需要大人們的意見...感激不盡...我用謊言得到我現任的bf...





  • 我一個月前於一個X'MAS PARTY識到現在的bf...但他只有17歲,我21歲...當時我說謊說自己只係讀f.4(因為一副娃娃臉他沒有懷疑)...後來我們在一起,但是...我越來越喜歡與他在一起,但成日都要返工扮返學,上班族扮學生,真的很辛苦...





    我覺得我向他剖白的話他一定會勁生氣的,因為他是正經的那種人...





    但又想這段感情可以維持下去...怎麼辦?很內疚很內疚



  • 快快坦白...還有希望...否則...no way



  • 梗係講啦, 其實應該得手後即講, 越拖得耐分手機會越大呀



  • 唉...點算......


    佢點都諗唔到我大過佢咁多...4年...好難接受吧...(佢阿哥都仲細過我幾個月)


    最驚的係,我向佢剖白謊言之後,我驚佢會覺得我對佢的愛都係假的......T_T





    事實上,我真的很喜歡他,真的好想一直都與他在一起



  • 預期俾佢發現, 不如自首啦......


    兩者相處, 在乎坦白...





    不過我有興趣你點呃佢呀? 平時4-5點個d時間點算...佢放左學唔會搵你既咩? 你又未放工...如果佢搵你個陣點算呀?



  • 唔係我講衰野...不過差4年真係好難攪, 仲要係青春期黎講, 女仔既思想比男仔大幾年...



  • 我大過bf 6年,但我騙他是4年,一起大半年了,雖然知道他很愛我,就算我坦白他也不會因此而捨棄我,但就是沒有勇氣說出來,你大他四年其實不算多啦,我也後悔當初貪得意講大話,其實就算他知道我大他6年,他還是會喜歡我的,可惜現在我已經很難落台了,真煩惱呀,只怪自己羅來衰囉



  • 我好明白你既心情,我比你更嚴重,為左得到男朋友既喜愛,我經常講大話,用十個大話去kum一個,好辛苦,但無辦法,我太自卑,太在意人地對我的看法,唔想比人知道真正既自己係點,如果我改唔到的話,我唸我呢世都會係擔警受怕中度過,千其唔好學我咁,講大話有時會停唔到架



  • (真的好想一直都與他在一起)


    識了很短日子,你太武斷了



  • 成日講大話會快d老, 白頭髮都出多d.



  • 叫妳同bf坦白我諗妳依家一定做唔到喇,妳亦都無勇氣去講,惟一方法就係妳盡量想辦法令他愛妳,佢愈愛妳就愈容易原諒妳!當到達適當時候妳就慢慢試探式同妳bf講妳既年紀,如果佢真係愛妳應該會接受妳曾經呃佢,不過妳要有心理準備呢段時間妳會好辛苦。



  • 好多謝你地各位啊睇完大家的勸勉,我都算清晰左D,謝謝大家帶給我這麼多安慰!!





    同路人:


    很開心大家都是同樣經歷^^" 但你都唔算講得大啦
    我直情係講到大個佢4年變同佢同年!!不如你地都好耐啦~真的太好





    mac:


    你個方法好醒!!也很貼心說~~很謝謝喔~


    或許這對猶豫不決的我來說是最有用的



  • 叫妳同bf坦白我諗妳依家一定做唔到喇,妳亦都無勇氣去講,惟一方法就係妳盡量想辦法令他愛妳,佢愈愛妳就愈容易原諒妳!當到達適當時候妳就慢慢試探式同妳bf講妳既年紀,如果佢真係愛妳應該會接受妳曾經呃佢,不過妳要有心理準備呢段時間妳會好辛苦。





    by mac - 01/30/07 10:32





    我而家都係用呢個辦法,希望我同男友關係會去到分唔開既地步,如果他愛我愛到無論任何原因 (當然不包括不忠)也要愛下去的話,這小小的大話他就不會放在心裡了吧,而且我是因為怕失去他才一直不敢坦白的,我想他應該會明白的。有時我唸,可能女人自己太在意年齡的問題,會唔會男人其實無咩所謂呢?可能講出來佢只會覺得我做左件很無聊的事罷了



  • nacay





    你點講呀 ??? 佢會信咩 ??








    大話妹.





    你講左d咩大話 ?



