齊去報警, 加起來, 我諗至少有三百人, 因為呢間嘢係用唔同名, 做左幾個網站來呃人(eg.星晨, 浪x花店, easy flower等等)...





    我男友俾埋佢入數紙我睇, 係唔係呃我, 因為佢後來係五點幾自己再買左紮來我公司扮送花工人....



  • 好似上年都有單又係咁既事發生



  • 買乜春野花呀, 成班 on 9, 折現食飯好過啦.



  • 買乜春野花呀, 成班 on 9, 折現食飯好過啦.


    by * - 02/16/07 09:38





    趁春節買下花都唔俾咩.....唔通清明至買呀????