我覺得男朋友思想上好大距離,同佢溝通唔到.即使我同佢晚晚傾好多心事,好坦白咁講曬我ge感受想法俾佢聽,但原來好多野佢根本唔明...好氣餒...係咪我要求太高,根本唔應該expect男朋友會好似朋友咁明白自己?





  • 佢真唔明?


    明知做唔到扮唔明都得!


    又或者唔想做扮唔明又得!



  • 其實一對情侶相處, 下下攞曬自己感受, 諗法出黎講未必好, 因為有時兩個人相處, 只需兩個人開心, 例如哈哈笑既野, 工作上攪笑野, 兩個人串串下, 講下笑又一日, 下下淨係自己講, 無理佢明唔明, 淨係想佢明, 唔係叫溝通呀! 想法及感受只需要好間唔中無咩做既夜晚傾計咁傾就可以喇! 你都唔可以一晚背熟曬一本書既內容啦! 了解係要慢慢, 當然要有心啦



  • 我都有同佢講好多日常生活ge趣事


    但一講到正經d ge相處問題, 佢就靜曬....


    有時問返佢覺得點, 佢又無野講, 好似得我一個講咁......可能我真係push得佢太緊要





    但有時我會覺得好累....


    好似得我單方面經營緊段關係咁......



  • 男人某程度上個mind真係唔同女人,所以要佢地明白你,基本上係難。佢地肯用心聽,有少少反應已經好好。所以唔好灰心拉!



  • RT,


    我都同你個case一樣,


    我都擔心係咪push得佢太緊,


    但作為情人, 或者終身伴侶, 唔係應該想大家在心靈上也溝通到嗎?


    或許soul-mate真是可遇不可求



  • 男人放工返屋企真係好想relax一下, 唔想講太多正經事, 除非佢自己講先! 我都唔鍾意將公司發生既事一五一十講比男友聽! 除非有好嬲既野我先會同佢呻, 但唔會叫佢比意見或問佢點諗, 有時佢都會自己講d意見! 但多數聽多過講囉! 成日講的話, 男友會覺得我好八架! 唔好令自己不知不覺中做咗長舌婦呀



  • 唔可以講話只有你單方面經營呢段關係, 只係大家抱持既態度唔同, 你話佢唔明, 但有冇諗過, 佢都可能會認為你唔明白佢?


    感情遊戲好多時講感覺, 但認真相處, 你會發現, 去 "了解", "關心", "接受" 對方, 先有機會將兩個心拉埋, 如果只係不斷要求對方要滿足你既想法, 倒不如早點放生佢.


Log in to reply