  • 多不勝數,不單對我男友,對我周圍所有的人,包括親人,我也時常是一半真一半假,好似由中學開始我就變成咁,果時父母經常大吵大鬧,四分五裂,親戚又唔鐘意我,我唔敢比人知道我的家庭係咁差,成日都扮開心,於是講大話講上癮,而家為左d無無聊聊既事都會作一餐,有時報喜不報憂,有時係推卸責任,有時係美化自己,無著數都講一餐架



  • 點解唔直接同個男仔講,話果日呃佢讀F4係冇心講笑.....遲早都會比佢知,早好過遲,同埋由妳親口講好過佢自己懷疑再發覺啦,大佢4年好小事啫



  • 同我算命的話我雖然唔會有咩大獲野發生,但我成世都會勞心累心,真係講中左,講假話真的好累心



  • 其實好多男仔反而鐘意大過自己嘅女仔啫!4年都唔算多





    你越早自首你講嘅大話就越少,你自己諗吓啦 =)



  • 有個男性朋友同我講過,佢同一個大過佢7年既女子相戀過,佢好愛果個女仔,個女仔後來跟左個年紀大既男人,飛左我朋友,我朋友話個女仔話自己大過佢5年,但我朋友偷睇過佢張ID card,知道其實係7年,我朋友都無踢爆過,仲係好愛個女仔,佢講番出來仲係講笑咁講,真係無介意過呢小小的大話,因為知道當時個女仔係因為鐘意佢先咁講既



  • 如果你確定男友真的很愛你,可以搵幾次扮唔覺意比佢知道你喊,好唔開心,佢實會緊張問你,然後你米話驚會失去佢,驚佢唔要你,佢實心軟,然後米講囉,佢既反應多數會係:傻豬,咁咋,點會唔要你呀,好小事姐,最緊要你對我既愛係真既就得啦



  • 想當年我gf都呃我年齡


    雖然比實際相差一年


    不過我覺得冇問題..鍾意一個人唔係在乎年齡..何況...可能板主男友就係鍾意成熟d既女仔呢..如果係想一齊既..快快担白



  • 同路人





    如果妳瞭解男人的心態就唔需要擔心年紀呢個問題!最重要妳愛得夠真,呃有好多種,有善意同惡意既,年紀只不過是小問題,大多歲男人都唔會太介意,好好去愛妳男友啦。





    大話妹





    我諗妳鐘意講大話好大可能係妳出於自保,希望得到其他人肯定妳的全在價值!但妳小心就係有時連自已都呃埋,變得做人都好唔真實。





    仲有妳以上所講是否又是大話!!!



  • 老土建議既建議又真係幾老土


    不過應該好岩用同好實用..哈


    女人對付男人最佳既武器--眼淚



  • Yan





    你可以同個男友解釋,話你初初識佢既時候,一時貪得意話自己係F4,


    目的係想睇下佢看唔看得出你唔係咁細,點知佢睇唔到,令到你好開心。





    但依家一齊耐左,唔講真相就唔好,所以要話俾佢知,


    又話你唔係想呃佢,初初只不過係想玩下扮讀書,咁咁咁………




  • 其實丫...當日X'MAS PARTY呢......全部都係D十幾歲的人參加...而佢當日只係mark左我一個女仔(佢話佢全日都冇同過女仔傾偈,我是第一個)...如果當時我話比佢聽「我大你4年架」我諗佢就唔駛浪費時間係我度,佢可以搵個登對d的女仔一齊......T.T





    之為果日識佢之前呢...已經有5,6個男仔本來都想同我做fd,但一知道我大過佢地即刻唔理我......(亦因如此他問到時,當時心裡一時不甘便自動說了「f.4」) ......





    其他人都係咁,所以我都幾驚佢會介意呢個問題啊



  • 當佢愛上左你,就唔同講法,正如我個男性朋友咁,佢都估細左佢女友既年紀,佢女友亦隱暪真實年齡,但佢知道後一d都無介意



  • 其實版主掉轉諗下, 你一路以為你男友大個你同做緊野, 特然間佢同你講佢細過你4年同埋讀緊書. 比你會咩反應???基本上一段感情根本就唔應該由講大話開始.





    X-mas離而家只係一個月到, 會有幾愛ar?



  • 男仔17, 一定唔會同你黎真, 咪玩下law





    你諗得太長遠係無謂



  • 男仔17, 一定唔會同你黎真, 咪玩下law





    你諗得太長遠係無謂





    by takeiteasy - 01/30/07 12:36





    如果個男仔係玩下,佢更加唔會在意你大過佢幾年,同個靚姐姐拍下拖幾好呀,好過同d滿面暗倉既靚妹仔啦。



  • 陌生人,


    哈哈~謝謝你~~


    我一點也不美說~~



  • 都唔太緊要既...不過一早比佢知道會好d,睇佢而家咁鍾意你當初就算知你咁大都應該唔太介意既...just a white lie,比起本身有bf仲騙住人好好多...





    但4年真係一個幾大的差距,你地相處溝通有冇呢方面的問題?



  • 另外同意陌生人的說法





    有愛的話,有好多問題都可以解決到


Log in to reply