朋友聚會只會帶自己女友來, 工作環境又識唔到女友, 想識女仔真係網上比較容易, 但係又最難令人安心......
-
你而家讀緊咩? 其實我一路以黎都無進修, 我會考成績又唔好, 近排又成日轉工, 真係驚遲d老左無人請呀...但我又驚自己讀書唔捱得辛苦, 讀到一半唔讀, 到時又side $, 又無cert 就死。所以我就睇下你而家有無讀下書, 講下心得咁囉....
而家份工返左個黎月, 有時係公司對我上司既無理要求會露出d不悅既神情, 同埋響佢面前都會有d激氣, 但係唸番轉頭, 就會覺得自己唔岩, 因為我始終係做細果個同埋probation 都未過, 就咁惡, 好似唔係咁好, 我都驚佢會唔加我人工或者唔比我過probation 呀, 始終我唔做好過佢覺得我唔適合嘛...
今朝收到個消息, 我有個由細玩到大既朋友結婚喇, 搵我做姊妹, 其實替佢開心, 但聽完後自己都有d壓力, 因為我連男朋友都未有呀, 唉, 有d灰, 但我知有d野唔係急, 想要就有....算啦, 聽天由命, 姻緣天注定, 我希望呢句說話係真。
我今朝都有聽我朋友講呢單新聞, 其實呢個話題都講左幾年, 算啦, 呢d野唔到我地控制。如果真係無拖拍, 我希望可以有多d朋友, 朋友好緊要, 開心唔開心最緊要有人陪, 有朋友就開心..
-
我考試成績一樣係好差, 果陣知咁樣出來一定搵唔到好工, 就去讀左個diploma, 然後就入左I.T.呢行, 以前對學歷唔算太著重, 而家周街都係大學生, 不過我有咁多年經驗, 呢個位就一定守得住......果年我希望將來同女友生活得好d, 要提升下學歷, 就讀左呢個course, 而家都煙消雲散啦, 淨番呢幾個月, 我一定可畢到業o既~
non, 讀書o既o野係講妳有冇目標, 只要當妳想放棄時諗起呢個目標, 諗起花左咁多心機金錢, 就一定可以繼續落去~
-
non, 妳都幾惡喎, 記得第1份工我真係好似唯唯諾諾, 慌死留個壞印像俾老板, 後來就再冇呢枝歌唱, 做好本份, 顯露下能力, 固然佢搵個人代替我唔係咁難, 不過對一個有用o既員工, 老細都唔想轉來轉去, 唔需要太俾面佢, 唔過份就得啦
-
我又上來八下先
我都成30歲先失戀啦~~~要等自己復原,再重出江湖,怕且都一把年紀了
-
carcar
呢個就真係幫唔到你啦, 復原時間要睇自己放唔放得開, 如果自己根本冇俾機會其他人接近, 就唯有慢慢淡化心中o既執著啦
-
尋尋覓覓, 緣來緣去, 一切皆是命...
-
已經好努力地令自己復原的了~~~~
我都想快d好番架
-
所以我而家都要學習點樣可以想響發脾氣既時候, 收得住, 我覺得eq 高d, 人地都會鐘意你多d。
仙子,
你講既野都幾玄喎, 你一定有所經歷..
其實我而家都係復原中, 版主有一句好岩"如果自己根本冇俾機會其他人接近, 就唯有慢慢淡化心中o既執著啦", 我而家真係唔易再信人, 唯有慢慢淡化執著啦..carcar 一齊努力喇
-
今日係家庭日, 相信冇拍拖之後最大o既收穫係同家人o既感情變得更好, 以前實在太忽略親情, 好在而家都未算遲~~
今日去左恆香製餅廠, 新鮮出爐熱辣辣o既老婆餅真係好好食呀, 原來自己一直都冇去過嘉道理農場, 都幾多野睇喎^^
-
嘩,,,,,,,,,,
好玩嗎?
-
non, 大細心,細細心,
喂喂~你地好嗎?每日都為自己做d開心既事,雖然失去了一個曾經很close既人,但塞翁失馬,焉知非福?
non,
我會努力的呀
大細心
我一向都好重視家庭架....反而有時會ignore男朋友,我曾經被ex-bf埋怨過我,佢為我做咁多野,希望我開心,但我就成日為屋企搞到自己唔開心...........果時真係有d內疚
-
carcar
我同妳就真係完全相反啦, 我太重視愛情反而忽略左親情同友情, 人總係要跌倒先知咩最珍貴, 雖然愛情仍然係咁重要, 但係永遠在背後支撐o既一樣有親人同朋友呀
細細心
我覺得幾好玩呀, 好輕鬆, 又睇左好多動植物呀, 真係好耐冇去過呢類場所, 淨係想唱K睇戲加埋行山都係唔夠呀
-
hi大細心 ^^
-
hello, brownie, 今日冇出街玩咩?
