睇到好多男仔係咁諗送咩俾女朋友,又整乜又諗到時用咩方法去送,又諗去邊度食飯,其實我真係好羨慕果d 女朋友呀,,,我同bf 拍左3年,佢從來都無試過咁樣..我真係心淡..





  • 我知開呢個topic 實俾人鬧,

    要我唔好同人比較,

    但點解其他男仔真係肯為女朋友花咁多心思而我的他真係一次都無丫..



  • 很殘酷,但是事實, : 答案= 愛不夠

    愛力量係好神奇,可以拘除 疲累 ,病困, 情緒.

    可以令人經常保持心情榆快,

    也更常常想著點樣去 疼愛,對方.令對方有幸福感覺.



    一段關係, 要"相方"一起"同心"同步去付出,去灌溉. 如果只有你一方在跑. its time for 你該撿討問題是在那



  • yan,



    我又唔覺得佢唔愛你, 不過有d人唔係咁做出黎,只要係feel 到佢對你好就得啦



  • 咁問心果句, 你男友對你好唔好?



  • 我知開呢個topic 實俾人鬧,

    要我唔好同人比較,

    但點解其他男仔真係肯為女朋友花咁多心思而我的他真係一次都無丫..



    by yan - 02/10/07 00:44



    咁你又睇唔睇到其他男仔花心思外, 會唔會有其他地方比不上你男友(例如其他男仔可能不止對一個女仔花心思)? 你又睇唔睇到佢地既女友背後又做左D乜, 令佢地男友肯花咁多心思在佢地身上?



    我問你,如果你男友搵日同你講, 阿乜乜個女友煮埋飯俾佢帶返公司食, 阿物物個女友日日幫佢按摩, 阿邊個個女友又晚晚同佢研究床上新花式, 然後怪你比唔上佢地, 你會有咩感受?



  • 自私的人是冇可能得到幸福的!



    by 幸褔的人 - 02/10/07 04:24



  • 自私的人是冇可能得到幸福的!



    by 幸褔的人 - 02/10/07 04:24



  • 唔需要羨慕喎

    通常d 馬伕 or 呃女上床既人先會做得咁落力

    因為d 女蠢、易呃



  • 心咩淡丫, 個個男人性格都唔同, 有d木獨d, 有d有情趣d, 我果個都要年年講想要咩禮物佢先走去買, 情人節果日我地打算買外賣返屋企食, 可以陪下隻狗狗嘛! 又唔洗同人迫! 有時要個木獨d好過有情趣架, 因為佢咁有情趣好易比人搶走架! 男人唔洗靚仔有錢, 有把口就好易冧到女仔架喇



  • 都唔係好似亞籐咁講愛不夠∼ 

    真係每個人性格都唔同,但係bf係可以做得好多,去氹下你,但唔=佢唔做呢d野就=佢唔愛你.加上,拍拖趆耐個人就會變得趆懶,會覺得好多野都唔駛點做, 對方會明



  • 無����,無禮物之嘛. 八掛問下,咁你地這三年點樣過d特別日子?情人節/生日/聖誕節??佢係咪比較重視其他日子??



  • 我bf同你bf都一樣, 從來都唔會點做呢d野tum我.. 不過我同左佢一齊都6,7年, 都慣左! 因佢個人不嬲都係咁.. 冇得逼

    但你諗返, 如果佢平時都對你好, 咁就算啦! 起碼證明佢唔會係一個好花心既人囉!



  • 100% agree "little_dada"



  • 我男朋友都好似舊木咁,但係我d朋友個個都話佢對我好。例如佢響朋友面前好尊重我,我響度傾計佢會幫我夾"食送"、無茶主動幫手倒、上落車會扶我…俗d講,我放心帶佢出街唔會失禮我。



    有時唔係要做呢d o野先至叫愛你,一段關係要長,平日o既照顧緊要過一時驚喜,情人節點解一定要男仔做o野?日本果邊2月14日都係女仔做主動o架。



    同埋我家下都打算倒番轉買花俾男友,又如何呢?我覺得呢d日子大家hehe哈哈咪好,何必咁介懷?邊個得閒咪邊個搞下囉。



  • 我番來了,仲唔開心左,,

    講番先,呢幾年來我地節日都會一齊過,都係就咁食下野咁,無乜特別,我都同意大時大節2個人一齊過就得,其他野唔重要,但有時d 野真係一年一次點解佢都唔做?

    好似今年情人節,佢忙,乜都唔整都算,仲話可能一齊過唔到,我知如果佢有心過來同我食餐飯只係一個鐘啫,咁都唔肯,

    仲有我想回應"睇d 唔睇d",你以上所講的你估我無做咩,我都做曬咁滯,但佢仍然會將我同其他女仔俾,話人地點點點,但佢自己呢..

