想問吓返office 工既姊妹們: 明天情人節大家有冇壓力? 係咪真係會鬥有冇花收? 冇花收會覺得好瘀? office 環境就係咁?





  • 我打過兩份工做左三年野,過去三年都未見過咁既現像,我覺得係d報紙誇大姐,同埋呢個網d廢男無事生非老作姐



  • 我結左婚,


    但係打左十幾年工, 最少轉過六七份工, 我都未見過女同事之間要鬥有花收, 反而大家驚訝一聲, "��, 有花? / 咁大束花?


    我覺得要鬥有花收, 呢啲女人都幾八婆格


    你唔係咁慘, 遇倒咁既德性女子呀?



  • 係啦, 我以前做過3份工, 返office, 都冇呢個現像, 同平日一樣, 有都係一兩紥/ 幾紥, d 女仔都係好低調收埋, 最記得係我ex -boss 送全office 女性(下至tea lady) 一人一枝玫瑰





    我過既office 情人節就係咁樣, 所以我先覺得報紙傳媒報導既好誇, 先想問吓大家, 你地office 係咪咁?



  • 我冇壓力喎.. 因公司得我一個女仔


    上年男友送左扎花黎, 返而覺得唔知點咁tim



  • 我以前咁多公司都無類似情況.... 但係有D女仔有心結, 竟然自己買花送比自己...





    如果我男朋友真係o係情人節送花到公司, 一定比我話佢浪費lor....


    好好地比多咁多錢, 寧願佢儲埋啦....




  • by 唔係嘛 - 02/13/07 11:53


    同意





    係囉, 我覺得係電視電影情節誇大, 無聊男子係度造謠生事




  • 我公司好多女人0家,不過上年都係得一個收到花,平時反而同事生日會收到花tim





    無咩所謂啦,我係女0既,都叫男友唔好係情人節送,係都生日呀,紀念日送抵好多



  • 反而有花收果個人最尷尬,因為d同事會鬼叫,所以有花收果d成日都靜雞雞收埋束花。做過幾間都係咁。



  • 我都做過5間公司, 都冇呢個現像, 一般都係得一兩個同事收花, 但都好低調, 而家呢間做左幾年都未見過有同事收花 (全部都結左婚/拍緊拖), 佢地話寧願儲起d錢或者去食餐好少少既好過.




  • (唔係嘈交)咁點解花店咁好生意既?今日聽電台,有花店老板話D花比平時貴幾成,但已比人訂哂。係米D男仔多數放工先送花比女仔,所以你地見唔到呀?




  • 哦,咁米係囉,我都見放工後有男仔拿住扎花,所以就係話咩係office鬥收花既現像係呢個網度既人誇大來講囉



  • 我上個星期有一晚搭車聽到我後面年青西裝友同人傾電話, 有關點同女友過情人節, 話會同女友sunday食左飯先, 摘錄如下:

















    究竟咁諗有幾普遍?





    令我諗起近日電視Mabelle Leo Diamond個廣告











    好似d價值觀歪曲哂



  • 我公司無呢樣野架喎


    平日開心都唔使嚮一日show比人睇啦


    其實送唔送花係兩個人相處方式


    係d無自信既人先會咁在意人有佢無



  • 我都覺得果個廣告影cheap左女人,有好多人結婚都唔會有求婚呢個環節,仲要話要閃d喎,我相信絕大多數女人唔會咁樣,真係冤枉



  • 咁鬼商業化


    都唔明d人係要比人牽住鼻走


    自己同伴侶感情好唔好唔知架咩


    要咁樣黎証明?




  • 唔明有咩好鬥


    我覺得情人節收花好浪費金錢




  • 我相信絕大多數女人唔會咁樣,真係冤枉





    by michaelfire - 02/13/07 12:55





    係呀, 仲有office 鬥鑽石嗰條片, 唉, 整到女人既形像愛虛榮愛鬥靚, 真冤枉



  • 我都覺得果個廣告影cheap左女人,有好多人結婚都唔會有求婚呢個環節,仲要話要閃d喎,我相信絕大多數女人唔會咁樣,真係冤枉


    by michaelfire - 02/13/07 12:55





    我反而覺得男人睇完個廣告有壓力,係男人想聚老婆都係因為鐘意佢,想佢開心,咁就算老婆話唔洗買咁貴,但如果社會價值觀好似個廣告咁,咁送得普通既怕老婆聽到閒話唔開心,但送閃D即係送貴D,一卡純美鑽都要4-7萬,1.5卡或以上更貴,不過好多人結婚已有禮金、擺酒、渡密月、供樓、開始自己比水電煤、管理費、物業稅等開支,一般打工仔再要預幾萬(至十幾萬)買「閃D」既鑽石真係幾吃力,冇忘記一般打工仔月入只係1-3萬(香港月入中位數係1萬,後生2、30歲既月入中位數相信唔會高太多,1-3萬好普遍)。




  • 俗d講句,如果係闊太唔駛做就話,打工仔戴粒咁閃咪又係做到隻蟹咁…



  • 有無壓力係睇你未來老婆係咩人啦,如果佢睇完個廣告就要你買閃d,咁你一係米鬼娶囉,你又話就算你老婆叫你唔洗買,你都要跟風既話,咁係你自己有問題啦,千其唔好學似呢度d港男咁又賴落女人度呀



  • "咁送得普通既怕老婆聽到閒話唔開心"





    有無咁誇呀?邊個得閒講呢d閒話呀,你老婆身邊好多咁既八婆咩?我覺得係你唸多左



  • 我都係拍緊拖


    我意見係....


    唔主張男友送花, 因為太貴, 不如拿d錢去食餐飯咪仲實際, 花...會謝, 飯...食左落肚就係自己, 真係唔值得去買個虛榮。





    曾經有一年情人節


    岩岩同男友散左, 我有個好朋友佢可能見我慘, 冇人陪又要自己一個人過


    佢用佢名義送左札花去我寫字樓, 咁岩我個日遲到, 有同事代我收花...我返到公司, 見到札花呆左, 冇card又冇下款, 根本唔知邊個送, 跟住有個同事埋黎同我講 : 你個x小姐朋友真有你心, 送札花比你....我百思不得其解問佢點解知我朋友送, 佢話因為佢收花時見到張單寫住...訂花人係x小姐...


    我個刻真係有d尷尬又有d感動...



  • 男人求婚時, 只要誠意+ 自信



  • 我就唔會咁笨啦,14號扎花行行地都幾百,仲要鬥喎,$$黎架,我情願節現or搵日食左佢好過啦


Log in to reply