-
無呀, 今日好悶呀, 朋友都約咗人唔得閑陪我 >.<
-
係呀, 我今日都幾好, 可以出去一日遊, 不過又冇哂人, 得我自己整左碟大雜燴炒丁, 勉強食得落肚啦
-
你一個人住ga??
-
唔係呀, 同家人一齊住, 佢地去左拜年呀, 淨番我1個
-
我都係, 對住電腦對住電視好悶呀.....
-
我冇睇電視呀, 係聽下歌, 睇下小說, 都唔算悶o既, 當係休息下囉, 1個人有1個人o既舒適, 當然成日都係咁就唔得啦
brownie係男定女呀? 冇拍拖咩?
-
hi
-
cc, hihi
-
有d 無聊所以入來~好彩有人 =)
-
我係女人仔, 無拍拖呀, 但係心裡有個掛住嘅人.......
-
hi brownie
-
brownie
有個掛住o既人幾好丫, 只係唔知係鍾意人又未表示, 抑或已成過去? 雖然係女仔, 都唔可以完全被動呀, 如果係過去式, 就希望妳可以放低啦
cc
做乜咁無聊呀, 今日冇出街咩?
-
電視無野睇所以無聊~
-
車...我都冇睇電視呀, 聽歌睇小說唔知幾舒服
-
hi cc,
逢星期六日嘅電視節目都好無聊 @@"
大細心,
算係已成過去la, 佢keep住搵我, 但係無可能一齊咁囉......... 其實有些放唔低, 一到寂寞嘅時候就會諗起佢.
-
brownie 係呀, 無野好睇~
大細心
睇緊咩小說 ?
-
brownie
咁要睇因乜事分開啦, 如果可以做到朋友就最好, 如果冇辦法一齊就灑脫d啦, 總可以淡忘o既, 時間一向係好有用o既藥方
-
cc
我睇緊網上小說呀, 1本歷史架空小說, 關於三國時期o既
-
網上小說 ?? 哈哈我唔知原來網上都有小說呢
-
cc
網上小說其實原本我都唔知, 最先係想查下衛斯理d資料, 查到個網上小說網站, 先發覺除左知名作家, 仲有好多人鍾意自己在網上發表文章, 有d仲可以出埋版呀, 其實好多都真係幾好睇ga, 而家我冇街去, 又冇野好做就會睇下網上小說
-
cc
唔傾住啦, 留個msn俾你先, 以後想傾偈就add我啦~~
[email protected]
-
你慢慢睇啦~
-
今日我問左自己1個問題, 如果可以回到那一刻, 你可以改變結果, 贏取幸福嗎?? 答案一早在心裡, 我做唔到~~
冰封三尺非一日之寒, 除非一開始我就懂得珍惜, 知道追求咩野, 否則......
-
條陳年老thread比你"chau"番出嚟﹗
講緊D咩﹖
-
hihi, 大細心你講咩?
-
apple
甚麼陳年老thread, non話一直幫我撐住ga
cc
哦, 今日有人add我, 總係講講下就問起以前d野, 我突然想起, 如果在分手那一刻, 我唔係咁樣反應, 我地可唔可以唔分開呢? 只係一時感觸, 其實我已經放低左啦
-
oic, 做咩咁感觸啊~
-
cc
佢問起我點解分手我先有少少感觸, 人總係失去才知道珍惜, 過去左啦, 應該冇咁易再犯呢個錯誤, 不過連拍拖都冇機會, 諗咁遠做咩丫
-
人都係咁, 有又唔珍惜, 無先黎後悔
-
呢個就真呀, 有d人可以做左就永冇後悔, 我做唔到, 我知道有好多決定我都未必係正確, 有時都會後悔, 而家只可以反思, 以後再遇到同樣情景唔會做錯, 只係事情又點會100%相同呢, 但求心安啦
-
我做決定前, 一定考慮得好清楚, 盡量唔會比自己後悔~無謂拖泥帶水嘛
-
但係有時思緒真係太混亂, 時間太短, 心情又太激動, 唉, 人地仲話我好冷靜甚至冷漠都適合形容我, 但只係因為果d事情我根本唔重視, 又點會有咩反應呢......
-
我訓喇, 下次傾, 88~
-
見到一篇文章, 佢話「女人最需要的,是自己能決定和主宰自己的生活方式。」我唔係女人, 唔可以話呢句說話對定錯, 不過呢句說話似乎更多男人正在奉行中~~
-
有個問題想問, 你地點分配時間拍拖呢? 平日見面多, 抑或星期六日見面多呢?
-