    平時佢對我好就得???但如果平時都唔係好呢?,,之前我都係忍,但今次我真係突然好心淡,我覺得自己好傻..



  • 佢唔做我咪自己整d 情趣野囉,

    但整完出來佢完全無反應,(送花,整旦糕),,,整朱古力一向話你整得唔好食可以成盒放向度話唔食就唔食,,

    向佢d態度我覺得佢覺得我做呢d野好無謂,好無聊,,我唔知來到呢刻我仲可以做咩..



  • 如果你覺得佢平時都對你唔係好, 就算佢情人節訂99支玫瑰俾你, 你都應該飛咗佢.



  • 細水長流, 先會長流不息架麻...



  • 一個人唔鍾意一樣o野,會放大佢所有唔好o既o野,相反亦然。



    我估你可能唔開心,所以不停咁放大佢o既缺點o黎睇。如果佢真係咁唔好,最初你又搵佢做男朋友?



    而且你地好幸福,我男朋友因為工作關係,唔好話大時大節,平日星期六日,我都好難先見到佢。所以我更珍惜兩個人相處時間。基本上我地無咩做,都係睇場戲,食餐飯,有時無乜錢,仲要走去佢屋企煮公仔麵,但係我都好開心。因為有時兩個人唔係一定要買好貴,食好貴先開心(當然有就開心),只要兩個人enjoy一齊o既時間,去邊度都無乜所謂。



  • sorry,,我而家越諗越唔開心,

    都係唔向度發言住,就好似"我都係"咁講,不停咁放大佢o既缺點o黎睇...



  • 男人唔洗靚仔有錢, 有把口就好易冧到女仔架喇



    by ShingShingCHU - 02/12/07 23:29



    good point





  • 一個平時對自己不錯的男朋友, 在大時大節的時候, 只是送上一張小小的心意咭, 女朋友已經很開心.



    一個平時對自己認為不大好的男朋友, 在大時大節的時候, 便很渴望他為自己做一點小事情而証明他是愛自己的. 例如送花.



    到底他愛不愛你, 你心裡面該有答案.





  • 我覺得男人對你好唔好, 睇平時就已經好足夠架啦! 以前我都會好似你咁樣咁, 但過左3,4年左右, 人大左就覺得呢d係好表面既野! 我可以大聲咁講, 我同bf一齊咁耐, 都未試過情人節食情人節餐架! 因兩個都覺得唔抵, 不過佢尋晚同我講話,

    bf: 而家香格裡拉仲有得book呀?

    我: 你想同我去食咩,

    bf: 都想呀, 不過要500幾蚊一個...

    我: 咁貴, 成千蚊一餐飯唔好啦.. (我地唔係大富大家)

    bf: 咁我煎牛扒畀你食啦! 最多買d靚d既扒啦

    我: 有愛心牛扒食都好, 我仲要有薯條架!



    以上既對話, 我已經覺得開心架啦!



  • little_dada

    你講得好o岩, 其實真係唔需要有花有鑽石有乜有乜, 如果我男朋友都好似你男朋友咁, 花小小心思, 就算佢只係親手畫張咭比我, 我已經好開心, 什麼都已經足夠了.

    不過我果個, 頭一年佢真係有送花比我架, 跟住第二年因為去旅行用左好多錢, 我都唔想佢送了, 但今年佢就什麼都沒有唸過喇, 我講笑咁話花花好靚呀, 佢過幾日同我講, d花咁費, 不如買個電話比你好過啦, 但得過講字咋喎, 我知佢咩都無買, 亦都無唸過有d咩節目, 唉, 我好悶呀, 其實之前同佢分過手架喇, 響呢段期間都有一兩個男仔想追我, 跟住因為唔捨得又響返埋一齊, 但都沒有什麼改進, 如果再係咁落去, 好似上面有人講, 我都唔知係唔係真係佢根本唔夠愛我, 為佢做咁多野都無用, 而家都好煩, 都唔知同佢一齊咁落去好定發展新開始好



  • 你同bf一齊幾耐呀? 你係咪仲好細呀? 你呢d諗法我以前都會諗... 諗住自己對佢咁好, 點解佢唔會好似我咁呢... 係咪佢唔愛我... 佢好似唔緊我咁... 等等 呢d野!

    但我自己諗真d, 好似我bf咁, 佢個人性格本身真係咁, 唔好話我既野, 佢連自己既野都成日唔記得, 要我好似私人秘書咁幫佢... 所以我會諗, 佢根本就係一個冇情趣既人黎既! 永遠生日等都係我諗去邊度食, 我以前都有試過問佢, 叫佢不如你諗下同我去邊度食啦.. 佢好搞笑咁答返我, "我以前都唔識週圍食野既, 食過d好野基本上都係你帶我去食架咋麻... 你叫我諗, 咁就去返你上次同我生日去個間食buffet啦!" 聽完又覺得搞笑又覺得吹脹



  • 今年係我同佢第三個情人節喇, 我三十歲架喇.

    不過講真佢真係你bf果種人囉, 我都有好努力咁同自已講佢就係d咁既人, 不過真係feel唔倒佢好緊張我, 點樣可以好似係咁開心呢



  • 頭一年佢真係有送花比我架, 跟住第二年因為去旅行用左好多錢



    睇下我啦喎!(以下全部時間佢都要返工,所以係2月13日)

    第一年,食o左餐lunch,跟住送o左條手鍊同埋頸鍊俾我

    第二年,送o左隻情侶戒指俾我,同埋有盆假花

    第三年,無送o野。

    今年,夜晚同佢屋企人食飯,明日我話等埋佢放工食飯,佢都係話響佢返工附近食飯。



    如果依你情況…我咪要跳樓?有時唔好咁介懷一日半日表現。



  • 講少樣,除o左果盆假花,拍拖咁耐,乜花都無送過,佢同我講話求婚先送喎!車!佢都儲唔到錢,咪即係唔駛送。



  • 係架.. 對住呢類人, 你真係好難會feel到佢對你點有幾緊張你架...

    我自己都係憑住平時一齊傾計講既野, 佢d態度... 因佢係4-5年前係一個非常大皮氣既人, 我都唔係好架啦, 我係好小姐皮氣.. 以前兩個成日都嘈交, 分手都講過幾次, 但都分唔成.. 而家佢d皮氣, 好明顯係因為我, 佢已經改左好多好多... 所以我自己會諗, 如果佢唔錫我唔愛我, 就會改咁多啦! (雖然好肉麻, 千祈唔好嘔) 仲有佢以前唔會係人面前佢我做"老婆" (只會自己係屋叫) 近呢一,兩年, 都有聽佢係人前人後咁叫, 雖然有時講得好樣衰 (因為佢會講d衰野, 如我老婆好蠢, 對唔住老婆大人) 但係聽到佢講呢兩個字, 某程度上我覺得好似證明左我個地位咁.. 所以都開心

    仲有佢每晚訓覺都要一齊上床訓架, 佢點都要我等埋佢, 訓既時候, 佢一定要我攬住佢, 一係就兩個攬住一陣先會訓, 最起碼都要拖住手訓



    所以憑呢d, 我會認為佢真係愛我先會咁囉...



  • little_dada

    咁淨係平時你地既相處, 都已經唔洗講野啦



    講要一齊先訓, 有時我響佢屋企, 我要訓覺, 佢仲掛住打機呀!



  • 太過拘泥於表面既野, 唔多好

    佢對你好唔好, 愛唔愛你, 唔係要睇情人節既表現, 如果佢一年只布有情人節, 你生日先對你好, 你要嗎



  • 板主, 我同你一樣, 但唔好唔開心啦~

    其實只要兩個人一齊係開心, 理得佢有冇禮物喎。

    我個男朋友, 係勁冇心思, 冇情趣ge人, 唔好話情人節, 佢連我生日, 聖誕節都冇禮物, 初初我都有d失望同唔開心ga, 但諗真d, 佢性格係咁, 我如果愛佢就要接受。總之, 佢係愛我咪得law。



    聽日情人節, 我知佢一定冇準備禮物架, 但大家一齊開開心心食餐飯, 都好開心啦。



  • 佢唔做我咪自己整d 情趣野囉,

    但整完出來佢完全無反應,(送花,整旦糕),,,整朱古力一向話你整得唔好食可以成盒放向度話唔食就唔食,,

    向佢d態度我覺得佢覺得我做呢d野好無謂,好無聊,,我唔知來到呢刻我仲可以做咩..



    by yan - 02/13/07 11:40



    咁又真係直左d,不過佢是否一向都係d實際木獨型男人?



  • 有人話

    好多男仔係咁諗送咩俾女朋友,又整乜又諗用咩方法去送,又諗去邊度食飯

    但另一方面,又有人話

    佢男朋友無心思,乜都唔搞



    咁其實係

    好多男仔好有心思搞

    定係

    好多男仔都無心思,乜都唔搞?


Log in to reply